“Sapta 3: Stadim na Tisim Gospel bilong Jisas Krais,” Tokaut long Gospel bilong Mi: Wanpela Gaid long Serim Gospel bilong Jisas Krais (2023)
“Sapta 3: Leson 4,” Tokaut long Preach My Gospel
Sapta 3: Leson 4
Kamap Oltaim Disaipel bilong Jisas Krais
Tisim Dispela Leson
Baptisim em i odinens bilong amamas na hop. Taim yumi baptais, yumi soim laik bilong yumi long bihainim God na go insait long rot i go long laip oltaim. Yumi soim tu komitmen long kamap oltaim disaipel Jisas Krais.
Dispela leson ol i stretim bihainim ol kavanen yumi mekim long baptisim. Em i gat ol dispela mein seksen , wanwan i gat ol liklik sab seksen:
Helpim ol pipol i klia long ol prinsipel na komanmen yu tisim i hap bilong kavanen ol bai mekim long baptisim. Soim ol hau wanwan hap bilong dispela leson bai helpim ol “kam long Krais … na kisim long salvesen bilong Em” (Omnai 1:26; na tu 1 Nifai 15:14).
Yu bai tisim dispela leson insait long sampela miting. Wanwan taim tising bai go moa long 30 minits. Em i gutpela long holim ol sotpela, na planti moa visit bai karamapim ol liklik hap bilong ol matiriel.
Plenim wanem yu bai tisim, taim yu bai tisim, na hamas taim yu bai kisim. Tingting long ol nid bilong ol pipol yu bai tisim,painim gaidens bilong Spirit. Em i laik bilong yu hau long tisim ol leson long helpim ol pipol i redi gut long baptisim na konpemesen.
Sampela seksen long dispela leson i gat ol wanwan invitesen. Painim gutpela tingting long hau na wanem taim long givim invitesen. Yu mas save gut tru wanem kain ol askim man em askim na levol long save na tingting bilong em. Helpim em long stap bihainim gospel isi isi.
Kavanen bilong Yumi long Kisim antap long Yumi Nem bilong Jisas Krais.
Taim yumi i baptais, yumi mekim kavanen long bihainim Jisas Krais “wantaim olgeta bel bilong yumi.” Yumi witnes tu olsem yumi “wanbel long kisim antap long [yumi] nem bilong Krais” (2 Nifai 31:13; lukim tu Doktrin na Kavanen 20:37).
Long kisim antap long yumi nem bilong Jisas Krais i min olsem yumi tingim Em na traim hat long stap olsem ol disaipel bilong em olgeta taim. Yumi larim lait bilong Em long sain thru long yumi i go long ol narapela. Yumi pilim fogivnes bilong God na bel isi bilong Em insait long laip bilong yumi.
Ol dispela seksen i toktok long tupela wei yumi ken tingim na bihainim Jisas Krais.
Pre Olgeta Taim.
Prea em i wanpela isi wei long toktok wantaim Papa long Heven i kam long stret long bel. Long prea, yumi toktok long Em long trupela tok na yumi no haitim. Yumi tokaut long lav yumi gat long Em na tok tenkyu long ol blesing. Yumi tu askim long helpim, lukaut, na daireksen. Taim yumi pasim prea, yumi mas kisim taim long stap isi na harim.
Jisas i tis, “Yupela mas olgeta taim pre long Papa long nem bilong mi” (3 Nifai 18:19, tok strong; lukim tu Moses 5:8). Taim yumi pre long nem bilong Jisas Krais, yumi tingim Em na Papa long Heven.
Jisas i setim eksampel long yumi long long bihainim taim yumi pre. Yumi ken lainim planti long prea taim yumi stadim ol prea bilong Seivia insait long ol Skripsa (lukim Matthew 6:9–13; John 17).
Ol prea bilong yumi i ken gat ol dispela hap:
-
Stat taim yu adresim Papa long Heven.
-
Tokaut long ol piling long bel bilong yu, olsem tenkyu long ol blesing yu kisim.
-
Askim ol kwesten, painim gaidens, na askim long ol blesing yu nidim.
-
Yumi pasim ol prea bilong yumi long tok olsem, “Insait long nem bilong Jisas Krais, amen.”
Ol skripsa i tok strong long yumi long pre long morning na long nait. Tasol, yumi ken pre long enitaim na long wanem hap yumi stap. Long ol prea bilong yumi wanwan na famili, em bai gat mining long nil daun taim yumi pre. Yumi mas olgeta taim gat prea insait long bel bilong yumi. (Lukim Alma 34:27; 37:36–37; 3 Nifai 17:13; 19:16.)
Ol prea bilong yumi i mas gat tingting na i kam long bel. Taim yumi pre, yumi mas noken tok ol wankain samting long wankain wei.
Yumi pre long feit, gutpela bel na trupela tingting long mekim ol wok long on ansa yumi kisim. Taim yumi mekim olsem, God bai gaidim yumi ina helpim yumi mekim gutpela disisen. Yumi bai pilim klostu long Em. Em bai givim yumi gutpela klia tingting na toktru. Em bai blesim yumi wantaim kamfot, bel isi na strong.
Skripsa Stadi
Lainim Moa long Dispela Prinsipel
Stadim ol Skripsa.
Nifai i tis, “Skulim ol toktok bilong Krais; bikos [ol] bai tokim yupela long olgeta wanem samting yupela mas wokim” (2 Nifai 32:3; lukim tu 31:20).
Stadim ol skripsa em i nambawan wei long tingim na bihainim Jisas Krais. Insait long ol Skripsa yumi lainim long laip bilong Em, ministri, na ol tising. Yumi lainim tu long ol promis bilong Em. Taim yumi ritim ol skripsa, yumi ekspiriensim lav bilong Em. Ol sol bilong yumi i bikpela, feit bilong yum long Em i pulap, na ol tingtting bilong yumi i klia. Ol testimoni bilong yumi divain misin bilong Em i kamap moa strong.
Yumi tingim na bihainim Jisas taim yumi bihainim ol toktok bilong Em long laip bilong yumi. Yumi mas stadim ol skripsa olgeta de, moa yet dispela Buk Momon.
Ol skripsa bilong Sios bilong Jisas Krais bilong ol Seint long Las de em Holi Baibel, Buk Momon, Doktrin na ol Kavanen, na Pel bilong Gret Prais. Dispela yumi kolim long ol “stended wok.”
Skripsa Stadi
Lainim Moa long Dispela Prinsipel
-
Gaid i go long ol Skripsa: “Ol Skripsa”
-
Ol Gospel Topik: “Ol Skripsa”
Kavanen bilong yumi long Kipim ol Komanmen bilong God.
Nout: I gat planti wei long tisim ol komanmen long dispela seksen. Eksampel, yu ken tisim long sampela miting. O yu ken tisim sampela long ol olsem hap bilong ol tripela nambawan leson. Taim yu tisim ol komanmen, mekim sua long konektim i go long baptismal kavanen na plen bilong salvesen.
Taim yumi i baptais, yumi mekim kavanen wantaim lGod bai yumi “kipim ol komanmen bilong em” (Mosaia 18:10; Alma 7:15).
God i givim yumi komanmen bikos Em i lavim yumi. Em laikim olsem gutpela samting bai kamap bilong yumi, long nau na long laip oltaim. Olsem Papa bilong yumi long Heven, Em i save wanem yumi nidim long gutpela pisikel bilong yumi na spirit tu. Em i save tu wanem bai bringim yumi bikpela amamas. Wanwan komanmen em i presen i kam long God, i givim long gaidim ol disisen bilong yumi, lukautim yumi na helpim yumi gro.
Wanpela risen yumi kam long ples graun em long lainim na gro taim yumi yusim ejensi gut.(lukim Abraham 3:25). Sus long bihainim ol komanmen bilong God—na tanim bel taim yumi pundaun—bai helpim yumi long painim wei bilong yumi long dispela wokabaut long dispela laip.
Ol komanamen bilong God i gat strong na blesing (lukim Doktrin na ol Kavanen 82:8–9). Taim yumi kipim ol komanmen, yumi lainim olsem ol i no ol bikpela rul i gat hevi na i banisim fridom bilong yumi. Trupela fridom i kam long pasin bilong bihainim ol komanmen. Bihainim tok em i hap bilong kisim strong bai bringim lait long yumi na save thru long Holi Gos. Em i bringim bikpela amamas na helpim yumi painim save olsem ol pikinini bilong God.
God i promis long blesim yumi taim yumi kipim ol komanmen bilong Em. Sampela blesing i pas long ol sampela komanmen. Bikpela blesing bilong Em em long bel isi long dispela laip na laip oltaim long wol bai kam. (Lukim Mosaia 2:41; Alma 7:16; Doktrin na ol Kavanen 14:7; 59:23; 93:28; 130:20–21.)
Ol blesing bilong God i save kam long sait biloong spirit na tu long pisikel. Long sampela taim, yumi nid long stap isi na wetim ol, tras olsem ol bai kam long taim bilong Em (lukim Mosaia 7:33; Doktrin na ol Kavanen 88:68). Long luksave long sampela blesing, we mas was gut na lukluk wantaim spirit. Dispela em i tru long ol blesing i save kam long ol isi na odinari wei.
Sampela blesing bai kamap ples klia bihain tru. Ol narapela bai no nap long kam inap long narapela laip. Maski long taim na wei ol blesing i save kam long God, yumi ken save olsem ol bai kam taim yumi traim long stap insait long gospel bilong Jisas Krais (lukim Doktrin na ol Kavanen 82:10).
God i laikim olgeta ol pikinini gut tru. Em i gat isi pasin wantaim wiknes bilong yumi, na Em bai pogivim yumi taim yumi tanim bel.
Dispela Tupela Bikpela Komanmen
Taim Jisas i kisim askim. “Wanem em bikpela komanmen?” Em i bekim, “Yu mas lavim Bikpela God bilong yu wantaim olgeta bel bilong yu, na olgeta sol bilong yu, na olgeta tingting bilong yu.”
Bihain Jisas i tokim long nambatu bikpela komanmen i olsem nambawan: “Yu bai lavim neiba bilong yu olsem yu yet” (Matthew 22:36–39). “I nogat narapela i bikpela moa long dispela tupela” (Mark 12:31).
Olsem ol spirit pikinini bilong God, yumi gat bikpela lav. Em i stap long pasin bilong yumi olsem ol spirit. Stao long dispela tupela bikpela komanmen—long lavim God pastaim na long lavim neiba—em i pasin bilong ol disaipel bilong JIsas Krais.
Lav bilong God
I gat planti wei yumi i ken soim lav bilong yumi long God. Yumi ken kipim ol komanmen bilong Em.(lukim John 14:15, 21). Yumi ken putim Em pastaim long laip bilong yumi, givim yumi yet long laik bilong Em. Yumi ken putim olgeta laik, tingting na bel bilong yumi long Em (lukim Alma 37:36). Yumi ken stap wantaim amamas na tok tenkyu long ol blesing Em i givim yumi—na yumi ken amamas long serim ol dispela blesing (lukim Mosaia 2:21–24; 4:16–21). Long prea na sevis long ol narapela, yumi ken soim na strongim lav bilong yumi long Em.
Olsem ol narapela komanmen, dispela komanmen long lavim God em i bilong gutpela bilong yumi. Wanem yumi lavim bai soim wanem yumi painim. Wanem yumi painim soim wanem yumi tingim na wokim. Na wanem yumi tingim na wokim i soim yumi husat—na yumi bai kamap husat.
Lav bilong ol Narapela
Lavim ol narapela em i pasin bilong givim lav bilong God. Seivia i tisim yumi planti wei long lavim ol narapela (lukim, eksampel, Luke 10:25–37 na Matthew 25:31–46). Yumi putim han i go aut na welkamim ol i kam insait long bel na laip bilong yumi. Yumi lavim ol wantaim sevis—givim yumi yet maski em ol liklik wei. Yumi lavim ol narapela taim yumi yusim ol presen God i givim yumi long blesim ol.
Lavim ol narapela em long gat isi pasin, gutpela pasin na pasin bilong tok tru na i no giaman. Em i kam wantaim pasin bilong givim tasol na i no askim long pe. Em i min long wokim gutpela pasin i gat rispek long olgeta.
Taim yumi lavim wanpela, yumi na dispela man o meri bai kisim blesing. Bel bilong yumi bai gro, laip bilong yumi bai gat moa mining, na amamas bilong yumi bai pulap.
Ol Blesing
Dispela tupela komanmen—long lavim God na lavim neiba—em as bilong olgeta komanmen bilong God.(lukim Matthew 22:40). Taim yumi lavim God pas, na tu lavim ol narapela, olgeta samting long laip bilong yumi bai suruk i go long rait hap bilong em. Dispela lav bai i gat afektim tingting bilong yumi, hau yumi yusim taim bilong yumi, ol samting yumi save laik wokim, na oda bilong ol samting yumi bai wokim.
Skripsa Stadi
Lainim Moa long Dispela Prinsipel
Bihainim Profet
God i singautim ol profet long sanap olsem ol mausman bilong Em long ples graun. Long ol profet bilong Em, Em i autim toktru na givim gaidens na tok lukaut.
God i singautim Joseph Smith long kamap nambawan profet bilong ol las de.(lukim leson 1). Ol lain i kam bihain long Joseph Smith em ol tu God i kolim ol long lidim Sios bilong Em, wantaim tu profet i lid nau yet tede. Yumi mas kisim strongpela tingting long koling bilong profet i kam long God a bihainim ol tising bilong em.
Ol tising bilong ol profet i stap laip na ol aposel i pasim strong dispela toktru bilong oltaim long dispela wol i gat ol kainkain tingting. Taim yumi bihainim ol profet bilong God, ol paul tingting bilong dispela wol bai no inap long winim yumi. Yumi bai painim bikpela amamas long dispela laip na kisim gaidens bilong dispela hap bilong wokabaut bilong laip oltaim.
Skripsa Stadi
Lainim Moa long Dispela Prinsipel
-
”Gaid i go long ol Skripsa: “Profet” “Profetes,” “Profesi, Profesi”
-
Ol Gospel Topik: “Profet,” “Profesi”
Kipim ol Tenpela komanmen.
God soim ol Tenpela Komanmen long profet bilong bipo taim Moses long gaidim ol pipol bilong em. Ol dispela komanmen nau yet yumi luksave long ol long dispela de. Ol i tisim yumi long wosipim na soim rispek long God. Ol tu i lanim yumi hau long mekim gutpela pasin long wanpela narapela.
-
“Yuplea i mas noken bihainim ol narapela god pstaim long me” (Exodus 20:3). Ol narapela “god” em ol planti samting olsem ol samting bilong haus, pawa, o luksave.
-
“Yuplea i no ken mekim wanpela giaman god” (Exodus 20:4).
-
“Yupela i noken kolim nating nem bilong Bikpela God” (Exodus 20:7).
-
“Yupela mas tingim gut sabat de, na kipim holi (Exodus 20:8).
-
“Onarim ol papa na mama bilong yupela” (Exodus 20:12).
-
“Yupela i no ken kilim i dai ol narapela manmeri” (Exodus 20:13).
-
“Yupela i no ken mekim pasin pamuk” (Exodus 20:14)
-
“Yupela i no ken stil” (Exodus 20:15)
-
“Yupela i no ken giaman na kotim nating ol narapela manmeri” (Exodus 20:16).
-
“Yupela i no ken mangalim samting bilong narapela man” (Exodus 20:17).
Skripsa Stadi
Lainim Moa long Dispela Prinsipel
-
Gaid i go long ol Skripsa: “Komanmen, ol Tenpela”
-
Ol Gospel Topik: “Tenpela Komanmen”
Stap Insait Long Lo bilong Sastiti.
Dispela lo bilong sastiti em i impoten hap bilong plen bilong God long salvesen na eksaltesen bilong yumi. Pasin bilong stap wantaim man na meri em God i odeinim bilong kamapim ol pikinini na bilong soim lav insait long marit. Dispela pasin na pawa em long kamapim ol man em i naispela na i sekret.
Lo bilong sastiti God i mekim em i tok nogat pasin bilong slip wantaim man na meri i no marit. Dispela lo i min olsem i gat pasin bilong stap loyal long wanpela insait long marit.
Long helpim yumi kipim dispela lo bilong sastiti, ol profet i tok strong ong gat ol klinpela tingting na toktok. Yumi mas i no ken tru lukim ol kainkain piksa nogut. Long holim dispela lo bilong sastiti, yumi mas gat gutpela pasin long lukluk bilong yumi.
Ol lain i laik baptais i mas bihanim dispela lo.
Tanim Bel na Pogivnes.
Long ai bilong God, brukim lo bilongsastiti em i bikpela tru.(lukim Exodus 20:14; Ephesians 5:3). Em i no yusim gut dispela sekret pawa bilong kamapim ol pikinini. Tasol Em i go het long lavim yumi maski yumi brukim dispela lo. Em i invaitim yumi long tanim bel na kamap klin thru long atonmen na sakripais bilong Jisas Krais. Hevi bilong sin i ken kisim ples bilong switpela bel isi bilong pogivnes bilong God (lukim Doktrin na ol Kavanen 58:42–43).
Ol Blesing
God i givim dispela lo bilong sastiti long blesim yumi na ol spirit pikinini Em i salim kam long ples graun. Bihainim dispela lo em i impoten long bel isi bilong yumi wanwan na long gat lav, tras, na yuniti insait long ol sindaun bilong ol famili.
Taim yumi bihainim lo bilong sastiti, yumi bai gat banis long nogut bilong spirit i kam pasin nogut ausait long marit. Bai yumi lusim tu ol pasin bilong bel hevi na kros paiut i kam wantaim ol dispela pasin. Yumi bai gro long strong bilong yumi long ai bilong God (lukim Doktrin na ol Kavaven 121:45). Yumi bai opim wei bilong influens bilong Holi Gos. Yumi bai redi gut long mekim ol sekret kavanen insait long temple i yunaitim ol famili bilong yumi oltaim oltaim.
Skripsa Stadi
Lainim Moa long Dispela Prinsipel
-
Gaid i go long ol Skripsa: “Sastiti”
-
Ol Gospel Topik: “Sastiti”
Holimpas dispela Lo bilong Taiting.
Wanpela bikpela blesing long kamap membasip insait long Sios em i long displea opotuniti long peim taiting. Taim yumi putim tait, yumi helpim bilong God na blesim ol pikinini bilong Em.
Dispela lo bilong taiting i stat long taim bilong Olpela Testamen. Olsem eksampel, profet Abraham i peim taiting long olgeta samting em i gat (lukim Alma 13:15; Genesis 14:18–20).
Dispela tok tait em i min wanpela hap bilong tenpela hap. Taim yumi putim tait, yumi givim wanpela hap bilong pe bilong yumi long Sios (lukim Doktrin na ol Kavanen 119:3–4; interes em i min olsem pe yu kisim long wok). Olgeta samting yumi gat em i presen i kam long God. Taim yumi peim taiting, yumi soim tenkyu long Em na givim bek liklik hap long wanem Em i givim long yumi.
Long peim taiting em i soim feit bilong yumi. Em i wanpela wei tu long givim ona long God. Jisas i tis olsem yumi mas “painim … pastaim dispela kingdom bilong God” (Matthew 6:33), na taiting em i wanpela wei long mekim dispela.
Yusim ol Taiting Moni
Ol taiting em ol sekret moni. Yumi givim taiting long wanpela memba bilong bisoprik o brens presidensi tasol, o long planti hap yumi ken peim onlain. Taim bisoprik i kisim taiting, ol bai trensmitim i go long Sios hetkota.
Wanpela kaunsil i bung wantaim Nambawan Presidensi, Kwarum bilong ol Twelpela Aposel, na Prisaiding Bisoprik bai mekim disisen hau long yusim ol taiting moni long wok bilong God (lukim Doktrin na ol Kavanen 120:1). Dispela bai inkludim:
-
Bildim na menteinim ol temple na ol miting haus.
-
Tanim tok na pablisim ol skripsa.
-
Sapotim ol ektiviti na ol wok operesen bilong lokal Sios kongrigesen.
-
Sapotim misinari wok long olgeta hap bilong wol.
-
Sapotim famili histori wok.
-
Fandim ol skul na edukesen.
Taiting i no bilong peim ol lokal Sios lida. Ol i sev olsem voluntia na i nogat pe.
Ol Blesing
Taim yumi peim taiting, God i promisim ol blesing i bikpela moa long wanem yumi givim. Em bai “opim … dispela ol windo bilong heven, na kapsaitim … kam aut wanpela blesing, bai nogat rum inap long kisim” (Malachi 3:10; lukim veses 7–12). Ol dispela blesing bai bilong spirit na tu pisikel.
Skripsa Stadi
Lainim Moa long Dispela Prinsipel
-
Gaid i go long ol Skripsa: “Tait, Taiting”
-
Ol Gospel Topik: “Taiting”
Bihainim dispela Lo bilong Helt.
Lo bilong Helt bilong Bikpela
Ol bodi bilong yumi em ol holi presen i kam long God. Yumi wanwan i nidim bodi long kamap olsem Em. Ol bodi bilong yumi i impoten tru olsem na ol skripsa i komperim ol i go long temple.(lukim 1 Corinthians 6:19–20).
Bikpela i laikim yumi long mekim gut long ol bodi bilong yumi. Long helpim yumi mekim dispela, Em i autim dispela lo bilong helt yumi kolim olsem Wod bilong Wisdom. Dispela revelesen i tisim yumi long kaikai ol gutpela helti kaikai na i noken yusim ol samting bai bagarapim bodi bilong yumi—olsem alkahol, simuk, na ol hotpela dring (minim ti na kofi).
Long spirit bilong Wod bilong Wisdom, ol profet nau i tok lukaut agensim ol samting bai bagarapim bodi, lo i tambuim o bai yu hat long lusim. Ol profet tu i tok lukaut agensim ol pasin bilong yusim nating ol drag i kam wantaim priskripsen. (Misin presiden bilong yu bai bekim ol kwesten long ol narapela samting insait long eria bilong yu we yu no inap long yusim.)
Ol Blesing
Bikpela i givim dispela Wod bilong Wisdom bilong gutpela pisikel na spiritual laip bilong yumi. Em i promisim ol blesing taim yumi kipim dispela komanmen. Ol dispela blesing i inkludim helt, wisdom, ol gutpela samting bilong save, na banis olsem proteksen (lukim Doktrin na ol Kavanen 89:18-21).
Bihainim Wod bilong Wison bai helpim yumi moa isi long kisim ol promting bilong Holi Gos. Maski yumi olgeta i save ekspiriensim ol salens bilong helt, bihainim dispela lo bai helpim yumi stap helti long bodi, tingitng na spirit.
Ol lain i laik baptais i mas bihainim dispela Wod bilong Wisdom.
Long gaidens long helpim ol pipol husat i painim hat long ol adikesen, lukim sapta 10.
Skripsa Stadi
Lainim Moa long Dispela Prinsipel
-
Gaid i go long ol Skripsa: “Wod bilong Wisdom”
-
Ol Gospel Topik: “Helt,” “Wod bilong Wisdom”
-
Helpim bilong Laip: “Adiksen”
Kipim Sabat De Holi
Wanpela De bilong Malolo na Lotu
Sabat em i holi de God i makim bai yumi malolo long ol wok bilong yumi wanwan wik na lotuim Em. Wanpela long ol Tenpela Komanmen Moses i bin kisim em long “tingim gut sabat de, long kipim holi” (Exodus 20:8; lukim tu veses 9–11).
Long revelesen bilong nau, Bikpela i mekim dispela tok gen olsem Sabat “em i de God i makim bilong yumi long maololo long ol wok bilong yumi, na peim divosen i go long dispela i stap Antap Tru” (Doktrin na ol Kavanen 59:10). Em i tok tu olsem Sabat em i de bilong amamas, prea, na tok tenkyu (lukim veses 14–15).
Taim yumi lotu long Sabat, yumi kam long sakramen miting wanwan wik. Long dispela miting, yumi lotuim God na kisim sakramen long tingim Jisas Krais na Atonmen bilong Em. Taim yumi kisim sakramen, yumiu riniwim ol kavanen bilong yumi wantaim God na soim olsem yumi bai wanbel long tanim bel long ol sin bilong yumi. Dispela odinens bilong sakramen em i stap namel long pasin bilong luksave long Sabat-de.
Long sios yumi go long ol klas tu we yumi lainim moa long gospel bilong Jisas Krais. Feit bilong yumi i gro taim yumi stadim ol skripsa wantaim. Lav bilong yumi gro taim yumi sevim na strongim wanpela narapela.
Antap long malolo long ol wok bilong yumi long Sabat, yumi mas noken mekim soping na ol narapela ektiviti bai mekim i luk olsem narapela de. Yumi lusim olgeta wok bilong dispela wol na fokasim tingting na eksen long ol samting bilong spirit.
De bilong Wokim Gutpela Samting
Wokim gutpela samting long Sabat em i impoten olsem samting yumi stop long mekim long makim olsem holi. Yumi lainim gospel, strongim feit, bildim ol gutpela sindaun, givim sevis, na tek pat long ol samting i gutpela wantaim ol famili na poro.
Ol Blesing
Makim na kipim Sabat de holi i soim divosen bilong yumi long Papa long Heven na Jisas Krais. Taim yumi kmekim ol ektiviti bilong Sabat i go wantaim laik bilong God, yumi bai pilim amamas na bel isi. Yumi bai pulap long sait bilong spirit na kisim gutpela strong long pisikel sait. Yumi bai pilim klostu long God na strongim stap bilong yumi wantaim Seivia bilong yumi. Yumi bai mekim yumi yet “nogat mak nogut bilong dispela wol” (Doktrin na Kavanens 59:9, 79). Dispela Sabat bai kamap “wanpela amamas” (Isaiah 58:13; lukim tu vese 14).
Skripsa Stadi
Lainim Moa long Dispela Prinsipel
-
Ol Gospel Topik: “Sabat De”
-
Gaid i go long ol Skripsa: “Sabat De”
Bihainim na Honarim dispela Lo.
Ol Seint bilong Las-de i bilip long bihainim lo na kamap gutpela ol sitisen (lukim Doktrin na ol Kavanen 134; Ol Bilip 1:12). Ol Sios memba i gat enkarismen long givim sevis long stretim komuniti na nesen. Ol i gat tu enkarismen long sanap strong long ol gutpela pasin bilong sosaiti na gavmen.
Ol Sios memba i gat invitesen long tek pat long gavman na ol politiks insait long lo i stap. Ol memba husat o holim oll posisen long gavman bai ekt long ol dispela wok olsem ol gutpela sitisen, na i no makim Sios.ol i mekim dispela ol samting bikos ol tingim ol narapela ol mameri insait long komuniti bilong ol, na i no bikos long ol karim nem bilong dispela Sios.
Skripsa Stadi
Lainim Moa long Dispela Prinsipel
-
“Ol Ektiviti bilong Politiks na Kantri” insait long seksen 38.8 bilong Jeneral Henbuk
-
Ol Gospel Topik: “Sitisensip”
Kavanen bilong Yumi long Sevim God na ol Narapela
Sevis
Taim yumi i baptais, yumi mekim kavanen long givim ol sevis long ol narapela Sevim ol narapela em i wanpela ol nambawan wei yumi sevim God (lukim Mosaia 2:17). Profet Alma i tisim ol lain husat i laik baptais olsem ol i mas “wanbel long karim hevi bilong wanpela narapela, … i krai wantaim ol lain i krai … ,na givim kamfot long ol lain husat i gat nid long kamfot” (Mosaia 18:8–9).
Bihain long baptisim, ol nupela memba bai kisim koling long sev insait long Sios. Ol dispela koling em voluntia wok na i nogat pe, Taim yumi akseptim ol na sev gut, yumi gro long feit, divelopim ol talen, na blesim ol narapela.
Narapela hap bilong sevis insait long SIos em long kamap olsem “ministaring brata” o “ministaring sista.” Long dispela wok, yumi sevim ol wanwan lain na ol famili ol i makim long yumi.
Olsem ol disaipol bilong Jisas Krais, yumi painim ol opotuniti long sev long wanwan de. Olsem Em, yumi go “raun na wokim ol gutpela samting” (Acts 10:38). Yumi sevim ol neiba na oll ol narapela insait long komuniti. Yumi ken tek pat long sevis opotuniti thru long JustServe we em i stap. Yumi ken sapotim ol wok humeniterian bilong Sios na tek pat long disasta rispons.
Skripsa Stadi
Lainim Moa long Dispela Prinsipel
-
Gaid i go long ol Skripsa: “Sevis”
-
Ol Gospel Topik: “Sevis”
Serim dispela Gospel
Olsem baptismal kavanen bilong yumi, yumi promis long “sanap olsem ol witnes bilong God” (Mosaia 18:9). Wanpela wei yumi sanap olsem witnes em long serim gospel bilong Jisas Krais. Helpim ol narapela kisim dispela gospel em i wanpela bikpela wei bilong sevis yumi ken givim (lukim Doktrin na ol Kavanen 18:-15–16). Em i pawaful wei bilong soim lav bilong yumi.
Taim yumi ekspiriensim dispela ol blesing bilong stap insait long gospel, yumi bai laik serim ol dispela blesing. Ol famili memba, poro na ol lain bai kamap interes taim yumi setim feitful eksampel na lukim hau gospel i blesim laip bilong yumi. Yumi ken serim dispela gospel long ol nomol wei (lukim Jeneral Henbuk, sapta 23).
Yumi invaitim ol narapela long tek pat wantaim yumi long sevis, komuniti, pilai, na Sios ektiviti. Yumi ken invaitim ol long wanpela Sios miting o wanpela baptismal sevis. Yumi ken invaitim ol long lukim wanpela onlain vidio we i tok klia long gospel bilong Jisas Krais, long ritim Buk Momon, o long visitim wanpela temple open haus. I gat planti invitesen yumi ken givim. Sampela taim, invait i min olsem yumi kisim ol famili, poro na ol neiba kam long wanem yumi save mekim.
Sapos yumi askim, God bai helpim yumi luksave long ol opotuniti long serim gospel na tokim ol narapela hau em i blesim laip bilong yumi.
Long moa inpomesen long aplaim ol prinsipel bilong lavim, serim na invaitim, lukim “Yunait wantaim ol Memba” long sapta 9.
Skripsa Stadi
Lainim Moa long Dispela Prinsipel
-
Gaid i go long ol Skripsa: “Misinari Wok”
-
Ol Gospel Topik: “Misinari Wok”
Ol Fasting na Fast Ofaring
God i putim dispela lo bilong fast olsem wei bilong yumi long kamapim strong long spirit na long helpim ol lain i gat nid.
Fasting i min olsem bai yu lusim kaikai na dring wara long wanpela liklik taim. Sios i setim nambawan Sande bilong olgeta mun olsem de bilong fast. Long de bilong fast yu bai noken kaikai na noken dring wara long 24pela aua sapos pisikel bodi i orait. Ol narapela impoten samting bilong mekim long fast Sande em long prea na berim testimoni. Yumi gat enkarismen long fast long ol narapela taim taim yumi pilim i gat nid.
Bildim Strong Bilong Spirit.
Fasting ken helpim yumi kamapim daun pasin, kam klostu long God, na pilim nupela spirit. Pastaim long ministri bilong Em, Jisas Krais i bin fast.(lukim Matthew 4:1–2). Ol skripsa i gat rekot bilong planti profet na ol narapela i fast bai o i ken gat strong bilong spirit na painim ol spesel blesing bilong ol yet o ol narapela.
Fast na prea i go wantaim. Taim yumi fast na pre wantaim feit, yumi bai harim na kisim moa ol revelesen bilong yumi wanwan. Yumi bai isi long kisim na luksave long toktru na klia long laik bilong God.
Helpim ol Lain i gat Nid
Taim yumi fast, yumi mas givim moni long Sios long lukautim ol lain i gat nid. Yumi kolim dispela fast ofaring. Yumi gat invitesen long givim wanpela ofaring i nap olsem pe bilong ol kaikai yumi lusim. Yumi gat enkarismen long givim moa long pe bilong ol dispela kaikai sapos yumi ken. Givim fast ofaring em i wanpela wei yumi ken sev.
Ol fast ofaring ol i yusim long givim kaikai na ol narapela samting long ol lain pipol i gat nid long hap yumi stap na long olgeta wol. Long moa inpomesen long hau long kontribut, lukim “Donetim ol tait na Narapela Ofaring” long dispela leson.
Skripsa Stadi
Pasin bilong Lusim Kaikai
Lukautim ol Lain i Gat Nid.
Lainim Moa long Dispela Prinsipel
-
Gaid i go long ol Skripsa: “Fas, Fasting”
-
Jeneral Henbuk: 22.2.2
-
Ol Gospel Topik: “Fasting na Fas Ofaring”
Kavanen bilong Yumi long Stap strong i go inap long Pinis.
Taim yumi i baptais, yumi kavanen wantaim God long “stap strong i go long pinis” long stap insait long gospel bilong Jisas Krais (2 Nifai 31:20; lukim tu Mosaia 18:13). Yumi traim long kamap oltaim disaipel bilong Jisas Krais.
Buk Momon profet Nifai i tok baptisim em i olsem get we yumi bai go insait long rot bilong gospel (lukim 2 Nifai 31:17). Bihain long baptisim, yumi gohet long “pres fowod wantaim holim strong long Krais” (2 Nifai 31:20).
Taim yumi “pres fowod” long dispela rot bilong disaipelsip, yumi redi long go long temple. Long hap yumi bai mekim ol kavanen wantaim God taim yumi kisim ol temple odinens. Insait long temple, yumi bai endau wantaim pawa na i ken sil olsem ol famili long laip oltaim. Holimpas long ol kavanen yumi mekim long temple bai opim ol dua long ol blesing bilong spirit na blesing God i gat bilong yumi.
Taim yumi go het wantaim feit long dispela rot bilong gospel, yumi bai kisim ol bikpela presen bilong God—dispela presen bilong laip oltaim (lukim 2 Nifai 31:20; Doktrin na ol Kavanen 14:7).
Ol dispela seksen i tok klia long sampela hap bilong wanem God i givim long helpim yumi stap strong i go long pinis long dispela wokabaut bilong dispela laip—na painim amamas long en.
Ol Prishud na Sios Oganaisesen
Prishud em i atoriti na pawa bilong God. Thru long prishud, Papa long Heven i kamapim olgeta wok bilong Em “long bringim kam dispela no inap long dai na laip oltaim” bilong ol pikinini bilong Em (Moses 1:39). God i givim atoriti na pawa long ol pikinini man na meri bilong Em long ples graun long helpim mekim dispela wok.
Prishud i blesim yumi olgeta. Ol odinens olsem baptisim na sakramen em yumi kisim thru long ol lain i holim prishud opis. Yumi bai kisim tu ol blesing bilong hiling, kamfot na kaunsel.
Ol Prishud na Sios Lidasip Koling
Jisas Krais i lidim dispela Sios thru long ol profet na ol aposel. Ol dispela lida God i kolim, odeinim na givim prishud atoriti long mekim wok long nem bilong Seivia.
Long taim bipo, Krais i givim ol Aposel bilong Em dispela wankain prishudatori, we i mekim ol i kamapim Sios bilong Em bihain long Em i go bek long heven. Dispela atoriti i bin lus taim ol manmeri bin tanim baksait long dispela gospel na ol Aposel i dai.
Ol lain i karim toksave i kam long heven i bringim kam bek dispela prishud long 1829 thru long Profet Joseph Smith, na Bikpela gen i kamapim Sios bilong Em wantaim ol aposel na ol profet. (Lukim leson 1.)
Long lokal level , ol bisop na ol stek presiden i gat prishud atoriti long lidim ol Sios kongrigesen.
Taim ol man na meri i kisim koling na set apat long sev insait long Sios, ol bai kisim atoriti i kam long God long wok long dispela koling. Dispela atoriti ol i givim long ol misinari, ol lida, ol tisa, na ol narapela inap ol bai rilis long koling bilong ol. Em bai kam aninit long ol lain i holim ol dispela prishud ki.
Prishud atoriti yu ken yusim tasol long mekim stretpela pasin.(lukim Doktrin na ol Kavanen 121:34–46). Dispela atoriti em i sekred long maikim Seivia na mekim wok long nem bilong Em. Em bai olgeta taim blesim na seivim ol narapela.
Aronik Prishud na Melkisedek Prishud.
Isait long Sios, i gat tuplea prishud Aronik Prishud na Melkisedek Prishud. Aninit long daireksen bilong ol lain i holim ol prishud ki, Aronik na Melkisedek Prishud bai givim long ol man i woti Sios memba. Bihain long rait prishud i go long man, dispela man bai odein long wanpela opis, olsem diken o elda. Wanpela husat i holim rait atoriti bai odeinim em.
Taim man o yangpela man i kisim dispela prishud, em i mekim kavanen wantaim God long inapim olgeta sekred wok, sevim ol narapela, na helpim long bildim dispela Sios.
Ol yangpela man i ken kisim Aronik Prishud na bai odein long January long yia ol bai tanim 12. Ol bai odein olsem ol tisa long yia ol bai tanim 14 na pris long yia ol bai tanim 16. Ol man i konvet husat i stap long krismas bilong kisim Aronik Prishud bai kisim bihain long baptisim na konpemesen. Ol Aronik Prishud holda i save administarim ol odinens olsem sakramen na baptisim.
Bihain long sevim taim olsem pris insait long Aronik Prishud, wanpela man husat i woti na i klostu 18 bai kisim Melkisedek Prishud na odein olsem elda. Ol man husat i kisim dispela Melkisedek Prishud ken mekim prishud odinens olsem givim ol blesing bilong hiling na kamfotim ol famili memba na ol narapela.
Lukim Jeneral Henbuk, 38.2.9.1, long moa inpomesen long ol nupela memba husat i kisim ol prishud.
Ol Kwarum na ol SIos Oganaisesen.
Ol Prishud Kwarum Kwarum em i wanpela grup i gat ol prishud holda. Wanwan wod i gat wanpela kwarum bilong bikpela man. Ol Diken, ol tisa, na ol pris i em ol kwarum bilong ol yangpela man.
Rilif Sosaiti Ol klas bilong ol meri we krismas bilong ol i 18 na igo antap. Ol memba bilong ol Rilif Sosaiti i save strongim ol famili, ol wanwan man, na ol komuniti.
Ol Yangpela Meri Ol Yangpela meri i joinim Yang Wimen oganaisesen stat long Janueri long yia ol bai tanim 12.
Praimeri Ol pikinini krismas 3 go 11 bai set apat long Praimeri oganaisesen.
Sande Skul Olgeta bikpela man meri bai kamap long Sande Skul, we ol bai bung na stadim ol skripsa wantaim.
Long moa inpomesen long prishud, lukim Jeneral Henbuk, sapta 3.
Long moa inpomesen long prishud kwarum na Sios oganaisesen, lukim Jeneral Henbuk, sapta 8–13.
Skripsa Stadi
Lainim Moa long Dispela Prinsipel
-
jeneral Henbuk, sapta 3: “Prishud Prinsipel”
-
Ol Gospel Topik: “Aronik Prishud,” “Melkisedek Prishud,” “Prishud”
Marit na ol Famili
Marit
Marit namel long man na meri em God i odeinim. Em i namel tru long plen bilong Em long wokabaut bilong laip oltaim bilong oo pikinini bilong em.
Man na meri i kam bung wantaim long marit tupela i mas holimpas tru stap bilong ples graun. Ol i gat sekred wok long stap wantaim wanpela narapela na feitful long marit kavanen bilong tupela.
Man na meri i marit tupela i inap wantaim long ai bilong God. Wanpela i noken antap long narapela. Ol disisen bilong yupela ol i mas mekim tupela wantaim long lav, wantaim tupela yet.
Taim man na meri i marit i lavim wanpela narapela na wok wantaim, marit bilong tupela bai kamap hap bilong bikpela amamas. Ol ken helpim wanpela narapela na ol pikinini bilong tupela i wokabaut i go long laip oltaim.
Famili
Olsem marit, famili em God i odeinim na i stap namel long plen bilong Em long amamas bilong laip oltaim. Ol famili bilong yumi bai amamas taim yumi stap wantaim ol tising bilong Jisas Krais. Ol papamama tisim ol pikinini gospel bilong Jisas Krais na setim eksampel long stap insait long en. Ol famili i givim ol opotuniti long yumi long lavim na sevim wanpela narapela.
Ol papamama i mas mekim famili nambawan praioriti bilong ol. Em i sekred wok long ol papamama long lukautim ol pikinini ol bai karim o adoptim.
Olgeta famili i gat ol salens. Taim yumi painim sapot bilong God na kipim ol komanmen bilong Em, ol salens bilong famili bai ken helpim yumi lanim na gro. Sampela taim ol dispela salens bai helpim yumi lainim long tanim bel na pogiv.
Ol Sios lida i enkarisim ol memba long holim hom ivining long wanwan wik. Ol papa na mama mas yusim displea taim long tisim ol pikinini bilong ol long dispela gospel, long strongim ol sindaun bilong ol, na amamas wantaim. Ol Sios lida i givim aut wanpela tokaut i tisim ol impoten toktru long famili (lukim “Famili: Wanpela Tokaut i go long Wol,” ChurchofJesusChrist.org).
Ol narapela wei long strongim famili em long famili prea, skripsa stadi, na lotu wantaim long sios. Yumi ken wokim rises tu long famili histori, bungim ol stori bilong ol famili na sevim wanpela narapela,
Planti pipol i gat liklik opotuniti long marit o long sindaun i gat lav. Planti i ekspirienim marit i bruk na hatpela taim. Tasol, gospel i blesim yumi wanwan maski wanem kain sindaun bilong famili yumi gat. Na taim yumi feitful, God bai painim wei bilong yumi long gat ol blesing bilong ol famili i lavim yumi, long dispela laip o narapela laip bai kam.
Skripsa Stadi
Marit
Famili
Lainim Moa long Dispela Prinsipel
-
Gaid i go long ol Skripsa: “Famili,” “Marit, Marit”
-
Jeneral Henbuk, sapta 2: “Sapotim ol Wanwan lain na Famili long Wok bilong Salvesen na Eksaltesen”
-
Ol Gospel Topik: “Marit,” “Famili,” “Papamama”
Temple na Famili Histori
Papa long Heven i lavim olgeta pikinini bilong Em na laikim ol bai kisim salvesen na eksaltesen. Tasol planti bilion pipol i dai na ol i no harim gospel bilong Jisas Krais o kisim ol seiving odinens bilong gospel. Ol dispela odinens em baptisim, konpemsesen, prishud odinesen bilong ol man, temple endaumen na marit bilong laip oltaim.
Thru long grasia bilong Em na marimari, Bikpela i givim narapela wei long ol dispela pipol long kisim dispela gospel na ol odinens. Insait long spirit wol, wok bilong tokaut long gospel i go het yet na ol lain i no kisim gospel long laip long ples graun i gat sans long kisim.(lukim Doktrin na ol Kavanen 138). Insait long ol temple, yumi ken mekim ol odinens long makim ol tumbuna bilong yumi i dai pinis na ol narapela. Ol manmeri i dai pinis i stap long spirit wol gat dispela opotuniti long ekseptim or lusim dispela gospel na ol odinens i karimaut long nem bilong ol.
Pastaim long yumi ken mekim ol dispela odinens, yumi nid long painim ol tumbuna bilong yumi i no kisim yet. Long painim ol famili bai ol i kisim em i wok i stap namel long wok bilong famili histori. Taim yumi painim inpomesem long ol, yumi putim i go long databes bilong Sios FamilySearch.org. Bihain yumi (o ol narapela) i ken wokim proksi odinens bilong ol insait long temple.
Taim yumi painim ol tumbuna bilong yumi na wokim ol dispela odinens bilong ol, ol famili bilong yumi i ken kamap bung long laip oltaim.
Skripsa Stadi
Lainim Moa long Dispela Prinsipel
-
Jeneral Henbuk, sapta 28: “Ol Temple Odinens bilong Ol Lain i Dai Pinis
-
Ol Gospel Topik: “Baptism bilong ol Dai Lain,” “Famili Histori”
Ol Temples,Endaument, Marit bilong Oltaim, na Ol Famili bilong Oltaim
Ol Temple
Temple em i haus bilong Bikpela. Em i holi ples we yumi ken mekim ol kavanen wantaim God taim yumi kisim ol sekret odinens bilong Em. Taim yumi kipim ol dispela kavanen, yumi bai gat pawa bilong pasin bilong God i kamap long laip bilong yumi (lukim Doktrin na ol Kavanen 84:19–22; 109:22–23).
Endaumen
Wanpela long ol dispela odinens yumi kisim long temple em i endaumen. Dispela hap tok endaumen i min presen.” Dispela save i kamap long pawa bilong God. Long taim bilong endaumen yumi mekim kavanen wantaim God i pasim yumi go long Em na pikinini bilong Em (lukim sapta 1).
Ol bikpela manmeri bai inap long kisim temple endaumen bilong ol bihain long ol i kamap memba long wanpela yia Sios membasip. Long moa inpomesen long endaumen, lukim Jeneral Henbuk, 27.2.
Marit bilong Oltaim na ol Famili bilong Oltaim
Dispela plan bilong amamas kamapim ol famili rilesensip long stap strong insait long ol traim igo long pinis. Insait long temple yumi kem marit long taim na oltaim. Dispela i mekim isi long ol famili bai stap wantaim oltaim.
Bihain long ol marit i kisim temple endaumen bilong ol, ol bai sil o marit bilong oltaim. Ol pikinini bilong ol bai ken sil long ol tu.
Marit man na meri bilong em husat i bin sil long temple mas kipim ol kavanen ol i mekim long kisim blesing bilong marit oltaim.
Skripsa Stadi
Lainim Moa long Dispela Prinsipel
-
Jeneral Henbuk, sapta 27: “Ol Temple Odinens bilong Ol Lain i Stap Laip”
-
Ol Gospel Topik: “Ol Temples,” “Endaumen,” “Marit”