Si Jesus Nakat-on ug Mitubo

Lucas 2:40–52

Ni Marissa Widdison

Mga paghulagway pinaagi ni Apryl Stott

Si Jesus natawo isip usa ka gamay nga masuso. Usa usab ako ka masuso sa una!

Si Maria ug si Jose mitabang sa pag-atiman ni Jesus. Kinsa ang mitabang kanako?

Si Jesus mitubo sa samang mga paagi nga ako nagtubo. Siya mitubo sa kaalam. Kana nagpasabut nga Siya nakat-on og bag-ong mga butang.

Siya mitubo sa gidak-on. Kana nagpasabut nga ang Iyang lawas midako.

Siya mitubo nga gipaboran sa Dios. Kana nagpasabut nga Siya nakat-on mahitungod sa Langitnong Amahan. Siya nakakat-on sa pag-ampo. Siya nagbasa sa mga kasulatan.

Siya mitubo nga gipaboran sa tawo. Kana nagpasabut nga Siya nakakaplag og bag-ong mga higala. Siya mabination ngadto sa uban. Siya mitabang sa iyang pamilya.

Ako makatabang nga motubo ang akong panghunahuna ug lawas. Ako makakat-on sa pagsunod sa Dios. Ako mahimong usa ka buotan nga higala. Ako motubo sa maayong mga paagi, sama ni Jesus!