Savali a le Au Peresitene Sili

Mo Le Faifeautalai Pele:

Matou te faamalo atu ia te oe i le avanoa sili ua e maua e avea ai ma se faifeautalai O Le Ekalesia a Iesu Keriso o le Au Paia o Aso e Gata Ai. E leai se isi galuega e sili atu le faatauanau po o le taua nai lo le faapotopotoina o Isaraelu.

O le Tala’i La’u Talalelei ua faamoemoe e fesoasoani ia te oe ina ia avea ai ma se faifeautalai sili ona saunia lelei, ma sili atu ona matua i le faaleagaga. Ua faamoemoe foi e fesoasoani ia te oe ia avea ma se faiaoga e sili atu ona mataalia. Matou te uunaia oe e faaaoga i aso uma i au suesuega faaletagata lava ia ma faalesoa. Matou te uunaia foi outou e faaaogaina i a outou fonotaga a le aufono a le itu ma konafesi faalesone. Suesue i mau e faamaonia ai ma aoao ia aoaoga faavae ma mataupu faavae.

Matou te valaaulia outou e tulai atu i se lagona fou o le tautinoga ina ia fesoasoani atu i lo tatou Tama o i le Lagi i Lana galuega mamalu. O faifeautalai uma lava, ua i ai se matafaioi taua e fesoasoani atu ai e “faataunuu le faaofuina o le tagata i le tino ola pea ma le ola faavavau” (Mose 1:39).

O le a faamanuia oe e le Alii a o e tuuto atu ma le lotomaualalo oe lava e auauna atu ia te Ia. Tau ina ia outou maua le olioli tele ma le fiafia a o outou galulue faatasi ma fanau a le Tama Faalelagi.

O Le Au Peresitene Sili