A je tunduar ndonjëherë ta pyetësh veten gjatë situatave shqetësuese, të padrejta ose të vështira nëse Perëndia kujdeset për ty? Letra e Palit drejtuar shenjtorëve në Romë, disa prej të cilëve duruan sprova të tmerrshme, përfshin një mesazh ngushëllues për këdo që vuan. Ky mësim mund të të ndihmojë të ndiesh shpresë dhe ngushëllim nëpërmjet dashurisë së Atit Qiellor dhe Jezu Krishtit teksa përballesh me sprova dhe pasiguri.
Të mësuarit e ungjillit është një veprimtari e përqendruar te shtëpia. Kërkoni mundësi për t’i nxitur nxënësit t’ua tregojnë atë që përjetojnë në seminar, familjeve të tyre dhe t’ua tregojnë atë që mësojnë në shtëpi, shokëve të tyre të klasës.
Përgatitja e nxënësve: Ftojini nxënësit të bëjnë diçka për një pjesëtar të familjes që e tregon dashurinë e tyre nëpërmjet veprimeve dhe jo fjalëve dhe të jenë të përgatitur ta tregojnë atë që mësuan nga kjo përvojë.
Veprimtari të Mundshme të të Mësuarit
Çfarë do të rekomandoje?
Mendo për atë që mund të sugjeronte një mjek për të ndihmuar në kushtet vijuese:
Merreni parasysh t’i ftoni nxënësit të sugjerojnë atë që mund të rekomandonin po të ishin mjeku. Vullnetarë mund të ftohen përpara klasës dhe t’u jepet një letër me një sëmundje fizike të zakonshme siç janë ato të renditura më poshtë. Secili mund të përshkruajë sëmundjen e vet dhe të kërkojë disa këshilla të shkurtra se si ta trajtojë gjendjen e tij ose të saj.
Gastroenterititi viral [Bark e të vjella]
Thyerje e gishtit të madh të këmbës
Dhimbje koke nga migrena
Ftohje
Përgjigjju pyetjeve vijuese:
Çfarë këshille e veçantë mund të jepet për secilën nga ato gjendje?
Cila këshillë e përgjithshme mund të ndihmojë në trajtimin e të gjitha atyre gjendjeve?
Sigurisht, jo të gjitha sprovat kanë natyrë fizike. Shumë njerëz durojnë sfida mendore, emocionale dhe shpirtërore. Shpëtimtari ynë e di se si ta ndihmojë dhe forcojë secilin prej nesh, pavarësisht se çfarë na mundon. Ndërkohë që sprovat e çdo personi janë unike, Perëndia na ka mësuar të vërteta të përjetshme që mund të na ndihmojnë dhe ngushëllojnë në çdo situatë të vështirë.Në ditarin tënd të studimit bëj një listë të shkurtër të sprovave për të cilat ti ose njerëzit e dashur do të donin ndihmë.
Merreni parasysh të shpërndani copa letre dhe ta ftoni çdo nxënës të shkruajë në mënyrë anonime një sprovë që ai ose një njeri i dashur është duke kaluar. Informojini nxënësit që ajo që ata shkruajnë, mund t’i tregohet në mënyrë anonime klasës. Mblidhini letrat, lexojini në heshtje dhe shkruani në tabelë disa sprova të ndryshme të cilat janë më të rëndësishmet – veçanërisht ato që u përmendën nga më shumë se një nxënës/e. Referojini nxënësit te kjo listë ndërsa i përgjigjen pyetjes vijuese dhe në kohë të përshtatshme gjatë gjithë mësimit.
Çfarë di ti tashmë për Atin Qiellor, Jezu Krishtin dhe planin e shpëtimit që të ndihmon lidhur me këto sprova? Si të ka ndihmuar ajo njohuri?
Ndërkohë që dëshmia jote nuk e minimizon realitetin, dhimbjen ose vështirësinë e sprovave që ti ose njerëzit e tu të dashur përjetoni, ajo mund të ofrojë shpresë, ngushëllim dhe një këndvështrim të përjetshëm gjatë atyre sprovave.
Merreni parasysh t’i paraqitni referencat vijuese të shkrimeve të shenjta.
Vetëm pak vite pasi Pali ua dërgoi letrën e tij romakëve, shenjtorët në Romë vuajtën përndjekje të llahtarshme. Lexo te Romakëve 8:18, 24–25, 28, 31–39 dhe shenjo çdo frazë që ti beson se mund ta ndihmojë apo ngushëllojë dikë, pavarësisht nga mundimet e tij/saj të veçanta.
Ftojini nxënësit ta përfundojnë veprimtarinë e mëposhtme në ditarët e tyre të studimit.
Shenjo një frazë nga këto vargje që të la mbresa. Përse e zgjodhe atë frazë?
Në këtë pikë të mësimit ftojini disa nxënës që të tregojnë frazën që shenjuan. Ndërsa e tregojnë, merreni parasysh ta drejtoni vëmendjen në sprova të veçanta nga lista në tabelë dhe t’u kërkoni atyre të shpjegojnë se si të vërtetat që përmban fraza që ata përcaktuan, mund ta ndihmojnë dhe ngushëllojnë dikë në atë situatë të veçantë.
Mbaj shënim se si njohja e të vërtetave që jepen mësim në atë frazë, mund të të ndihmojë ty dhe njerëzit e tu të dashur lidhur me disa nga mundimet e tua të veçanta.
Merre parasysh ta mësosh përmendsh frazën që zgjodhe. Ti mund të krijosh edhe një kujtues të përditshëm të kësaj fraze në një pajisje elektronike ose ta shkruash atë dhe ta vendosësh aty ku do ta shohësh çdo ditë për disa ditë radhazi.
Pjesa vijuese e mësimit përqendrohet në një frazë që gjendet te Romakëve 8:39 . Jeni të lirë të përqendroheni në një ose më shumë fraza apo të vërteta të ndryshme që u dhanë mësim te Romakëve 8 , nëse ato janë më të rëndësishme për nxënësit.
Dashuria e Atit Qiellor dhe e Jezu Krishtit
Përpara se ta tregoni të vërtetën në vijim, ftojini nxënësit që e përfunduan sugjerimin te përgatitja e nxënësve, të tregojnë atë që bënë për t’ia shfaqur dashurinë e tyre dikujt.
Një nga frazat që ti mund të kesh shenjuar në këto vargje, na mëson të vërtetën që “[asgjë nuk mund] të na ndajë nga dashuria e Perëndisë” ( Romakëve 8:39).
Ati Qiellor dhe Jezu Krishti duan që ti ta dish se Ata të duan. Ata e tregojnë atë dashuri nëpërmjet veprimeve dhe fjalëve.
Sipas Romakëve 8:32 , çfarë bëri Ati Qiellor për të të treguar se të do?
Lexo fragmentin e zotërimit doktrinor që gjendet te Gjoni 3:16 , dhe vër re se çfarë mësimi dha Shpëtimtari rreth arsyes përse Ati Qiellor e dërgoi Birin e Tij në tokë. Mund të duash ta shenjosh si referencë kryq ose ta lidhësh këtë fragment me vargun te Romakëve 8:32 .
Për t’i ndihmuar nxënësit ta ndiejnë Frymën e Shenjtë që u dëshmon për dashurinë e Perëndisë, merreni parasysh t’i ftoni ata të këndojnë ose të dëgjojnë këngën e Fillores “Ai Dërgoi Birin e Tij” (Libri i Këngëve të Fëmijëve, f. 20–21).
Kur e ke ndier dashurinë e Atit Qiellor dhe të Jezu Krishtit në jetën tënde? Si të ka ndihmuar dashuria e Tyre përmes mundimeve?
Merreni parasysh të tregoni një shembull vetjak të mënyrës se si të kuptuarit e dashurisë së Perëndisë të ka ndihmuar gjatë kohëve të fatkeqësisë.
Në ditarin tënd të studimit, mbaj shënim atë që ke mësuar sot rreth Atit Qiellor dhe Jezu Krishtit, që dëshiron ta mbash mend. Ti mund të marrësh parasysh gjithashtu të shkruash një shënim dhe t’ia japësh atë një pjesëtari të familjes ose një shoku apo shoqeje që mund të ketë dobi nga diçka që ti mësove ose ndjeve sot.
Komente dhe Informacion për Rrethanat
Çfarë do të thotë që vuajtjet që ne përjetojmë në tokë, “nuk vlejnë aspak të krahasohen me lavdinë që do të shfaqet në ne”? ( Romakëve 8:18)
Motra Linda S. Rivs, ish‑Këshilltare e Dytë në Presidencën e Përgjithshme të Shoqatës së Ndihmës, dha mësim:
Pamja
Official portrait of Linda S. Reeves, sustained at the April 2012 general conference as second counselor in the Relief Society general presidency, October 2012. Released April 2017 General Conference.
“Unë nuk e di pse i kemi sprovat e shumta që kemi, por ndjesia ime vetjake është, motra, që shpërblimi është kaq i madh, kaq i përhershëm dhe i përjetshëm, kaq i gëzueshëm dhe përtej kuptueshmërisë tonë saqë në ditën e shpërblimit, ne mund të ndiejmë t’i themi Atit tonë të dashur e të mëshirshëm: ‘A ishte kjo gjithçka që kërkohej?’ Unë besoj se, nëse do të mund ta kujtonim dhe dallonim çdo ditë thellësinë e dashurisë që Ati ynë Qiellor dhe Shpëtimtari kanë për ne, ne do të ishim të gatsh[ëm] të bënim gjithçka që Ata do të kërkonin që të ishim sërish në praninë e Tyre, të rrethuar përjetësisht nga dashuria e Tyre. Çfarë rëndësie do të kenë … ato që kemi vuajtur këtu, nëse, në fund, ato sprova janë pikërisht gjërat që na kualifikojnë për jetën e përjetshme dhe ekzaltimin në mbretërinë e Perëndisë me Atin dhe Shpëtimtarin tonë?”
Si mund të “bashkëveprojnë për të mirë[n tonë]” sprovat tona? ( Romakëve 8:28)
Plaku Xhejms B. Martino, i Të Shtatëdhjetëve, tha:
Pamja
Official Portrait of Elder James B. Martino. Photographed March 2017.
“Ati ynë Qiellor, që na do ne plotësisht dhe përsosmërisht, na lejon të kemi përvoja që do të na lejojnë të zhvillojmë tiparet dhe cilësitë që na duhen për t’u bërë gjithnjë e më shumë si Krishti. Sprovat tona vijnë në shumë forma, por secila do të na lejojë të bëhemi më shumë si Shpëtimtari kur mësojmë të njohim të mirën që vjen nga secila përvojë. Kur e kuptojmë këtë doktrinë, ne marrim siguri më të madhe për dashurinë e Atit tonë. Ne mund të mos ta dimë kurrë në këtë jetë përse i përjetojmë këto gjëra, por mund të ndiejmë besim në vetvete se mund të rritemi nga përvoja.”
Çfarë do të thotë se asgjë nuk mund “të na ndajë nga dashuria e Perëndisë”? ( Romakëve 8:39)
Presidenti Tomas S. Monson (1927–2018) tha:
Pamja
Official portrait of President Thomas S. Monson, 2008.
“Ati juaj Qiellor ju do – secil[i]n prej jush. Ajo dashuri nuk ndryshon kurrë. Ajo nuk ndikohet nga pamja juaj, nga zotërimet tuaja apo nga sasia e parave që keni në llogarinë tuaj bankare. Nuk ndryshohet nga talentet dhe aftësitë tuaja. Është thjesht atje. Është atje për ju kur jeni të trishtuara ose të lumtura, pa kurajë ose plot shpresë. Dashuria e Perëndisë është atje për ju, pavarësisht nëse ju ndieni se e meritoni apo jo dashurinë. Është thjesht gjithmonë atje.”
(Tomas S. Monson, “Nuk Ecim Kurrë Vetëm”, Ensign ose Liahona, nëntor 2013, f. 123–124.)
Meqë Perëndia është kaq i dashur, a do t’i shpëtojë Ai të gjithë pavarësisht nga zgjedhjet e tyre?
Plaku D. Tod Kristoferson, i Kuorumit të Dymbëdhjetë Apostujve, dha mësim sa vijon për dashurinë e Perëndisë:
Pamja
Official portrait of President Thomas S. Monson, 2008.
“Dashuria [e Perëndisë] përshkruhet në shkrimin e shenjtë si ‘dashuri[a] e madhe dhe e mrekullueshme’, ‘dashuria e përsosur’, ‘dashuri[a] shëlbuese’ dhe ‘dashuria e përjetshme’. Këto janë terma më të mira ngaqë fjala e pakushtëzuar mund të përcjellë përshtypje të gabuara rreth dashurisë hyjnore, të tilla si: Perëndia toleron dhe shfajëson gjithçka që bëjmë pasi dashuria e Tij është e pakushtëzuar, [ose Perëndia nuk ka asnjë kërkesë ndaj nesh pasi dashuria e Tij është e pakushtëzuar,] ose të gjithë shpëtohen në mbretërinë e Perëndisë pasi dashuria e [Tij] është e pakushtëzuar. Dashuria e Perëndisë është e pafundme dhe ajo do të zgjatë përgjithmonë, por çfarë kjo nënkupton për secilin prej nesh varet nga mënyra se si i përgjigjemi dashurisë së Tij.”
Libri i Mormonit pohon dhe sqaron të vërtetat që na mësohen në Bibël
Në një mësim të mëparshëm, nxënësit mund të jenë ftuar ta përdorin Librin e Mormonit për t’i ndihmuar ata t’i kuptojnë më mirë shkrimet e Palit ose fragmentet e tjera biblike.
Merreni parasysh t’i ftoni nxënësit ta ushtrojnë këtë aftësi duke kërkuar fragmentet e Librit të Mormonit që i pohojnë dhe sqarojnë të vërtetat që ata përcaktuan te Romakëve 8 . Disa fragmente të mundshme përfshijnë vargjet te 1 Nefi 1:1 ; Alma 31:31 ; Alma 36:3 .
Dashuria e Perëndisë dhe bekimet që Ai na ofron
Merreni parasysh t’i jepni një shpërblim të vogël kujtdo në klasë që është i gatshëm të përfundojë një detyrë të thjeshtë. Nëse ndonjëri vendos që të mos e përfundojë detyrën, pyetini nxënësit nëse është e padrejtë ose nëse kjo vërteton që nxënësin nuk e duan në mënyrë të barabartë nëse ai nuk merr të njëjtin shpërblim si nxënësit që e përfunduan detyrën.
Merreni parasysh të përdorni thënien e Plakut Kristoferson që gjendet në pjesën “Komente dhe Informacion për Rrethanat” dhe të shfaqni historinë e Plakut Renland që tregohet në materialin filmik “Infuriating Unfairness” [“Padrejtësia Ndërkryese”] nga kodi kohor 01:16 deri në 02:28, që gjendet në ChurchofJesusChrist.org, për t’i ndihmuar nxënësit të shohin se zgjedhjet tona kontribuojnë në bekimet që marrim.