Studimi i Shkrimeve të Shenjta

Dëgjimi i Zërit të Zotit përmes Shkrimeve të Shenjta

A row of hands holding scriptures or electronic devices.

Jezusi na mësoi se shkrimet e shenjta dëshmojnë për Të (shih Gjoni 5:39). Ky mësim mund t’ju ndihmojë të vini te Krishti dhe ta njihni Atë më mirë përmes studimit të fjalës së Perëndisë duke iu ndihmuar të zhvilloni aftësitë e studimit të shkrimeve të shenjta dhe të përcaktoni synime për studimin e shkrimeve të shenjta.

Veprimtari të Mundshme të të Mësuarit

Përse t’i studiojmë shkrimet e shenjta?

Merreni parasysh t’i vini nxënësit ta interpretojnë me role këtë skenar në dyshe ose si klasë për të rritur angazhimin.

Përfytyro sikur njëri prej shokëve të tu të thotë: “Nuk kam kohë t’i studioj shkrimet e shenjta me gjithë këto gjëra që kam për të bërë. Le që as nuk i kuptoj!”

Çfarë do t’i thoje shokut tënd?
Cilat janë disa arsye të tjera përse njerëzit mund të mos i studiojnë çdo ditë shkrimet e shenjta?

Merreni parasysh të përdorni vlerësimin nga veprimtaria e përgatitjes së nxënësve për t’i ndihmuar ata të shqyrtojnë se si po ia dalin me studimin e shkrimeve të shenjta nga ana e tyre.

Bëj pyetësorin për vlerësimin e studimit të shkrimeve të shenjta. Do t’u referohesh përgjigjeve të tua më vonë në klasë.

Përgjigjju për pyetjet vijuese në ditarin tënd të studimit.

Çfarë po shkon siç duhet në studimin tënd të shkrimeve të shenjta? Çfarë mund të bëje më mirë?

Shfaqeni pohimin vijues dhe pyetjet që pasojnë. Nxënësit mund të përfitojnë nga dhënia e përgjigjeve për pyetjet në ditarët e tyre përpara se të përgjigjen përpara klasës. Bëjuni pyetje të mëtejshme nxënësve të cilët tregojnë përvoja për t’i ftuar të tregojnë më tepër.

Lexoje thënien e mëposhtme nga Presidenti Rasëll M. Nelson, duke kërkuar atë që mund të mësojmë rreth arsyes përse ia vlen si koha, ashtu edhe përpjekja për t’i studiuar shkrimet e shenjta rregullisht.

“Teksa kërkojmë të jemi dishepuj të Jezu Krishtit, përpjekjet tona që ta dëgjojmë Atë nevojitet të jenë përherë e më të qëllimshme. Kërkon përpjekje të ndërgjegjshme dhe të vazhdueshme që ta mbushim jetën tonë të përditshme me fjalët e Tij, mësimet e Tij, të vërtetat e Tij. …

…Ku mund të shkojmë që ta dëgjojmë Atë?

Ne mund të shkojmë te shkrimet e shenjta. Ato na japin mësim rreth Jezu Krishtit dhe ungjillit të Tij, madhështisë së Shlyerjes së Tij dhe planit të madhërishëm të Atit tonë për lumturi dhe shëlbim. Zhytja e përditshme në fjalën e Perëndisë është jetike për mbijetesën tonë shpirtërore, veçanërisht në këto ditë të rrëmujës në rritje. Teksa ushqehemi me bollëk përditë me fjalët e Krishtit, fjalët e Krishtit do të na thonë se si të reagojmë ndaj vështirësive me të cilat kurrë nuk menduam se do të përballeshim. …

Çfarë do të ndodhë teksa ju në mënyrë më të qëllimshme e dëgjoni, ia vini veshin dhe i kushtoni vëmendje asaj që Shpëtimtari ka thënë dhe asaj që Ai po thotë tani nëpërmjet profetëve të Tij? Ju premtoj se do të bekoheni me fuqi shtesë për t’u përballur me tundimet, vështirësitë dhe dobësitë. Unë premtoj mrekulli në martesën tuaj, në marrëdhëniet tuaja familjare dhe në punën tuaj të përditshme. Dhe ju premtoj se aftësia juaj për të ndier gëzim, do të rritet edhe në qoftë se shtohet trazimi në jetën tuaj.”

(Rasëll M. Nelson, “Dëgjojeni Atë”, Ensign ose Liahona, maj 2020, f. 89, 90.)

Çfarë mësove nga kjo thënie rreth mënyrës se si Shpëtimtari mund të të bekojë teksa i studion shkrimet e shenjta?
Çfarë bekimesh ke përjetuar kur i ke studiuar rregullisht shkrimet e shenjta?
Çfarë të ka ndihmuar apo mund të të ndihmojë që të gjesh rregullisht kohë për t’i studiuar shkrimet e shenjta?

Merreni parasysh të bëni një veprimtari me nxënësit për t’i ndihmuar të zhvillojnë një aftësi të studimit të shkrimeve të shenjta. Disa ide mund të gjenden në materialet shtesë në fund të mësimit.

A portion of a page from the Bible. Line art for seminary manual

Synimet për t’u bërë më shumë si Jezu Krishti

Një nga synimet kryesore të seminarit është të të ndihmojë të ndjekësh Jezu Krishtin dhe të bëhesh dishepulli/ja i/e Tij. Studimi i vazhdueshëm i shkrimeve të shenjta është një nga mënyrat më të mira se si mund të bëhesh një ndjekës/e i/e përkushtuar i Jezu Krishtit. Është edhe një prej kërkesave për të marrë kredite për seminarin. Nëse ke pyetje, mund t’i kërkosh informacion mësuesit/es tuaj rreth asaj se cilat janë kërkesat për studimin e shkrimeve të shenjta.

Mund të jetë sfiduese të gjesh kohë për t’i studiuar personalisht shkrimet e shenjta. Plaku Dejvid A. Bednar, i Kuorumit të Dymbëdhjetë Apostujve, ka dhënë këtë këshillë:

“Duke pasur parasysh ritmin e vrullshëm të jetës sonë, qëllimet e mira dhe thjesht ʻshpresaʼ për të gjetur kohë për studim kuptimplotë të shkrimeve të shenjta, nuk janë të mjaftueshme. Nga përvoja ime sugjeroj se një kohë e veçantë dhe e programuar, e lënë mënjanë çdo ditë dhe, për aq sa është e mundur, një vend i veçantë për studim, e rritin shumë efektshmërinë tonë të kërkimit në shkrimet e shenjta dhe të studimit të tyre.”

(David A. Bednar, “Because We Have Them before Our Eyes”, New Era, prill 2006, f. 6)

Mendo rreth asaj që ke mësuar dhe ndier sot dhe merre sërish parasysh t’i shqyrtosh përgjigjet e tua rreth vlerësimit të studimit të shkrimeve të shenjta. Në ditarin tënd të studimit vendos një synim për studimin e shkrimeve të shenjta. Këtë mund ta bësh synim shpirtëror për programin “Fëmijët dhe Rinia” ose të krijosh një synim më vete. Mendo për pyetjet e mëposhtme teksa vendos synimin tënd:

Çfarë di apo beson rreth shkrimeve të shenjta? Si e rrit ajo që di apo beson rreth tyre dëshirën tënde për t’i studiuar ato?
Çfarë vështirësish ke hasur gjatë studimit tënd të shkrimeve të shenjta? Si mund t’i kapërcesh ato?
Sa do të studiosh? Ku dhe kur do ta bësh atë?

Komente dhe Informacion për Rrethanat

Cilat janë disa nga bekimet që mund të vijnë nga studimi i shkrimeve të shenjta?

Plaku D. Tod Kristoferson, i Kuorumit të Dymbëdhjetë Apostujve, dëshmoi për bekimet që mund të vijnë nga studimi i shkrimeve të shenjta.

Si mund t’i studioj me efektshmëri shkrimet e shenjta?

Plaku D. Tod Kristoferson, i Kuorumit të Dymbëdhjetë Apostujve, tregoi këto pikëpamje:

“Kur unë them ‘studioni’, e kam fjalën për diçka më shumë se leximi. Ndonjëherë është gjë e mirë të lexoni një libër të shkrimeve të shenjta brenda një periudhe të caktuar kohe për të marrë një kuptim të përgjithshëm të mesazhit të tij, por për kthimin në besim, ju duhet të kujdeseni më shumë për sasinë e kohës që kaloni në shkrimet e shenjta sesa për sasinë e asaj që lexoni në atë kohë. Ju përfytyroj ndonjëherë duke lexuar pak vargje, duke ndaluar për të medituar, duke i lexuar me kujdes vargjet sërish, dhe ndërsa mendoni rreth kuptimit të tyre, luteni për kuptueshmëri, bëni pyetje në mendjen tuaj, prisni për mbresa shpirtërore dhe i hidhni në letër mbresat dhe pikëpamjet që ju vijnë, që ju të mund t’i kujtoni dhe të mësoni më shumë. Duke studiuar në këtë mënyrë, ju mund të mos lexoni shumë kapituj ose vargje në gjysmë ore, por ju do t’i bëni vend në zemrën tuaj fjalës së Perëndisë dhe Ai do t’ju flasë juve.”

(D. Todd Christofferson, “When Thou Art Converted”,EnsignoseLiahona, maj 2004, f. 11.)

Disa mjete dhe burime për t’ju ndihmuar t’i studioni shkrimet e shenjta më me efektshmëri përfshijnë:

Materialet paraqitëse në manualin Eja, Më Ndiq — Për Individët dhe Familjet.
Instituti New Testament Student Manual, që përmban imazhe, komente dhe shpjegime të dobishme.

Mjetet e mëposhtme mund të gjenden në pjesën “Ndihma për Studimin” të programit tuaj kompjuterik Gospel Library [Biblioteka e Ungjillit] ose në treguesin e kombinimit tuaj tresh:

Udhëzuesi për Shkrimet e Shenjta që mund t’ju ndihmojë në studimin sipas tematikës apo duke gjetur referencat kryq, përkufizime dhe shpjegime për kontekstin.
Hartat e Biblës , që mund t’ju ndihmojnë ta kuptoni më mirë kontekstin gjeografik të rrëfimeve të shkrimeve të shenjta.
Mjeti Fotografi të Biblës , që përmban fotografi të vendeve në Tokën e Shenjtë që mund t’ju ndihmojnë të përfytyroni më mirë historitë e Biblës.
Harmonia e Ungjijve , që është një tregues ku mund të gjeni histori të ndryshme në secilin rrëfim të Ungjillit, që ju ndihmojnë ta rritni kuptueshmërinë për këto ngjarje.

Veprimtari Plotësuese e të Mësuarit

Harmonizimi i rrëfimeve të ungjillit

Nxënësit mund të përfitojnë nga studimi i të njëjtit rrëfim në Dhiatën e Re nga perspektiva e disa shkruesve. Kjo mund tʼi ndihmojë nxënësit të marrin pikëpamje të mëtejshme për Shpëtimtarin. Një rrëfim për t’u praktikuar mund të jetë ai i vuajtjes së Shpëtimtarit në Gjetseman, që gjendet te Mateu 26:36–46 ; Marku 14:32–42 ; Lluka 22:40–46 . Pasi nxënësit t’i studiojnë këto rrëfime, mund t’i japin pikëpamjet që morën duke i studiuar shkrimet e shenjta në këtë mënyrë.