“Si Jesus Mitudlo mahitungod sa Gugma sa Langitnong Amahan,” Mga Istorya sa Bag-ong Tugon alang sa mga Batan-ong Magbabasa, 2018
“Si Jesus Mitudlo mahitungod sa Gugma sa Langitnong Amahan”
Mga Istorya sa Bag-ong Tugon alang sa mga Batan-ong Magbabasa
Si Jesus Mitudlo mahitungod sa Gugma sa Langitnong Amahan
Gikan sa Lucas 15
Usa ka adlaw, ang mga tawo nanagpundok aron maminaw kang Jesus nga nagtudlo. Misugilon Siya og tulo ka istorya.
Sa unang istorya, ang magbalantay mibiya sa iyang panon sa mga karnero aron mangita sa usa ka karnero nga nawala. Sa dihang nakit-an niya kini, gipas-an niya kini sa iyang abaga sa pagpauli. Malipayon kaayo siya.
Sa sunod nga istorya, ang usa ka babaye nawad-an sa usa sa iyang pilak nga mga sinsilyo. Midagkut siya og kandila, nanilhig sa salog, ug nangita sa iyang sinsilyo. Sa dihang nakit-an niya kini, nagsaulog siya uban sa iyang mga higala.
Sa katapusan nga istorya, ang usa ka anak nga lalaki mibiya sa panimalay. Mihimo siya og ngil-ad nga mga pagpili ug giwaldas ang tanan niyang kwarta. Nakahukom siya nga mopauli ug mosulti sa iyang amahan nga nagbasol siya. Sa dihang ang amahan nakakita sa iyang anak nga nagsingabut, midagan siya aron sa paggakos kaniya.
Gisugilon ni Jesus kini nga mga istorya aron sa pagpakita kon unsa ka dako ang paghigugma sa Langitnong Amahan sa matag tawo. Malipayon kaayo Siya kon maghinulsol kita.
Kon makabuhat ko og sayop, mahimo akong mosulti nga nagbasol ko ug mag-ampo ngadto sa Langitnong Amahan. Ang Langitnong Amahan malipay kon maghinulsol ko, ug ako usab!
Tan-awa ang New Testament stories [Mga istorya sa Bag-ong Tugon] sa lds.org/children/scripture-stories.
Koloranan nga Pahina
Mahimo Akong Mag-ampo sa Langitnong Amahan
I-klik ang litrato aron ma-download.
Paghulagway pinaagi ni Apryl Stott