Ром 8:18–39
“Христ доторх Бурханы хайр”
Та цухалдмаар, шударга бус эсвэл хэцүү нөхцөл байдалтай тулгарах үедээ Бурхан өөрийг тань анхаарч үздэг эсэхэд эргэлзэхэд хүрч байсан уу? Ромын гэгээнтнүүдэд бичсэн Паулын захидалд зовж шаналсан хүн бүрийг тайтгаруулах үгс агуулагдаж байв. Тэдний зарим нь аймшигтай сорилт бэрхшээл амссан хүмүүс байжээ. Энэ хичээл танд сорилт бэрхшээл, тодорхойгүй нөхцөл байдалтай тулгарах үедээ Тэнгэрлэг Эцэг, Есүс Христ хоёрын хайраар дамжуулан найдвар, тайтгарал мэдрэхэд туслах болно.
Сайн мэдээнээс суралцах нь гэр оронд төвлөрсөн үйл ажиллагаа юм. Семинараар олж мэдсэн зүйлсээ гэр бүлийнхэнтэйгээ, гэртээ судалсан зүйлсээ ангийнхантайгаа хуваалцахад суралцагчдыг уриалах боломжийг хайж ол.
Суралцагчийн бэлтгэл: Суралцагчдыг үгээрээ биш үйлдлээрээ хайраа харуулах ямар нэг зүйлийг гэр бүлийнхэндээ хийж өгөхөд болон энэ туршлагаас олж мэдсэн зүйлсээ хуваалцах бэлтгэлтэй байхад урь.
Боломжит суралцах үйл ажиллагаа
Та ямар эмчилгээ санал болгох байсан бэ?
Дараах өвчнүүдийг эмчлэхийн тулд эмч юу санал болгох байсан талаар бодож үз.
Хэрэв эмч байсан бол санал болгох байсан зүйлээ хэлэхэд суралцагчдыг урих талаар бодож үз. Сайн дураараа хуваалцах суралцагчдыг ангийн өмнө уриад, доор жагсаасан бие махбодын түгээмэл өвчнүүдийг бичсэн цаасыг өгөх боломжтой. Тэд тус бүрдээ өвчнөө дүрслээд, хэрхэн эмчлэх талаар товчхон зөвлөгөө авахаар эрэлхийлж болох юм.
-
Ходоод хямардаг
-
Хөлийн хуруугаа хугалсан
-
Толгой өвддөг
-
Ханиад хүрсэн
Дараах асуултуудад хариул.
-
Эдгээр өвчтэй хүн тус бүрд ямар тусгайлсан зөвлөгөө өгөх вэ?
-
Эдгээр бүх өвчнийг эмчлэхэд ямар ерөнхий зөвлөгөө туслах вэ?
Мэдээж бүх сорилт бэрхшээл мөн чанарын хувьд бие махбодынх байдаггүй. Олон хүн сэтгэц, сэтгэл хөдлөл, сүнслэг сорилтын улмаас зовж шаналдаг. Аврагч маань бидэнд юу тулгарч байгаагаас үл хамааран бидний хүн нэг бүрд хэрхэн тусалж, хүчирхэгжүүлэхээ мэддэг. Хүн бүрд тулгарсан сорилт бэрхшээл өөрийн гэсэн онцлогтой байдаг ч Бурхан ямар ч хэцүү нөхцөл байдалд бидэнд тусалдаг, биднийг тайвшруулдаг мөнхийн үнэнүүдийг заасан. Судлах тэмдэглэлдээ өөртөө эсвэл хайртай хүмүүстээ тусламж авахыг хүсэж буй сорилт бэрхшээлийнхээ талаар богинохон жагсаалт гарга.
Жижиг цаас тараагаад, суралцагч тус бүрийг өөртөө эсвэл хайртай хүндээ тулгарч буй нэг сорилт бэрхшээлийг нэрээ нууцлан бичихэд урь. Тэдний бичсэн зүйлийг ангийнхантай нэрийг нь нууцлан хуваалцаж магадгүй гэдгийг суралцагчдад хэлээрэй. Цааснуудыг хураагаад, тэдгээрийг дотроо чимээгүй уншиж, тэдэнд хамгийн их хамааралтай буюу нэн ялангуяа нэгээс олон суралцагчийн дурдсан хэд хэдэн өөр өөр сорилт бэрхшээлийг самбар дээр бич. Суралцагчдыг дараах асуултад хариулах үед болон хичээлийн явцад тохиромжтой үеүдэд энэ жагсаалтыг харуул.
-
Эдгээр сорилт бэрхшээлд туслах Тэнгэрлэг Эцэг, Есүс Христ эсвэл авралын төлөвлөгөөний тухай та юу мэдэх вэ? Тэрхүү мэдлэг танд хэрхэн тусалсан бэ?
Хэдийгээр таны гэрчлэл таны эсвэл хайртай хүмүүсийн тань амсаж буй бодит байдал, өвчин зовуурь эсвэл хэцүү бэрх сорилт бэрхшээлүүдийг багасгахгүй ч энэ нь эдгээр сорилт бэрхшээлийн дунд найдвар, тайтгарал өгч, мөнхийн талаас нь харах боломжийг олгох болно.
Дараах судрын эшлэлүүдийг харуулах талаар бодож үз.
Паулыг ромчуудад захидлаа илгээснээс хэдхэн жилийн дараа, Ромын гэгээнтнүүд аймшигтай хавчлагыг амссан байна. Ром 8:18, 24–25, 28, 31–39 -ийг уншаад, хүн нэг бүрд тулгарсан онцгой зовлон шаналлаас үл хамааран хэн нэгэнд тусалж эсвэл тайтгаруулна гэж итгэж буй үг хэллэг бүрийг тэмдэглэ.
Суралцагчдыг судлах тэмдэглэлдээ дараах үйл ажиллагааг гүйцэтгэхэд урь.
-
Эдгээр шүлгээс танд сэтгэгдэл төрүүлсэн нэг үг хэллэгийг бичиж тэмдэглэ. Та яагаад уг хэллэгийг сонгосон бэ?
Энэ удаа хэд хэдэн суралцагчийг бичиж тэмдэглэсэн үг хэллэгээ хуваалцахад урь. Тэднийг хуваалцах үед самбар дахь жагсаалтан дээрх ямар нэг сорилт бэрхшээлийг онцгойлон авч үзээд, уг хэллэгт агуулсан үнэнүүд тухайн нөхцөл байдалд байгаа хэн нэгэнд хэрхэн тусалж, тайтгаруулж чадах талаар тайлбарлахыг хүс.
-
Энэ үг хэллэгт заасан үнэнүүдийг мэдэж байх нь зовлон шаналалтай нүүр тулсан танд болон таны хайртай хүмүүст хэрхэн туслах талаар бичиж тэмдэглэ.
-
Сонгосон үг хэллэгээ цээжлэхийг бод. Та мөн электрон төхөөрөмж дээрээ энэ үг хэллэгийг өдөр бүр сануулах сануулагч үүсгэх юм уу бичээд, дараагийн хэдэн өдрийн турш өдөр бүр харах боломжтой газарт байрлуулж болно.
Хичээлийн дараах хэсэг нь Ром 8:39 дээрх нэг үг хэллэгт төвлөрдөг. Хэрэв суралцагчдад илүү хамааралтай гэж үзвэл, Ром 8 -д заасан нэг эсвэл хэд хэдэн өөр үг хэллэг эсвэл үнэнд төвлөрч болно.
Тэнгэрлэг Эцэг болон Есүс Христийн хайр
Дараах үнэнийг хуваалцахын өмнө суралцагчийн бэлтгэлээр санал болгосон зүйлсийг хийж гүйцэтгэсэн суралцагчдыг хэн нэгэнд хайраа харуулахын тулд хийсэн зүйлсээ хуваалцахад урь.
Эдгээр шүлэгт таны тэмдэглэсэн байж болох үг хэллэгүүдийн нэг нь “[юу ч] Бурханы хайраас биднийг салгаж чадахгүй” ( Ром 8:39) гэсэн үнэнийг сургадаг.
Тэнгэрлэг Эцэг, Есүс Христ хоёр өөрийг тань хайрладгийг таныг мэдээсэй гэж хүсдэг. Тэд тэрхүү хайраа үг, үйлдэл хоёулангаар нь харуулдаг.
-
Ром 8:32 дээрээс харахад, Тэнгэрлэг Эцэг таныг хайрладаг болохоо харуулахын тулд юу хийсэн бэ?
Иохан 3:16 дээрх төгс эзэмших сургаалын судрын хэсгийг уншаад, Тэнгэрлэг Эцэгийн Өөрийн Хүүг дэлхий рүү илгээсэн шалтгааны талаар Аврагч юу гэж заасан болохыг ажигла. Та судрын энэ хэсгийг Ром 8:32 -ын харьцуулах эшлэл болгож эсвэл холбоос үүсгэхийг хүсэж болох юм.
Бурханы хайрыг тэдэнд гэрчилж буй Ариун Сүнсийг мэдрэхэд нь суралцагчдад туслахын тулд “Тэр хүүгээ илгээсэн” гэдэг хүүхдийн дууг дуулах эсвэл сонсоход урих талаар бодож үз (Хүүхдийн дууны ном, 20–21).
Аврагч бидний гэм нүглийг дуртайяа цагаатгахад бэлэн байдаг нь Түүний бидэнд зориулсан хайрын бас нэгэн нотолгоо билээ ( Ром 8:34–35 ; Сургаал ба Гэрээ 34:1–3 -ыг үзнэ үү).
-
Та хэзээ Тэнгэрлэг Эцэг, Есүс Христ хоёрын хайрыг амьдралдаа мэдэрсэн бэ? Тэдний хайр зовлон шаналлыг даван туулахад тань хэрхэн тусалсан бэ?
Бурханы хайрыг ойлгох нь гай зовлон тохиолдох үед хэрхэн тусалсан талаар хувийн жишээ хуваалцахыг бодож үз.
Судлах тэмдэглэлдээ Тэнгэрлэг Эцэг, Есүс Христ хоёрын талаар санаж явахыг хүсэж буй юуг өнөөдөр олж мэдсэн болохоо бичиж тэмдэглэ. Түүнчлэн та өөрийн тань өнөөдөр олж мэдсэн эсвэл мэдэрсэн зүйл тус болж мэдэх гэр бүлийн гишүүнд эсвэл найздаа зориулж тэмдэглэл бичиж өгөх талаар бодож үзэж болох юм.
Тайлбар ба нөхцөл байдлын талаарх мэдээлэл
Дэлхий дээр бидний амсдаг зовлон шаналал нь “бидэнд илчлэгдэх тэрхүү алдрын дэргэд юу ч биш” гэсэн нь юу гэсэн утгатай вэ? ( Ром 8:18)
Халамжийн нийгэмлэгийн ерөнхий ерөнхийлөгчийн зөвлөлийн 2-р зөвлөх Линда С.Рийвс эгч ийн заасан.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fdd%2F39%2Fdd39791482e808984f61545be367bb087eff886b%2Fdd39791482e808984f61545be367bb087eff886b.jpeg/full/!250,/0/default)
ЗурагOfficial portrait of Linda S. Reeves, sustained at the April 2012 general conference as second counselor in the Relief Society general presidency, October 2012. Released April 2017 General Conference.Эгч нар аа, яагаад бид ийм их сорилттой тулгардаг учир шалтгааныг би мэдэхгүй ч авах шагнал нь агуу, мөнхийн хийгээд үүрдийн, төсөөлөхийн аргагүй гайхалтай учраас бид нигүүлсэнгүй хайрт Эцэгтээ энэ бүхний төлөө ийм өчүүхэн зүйлс шаардагдсан гэж үү хэмээн дуу алдах байх гэж би хувьдаа боддог. Хэрэв бид өдөр бүр Тэнгэрлэг Эцэг, Аврагч хоёрын биднийг хайрлах хайр хэчнээн гүн болохыг санаж, хүлээн зөвшөөрөх юм бол Тэдний дэргэд буцаж очихын тулд ямар ч зүйлийг хийхэд бэлэн байх юм. Хайрт эгч нар аа … хэрэв энэ амьдралдаа туулах зовлон зүдгүүр маань эцсийн эцэст Тэдэнтэй хамт Бурханы хаант улсад мөнх амьдрал, алдар суугаас хүртэх эрхийг олгох тэр зүйл нь юм бол энд бидний юу үзэж туулсан нь тийм чухал байна гэж үү?
(Линда С.Рийвс, “Бидэнд амлагдсан адислалуудад зохистой байх нь,” Ensign, Nov. 2015, 11 эсвэл 2015 оны 10-р сарын Ерөнхий чуулган, 137)
Бидний зовлон шаналал хэрхэн “[бидний] сайн сайхны төлөө хамтдаа ажилладаг” вэ? ( Ром 8:28)
Далын ахлагч Жэймс Б.Мартино ийн хэлсэн.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F04%2F67%2F04675bcdfa5ad39de3103959c94ee61cd95abdb9%2F04675bcdfa5ad39de3103959c94ee61cd95abdb9.jpeg/full/!250,/0/default)
ЗурагOfficial Portrait of Elder James B. Martino. Photographed March 2017.Биднийг бүрэн дүүрэн, төгс төгөлдөр хайрладаг Тэнгэрлэг Эцэг маань бидэнд Христтэй улам илүү адилхан болоход шаардлагатай онцлог байдал, зан чанарыг хөгжүүлэх боломжийг олгодог туршлагууд олж авахыг зөвшөөрдөг. Сорилт бэрхшээлүүд бидэнд олон хэлбэрээр ирдэг боловч эдгээр нь бидэнд тухайн туршлага бүрээс олж авах сайн зүйлсийг танин мэдсэнээр Аврагчтай илүү адилхан болох боломжийг олгох болно. Бид энэ сургаалыг ойлгосноор Эцэгийнхээ хайрыг илүү их мэдэж авдаг. Бид энэ амьдралдаа яагаад ийм зүйлстэй учирдаг болохоо хэзээ ч мэдэж чадахгүй байж болох ч туршлагаасаа илүү ихийг олж авч чадна гэдэгтээ итгэлтэй байж болно.
(Жэймс Б.Мартино, “Сайны төлөө бүх юм хамтдаа ажилладаг,” 2010 оны 4-р сарын Ерөнхий чуулган, 112–114)
Юу ч “Бурханы хайраас биднийг салгаж чадахгүй” гэдэг нь юу гэсэн утгатай вэ? ( Ром 8:39)
Ерөнхийлөгч Томас С.Монсон (1927–2018) ийн хэлсэн.
ЗурагOfficial portrait of President Thomas S. Monson, 2008.Таны Тэнгэрлэг Эцэг та нарыг бүгдийг нь хайрладаг. Тэр хайр хэзээ ч өөрчлөгдөхгүй. Үүнд таны царай зүс, эд баялаг эсвэл банкны дансанд тань байгаа мөнгөний хэмжээ нөлөөлөхгүй. Таны авьяас, ур чадвар ч үүнийг өөрчилж чадахгүй. Энэ хайр зүгээр л үргэлж байж байдаг. Таны уйтгартай эсвэл аз жаргалтай, урам хугарсан эсвэл итгэл найдвараар дүүрэн аль ч үед таны төлөө байж л байдаг. Хайрлуулах эрхтэй гэдгээ мэдэрч байгаа эсэхээс тань үл хамааран Бурхан та бүхнийг хайрладаг. Энэ хайр зүгээр л үргэлж байж байдаг.
(Томас С.Монсон, “Бид хэзээ ч ганцаараа алхдаггүй,” 2013 оны 10-р сарын Ерөнхий чуулган, 141–144)
Бурхан хайр энэрлээр дүүрэн учраас ямар сонголт хийснээс нь үл хамааран хүн бүрийг аврах болов уу?
Арван хоёр төлөөлөгчийн чуулгын ахлагч Д.Тодд Кристоффэрсон Бурханы хайрын талаар дараах зүйлийг заажээ.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F43%2F8c%2F438c4aa34db1e6009e1a3a498d0966f158273a48%2F438c4aa34db1e6009e1a3a498d0966f158273a48.jpeg/full/!250,/0/default)
ЗурагOfficial portrait of President Thomas S. Monson, 2008.Сударт Түүний хайрыг “агуу хийгээд гайхамшигт хайр,” “төгс хайр,” “гэтэлгэх хайр,” “үүрдийн хайр” гэж тодорхойлдог. Бурханы хайранд нөхцөл байдаггүй гэх тодорхойлолт нь Бурхан бүх зүйлийг хүлцэн тэвчдэг; Түүний хайранд нөхцөл байдаггүй учраас биднийг шийтгэхгүй юм уу биднээс юу ч шаардахгүй эсвэл бүгд Бурханы тэнгэрлэг хаант улсад аврагдах болно гэх мэтээр тэнгэрлэг хайрын талаар буруу сэтгэгдэл төрүүлж болзошгүй учраас бусад тодорхойлолт нь илүү дээр юм. Бурханы хайр хязгааргүй бөгөөд үүрд мөнх байх болно. Гэхдээ бидний хүн нэг бүрд ямар утга учиртай байх нь Түүний хайранд ямар хариу үйлдэл үзүүлэхээс шалтгаална.
(Д.Тодд Кристоффэрсон, “Миний хайр дотор бай,” 2016 оны 10-р сарын Ерөнхий чуулган, 37)
Нэмэлт суралцах үйл ажиллагаа
Мормоны Ном нь Библид заасан үнэнүүдийг бататгаж, тодотгодог
Суралцагчдыг өмнөх хичээлээр Паулын бичвэрүүд эсвэл библийн бусад судрын хэсгийг илүү сайн ойлгоход нь туслахаар Мормоны Номыг ашиглахад урьсан байж болох юм.
Суралцагчдыг Ром 8 дээр тодорхойлсон үнэнүүдийг бататгаж, тодруулдаг Мормоны Номын хэсгүүдийг хайх замаар энэхүү чадвараа ашиглах дадлага хийхэд урих талаар бодож үз. Байж болох судрын хэсгүүдэд 1 Нифай 1:1 ; Алма 31:31 ; Алма 36:3 багтдаг.
Бурханы хайр ба Түүний бидэнд санал болгодог адислал
Энгийн даалгавар гүйцэтгэхэд бэлэн байгаа, анги доторх хүн тус бүрд жижиг шагнал санал болгохыг бодож үз. Хэрэв хэн нэг суралцагч уг даалгаврыг гүйцэтгэхгүй байхаар шийдсэн бол түүнд уг даалгаврыг гүйцэтгэсэн суралцагчидтай адилхан шагнал өгөхгүй байх нь шударга бус эсвэл тухайн суралцагчийг эрх тэгш хайрлахгүй байна гэсэн үг болох эсэхийг суралцагчдаас асуу.
“Тайлбар ба нөхцөл байдлын талаарх мэдээлэл” хэсэг дээрх ахлагч Кристоффэрсоны мэдэгдлийг ашиглах болон бидний сонголт бидний хүлээн авдаг адислалуудад хувь нэмэр оруулдаг болохыг олж харахад нь суралцагчдад туслахын тулд ChurchofJesusChrist.org дээрээс “Уур хүрмээр шударга бус байдал” видеон дээрх ахлагч Рэнландын түүхийг цагийн код 1:16-аас 2:28 хүртэл үзүүлэхийг бод.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F14%2Fc8%2F14c8a87d93043e289df2fcc1c977b5f7e563c214%2Fdale_g_renlund_infuriating_unfairness.jpeg/full/!250,/0/default)