Te Rongorongo man te Moan Beretitentii

Nakoia Mitinare:

Ti katekeraoi ngkami n reken te tibwanga aei iroumi are kam a n riki bwa mitinare ibukin Ana Ekaretia Iesu Kristo ibukiia aika itiaki ni Boong aika Kaitira. Akea riki te mwakuri ae rangi ni kakawaki nakon ikoikotakia Iteraera.

Tataekina Au Euangkerio e baireaki bwa ena buokiko bwa kam aonga n tauraoi, bwa mitinare aika kam tau ma ni korakora riki tamneimi. E kananonaki naba ikai bwa e na buokiko bwa kam aonga n riki bwa tia reirei ae kakamwakuri raoi. Ti kaumaki nakoimi ikai bwa kam na kabonganaa ni katoa bong i bon iroumi ao inanon ami tai ni kamatebwai ma toami. Ti kaungai ngkami naba bwa kam na kabongana inanon ami tai ni boowi ni kauntira n te mwakoro ao maungatabu n te tioun. Kamatebwaia bwaai ni kairiiri n booki aika tabu ao reiakini reirei ao tuua.

Ti kaoi ngkami bwa kam na rikirake nakon ami motinnano aika a boou ni buoka Ana mwakuri ae mimitong Tamami are i Karawa. Ni kabane mitinare iai tabeia ae e rangi ni kakawaki ni buoka te Uea n Ana mwakuri “n uota te aki mamate ao te maiu ae akea tokina nakon te aomata” (Mote 1:39).

Ena kakabwaiai ngkami te Uea ngkai kam nanorinano ao ni kakorakorai ngkami ni karaoa te mwakuri ni ibuobuoki Ibukina. Ke ko na kunea te kimwareirei ao te kukurei inanon am tai ni beku ibuakoia natin Tamara are i Karawa.

Te Moan Beretitentii