Mga Istorya sa Bag-ong Tugon alang sa mga Batan-ong Magbabasa
Ang Istorya mahitungod sa Pasko sa Pagkabanhaw
Mga Istorya sa Bag-ong Tugon alang sa mga Batan-ong Magbabasa
Ang Istorya mahitungod sa Pasko sa Pagkabanhaw
Gihigugma ni Jesus ang Iyang mga higala. Gihugasan niya ang ilang mga tiil. Dayon mihatag Siya kanila sa sakrament. Iya silang gisultihan sa paghinumdom Kaniya. Iya silang gisultihan sa paghigugmaay sa usag usa.
Sa wala madugay, si Jesus miadto sa usa ka tanaman. Nag-ampo Siya alang kanatong tanan. Gibati Niya ang kasakit sa tanan natong mga balatian. Gibati Niya ang kahapdos sa atong mga sala.
Ang masuk-anong mga tawo midala ni Jesus palayo. Ila Siyang gipasakitan. Namatay Siya sa krus para kanato. Gibutang sa Iyang mga higala ang Iyang lawas sa usa ka lubnganan.
Paglabay sa tulo ka adlaw, namalik ang Iyang mga higala. Wala nay sulod ang lubnganan! Gisultihan sila sa mga anghel, “Siya Nabanhaw.” Si Jesus nabuhi pag-usab! Tungod kang Jesus, mabuhi kita pag-usab human kita mamatay.
Gihigugma ako ni Jesus. Mahimo nako ang Pasko sa Pagkabanhaw nga espesyal pinaagi sa paghinumdom Kaniya.
Koloranan nga Pahina
Pasko sa Pagkabanhaw
Mga paghulagway pinaagi ni Apryl Stott