“Gusto Ko nga Mosunod ni Jesus,” Mga Istorya sa Bag-ong Tugon alang sa mga Batan-ong Magbabasa, 2018
“Gusto Ko nga Mosunod ni Jesus”
Mga Istorya sa Bag-ong Tugon alang sa mga Batan-ong Magbabasa
Gusto Ko nga Mosunod ni Jesus
Gikan sa Lucas 5:1–11
Usa ka adlaw si Jesus misakay sa usa ka sakayan. Gihangyo Niya ang mga mangingisda sa pagduso niini ngadto sa tubig. Mibarug Siya diha sa sakayan ug mitudlo sa pundok sa katawhan nga anaa sa baybayon.
Dayon gisultihan ni Jesus ang usa ka mangingisda nga ginganlan og Pedro sa pagtaktak sa iyang mga pukot ngadto sa tubig. Miingon si Pedro nga wala siya nakakuha og isda tibuok adlaw, apan mosulay siya pag-usab. Niining higayona, nakakuha si Pedro og igong isda nga makapuno sa duha ka sakayan!
Gihangyo ni Jesus ang mga mangingisda sa pagbiya sa ilang mga sakayan ug sa pagsunod Kaniya. Gusto Niya nga mahimo sila nga Iyang mga disipulo.
Naminaw ang mga disipulo ni Jesus samtang mitudlo Siya mahitungod sa Langitnong Amahan. Mitan-aw sila kang Jesus nga miayo sa masakiton ug mipakita og gugma ngadto sa uban. Human mamatay si Jesus, gibuhat sa mga disipulo ang unsay ilang nakita nga gibuhat ni Jesus. Sila mitudlo, miayo, ug mihigugma.
Makatudlo ko sa uban mahitungod ni Jesus pinaagi sa unsay akong isulti ug buhaton. Makaayo ako sa nasakitan nga mga pagbati sa mga tawo pinaagi sa pagkamabination. Makatabang ko sa pag-atiman sa mga tawo nga nasakit o kabus. Mopakita ko og gugma, sama ni Jesus.
Tan-awa ang New Testament stories [Mga istorya sa Bag-ong Tugon] sa lds.org/children/scripture-stories.
Koloranan nga Pahina
Ang Pagsunod kang Jesus Makapalipay Kanako
I-klik ang litrato aron ma-download.
Paghulagway pinaagi ni Apryl Stott