Mga Istorya sa Bag-ong Tugon alang sa mga Batan-ong Magbabasa

Si Jesus Gibunyagan

ni Kim Webb Reid

Mga paghulagway ni Apryl Stott

Gikan sa Mateo 3:13–17; Marcos 1:9–11; Lucas 3:21–22; Juan 1:29–34

Si Juan Bautista nagtudlo sa katawhan

Si Juan Bautista usa ka bantugan nga propeta. Mitudlo siya sa katawhan sa paghinulsol ug mibunyag kanila.

Si Juan Bautista nagbunyag sa mga tawo

Usa ka adlaw si Juan nagbunyag og mga tawo sa Suba sa Jordan. Si Jesus miabut ug mihangyo kang Juan sa pagbunyag Kaniya. Si Juan nasayud nga si Jesus walay bisan unsa nga sala. Ngano nga gusto ni Jesus nga mabunyagan?

Jesus

Miingon si Jesus nga kinahanglan Siyang motuman sa tanang mga sugo. Ang pagpabunyag usa ka sugo.

Si Juan Bautista nagbunyag ni Jesus

Human gibunyagan ni Juan si Jesus, usa ka salampati miabut sa pagpakita nga ang Espiritu Santo tua didto. Ang tingog sa Langitnong Amahan nadungog gikan sa langit nga nag-ingon, “Kini ang akong hinigugmang Anak, kinsa ako nahimuot” (Mateo 3:17).

amahan ug anak nga babaye nga nagsul-ob og sinina sa bunyag

Makasunod kita sa mga sugo ug makapili nga magpabunyag, sama ni Jesus. Dayon mahimo kitang kumpirmahan ug makadawat usab sa gasa sa Espiritu Santo.

Tan-awa ang New Testament stories [Mga istorya sa Bag-ong Tugon] sa lds.org/children/scripture-stories.

Koloranan nga Pahina

Mapasalamaton Ako sa Akong Lawas

mga bata nga nagdula

I-klik ang litrato aron ma-download.

Paghulagway pinaagi ni Apryl Stott