Kapitlu 4

Fittex u Oqgħod fuq l-Ispirtu

Ikkunsidra Dan

• X’nista’ nagħmel biex ikolli l-qawwa tal-Ispirtu s-Santu fil-ħajja tiegħi u fis-servizz missjunarju?

• X’inhu l-irwol tal-Ispirtu s-Santu fil-konverżjoni?

• Kif nista’ ngħin lin-nies li ngħallem iħossu l-influwenza tal-Ispirtu s-Santu?

• Kif nista’ nagħmel it-talb tiegħi aktar sinifikanti?

• Kif nista’ nitgħallem nagħraf is-suġġerimenti mingħand l-Ispirtu s-Santu?

Fittex il-Gwida tal-Ispirtu s-Santu

Id-don tal-Ispirtu s-Santu huwa wieħed mill0ikbar rigali li Alla ta lil uliedu. Huwa vitali fil-ħidma tiegħek bħala missjunarju? Int jeħtieġlek il-qawwa li tiggwida, li tnebbaħ, tal-Ispirtu s-Santu hekk kif int tgħin lin-nies jiġu mgħammdin, ikkonfermati, u kkonvertiti.

Li jkollok il-gwida tal-Ispirtu s-Santu f’ħajtek jitlob ħidma spiritwali. Din il-ħidma tinkludi talb ferventi u studju tal-iskrittura konsistenti. Tinkludi wkoll li żżomm il-patti tiegħek u tħares il-kmandamenti ta’ Alla (ara Mosija 18:8–10, 13). Tinkludi li b’mod den tieħu sehem fis-sagrament kull ġimgħa (ara Duttrina u Patti 20:77, 79).

Int tiffaċċja ħtiġijiet u ċirkostanzi differenti kull jum. Is-suġġerimenti tal-Ispirtu se jgħinuk issir taf x’għandek tagħmel. Hekk kif tfittex dawn is-suġġerimenti u taġixxi fuqhom, l-Ispirtu s-Santu se jkabbar il-ħiliet u s-servizz tiegħek biex int teċċedi bil-kbir dak li tista’ tagħmel waħdek. Huwa se jgħinek f’kull aspett tas-servizz missjunarju tiegħek u fil-ħajja personali tiegħek. (Ara 2 Nefi 32:2–5; Alma 17:3; Ħelaman 5:17–19; Duttrina u Patti 43:15–16; 84:85.)

“Fiż-żmien li ġej, mhux se jkun possibbli li aħna nkomplu ngħixu spiritwalment mingħajr il-gwida, id-direzzjoni, il-faraġ, u l-influwenza kostanti tal-Ispirtu s-Santu” (“Rivelazzjoni għall-Knisja, Rivelazzjoni għal Ħajjitna,” Liahona, Mejju 2018, 96).

Id-Dawl ta’ Kristu

Id-Dawl ta’ Kristu jingħata “lil kull bniedem, sabiex jista’ jagħraf it-tajjeb mill-ħażin” (Moroni 7:16; ara versi 14–19; ara wkoll Ġwanni 1:9). Id-Dawl ta’ Kristu huwa tnebbiħ, għarfien, u influwenza li jingħataw permezz ta’ Ġesù Kristu. Din l-influwenza sseħħ qabel ma nirċievu d-don tal-Ispirtu s-Santu. Tiggwida li dawk li jaċċettaw li jitgħallmu u jgħixu l-evanġelju rrestawrat ta’ Ġesù Kristu.

L-Ispirtu s-Santu

Il-Personaġġ tal-Ispirtu s-Santu

L-Ispirtu s-Santu huwa t-tielet membru tad-Divinità. Huwa pwersonaġġ tal-ispirtu u m’għandux ġisem tal-laħam u l-għadam (ara Duttrina u Patti 130:22). Huwa l-Farraġ, l-istess li s-Salvatur wiegħed li għad jgħallem lil dawk li jimxu warajh il-ħwejjeġ kollha u jgħinhom biex jiftakru dak li kien għallem Ġesù. (ara Ġwanni 14:26).

Il-Qawwa tal-Ispirtu s-Santu

Ix-xhieda li tasal li dawk li jfittxu l-verità b’mod sinċier qabel il-magħmudija taslilhom bil-qawwa tal-Ispirtu s-Santu. In-nies kollha jistgħu jirċievu testimonjanza ta’ Ġesù Kristu u tal-evanġelju rrestawrat permezz tal-qawwa tal-Ispirtu s-Santu Permezz “tal-qawwa tal-Ispirtu s-Santu nistgħu nkunu nafu l-verità ta’ kull ħaġa” (Moroni 10:5).

Id-Don tal-Ispirtu s-Santu

Id-don tal-Ispirtu s-Santu huwa d-dritt li jkollna sħubija kostanti tal-Ispirtu s-Santu hekk kif aħna nkunu denji. Aħna nirċievu d-don tal-Ispirtu s-Santu wara li nitgħammdu bl-ilma. Huwa mogħti lilna permezz tal-ordinanza tal-konferma.

Il-Profeta Joseph Smith qal: “Hemm differenza bejn l-Ispirtu s-Santu u d-don tal-Ispirtu s-Santu. Kornelju rċieva l-Ispirtu s-Santu qabel ma tgħammed, li kien il-qawwa li tikkonvinċi ta’ Alla li kiseb tal-verità tal-Evanġelju, iżda ma setax jirċievi d-don tal-Ispirtu s-Santu qabel ma tgħammed” (Tagħlim tal-Presidenti tal-Knisja: Joseph Smith [2007], 97).

Huwa permezz ta’ dan id-don u l-qawwa tal-Ispirtu s-Santu li aħna tqaddisna—magħmula aktar qaddisa, aktar kompluti, aktar sħaħ, aktar bħal Alla. Huwa permezz tal-fidwa ta’ Kristu u tal-qawwa safja tal-Ispirtu s-Santu li aħna nistgħu nitwieldu mill-ġdid spiritwalment hekk kif inżommu l-patti li nagħmlu ma’ Alla (ara Mosija 27:25–26).

L-Ispirtu s-Santu tal-Wegħda

L-Ispirtu s-Santu huwa wkoll irreferut bħala l-Ispirtu s-Santu tal-Wegħda (ara Duttrina u Patti 88:3). F’din il-kapaċità, l-Ispirtu s-Santu jikkonferma li l-ordinanzi tas-saċerdozju li nirċievu u l-patti li nagħmlu jkunu aċċettabli għal Alla. Dawk li huma ssiġillati mill-Ispirtu s-Santu tal-Wegħda se jirċievu dak kollu li għandu l-Missier (ara Duttrina u Patti 76:51–60; Efesin 1:13–14; Gwida għall-Iskrittura, “Spirtu s-Santu tal-Wegħda”).

L-ordinanzi u l-patti kollha għandhom ikunu ssiġillati mill-Ispirtu s-Santu tal-Wegħda biex ikunu validi wara din il-ħajja (ara Duttrina u Patti 132:7, 18–19, 26). Dak is-siġill jiddependi mill-fidi kontinwa tagħna.

Doni tal-Ispirtu

Il-Mulej jagħtina d-doni tal-Ispirtu biex iberkuna u biex nużawhom biex inbierku lill-oħrajn (see Duttrina u Patti 46:8–9, 26). Per eżempju, il-missjunarji li jitgħallmu lingwa ġdida jistgħu jirċievu d-don tal-ilsna biex jagħtihom għajnuna divina sabiex jgħinhom jgħallmu lill-oħrajn fil-lingwa nativa tagħhom.

Bosta doni tal-Ispirtu huma deskritti f’Moroni 10:8–18, Duttrina u Patti 46:11–33, u 1 Korintin 12:1–12. Dawn huma biss xi ftit doni mill-ħafna tal-Ispirtu. Il-Mulej jaf iberikna b’doni oħrajn u dan jiddependi mill-fidi tagħna, mill-bżonnijiet tagħna, u l-bżonnijiet tal-oħrajn.

Is-Salvatur jistedinna biex infittxu d-doni spiritwali bil-ħrara kollha (ara Duttrina u Patti 46:8; 1 Korintin 14:1, 12). Dawn id-doni jiġu bit-talb, bil-fidi, u bl-isforz—u skont ir-rieda ta’ Alla.

Studju Personali jew Akkumpanjat

Fid-Dizzjunarju tal-Bibba, aqra “Spirtu s-Santu,” “Dawl ta’ Kristu,” u “Spirtu, il-Qaddis.” Ikteb deskrizzjoni tan-natura u tal-irwol tal-Ispirtu s-Santu.

Ara Atti 4:1–33.

• Kif Pietru u Ġwanni fittxew id-doni spiritwali?

• Alla kif wieġeb it-talb tagħhom?

• X’tista’ titgħallem minn din l-esperjenza dwar xogħlok?

Il-Qawwa tal-Ktieb ta’ Mormon fil-Konverżjoni

Il-konverżjoni sseħħ permezz tal-qawwa tal-Ispirtu s-Santu? L-irwol tiegħek huwa li tgħin iġġib il-qawwwa tal-Ispirtu fil-ħajja ta’ persuna. Xi modi li bihom tista’ tagħmel dan huma ssuġġeruti hawn taħt.

• Fittex biex ikollok l-Ispirtu miegħek permezz tat-talb, billi tfittex fl-iskrittura, u żżomm il-patti tiegħek.

• Għallem permezz tal-Ispirtu dwar is-Salvatur u l-messaġġ tar-Restawrazzjoni. Imxi mal-gwida tal-Ispirtu billi tadatta l-messaġġ tiegħek għall-bżonnijiet ta’ kull persuna.

• Agħti xhieda li taf bil-qawwa tal-Ispirtu s-Santu li dak li tgħallem huwa veru. Hekk kif nitolbu, l-Ispirtu s-Santu jista’ jagħti xhieda lill-oħrajn.

• Stieden lin-nies biex jaġixxu, u ssapportjahom biex iżommu l-patti tagħhom. Hekk kif in-nies iżommu l-patti tagħhom, għandhom iħossu l-qawwa tal-Ispirtu s-Santu b’mod aktar qawwi. Ara kapitlu 11.

• Segwi billi tistaqsi lin-nies dwar l-esperjenza tagħhom ta’ kif aġixxew għal stedina. Il-fidi tagħhom tikber hekk kif huma jindmu, jobdu l-kmandamenti, u jżommu l-kmandamenti. Għinhom jagħrfu l-Ispirtu li qed jaħdem magħhom.

Il-President M. Russell Ballard għallem: “Il-Konverżjoni tiġi permezz tal-qawwa tal-Ispirtu. Meta l-Ispirtu jmiss il-qalb, il-qlub jinbidlu. Meta individiwi … iħossu l-Ispirtu jaħdem magħhom, jew meta jaraw l-evidenza tal-imħabba tal-Mulej u l-ħniena tiegħu f’ħajjithom, huma jkunu edifikati u mqawwa spiritwalment u l-fidi tagħhom fih tiżdied. Dawn l-esperjenzi mal-Ispirtu jsegwu b’mod naturali meta persuna tkun lesta li tesperimenta fid-dinja [ara Alma 32:27]. Dan huwa l-mod li bih aħna naslu biex inħossu li l-evanġelju huwa veru” (“Issa Huwa l-Mument,” Ensign, Nov. 2000, 75).

Studju Personali jew Akkumpanjat

• Studja wieħed jew aktar minn dawn il-passaġġi li ġejjin. Int u taqra, fittex li tifhem xi tħoss persuna fil-proċess ta’ konverżjoni. Ikteb l-impressjonijiet tiegħek fid-djarju tal-istudju tiegħek. Iddiskuti l-ideat li tkun wasalt għalihom ma’ missjunarji u membri oħrajn.

  2 Nefi 4:16–35; Enos 1; Mosija 4–5; 18:7–14; 27–28; Alma 5; 17–22; 32; 36; 38

• Studja wieħed jew aktar minn dawn il-passaġġi li ġejjin. Int u taqra, ikkonsidra kif tista’ tgħallem aħjhar bil-qawwa li tikkonverti tal-Ispirtu. Ikteb is-sentimenti u l-impressjonijiet tiegħek fid-djarju tal-istudju tiegħek. Iddiskuti l-ideat tiegħek ma’ missjunarji u membri oħrajn.

  1 Nefi 8:11–12; Mosija 28:1–4; Alma 26; 29; 31:26–38; 32; Moroni 7:43–48; Duttrina u Patti 4; 18:10–16; 50:21–22.

Studju tal-Iskrittura

X’jgħallmu dawn is-siltiet li ġejjn mill-iskrittura dwar il-qawwa tal-Ispirtu fil-ħidma tiegġek?

• 2 Nefi 33:1–2

• Duttrina u Patti 42:11–17; 50:13–22

• Atti 2:37–38

• 1 Korintin 2:11–14

X’tista’ tagħmel biex ikollok il-qawwa tal-Ispirtu fil-ħidma tiegħek?

• Alma 32:27–28

• Duttrina u Patti 42:14

• Ġwanni 7:17.

Itlob bil-Fidi f’Ġesù Kristu

Biex tgħin lil oħrajn ikunu kkonvertiti, jeħtieġ li tgħallem bil-qawwa tal-Ispirtu (ara Duttrina u Patti 50:13–14, 17–22). Il-Mulej qal, “L-Ispirtu jingħatalkom bit-talb tal-fidi; u jekk ma tirċevux l-Ispirtu m’ għandkomx tgħallmu” (Duttrina u Patti 42:14).

Hekk kif titlob għall-għajnuna fil-mod kif tgħallem, il-qawwa tal-Ispirtu s-Santu jgħaddi l-messaġġ tiegħek “fi qlub ulied il-bnedmin” (2 Nefi 33:1). Hekk kif tgħallem bl-Ispirtu u oħrajn jirċievu bl-Ispirtu, int “tifhem wieħed lil ieħor” u “tkun edifikat u tifirħu flimkien” (Duttrina u Patti 50:22).

Kif Nitolbu

Ġesù għallimna nitolbu (ara Mattew 6:9–13; 3 Nefi 18:19). Itlob b’mod sinċier u b’intenzjoni reali biex taġixx skont is-suġġerimenti tal-Ispirtu s-Santu. It-talb effettiv jeħtieġ sforz umli u kontinwu (ara Moroni 10:3–4; Duttrina u Patti 8:10).

Uża lingwa li turi relazzjoni ma’ Alla li hija waħda ta’ mħabba u ta’ qima. Jekk ħa titlob bl-Ingliż, uża lingwa skritturali bħal Thee, Thou, Thy, u Thine minflok il-pronomi iktar komuni you, your, u yours.

Dejjem esprimi gratitudni. L-isforz konxju li tkun grat jgħinek tagħraf kemm Alla huwa ħanin f’ħajtek. Jiftaħlek qalbek u moħħok għall-ispirazzjoni.

Itlob “bil-qawwa kollha ta’ qalbek” biex il-karità tissawwab fuqek ((Moroni 7:48). Itolb għal oħrajn b’isimhom. Itlob għal dawk li qed tgħallem. Fittex ispirazzjoni għal kif se tistedinhom u tgħinhom jiġu għand Kristu.

Studju Personali

Studja t-talba tal-Mulej f’Mattew 6:9–13. Staqsi lilek innifsek dawn il-mistoqsijiet li ġejjin, u rrikordja l-impressjonijiet fid-djarju tal-istudju tiegħek.

• Kif ir-responsabbiltà kurrenti tiegħek bħala missjunarju tinfluwenza t-talb tiegħek?

• B’liema modi t-talb tiegħek qed ifittex li jbierek il-ħajjiet tal-oħrajn?

• Kif qed titlob li tkun kapaċi tegħleb it-tentazzjoni?

• Kif titlob biex tgħin li tissodisfa l-bżonnijiet spiritwali u temporali tiegħek?

• Kif tagħti l-glorja lil Alla meta titlob?

Meta Titlob

Meta għandek titlob? Il-Mulej qal, “Fittxu b’diliġenza, itolbu dejjem u emmnu, u fl-aħħar mill-aħħar kollox se jseħħ għall-aħjar tagħkom” (Duttrina u Patti 90:24).

Alma qal, “Ħu parir mingħand il‑Mulej f’dak kollu li tagħmel, u huwa jmexxik fit‑tajjeb; iva, meta tmur torqod billejl mur orqod għall‑Mulej, ħalli huwa jħarsek waqt li inti tkun rieqed; u meta tqum filgħodu ara li qalbek tkun mimlija gratitudni lejn Alla” (Alma 37:37; ara wkoll 34:17–27).

Il-Mulej jistiednek biex tirriserva ħinijiet kwieti u privati biex titlob: “Idħol fil‑kamra tiegħek ta’ ġewwa … u itlob lil Missierek li hu fil‑moħbi” (3 Nefi 13:6; ara wkoll vrus 7–13).

Il-President Gordon B. Hinckley għallem: “Kull filgħodu … , il-missjunarji għandhom jinżlu fuq irkopptejhom u jitolbu mal-Mulej biex ilsienhom jinħall u jitkellem permezz tagħhom għall-barka ta’ dawk li jkunu se jgħallmu. Jekk se jagħmlu dan, dawl ġdid se jiġi f’ħajjithom. Se jkun hemm entużjażmu akbar għax-xogħol. Se jintebħu li f’sens veru reali, huma qaddejja tal-Mulej li jitkellmu f’ismu” (“Servizz Missunarju,” L-Ewwel Laqgħa Dinija ta’ Taħriġ ta’ Tmexxija, Jannar 11, 2003, 20).

Nafdaw f’Alla Meta Nitolbu

Li jkollna l-fidi fi Kristu jfisser li nafdawh. Dan jinkludi li nafdaw ir-rieda u ż-żmien tiegħu bil-mod kif iwieġeb it-talb tagħna (ara Isaija 55:8–9). Il-President Dallin H. Oaks għallem:

“Hi kemm hi qawwija l-fidi tagħna, hi ma tistax tipproduċi riżultat kuntrarju għar-rieda Tiegħu li fih għandna fidi. Ftakruh dan meta t-talb tagħkom donnu li mhux jitwieġeb skont kif tixtiequ, jew meta tixtiequ. L-eżerċizzju tal-fidi fil-Mulej Ġesù Kristu huwa dejjem suġġet lill-ordni tas-smewwiet, lit-tajjeb u lir-rieda u lill-għerf u l-orarju tal-Mulej. Meta għandna t-tip ta’ fidi u fiduċja fil-Mulej, għandna s-sigurtà vera u s-serenità f’ħajjitna” (“L-Espjazzjoni u l-Fidi,” Ensign, Apr. 2010, 30).

Meta kien qed jitkellem dwar it-talb li forsi jidher li ma ġiex imwieġeb, il-President Russell M. Nelson qal:

“Naf x’jiġifieri! Naf il-beżgħat u d-dmugħ ta’ waqtiet bħal dawk. Jiena naf li s-separazzjoni taøna hija waœda temporanja. Imma naf tajjeb ukoll li t-talb tagħna qatt ma jisfa injorat. Jiena naf li l-perspettiva ta’ Missier fis-Smewwiet, li huwa mimli għerf, hija wisq ikbar minn tagħna. Filwaqt li nafu dwar il-problemi u l-uġigħ mortali tagħna, Huwa jaf dwar il-progress u l-potenzjal immortali tagħna. Jekk nitolbu biex nagħrfu r-rieda Tiegħu u nissottomettu lilna nfusna għaliha bis-sabar u l-kuraġġ, il-fejqan mis-smewwiet jista’ jseħħ bil-mod u bl-orarju Tiegħu” (“Ġesù Kristu—L-Imgħallem Fejjieq,” Liahona, Nov. 2005, 86).

Tgħallem Għaraf is-Suġġerimenti tal-Ispirtu

Huwa importanti għalik u għan-nies li tgħallem li tagħraf il-komunikazzjonijiet mingħand l-Ispirtu. L-Ispirtu ġeneralment jikkomunika fis-skiet, permezz tas-sentimenti, il-ħsibijiet tiegħek, u qalbek. Il-Profeta Elija sab li l-vuċi tal-Mulej ma kinitx fir-riħ, fit-theżhiża, jew fin-nar—imma kienet “vuċi ħelwa” (1 Slaten 19:12). Mhux “leħen iriegħed,” iżda aktarx “kien leħen sieket mill‑aktar ħelu, bħallikieku minn taħt l‑ilsien,” u li madanakollu jista’ “jifed sewwasew fil‑fond tar-ruħ” (Ħelaman 5:30).

Il-komunikazzjonijiet mill-Ispirtu jistgħu jinħassu differenti lil nies differenti. Irrispettivament minn kif jinħassu dawn il-komunikazzjonijiet, l-iskrittura tgħallem kif nagħrfuhom. Per eżempju, l-Ispirtu se jedifika u jmexxik biex tagħmel it-tajjeb. Hu se jdawwallek moħħok. B’mod umli hu se jmexxik lejn it-triq it-tajba u jiġġudikak b’mod tajjeb. (Ara Duttrina u Patti 11:12–14 u l-kaxxa tal-“Istudju Personali” aktar tard f’din is-sezzjoni.)

Biex iwieġeb din il-mistoqsija “Kif nagħrfu s-suġġerimenti tal-Ispirtu?” President Gordon B. Hinckley qara Moroni 7:13, 16–17. Imbagħad hu qal:

“Dak huwa l-eżami, meta kollox ikun intqal u magħmul. Tipperswadik biex tagħmel il-ġid, biex tqum, biex tkun kunfidenti, biex tagħżel dak li hu tajjeb, biex tkun ġeneruż, biex tkun ġeneruż? Allura huwa l-Ispirtu ta’ Alla. …

“… Jekk jistieden biex tagħmel it-tajjeb, allura huwa ta’ Alla. Jekk jistieden biex tagħmel il-ħażen, huwa tax-xitan. … U jekk qed tagħmel il-ħaġa t-tajba u jekk qed tgħix il-mod tajjeb, se tkun taf f’qalbek x’qed jgħidlek l-Ispirtu.

“Inti tagħraf is-suġġerimenti tal-Ispirtu mill-frott tal-Ispirtu—dak li jdawwal, dak li jibni, dak li huwa pożittiv u affirmattiv u edifikanti u li jwassalna għall-ħsibijiet aħjar u kliem aħjar u għemejjel aħjar huwa l-Ispirtu ta’ Alla” (Tagħlim ta’ Gordon B. Hinckley [1997], 260–61).

Hekk kif tfittex u timxi mal-gwida tal-Ispirtu s-Santu, l-abbiltà tiegħek biex tagħraf u tifhem is-suġġerimenti tiegħu se jiżviluppaw biż-żmien (ara 2 Nefi 28:30). B’xi modi, li nsiru aktar sensittivi mal-lingwa tal-Ispirtu huwa bħal meta nitgħallmu lingwa oħra. Huwa proċess gradwali li jirrikjedi sforz diliġenti u paċenzjuż.

Fittex il-gwida tal-Ispirtu s-Santu b’għan sħiħ f’qalbek. Jekk int preokkupat b’affarijiet oħrajn, jaf ma tindunax bit-sefsif ġentili tal-Ispirtu. Jew Hu jaf jistenna biex jikkomunika sakemm int tfittex l-influwenza tiegħu b’rieda umli biex taġixxi għas-sejħiet tiegħu.

Il-vuċijiet fid-dinja jikkompetu għall-attenzjoni tiegħek. Faċilment jistgħu joħonqu l-impressjonijiet spiritwali sakemm ma tallokax post f’qalbek għall-Ispirtu. Ftakar dan il-parir mingħand il-Mulej: “Biżżejjed! Kunu afu li jien Alla” (Salm 46:10; ara wkoll Duttrina u Patti 101:16).

“Alla juża varjetà ta’ mudelli biex iwassal rivelazzjonijiet lil uliedu, irġiel u nisa, bħal ħsibijiet fil-moħħ u sentimenti fil-qalb, ħolm, … u ispirazzjoni. Xi rivelazzjonijiet jaslu b’mod immedjat u intens; xi oħrajn jintgħarfu b’mod gradwali u sottili. Li nirċievu, nagħrfu, u nirrispondu għar-rivelazzjonijiet minn Alla huma rigali spiritwali li għalihom aħna lkoll għandna nixxenqu u nfittxu b’mod xieraq” (David A. Bednar, “L-Ispirtu tar-Rivelazzjoni fil-Ħidma,” 2018 seminar tat-tmexxija tal-missjoni).

Studju Personali

Studja l-iskrittura fil-kaxxa li ġejja. Aħseb fiż-żminijiet li fihom esperjenzajt xi wħud minn dawn is-sentimenti, ħsibijiet, jew impressjonijiet deskritti f’dawn il-versi. Hekk kif tistudja u tikseb l-esperjenza, żid skritturis oħra ma’ din il-lista. Aħseb f’kif tista’ tuża dawn il-prinċipji biex tgħin lill-oħrajn iħossu u jagħrfu l-Ispirtu.

Duttrina u Patti 6:23; 11:12–14; 88:3; Ġwanni 14:26–27; Romani 15:13; Galatin 5:22–23	Tagħti sentimenti ta’ mħabba, hena, paċi, komfort, paċenzja, umiltà, ġentilezza, fidi, u tama.
Alma 32:28; Duttrina u Patti 6:14–15; 8:2–3; 1 Korintin 2:9–11	Iddawwal u tagħti ideat fil-moħħ u sentimenti fil-qalb.
Joseph Smith—Storja 1:11–12	Tgħin biex l-iskrittura jkollha effett qawwi.
Alma 19:6	Tbiddel id-dlam mad-dawl.
Mosija 5:2–5	Tqawwi x-xewqa li tevita l-ħażen u tobdi l-kmandamenti tiegħu.
Moroni 10:5; Duttrina u Patti 21:9; 100:8; Ġwanni 14:26; 15:26; 16:13	Tgħallem il-verità u tfakkarhielek.
Duttrina u Patti 45:57	Tiggwida u tipproteġi mll-qerq.
2 Nefi 31:18; Duttrina u Patti 20:27; Ġwanni 16:13–14	Tigglorifika u żżomm rekord ta’ Alla l-Missier u Ġesù Kristu.
Duttrina u Patti 42:16; 84:85; 100:5–8; Luqa 12:11–12	Tiggwida ta’ kliem għall-għalliema umli.
Moroni 10:8–17; Duttrina u Patti 46:8–26; 1 Korintin 12	Tagħti d-doni tal-Ispirtu.
Duttrina u Patti 46:30; 50:29–30	Tgħid għal xiex għandek titlob.
2 Nefi 32:1–5; Duttrina u Patti 28:15	Tgħid x’għandek tagħmel.
1 Nefi 10:22; Alma 18:35	Tgħin lit-twajba jitkellmu bil-qawwa u l-awtorità.
2 Nefi 31:17; Alma 13:12; 3 Nefi 27:20	Tqaddisna u ġġib maħfra għal dnubietna.
1 Nefi 2:16–17; 2 Nefi 33:1; Alma 24:8	Iġġorr il-verità fil-qalb tas-semmiegħ.
1 Nefi 18:1–3; Eżodu 31:3–5	Ittejjeb il-ħiliet u l-abbiltajiet.
1 Nefi 7:15; 2 Nefi 28:1; 32:7; Alma 14:11; Mormon 3:16; Għeter 12:2	Tħeġġeġ ’il quddiem jew iżżomm lura.
Duttrina u Patti 50:13–22	Tedifika kemm lill-għalliem u kemm lill-istudenti.

Serraħ fuq l-Ispirtu

Bħala qaddej tal-Mulej, int għandek tagħmel xogħlu bil-mod tiegħu u bil-qawwa tiegħu. IlIl-Profeta Joseph Smith għallem li “l-ebda bniedem ma jista’ jippriedka l-evanġelju mingħajr l-Ispirtu s-Santu” (Teachings: Joseph Smith, 332).

Afda lill-Ispirtu biex jiggwidak f’kull aspett fil-ħidma tiegħek. Hu jdawlek u jispirak. Hu jgħinek issib nies biex tgħallem u jġib il-paċi lit-tagħlim tiegħek. Hu jassistik hekk kif int tgħin lill-membri, lill-membri li qed jirritornaw, u lill-ikkonvertiti ġodda jqawwu l-fidi tagħhom.

Xi missjunarji jħossuhom konfidenti fihom infushom. Oħrajn m’għandhomx din it-tip ta’ kunfidenza. B’umiltà poġġi l-kunfidenza u l-fidi tiegħek f’Ġesù Kristu, mhux fuqek innifsek. Iddependi fuq l-Ispirtu iktar milli fuq it-talenti u l-kapaċitajiet tiegħek. L-Ispirtu s-Santu jkabbar l-isforzi tiegħek lil hinn bil-bosta minn dak li tista’ tagħmel waħdek.

Studju tal-Iskrittura

Studja l-iskrittura li ġejja u kkonsidra kif din twieġeb dan il-mistoqsijiet importanti li għandek tistaqsi kull ġurnata. Kif tista’ tapplika t-tagħlim f’dawn is-siltiet biex inti tiskopri sforzi, sessjonijiet ta’ ppjanar, u studju personali u kkumpanjat? Kif tista’ tapplika dawn is-siltiet lill-isforzi tiegħek biex tgħallem, tistiden lin-nies biex jjidħu għal impenji, u jżommu dawk l-impenji?

Fejn għandi mmur?

• Ħelaman 10:17

• Duttrina u Patti 31:11; 75:26–27; 79:1–2

X’għandi nagħmel?

• 2 Nephi 32:2-5.

• Duttrina u Patti 28:15; 52:3–4

X’għandi nigħid?

• 2 Nefi 33:1

• Alma 5:43–46; 11:22

• Ħelaman 5:18

• Duttrina u Patti 33:8–10; 75:3–5; 100:5–8

• Mattew 10:19–20

• Mark 13:11

• 1 Korintin 2:4–5, 12–13

• Eżodu 4:10–12

Kif għandi nuża l-iskrittura fit-tagħlim tiegħi?

• Mosija 18:19–20

• Duttrina u Patti 18:32–36; 42:12–17; 80:4

• Luqa 24:13–32

Kelma ta’ Twissija

Ikkonferma l-Impressjonijiet Tiegħek Permezz ta’ Sorsi Affidabbli

Int u titlob għall-ispirazzjoni, qabbel l-impressjonijiet spiritwali tiegħek mal-iskrittura u t-tagħlim tal-profeti ħajjin. L-impressjonijiet mill-Ispirtu jallinjaw ma’ dawn is-sorsi.

Fittex Rivelazzjoni fi ħdan l-Essajnment Tiegħek

Kun ċert li s-sentimenti li tirċievi huma konsistenti mal-essajnment tiegħek. Sakemm ma tkunx imsejjaħ mill-awtorità xierqa, l-impressjonijiet mill-Ispirtu ma jingħatawlekx biex inti tagħti parir lil oħrajn jew biex tikkoreġi lil oħrajn. Per eżempju, inti mhux se tirċievi rivelazzjoni biex tgħid lil xi isqof x’għandu jagħmel fis-sejħa tiegħu.

Agħraf l-Influwenza Vera tal-Ispirtu

Il-President Howard W. Hunter ta dan il-parir: “Qed noffrilkom kelma ta’ twissija. … Jien naħseb li aħna mhux attenti biżżejjed … , nistgħu forsi nibdew niffalsifikaw l-influwenza vera tal-Ispirtu b’mezzi li huma indenji u manipulattivi. Nibda ninwieta meta donnu li emozzjoni qawwija jew ħafna tixrid ta’ dmugħ jitqiesu ekwivalenti ma’ preżenza tal-Ispirtu. Ċertament li l-Ispirtu tal-Mulej jista’ jqanqal sentimenti emozzjonali qawwijin, inkluż id-dmugħ, iżda jeħtieġ li l-manifestazzjoni minn barra ma tkunux imħawda mal-propja preżenza tal-Ispirtu” (It-Tagħlim ta’ Howard W. Hunter [1997], 184).

Tippruvax Tisforza Ħwejjeġ Spiritwali

Ħwejjeġ spiritwali ma jistgħux jiġu sfurzati. Tista’ tikkultiva atitudni u ambjent li jistieden l-Ispirtu, u tista’ tipprepara ruħek, imma ma tistax tiddetta kif u meta tiġi l-ispirazzjoni. Kun paċenzjuż u afda li se tirċievi dak li għandek bżonn meta l-ħin ikun tajjeb.

Żomm l-Esperjenzi Spiritwali Sagri

Bħala missjunarju, jaf tkun aktar konxju tal-esperjenzi spiritwali milli qatt kont qabel f’ħajtek. Dawn l-esperjenzi huma sagri u ġeneralment huma għall-edifikazzjoni, l-istruzzjoni, u l-korrezzjoni tiegħek.

Ħafna minn dawn l-esperjenzi l-aħjar li jinżammu privati. Aqsam mal-oħrajn biss meta l-Ispirtu jindikalek li int tista’ tbierek lin-nies l-oħrajn billi tagħmel hekk (ara Alma 12:9; Duttrina u Patti 63:64; 84:73).

Xi Drabi Uża l-Aħjar Ġudizzju Tiegħek

Xi drabi jeħtieġ li nkunu mmexxija mill-Ispirtu fil-ħwejjeġ kollha. Madanakollu, ħafna drabi l-Mulej iridna naġixxu billi nużaw l-aħjar ġudizzju tagħna (ara Duttrina u Patti 60:5; 61:22; 62:5). Il-President Dallin H. Oaks għallem:

“Xewqa li tkun mmexxi mill-Mulej hija qawwa, iżda jeħtiġilha tkun imsieħba minn fehma lil Missierna fis-Smewwiet iħalli bosta deċiżjonijiet għall-għażla personali tagħna. Li nieħdu deċiżjonijiet personali hija waħda mis-sorsi ta’ tkabbr li aħna mistennija nesperjenzaw fil-mortalità. Persuni li jippruvaw iċedu d-deċiżjonijiet kollha biex minflok jgħadduhom lill-Mulej, u li jittablu għal rivelazzjoni dwar kull għażla tagħhom, ma jdumux biex isibu ċirkostanzi fejn jitolbu għall-gwida u ma jirċevuhiex. Per eżempju, dan aktarx iseħħ f’dak il-bosta ċirkostanzi fejn l-għażliet huma trivjali u kwalunkwe għażla hija aċċettabbli.

“Jeħtiġilna nistudjaw is-sitwazzjoni f’moħħna, billi nużaw il-poteri tar-raġuni li l-Ħallieq qiegħed fina. Imbagħad jeħtiġilna nitolbu għall-gwida u naġixxu fuqha jekk nirċevuha. Jekk ma nirċevux gwida, jeħtiġilna naġixxu skont l-aqwa ġudizzju tagħna. Persuni li jippersistu li jfittxu gwida rivelatorja fuq suġġetti li dwarhom il-Mulej għażel li ma jidderiġiniex jistgħu isawru tweġiba mill-fantażija jew il-preġudizzji tagħhom stess, u jistgħui anki jirċevu tweġiba mill-medju tar-rivelazzjoni falza” (“Il-Kwalitajiet Tajbin Tagħna Jistgħu Jsiru l-Waqgħa Tagħna,” Ensign, Ott. 1994, 13–14).

Studju tal-Iskrittura

Li nserrħu fuq l-Ispirtu tant huwa importanti li l-Mulej javżana biex ma niċħdux u nxekklux l-Ispirtu X’titgħallem mill-passaġġi li ġejjin tal-iskrittura?

• Ġakobb 6:8–9

• 3 Nefi 29:5–6

• Mormon 9:7–9

• Moroni 10:7–8

• Duttrina u Patti 11:25–26

• 1 Tessalonikin 5:19–20

Ftakar Dan

• Fittex ix-xhieda tiegħek ta’ Ġesù Kristu mill-Ispirtu s-Santu u l-evanġelju restawrat tiegħu.

• Agħmel din il-ħidma spiritwali neċessarja biex ikollok gwida mill-Ispirtu s-Santu f’ħajtek.

• L-ispirtu s-Santu se jkabbarlek l-abbiltajiet u s-servizz tiegħek biex int tiżboq bil-kbir dak li int tista’ tagħmel waħdek.

• Il-konverżjoni tiġri permezz tal-qawwa tal-Ispirtu s-Santu. Għin biex iġġib dik il-qawwa fil-ħajja ta’ persuna.

• Studja u itlob biex titgħallem kif tagħraf is-suġġerimenti tal-Ispirtu.

• Serraħ fuq l-Ispirtu biex jgħinek tkun taf fejn sejjer u x’se tgħallem.

---

Ideat għal Studju u Applikazzjoni

Studju Personali

• Aqsam paġna f’żewġ kolonni. Semmi kolonna minnhom “Dak li Għamel il-Mulej” u l-kolonna l-oħra “Dak li Għamlu Leħi jew Nefi.” Aqra l-istorja ta’ Liahona u l-qaws imkisser (1 Nefi 16:9–31) jew l-istorja ta’ Nefi jibni vapur (1 Nefi 17:7–16; 18:1–6). Niżżel l-avvenimenti mill-istorja fil-kolonna l-ġusta. Ikkunsidra dak li l-istorja tista’ tgħallmek dwar in-natura tal-ispirazzjoni.

• Qalleb fid-djarju tiegħek u sib okkażjonijiet meta kont immexxi mill-Ispirtu jew esperjenzajt don mill-Ispirtu. Aħseb meta, fejn, u għaliex ġraw dawn l-esperjenzi. Kif kienet immanifestata id il-Mulej? Kif ħassejtek? Li tiftakar f’dawn l-esperjenzi jista’ jgħinek tagħraf l-Ispirtu.

• Studja Alma 33:1–12 u Alma 34:17–31. X’mistoqsijiet kienu qed jistaqsu Alma u Amuleki? (Irrevedi Alma 33:1–2.) Kif weġibt dawn il-mistoqsijiet? X’assigurazzjonijiet tawk?

• Il-Mulej wiegħed li l-Ispirtu se jiggiwdana f’ħafna modi importanti. Hekk kif taqra l-passaġġi li ġejjin, identifika aspetti ta’ xogħlok li jirrikjedu l-gwida tal-Ispirtu. Xi jfissru l-prinċipji fl-iskrittura li ġejja għall-istudju personali u akkumpanjat? għal-laqgħat tal-kunsill tad-distrett, konferenzi taż-żoni, servizzi tal-magħmudija, u laqgħat oħrajn?

  Nitolbu

  • 3 Nefi 19:24

  • Rumani 8:26

  Immexxu l-laqgħat

  • Moroni 6:9

  • Duttrina u Patti 20:45; 46:2

Kumpann tal-Istudju u Skambju ta’ Kumpann

• Tkellem dwar it-talb li toffri bħala akkumpanjatur. Huma ggwidati mill-Ispirtu s-Santu? Irċevejt tweġibiet għat-talb tiegħek fil-forma ta’ sħubija? Meta titlobu bħala sħab, intom:

  • Temmnu li Alla se jagħtikom dak li intom qed titolbu għalih fs-sewwa u skont ir-rieda Tiegħu?

  • Tagħrfu u toffru ringrazzjament għal tweġibiet lit-talb tagħkomk?

  • Titolbu għal nies b’isimhom u tikkonsidraw l-ħtiġijiet tagħhom?

  • Titolbu għal xulxin u għall-Ispirtu biex jiggwidakom?

  • Tagħrfu t-tweġibiet għat-talb tagħkom?

  • Titolbu b’impenn biex taġixxu għas-suġġerimenti li tirċievu?

• Tiddiskutu kif se tfittxu lill-Ispirtu b’iktar ħrara?

• Tiddiskutu modi differenti li n-nies jiddeskrivu l-influwenza tal-Ispirtu s-Santu. Iżżommu rekord fid-djarju tagħkom tal-istudju tal-kummenti li għamlu dawk li intom tgħallmu dwar l-esperjenzi mal-Ispirtu? Kif tista’ tgħin lil oħrajn jagħrfu l-influwenza sagra tiegħu?

Kunsill tad-Distrett, Konferenzi taż-Żona, u Kunsill tat-Tmexxija tal-Missjoni

• Kif ikun xieraq, itlob lill-missjunarji jaqsmu mal-oħrajn storja jew esperjenza li semgħu f’laqgħa riċenti ta’ testimonjanza, waqt esperjenza ta’ tagħlim, jew f’xi sitwazzjoni oħra. L-istejjer u esperjenzi spiritwali li jirrakkontaw nies oħra jistgħu jgħinuk tiżviluppa l-fidi u tagħraf li l-influwenza tal-Ispirtu hija mmanifestata b’bosta modi u b’mod frekwenti.

• Itlob lill-missjunarji biex jagħtu diskorsi dwar il-missjoni u l-qawwa tal-Ispirtu s-Santu.

• Iddiskuti kif li tesprimi gratitudni tgħinek tara l-modi żgħar imma sinifikanti li bihom il-Mulej ibierkek (ara Għeter 3:5; Duttrina u Patti 59; 21 59:21). Iddiskuti modi kif tesprimi l-gratitudni.

• Ikkonsidra li ssaqsi membru ġdid biex jitkellem kif hu jew hi ġew influwenzati mill-Ispirtu meta kienu qed jitgħallmu dwar il-Knisja. Itlob lill-persuna biex taqsam mal-oħrajn esperjenzi li hi tħoss li huma xierqa.

Mexxejja tal-Missjoni u Konsulenti tal-Missjoni

• Tista’ titlob lill-missjunarji biex jinkludu esperjenzi spiritwali xierqa fl-ittra lilkom ta’ kull ġimgħa.

• Waqt intervisti jew f’konverżazzjonijiet, xi minn daqqiet staqsi lill-missjunarji dwar it-talb tagħhom ta’ filgħodu u ta’ filgħaxija. Jekk meħtieġ, agħtihom parir dwar kif jagħmlu t-talb tagħhom iktar sinifikattiv.

• Staqsi lill-missjunarji kif huma jgħinu lil dawk li jgħallmu jħossu u jagħrfu lill-Ispirtu.