“Kgaolo 3: Taletso ya go Kolobediwa le go Tlhomamisiwa,” Rera Efangele Yame: Kaelo ya go Abelana Efangele ya ga Jeso Keresete (2023)

“Taletso ya go Kolobediwa le go Tlhomamisiwa,” Rera Efangele Yame

Kgaolo 3

Taletso ya go Kolobediwa le go Tlhomamisiwa

Setshwantsho

Tlaya mo Losakeng lwa Modimo, ka Walter Rane

Motheo wa Thuto

Rotlhe re bana ba ga Rara wa Legodimo. Re tlile mo lefatsheng go nna le monyetla wa go ithuta, go gola, le go nna thata jaaka Ene gore re ka boela kwa boleng teng jwa Gagwe (bona Moshe 1:39). Ga re kake ra nna jaaka Ene kgotsa go boela kwa go Ene kwantle ga thuso ya semodimo. Rara wa rona wa Legodimo o ne a romela Morwa wa Gagwe, Jeso Keresete, go re direla tetlanyo le go kgaola dikgole tsa loso (bona 3 Nefi 27:13–22).

Re bona tshedimosetso mo thateng e e rekololang ya ga Keresete ka go dirisa tumelo mo go Ene go isa boikotlhaong, go kolobediwa, go amogela neo ya Mowa o o Boitshepo ka tlhomamiso, le go itshoka go ya bokhutlong. Go tshegetsa kgolagano ya kolobetso ke kgato ya ntlha ya go ikgolaganya le Modimo gore Mowa o o Boitshepo o ka re ntlafatsa, thatafatsa, le go fetola tlholego ya rona go nna botoka. Go itemogela tlhotlheletso e e itshepisang ena go bidiwa go tsalwa seša ga semowa. (Bona 2 Nefi 31:7, 13–14, 20–21; Mosia 5:1–7; 18; 27:24; 3 Nefi 27:20; Johane 3:5.)

Go tsalwa seša ga semowa go simolola fa re kolobediwa ka metsi le Mowa. Kolobetso ke tao e e itumedisang le ya tsholofelo. Fa re kolobediwa ka pelo tse di thubegileng le mowa o o ngomogileng, re simolola botshelo seša ka thata ya Modimo e e tshegetsang. Morago ga re kolobediwa le go tlhomamisiwa, re ka tswelela go thatafadiwa ka go ja sakaramente ka tshwanelo. (Bona 2 Nefi 31:13; Mosia 18:7–16; Moroni 6:2; Dithuto le Dikgolagano 20:37.)

Go Naya Taletso

Fa o ikutlwa o kaelwa ke Mowa, laletsa batho go kolobediwa le go tlhomamisiwa. Se se ka diragala ka nako ya thuto nngwe le nngwe.

Ruta thuto ya kolobetso le go thusa batho go tlhaloganya thuto ya ga Keresete (bona thuto 3). Ruta ka botlhokwa le boitumelo jwa kgolagano ya kolobetso, go amogela boitshwarelo jwa dibe, le go amogela mpho ya Mowa o o Boitshepo ka tlhomamiso.

Baakanyetsa batho taletso ya kolobetso ka go rurifatsa gore ba tlhaloganya se o se ba rutileng le kgolagano e ba tlaa e dirang. Kgolagano ya kolobetso e ntse jaaka go latela:

Go iketleeletsa go tsaya mo go rona leina la ga Jeso Keresete
Go tshegetsa ditaelo tsa Modimo
Go direla Modimo le ba bangwe
Go itshoka go ya bokhutlong (Bona thuto 4.)

O ka abelana tse di latelang:

“Fa re kolobediwa, re ‘supa fa pele ga [Modimo] gore [re] tsene mo kgolaganong le ene, gore [re] tlaa mo direla le go tshegetsa ditaelo tsa gagwe.’ Jaaka re dira kgolagano e, O solofetsa gore O tlaa ‘goromeletsa Mowa wa gagwe ka letlotlo mo go [rona]’ (Mosaeya 18:10).”

Taletso ya gago ya go kolobediwa e tshwanetse go nna e e kgethegileng ebile e tlhamaletse. O ka re:

“A o tlaa sala morago sekao sa ga Jeso Keresete ka go kolobediwa ke mongwe yo o tlhomilweng go diragatsa tao e? Re tlaa go thusa go ipaakanyetsa kolobetso. Re dumela gore o ka kgona go fitlhelela ipaakanyo ka [letsatsi]. A o tlaa ipaakanyetsa go kolobediwa mo letsatsing leo?

Jaaka ka taletso nngwe le nngwe e o e neelang, solofetsa ditshegofatso tse di kgolo tse batho ba tlaa di amogelang fa ba amogela taletso ya go kolobediwa le go tshegetsa dikgolagano tse di amanang le yone. Abelana bopaki jwa gago jwa ditshegofatso tse.

Ruta gore kolobetso le tlhomamiso ga se magorogelo a bofelo. Bogolo, ke dintlha mo tseleng ya go sokologa eo e tlisang tsholofelo, boitumelo, le thata ya Modimo gotlhelele thata mo botshelong jwa motho (bona Mosia 27:25–26). Morago ga gore batho ba kolobediwe le go tlhomamisiwa, ba ka lebelela pele go itshepisiwa ka Mowa jaaka ba ntse ba tswela pele mo tseleng ya kgolagano.

Fa go kgonega, laletsa ba o ba rutang go tsena tirelo ya kolobetso le bokopano jwa sakaramente jo mo go bone mongwe a tlhomamisiwang.

Megopolo ya Taletso ya Go Kolobediwa

Elatlhoko go bala pego e e mo dikwalo tse di boitshepo ya Jeso a kolobediwa (bona Mathaio 3:13–17). Gape o ka supa Ditshwantsho tsa motshikenyego tsa baebele e tlhalosa kolobetso ya Mmoloki kgotsa ditshwantsho tsa motshikinyego tsa Buka ya ga Momone ya barutwana ba Mmoloki ba kolobetsa.

O ka bala gape pego ya ga Nefae ya kolobetso ya ga Jeso (bona 2 Nefi 31:4–12). Go bala dipego tsa kolobetso ya ga Jeso Keresete go ka nonotsha bao ba ba rutiwang.

Ithutuntsho ya Dikwalo tse di boitshepo

Bala Dikwalo tse di boitshepo tse di latelang:

Kwala tshoboko ya se o se ithutileng.