Mga Istorya sa Bag-ong Tugon alang sa mga Batan-ong Magbabasa

Si Jesus Nahigugma Nako

ni Kim Webb Reid

Mga paghulagway ni Apryl Stott

Sa wala pa buhata ang yuta, kitang tanan nagpuyo sa langit uban sa atong Langitnong mga Ginikanan ug sa atong magulang nga Igsoon, si Jesus. Malipayon kita, ug gihigugma nato pag-ayo ang usag usa.

Usa ka adlaw ang Langitnong Amahan misulti kanato nga Siya magbuhat og yuta nga atong kapuy-an. Nasayud Siya nga kita usahay dili motuman sa Iyang mga sugo samtang kita ania sa yuta. Magkinahanglan kita og Manluluwas aron sa pagtabang nato nga makabalik ngadto Kaniya. Ang Langitnong Amahan mipili kang Jesus nga mahimo natong Manluluwas.

Sa dihang mianhi si Jesus sa yuta, gipakita Niya kanato ang sakto nga paagi sa pagpuyo. Mitabang Siya sa mga tawo. Siya mitudlo kanila nga maghigugmaay sa usag usa.

Nag-antus si Jesus didto sa Tanaman sa Getsemani ug sa krus. Gibuhat Niya kini aron kita makahinulsol ug aron kita mabuhi pag-usab human kita mamatay.

Sa dihang nakat-on ko bahin ni Jesus, gibati nako ang Iyang gugma alang kanako.

Tan-awa ang New Testament stories [Mga istorya sa Bag-ong Tugon] sa lds.org/children/scripture-stories.

Koloranan nga Pahina

Ako Anak sa Langitnong mga Ginikanan

I-klik ang litrato aron ma-download.

Paghulagway pinaagi ni Apryl Stott