“Chapit 8: Akonpli Travay la atravè Objektif ak Plan,” Preche Levanjil Mwen an: Yon Gid pou Pataje Levanjil Jezikri a (2023)

“Chapit 8,” Preche Levanjil Mwen an

Chapit 8

Akonpli Travay la atravè Objektif ak Plan

Konsidere Sa

Poukisa m bezwen fikse bi?
Kijan endikatè kle pou konvèsyon yo ka ede m konsantre sou pwogrè espirityèl moun?
Kijan m ka fikse bi, fè plan pou m akonpli yo, epi reyalize plan m yo?
Kijan m ka dirije sesyon planifikasyon chak semèn ak chak jou?
Kijan m ka itilize app Preche Levanjil Mwen an pou ede m akonpli travay la?
Kisa prensip responsablite a ye? Kijan l ap beni efò m yo?

Yo ba w responsablite pou ede nan travay Senyè a nan yon zòn espesifik. Li vle pou w beni lavi moun avèk Lanmou L ak verite L. Li vle pou w envite yo ak ede yo vin jwenn Li.

Senyè a vle pou w “angaje nan bon kòz [sa a].” Li mande pou w “fè anpil bagay avèk pwòp volonte pa [w], epi pou w reyalize anpil lajistis” (Doktrin ak Alyans 58:27; gade nan vèsè 26–29). Fè tout sa w kapab pou w kite chak pawas oswa branch kote w sèvi yo pi solid pase jan w te jwenn yo lè w te rive a.

Chapit sa a ap ede w aprann kijan pou w fikse bi, fè plan pou akonpli yo, epi reyalize plan w yo avèk dilijans. Li dekri endikatè kle pou konvèsyon yo, ki gide efò w pou w ede pitit Bondye yo pwogrese espirityèlman. Epi li prezante yon pwosesis fikse bi ki senp, ke w kapab itilize nan tout aspè nan travay misyonè w la, enkli nan bi pèsonèl ou ak bi avèk konpayon ou. Li dekri kijan w ka fè sesyon planifikasyon chak semèn ak chak jou avèk konpayon w.

Aprann fikse bi ak fè plan kapab beni w pandan tout lavi w. Li ka ede w fè ak respekte alyans avèk Bondye, sèvi fidèlman nan Legliz la, kontinye fè etid, pwogrese nan karyè w, ak bati yon fanmi solid.

Etid ekriti

Kisa w ka aprann nan ekriti sa yo sou planifikasyon pou w ede akonpli travay Bondye a?

Ede Lòt Moun Konvèti nan Sovè a

Konsantre sou Objektif Misyonè Ou

Petèt w ap mande kiyès nan tach misyonè w yo ki pi enpòtan? Sa se yon bon kesyon pou w konsidere lè w ap fikse bi ak plan chak semèn ak chak jou. Pou ede w reponn li, reflechi sou objektif ou kòm misyonè.

“Envite lòt moun pou vin jwenn Kris nan ede yo resevwa levanjil retabli a pa lafwa nan Jezikri ak Ekspyasyon L lan, repantans, batèm, resevwa don Sentespri a, ak pèsevere jiskalafen.”

Kite objektif misyonè w la gide bi ak plan w yo. Konsantre sou jan w ka ede moun yo egzèse libabit yo pou yo vin konvèti nan Sovè a ak resevwa levanjil Li a.

Chèche èd Lespri a epi konsilte konpayon ou lè w ap fikse bi ak fè plan yo. Apre sa, mete plan w yo an aksyon epi itilize tan w avèk efikasite.

“Nou pa preche ak anseye pou nou ka ‘mennen moun nan Legliz la’ ni pou ogmante kantite manm nan Legliz la. Nou pa preche ak anseye sèlman pou pèsyade moun pou yo viv pi bon lavi. … Nou envite tout moun pou yo vin jwenn Kris pa repantans ak batèm ak konfimasyon pou yo ka louvri pòt wayòm selès la bay pitit gason ak pitit fi Bondye yo. Okenn lòt moun pa ka fè sa” (Dallin H. Oaks, “Objektif Travay Misyonè a,” emisyon misyonè pa satelit, Avr. 1995).

Etid ekriti

Kijan misyonè ak pwofèt sa yo te akonpli plan yo avèk èd Senyè a?

Aliyen w avèkEndikatè pou Konvèsyon

Dirijan Legliz la idantifye sis endikatè kle pou konvèsyon. Endikatè kleede w konsantre sou pwogrè espirityèl pitit Bondye yo. Yo la pou ede w aliyen efò kotidyen ou avèk objektif misyonè w.

Endikatè kle pou konvèsyon yo mansyone anba la a.

	Nouvo Moun Y Ap Anseye. Chak moun (ki pa batize) ki resevwa yon leson nan semèn byen detèmine (men ke yo pa t anseye nan twa dènye mwa yo) epi ki aksepte yon lòt randevou retou espesifik. An jeneral, yon leson genyen ladan l priye (lè sa apwopriye), anseye omwen yon prensip levanjil, ak lanse yon envitasyon.
	Leson avèk yon Manm ki ap Patisipe. Kantite leson nan yon semèn done kote yo te anseye yon moun (ki pa batize) epi yon manm te patisipe.
	Moun Y Ap Anseye Ki Asiste Reyinyon Sentsèn. Chak moun (ki pa batize) w ap anseye ki asiste reyinyon sentsèn nan yon semèn byen detèmine.
	Moun ki gen yon Dat Batèm. Chak moun ki dakò pou yo batize ak konfime nan yon dat espesifik.
	Moun Ki Batize ak Konfime. Chak nouvo manm ki te resevwa òdonans batèm ak konfimasyon epi yo te soumèt fòmilè a pou yo elektwonikman nan yon semèn done. (Gade nan chapit 12 pou definisyon yon batèm konvèti ak pou enfòmasyon sou kreye rejis.)
	Nouvo Manm Ki Ap Asiste Reyinyon Sentsèn Chak nouvo manm ke yo te soumèt Fòm Batèm ak Konfimasyon l lan nan dènye 12 mwa yo ki asiste reyinyon sentsèn nan yon semèn done.

An rezime, bay ede moun chwazi pou yo patisipe nan eksperyans sa yo priyorite, Konsantre efò w yo sou aktivite sa yo:

Sa ki ap ede w jwenn nouvo moun pou w anseye
Sa ki ap ede moun yo pwogrese al nan fè ak respekte alyans
Sa ki ap ede moun ki batize ak konfime nan ane ki sot pase a.

Si w pa ka wè kijan efò w yo ta ka ede yon moun pwogrese nan yon fason ki reflete nan endikatè kle w yo, mande tèt ou si aktivite sa a se yon bon fason pou w itilize tan ou.

Pou moun ou pase mwens tan avèk yo, kontinye nouri enterè yo nan levanjil la. Ou ka envite manm yo pou kontakte yo tou. Ou ta ka itilize teknoloji pou ankouraje yo ak kontinye sèvi yo tou. Gade nan “Itilize Teknoloji” nan chapit 9 la pou idel.

“Objektif final planifikasyon ak fikse bi a se pou fè disip—sètadi, pou w gen konvèti devwe ki fè e ki respekte alyans sakre, an kòmansan avèk yon alyans batèm ki mennen nan alyans tanp yo” (Quentin L. Cook, “Objektif ak Planifikasyon,” seminè pou dirijan misyon, 25 Jen 25, 2019).

Fikse Bi Ki Gen Rapò avèk Endikatè Kle yo ak Fè Plan

Pandan planifikasyon chak semèn nan, oumenm ak konpayon w fikse bi pou tout endikatè kle yo. Bi ki gen rapò avèk endikatè kle w yo dwe reflete dezi w pou ede plis moun fè eksperyans avèk benediksyon konvèsyon yo.

Fikse bi ak fè plan pou w fè bagay ki sou kontwòl ou e ki kapab enfliyanse rezilta endikatè kle w yo. Pa egzanp:

Ou ta gen dwa fikse yon bi endikatè kle pou w kòmanse anseye yon sèten kantite nouvo moun pandan semèn nan. Atenn objektif sa a depann de libabit lòt moun. Men fè sa ki sou kontwòl ou pou akonpli l. Youn nan fason pou fè sa se fikse bi pou w pale avèk yon sèten kantite nouvo moun chak jou. Apre sa planifye kijan w pral fè sa. Gade bann ide ki nan Apendis 2 nan chapit sa a ak nan chapit 9la.
Ou ta gen dwa fikse bi ki gen kòm endikatè kle pou w gen yon kantite espesifik nouvo manm ak moun w ap anseye pou yo asiste reyinyon sentsèn. Ke yo vini ou pa depann de libabit yo. Men fè sa ki sou kontòl ou pou enfliyanse rezilta endikatè kle sa yo. Planifye kilè pou w envite yo ak kijan pou w fè suivi.
Ou ta gen dwa fikse bi kòm endikatè kle pou w fè manm patisipe nan yon kantite leson espesifik pandan semèn nan. Atenn objektif sa a ou non depann de manm yo ak sou moun w ap anseye yo. Men fè sa ki sou kontòl ou pou enfliyanse rezilta endikatè kle sa a. Fikse bi pou w travay avèk dirijan pawas la pou ogmante kantite manm ki prezan. Apre sa planifye kijan w pral kowòdone patisipasyon yo.

Avèk konpayon ou, ou fikse bi konsènan endikatè kle pou pwòp zòn pa w la. Baze yo sou (1) pwogrè moun w ap anseye yo ak (2) nesesite pou w jwenn nouvo moun pou w anseye. Jwenn nouvo moun pou w anseye se yon bezwen ki toujou la.

Bi ki konsène endikatè kle pou tout misyon w lan baze sou bi chak gwoup konpayon fikse.

App Preche Levanjil Mwen an ap ede w fikse atansyon w sou moun yo lè w ap fikse bi ki gen rapò avèk endikatè kle yo. App sa a ap ede w aprann nan bi pase yo tou epi l ap montre w pwogrè w nan reyalizazsyon bi ke w genyen kounyeya.

Bi ki gen rapò avèk endikatè kle yo ak rezilta yo al jwenn dirijan misyon w lan ak dirijan jèn misyonè yo otomatikman app Preche Levanjil Mwen an.

Fè atansyon pou w pa met plis aksan sou yon bi endikatè kle ke sou lòt yo. Yon konsantrasyon san rete sou tout endikatè kle yo ap ede w pou w toujou envite lòt moun pou yo vin jwenn Kris ak fè alyans.

“Lè pèfòmans mezire, pèfòmans amelyore. Lè pèfòmas mezire ak rapòte, to amelyorasyon an akselere” (site pa Thomas S. Monson, “Thou Art a Teacher Come from God,” Improvement Era, Des. 1970, 101).

Travay avèk Dilijans

Senyè a vle pou w “aji … avèk dilijans” nan sèvis misyonè w laDoktrin ak Alyans 107:99). Dilijans se yon efò konsistan, vanyan.

Travay avèk dilijans sou bi ki konsène endikatè kle w yo. Envite moun yo pou yo pran angajman ki mennen nan konvèsyon. Efò dilijan w yo kapab enspire yo pou yo fè aksyon ki ap ede yo vin jwenn Kris (gade nan 2 Nefi 2:14–16).

Anseye levanjil la nan fason ki reponn a bezwen moun yo. Lè yo konprann li pa Lespri, doktrin nan plis kapab pase nenpòt lòt bagay pou enspire yo pou yo aji.

An menm tan, rekonèt bi endikatè kle ki depann de libabit lòt moun yo. Toujou respekte libabit moun yo.

Sonje ke endikatè kle yo se pa bi final la. De preferans, yo reprezante pwogresyon espirityèl potansyèl yon moun sou wout ki mennen nan batèm, konfimasyon, ak konvèsyon dirab. Pwogresyon reyèl moun yo ap depann de chwa yo. Ou sipòte pwogresyon yo lè w egzèse lafwa nan Kris nan non yo pandan w ap fikse bi, planifye, aji dilijaman, ak sèvi yo nan fason enspire.

Kijan pou Fikse Bi ak Fè Plan pou Akonpli Yo

Fikse bi ak planifye se ak lafwa. Bi yo reflete dezi kè w ak vizyon w pou ede tèt ou ak lòt moun vin jwenn Sovè a.

Si w konsidere bi ak plan w yo avèk swen, y ap ba w direksyon klè. Yo ka ede w jwenn plis moun pou w anseye. Yo ka gide w nan ede moun w ap anseye yo fòtifye lafwa yo epi pwogrese nan direksyonkonvèsyon.

Fè fikse bi ak planifikasyon w lan vin tounen yon eksperyans enspire. Priye sensèman, egzèse lafwa, konsilte konpayon w, epi suiv enspirasyon Lespri a. Lè w planifye fason sa a, w ap santi Senyè a ap travay nan oumenm pou beni lòt moun.

“Yon bi se yon destinasyon oswa yon fen,pandan ke yon plan se wout wout w ap suiv pou w rive ladan l lan. … Fikse bi se esansyèlman kòmanse avèk fen an nan lespri w. Epi planifye se chèche jwenn yon mwayen pou rive nan fen an“Retounen epi Resevwa,” Lyawona, Me 2017, 62–63).

Prensip pou Fikse ak Akonpli Bi yo

Pwosesis sa a ap ede w fikse bi epi akonpli yo.

Nan lapriyè, fikse bi epi fè plan. Fikse bi ki reyalis men ki ap fè w soti nan zòn konfò w e ki mande lafwa. Evite fikse bi ki twò wo oubyen twò ba. Planifye kijan w ap akonpli yo.
Pran Nòt ak Planifye. Ekri bi w yo ak plan w yo nan yon kalandriye detaye.
Aji selon plan w yo. Travay avèk dilijjans pou akonpli bi w yo. Egzèse lafwa nan Senyè a pou ede w
Revizyon ak suivi. Evalye pwogrè w epi ekri efò w yo regilyèman. Deside kisa pou w fè diferamman ak kijan pou w amelyore. Ajiste plan yo si sa nesesè.

Lè w ap itilize pwosesis fikse bi a, Senyè a ap mayifye efò w yo. W ap grandi nan kapasite w kòm yon enstriman nan men Li. W ap reyalize anpil byen nan beni pitit Pè Selè yo.

Fikse Bi epi Fè Plan nan Tout Domèn Travay la

Chèche èd Lespri a nan lapriyè pandan w ap aplike pwosesis fikse bi a nan tout aspè nan travay misyonè a. Kèk nan bagay pou w enkli:

Ede moun w ap anseye yo pwogrese (gade nan Apendis 1 nan chapit sa a).
Chèche nouvo moun pou w anseye (gade nan Apendis 2 nan chapit sa a).
Travay ansanm avèk manm yo epi sèvi moun yo nan kominote a ak nan pawas la (gade nan chapit 9 ak 13).
Travay nan inite avèk konpayon w (gade nan pwen 6 nan “Sesyon Planifikasyon Semèn”) nan.
Fòtifye lafwa w nan Jezikri.
Amelyore konesans ou ak kapasite w, sa enkli aprann lang (gade nan chapit 7).

Fikse Bi ki Apwopriye

Evite fikse bi endikatè kle pou lòt misyonè yo. Sepandan, ou ka gide yo ak ankouraje yo lè y ap aplike prensip pou fikse bi a pandan y ap defini pwòp objektif pa yo.

Fè atansyon pou w pa fè konparezon avèk lòt moun.

Pa itilize reyalizasyon bi w la kòm yon kota, pou rekonesans piblik, oubyen pou w korije oubyen anbarase okenn moun piblikman.

“Nou kwè nan fikse bi. Nou viv selon bi nou yo. … [Youn] nan bi ki enpòtan se mennen levanjil la bay tout moun. … Bi nou se atenn lavi etènèl. Ki se pi gwo bi nan mond lan” (Spencer W. Kimball, seminè pou reprezantan rejyonal yo, Avr. 3, 1975, 6).

Fè Sesyon Planifikasyon Chak Semèn ak Chak Jou

Planifikasyon chak semèn nan ede w wè gran imaj la ak fokis sou moun yo. L ap ede w konsantre sou aktivite ki pi enpòtan yo. Planifikasyon chak jou ap ede w adapte w ak prepare w pou w fè aksyon espesifik chak jou. Ou vle pwodiktif, pa sèlman okipe.

Pandan sesyon planifikasyon yo, poze tèt ou kesyon debaz sou sa w santi Senyè a ta renmen w fè. Chèche enspirasyon pou w reponn kesyon sa yo nan fason ki apwopriye pou chak sitiyasyon ak chak moun. Repons yo ta dwe reprezante nan plan w yo apre sa.

Sesyon Planifikasyon Chak Semèn

Fè yon sesyon planifikasyon chak semèn avèk konpayon w nan jou ak lè prezidan misyon w lan te fikse a. Suiv etap sa yo.

Priye epi chèche enspirasyon. Mande Papa nou ki nan Syèl la pou L gide w lè w ap fè plan ki ap ede w akonpli objektif Li yo. Mande L pou L beni efò w yo pou ede moun yo pwogrese epi vin jwenn Kris.
Fikse bi epi fè plan pou tout endikatè kle yo nan itilize app Preche Levanjil Mwen an. Itilize pwosesis pou fikse bi a yo ke dekri anlè a nan chapit sa a. Kòmanse avèk:
- Moun ki te batize ak konfime pandan ane pase a.
- Moun ki gen yon dat batèm.
- Moun w ap anseye ki asiste reyinyon sentsèn.
- Nouvo moun w ap anseye.
- Manm ki retounen, fanmi ki gen kèk moun ladan yo manm, ak kandida ansyen.
- Moun ki te anseye deja.
Gade nan Apendis 1 an nan chapit sa a pou nou ka jwenn ide konsènan itilizasyon pwosesis fikse bi a nan travay avèk moun w ap anseye yo.
Itilize pwosesis fikse bi a pou w jwenn moun pou w anseye gade nan Apendis 2 a nan chapit sa a ak nan chapit 9 la pou èd pou w jwenn moun).
Itilize pwosesis fikse bi a pou bati relasyon avèk dirijan ak manm pawas la. Fikse bi epi fè plan pou w konn kijan pou w sipòte yo nan efò yo pou yo pataje levanjil la (gade ide nan chapit 9 ak 13). Prepare pou reyinyon kowòdinasyon pawas la ki fèt chak semèn nan (gade nan chapit 13).
Repase plan w ak bi w yo nan app Preche Levanjil Mwen an. Konfime randevou w yo ak reyinyon w yo.
Fè konsèy avèk konpayon w. Òdinèman, sa enkli eleman sa yo:
- Si w vle, pataje bi pèsonèl apwopriye epi mande konpayon w pou l ede w akonpli yo.
- Diskite fòs relasyon w lan. Diskite nenpòt pwoblèm nou genyen pou nou obeyisan oubyen pou n travay nan inite. Rezoud tout konfli nan (1) pèmèt chak moun eksprime pwendvi l konplètman, (2) konprann epi aksepte preyokipasyon chak moun, epi (3) chèche jwenn ansanm yon solisyon ki adrese preyokipasyon ki pi enpòtan yo.
- Pataje avèk konpayon w sa w panse ki se pwen fò l. Mande l sigjesyon sou fason ou ka amelyore.
- Fikse bi ki ap amelyore relasyon nou an.
Konsiltasyon avèk konpayon w kapab ede w devlope talan enpòtan ke w ka itilize nan lavi pèsonèl ak familyal ou, nan sèvis ou nan Legliz la, nan travay ou, ak nan lòt entèraksyon.
Fini avèk yon priyè.

Sesyon Planifikasyon Chak Jou

Fikse bi epi fè plan avèk konpayon w pandan 30 minit chak maten. Suiv etap ki anba la yo.

Priye epi chèche enspirasyon.
Revize pwogrè w fè nan akonpli bi chak semèn pou endikatè kle w yo.
Revize plan w pou ede moun w ap aseye yo. Bay priyorite a efò w pou ede moun ki ap fè plis pwogrè yo. Ajiste bi ak plan jounalye w yo si sa nesesè.
Angaje w pou w fè aksyon nan jou sa a ki ap fè w jwenn nouvo moun pou w anseye ak pou w ede moun w ap anseye yo.
Planifye kijan w pral travay avèk dirijan lokal yo ak manm yo.
Fini avèk yon priyè.

Etid avèk Konpayon

Revize Apendis 1 ak Apendis 2 a nan fen chapit sa a pou w ka jwenn ide sou fason pou w aplike pwosesis fikse bi nan anseye ak jwenn moun nan. Idantifye kijan w ka itilize kèk nan ide sa yo.

Itilize App Preche Levanjil Mwen an

Konsènan moun ki te batize nan epòk li a, Mowoni te di: “Non yo te enskri pou legliz la te kapab sonje yo, nouri yo avèk bon pawòl Bondye a, pou kenbe yo nan bon chemen an” (Mowoni 6:4). Kenbe rejis se youn nan fason ou ka aplike prensip sa a.

Evalye Efò w you

Kenbe rejis fè pati dilijans ou montre nan veye sou zòn ou an avèk lanmou ak atansyon. Kenbe rejis ki egzak epi ki ajou. Sa ap ede w sonje sa w ap bezwen fè pou ede moun.

App Preche Levanjil Mwen an ap pèmèt ou kowòdone ak pataje enfòmasyon enpòtan avèk dirijan lokal yo ak manm yo sou pwogrè moun yo ak sou travay la.

Suiv Règleman sou Done ak Respè Vi Prive yo

Suiv règleman sou konsèvasyon enfòmasyon ak respè vi prive lè w ap ekri bi ak plan w yo nan app Preche Levanjil Mwen an ak nan materyèl sou papye yo. Pou enfòmasyon, gade nan Règ Misyonè pou Disip Jezikri yo, 7.5.

Poze tèt ou kesyon sa yo anvan w ekri oubyen pataje enfòmasyon nan app Preche Levanjil Mwen an, nan email, medya sosyal, nòt, oswa lòt kominikasyon:

Kijan moun sa a ap santi l konsènan sa m ekri a?
Kijan m tap santi m si yon moun ta pataje tip enfòmasyon sa a sou mwen avèk lòt moun?
Èske m ap suiv règleman Legliz la ak lwa konfidansyalite pou enfòmasyon pou zòn mwen an lè m ekri oubyen pataje enfòmasyon sa a?

Responsablite

Prensip responsablite a fondamantal nan plan etènèl Bondye a (gade nan Alma 5:15–19; Doktrin ak Alyans 104:13; 137:9). Prensip sa a enfliyanse fason w panse ak fason w santi w konsènan responsablite sakre Senyè a ba ou a. Responsablite enfliyanse tou fason w apwoche travay ou a.

Pandan ministè terès Li a, Sovè a te bay disip Li yo responsablite pou yo te ede yo pwogrese, devlope, ak akonpli travay Li a. Li te ba yo opòtinite tou pou yo te rann kont pou travay yo te ba yo fè a (gade nan Lik 9:10; 3 Nefi 23:6–13). Antanke misyonè, ou dwe rann kont tou pou travay Senyè a ba w fè a.

Apwoche pwosesis fikse bi ak planifikasyon w lan avèk lide ke w ap gen pou w rann Senyè a kont nan lapriyè chak jou. Epi tou, fè rapò bay tèt ou ak dirijan misyon w yo.

Rann kont lan ta dwe yon eksperyans pozitif plen lanmou kote w rekonèt efò ou epi ou idantifye mwayen ou ka amelyore.

Etid ekriti

Kisa sa vle di pou yon moun responsab?

Doktrin ak Alyans 58: 26– 26; 101:78

Poukisa libabit enpòtan nan responsablite?

Kijan yon misyonè ak yon dirijan misyon ka travay ansanm?

Kisa Senyè a pwomèt moun ki fidèl nan responsablite yo?

Doktrin ak Alyans 51:19; 78:22

Ide pou Etid ak Aplikasyon

Etid pèsonèl

Konsidere fraz sa a ki nan lèt apèl ou a: “Lè w konsakre tan w ak atansyon w pou sèvi Senyè a, pandan ke w kite tout zafè pèsonèl ou dèyè, Senyè a ap beni a avèk yon konesans ak yon temwayaj ogmante konsènan Jezikri ak levanjil retabli L la.” Poze tèt ou kesyon sa yo, epi ekri enpresyon w yo.
- Kijan map fè pou m konsakre tan m ak atansyon m pou m sèvi Senyè a?
- Ki benediksyon mwen resevwa?
- Nan ki sans temwayaj mwen vin pi fò?
- Kijan m ka amelyore?
Pran yon ti moman pou w reflechi sou dènye jou w nan chan misyon an? Lè jou sa a rive:
- A kisa w vle pou relasyon w avèk Pè Selès la ak Jezikri a sanble?
- Kisa w ta vle devni?
Ekri yon repons pou chak nan kesyon sa yo nan jounal etid ou a? Itilize pwosesis fikse bi a pou planifye sa w ka fè kounyea pou w travay pou reyalizasyon bi sa yo. Ekri Plan w.

Etid avèk konpayon ak echanj konpayon

Pandan w ap itilize App Preche Levanjil Mwen an, reponn kesyon ki pi ba la a:
- Èske tout rejis yo ajou e egzat?
- Èske yon misyonè ki nouvo nan zòn nan tap benefisye de rejis efò w pou w jwenn nouvo moun pou w anseye a?
- Si w te gen pou w te revize app ou a kounyeya, èske sa tap ede w konnen ki kote moun yo ye? Èske sa tap ede w jwenn enfòmasyon sou pwogrè yo?

Konsèy Distri, Konferans Zòn, ak Konsèy Dirijan Misyon

Envite misyonè yo pataje eksperyans yo fè avèk bi yo te fikse yo ak plan yo te fè pou ede moun pwogrese. Egzanp yo ta kapab enkli bi ak plan pou ede moun:
- Devlope pi gwo lafwa nan Sovè a.
- Repanti epi fè chanjman pou vin pi pre Bondye.
- Batize ak konfime
- Retounen nan Legliz la epi renouvle alyans batèm yo.
Li youn nan sitiyasyon sa yo pou misyonè yo. Fè misyonè yo divize an ti gwoup. Fè chak gwoup itilize etap 1 ak 2 nan pwosesis fikse bi a pou ede moun ki nan egzanp sa yo pwogrese sou wout ki pou mennen nan batèm ak konfimasyon. Fè chak gwoup pataje ide yo.
- Yon moun w ap anseye aksepte yon envitasyon pou l asiste legliz semèn sa a.
- Yon moun te aksepte yon envitasyon pou batèm ak fikse yon bi avèk ou pou l batize.
- Yon moun te aksepte envitasyon w pou l li Liv Mòmon an epi li pran angajman pou l li 1 Nefi 1.
Envite misyonè yo itilize app Preche Levanjil Mwen an pou ede yo fikse bi ki reyalis men difisil an:
- An revizan istwa ak pwogrè endikatè kle pase yo.
- An fiksan bi jounalye, ebdomadè, ak mansyèl.
- An ajjoutan moun sou bi endikatè kle w yo.
Diskite kijan etap sa yo kapab ede misyonè yo planifye pi efikasman pandan y ap ede moun yo pwogrese. Mande misyonè yo pou yo konsidere bagay sa yo:
- Kijan w ka itilize app Preche Levanjil Mwen an nan lefiti jan w planifye a?
- Ki lòt fason ou dekouvri pou itilize app la pi efikasman?

Dirijan Misyon ak Konseye Misyon yo

Revize app Preche Levanjil Mwen an pou misyonè yo souvan. Envite yo pou yo pataje kijan y ap itilize l pou suiv bi yo ak plan yo pou ede moun yo pwogrese.
Okazyonèlman obsève sesyon misyonè chak jou ak chak semèn nan.

Apendis 1

Aplike Pwosesis Fikse Bi a nan Travay avèk Moun W ap Anseye yo

Seksyon sa a bay egzanp fason ou ta kapab aplike pwosesis fikse bi a pou ede moun w ap anseye yo.

1. Fikse Bi epi Fè Plan

Konsidere bezwen espirityèl moun w ap anseye yo nan lapriyè. Fikse bi epi fè plan pou ede yo satisfè bezwen sa yo. Itilize app Preche Levanjil Mwen an pou revize pwogrè chak moun. Itilize endikatè kle pou konvèsyon yo pou idantifye aksyon ki ap ede chak moun pran pwochen etap la nan vini jwenn Kris.

Lè w ap fikse bi ak fè plan, mande tèt ou kesyon tankou sa yo:

Ki chwa moun nan ap fè ki montre ki montre yon lafwa k ap grandi nan Jezikri?
Ki eksperyans moun nan ap fè avèk Lespri a?
Ki pwoblèm li ta kapab rankontre?
Kisa nou ka aprann anplis nan men moun sa a pou ede l?
Kisa ki bezwen rive pou ede moun sa a devlope lafwa nan jezikri, santi ak rekonèt Lespri a, repanti, epi batize?
Kijan nou ka prepare pou reyinon kowòdinasyon ebdomadè pawas la pou enkli dirijan pawas yo ak manm yo nan ede moun sa a? (Gade nan chapit 13.)
Ki bi endikatè kle nou ka fikse ki reflete lafwa nou nan Senyè a?

2. Ekri ak Pwograme Plan Ou

Itilize app Preche Levanjil Mwen an pou ekri ak pwograme bi ak plan w yo an detay. Sa ap ede w òganize travay la ak idantifye aksyon pou w fè chak jou. Suiv lwa sou konfidansyalite ki egziste nan zòn ou an.

Pandan w ap ekri ak pwograme plan w lan, poze tèt ou kesyon tankou sa yo:

Ki bagay espesifik nou ka fè jodi a ak semèn sa a pou sipòte pwogrè moun sa a?
Ki doktrin (oubyen leson) ki ap ede moun sa a devlope pi gwo lafwa nan Kris la ak viv levanjil li a? Kijan nou ka anseye doktrin sa a pou l ka konprann li epi pou l ka edifye pa Sentespri a?
Kijan e kilè n ap konfime randevou yo?
Ki envitasyon nou ta dwe lanse oubyen sou ki envitasyon nou ta dwe fè suivi? Kijan e kilè nou pral fè suivi?
Kijan e kilè n ap ede moun nan ale legliz, li ekriti yo, priye, ak respekte angajman ki mennen nan fè alyans avèk Bondye?
Kijan manm yo ka patisipe?
Ki resous anliy nou ka pataje avèk moun sa a?
Ki plan derechanj nou ka fè si yon bagay pa mache jan nou planifye a?

3. Aplike Plan W yo

Se pou w gen yon priyè nan kè w pandan tout jounen an pandan w ap suiv plan w yo. Lespri a ap ede w konnen ki kote pou w ale, kisa pou w di, ak ki ajisteman pou w fè.

Pandan jounen an, poze tèt ou kesyon tankou sa yo:

Kijan nou ka travay avèk lafwa, fè Senyè a konfyans pou ede nou ak mayifye efò nou pou nou sèvi pitit Li yo?
Kijan nou ka kreyatif ak kouraje lè n ap aji pou suiv plan nou yo?
Kijan nou ka adapte plan nou yo selon bezwen ak sikonstans moun yo?

Plan yo p ap toujou reyalize jan w espere a. Se pou w fleksib epi itilize plan derechanj yo lè sa nesesè.

4. Revize Pwogrè w yo epi Fè Suivi

Avèk konpayon w, revize pwogrè pou bi w te fikse pou anseye moun ak ede yo pwogrese a. Planifye fason pou fè suivi. Ajiste plan w si sa nesesè pandan w ap fè efò pou atenn bi w yo.

Poze tèt ou kesyon tankou sa yo:

Èske moun w ap anseye yo ap travay pou yo al fè alyans avèk Bondye?
Ki pwoblèm yo rankontre? Ki preyokipasyon yo?
Kisa nou ka fè jodi a pou ede yo ak ankouraje yo aji—an pèsòn oubyen atravè teknoloji?
Èske y ap fè eksperyans santi Lespri a?
Èske yo konekte avèk dirijan Legliz la ak manm yo epi bati amitye? Kimoun ki ta kapab patisipe pwochèn fwa n ap anseye a?
Kisa nou ka aprann apatide echèk nou yo?
Ki rezilta nou te genyen nan nan efò pou nou atenn bi nou yo? Èske gen yon bagay nou ta dwe ajiste oubyen fè diferaman?
Èske se moman pou nou fè mwens kontak?

Gade nan chapit 11 pou nou ja jwenn plis prensip ak ide sou jan pou nou fè suivi ak ede moun yo pwogrese.

Apendis 2

Aplike Pwosesis Fikse Bi nan Jwenn Moun pou w Anseye a

Seksyon sa a bay egzanp fason ou ta kapab aplike pwosesis fikse bi a nan jwenn nouvo moun pou anseye a. Itilize pwosesis sa a nan planifikasyon chak semèn ak chak jou yo.

1. Fikse Bi epi Fè Plan

Avèk konpayon w, nan lapriyè, konsidere sa Papa nou ki nan Syèl la tap fè pou nou jwenn plis moun pou nou anseye. Fè sa chak semèn ak chak jou. Se pou w gen lafwa ke L ap prepare moun yo pou ou (gade nan Doktrin ak Alyans 100:3–8).

Fikse bi chak jou. Fè plan pou aksyon ki sou konwòl ou ki enfliyanse rezilta endikatè kle yo. Egzanp yo enkli:

Avèk konbyen nouvo moun ou pral pale de levanjil la chak jou?
Konbyen fwa w ap mande manm yo, moun w ap anseye yo, ak moun ou kontakte yo si yo konn yon moun ki ta ka enterese nan mesaj ou a?
A ki vitès w ap reponn a referans oswa kòmantè sou mesaj medya sosyal yo.

Revize app Preche Levanjil Mwen an epi mande tèt ou kesyon tankou sa yo:

Kisa Pè Selès la tap vle nou fè jodi a ak semèn sa a pou nou ka jwenn moun pou nou anseye?
Ki bi endikatè kle jounalye ak ebdomadè nou ka fikse pou jwenn moun pou nou anseye?
Ki aktivite pou jwenn moun ki pi bon pou epòk sa a ak lokasyon sa a?
Kijan nou ka enspire ak sipòte manm pawas yo nan efò yo pou pataje levanjil la atravè prensip renmen, pataje, ak envite a?
Ki nouvo manm nou ka kontakte pou ede yo ale nan reyinyon sentsèn? Eske yo gen zanmi yo ta ka envite?
Kijan nou ka travay avèk konsèy pawas oswa patisipan nan reyinyon kowòdinasyon chak semè yo pou idantifye fanmi ki anpati manm, manm ki retounen, ak kandida ansyen pou kontakte?
Kimoun ki aktyèlman ap anseye, moun ki te anseye anvan sa, ak moun referans nou ka kontakte? Kijan nou ka kontakte yo? (an pèsòn, atravè teknoloji, pa telefòn, oubyen nan lòt fason)
Ki knouvo fason nou kapab jwenn moun?
Ki talan ak fòs pèsonèl nou ka itilize?
Kijan nou ka amelyore kapasite nou pou jwenn moun pou anseye?
Kijan nou ka ede moun nou kontakte yo santi enfliyans Sentespri a?

Pou egzanp sou aktivite pou jwenn moun, gade nan chapit 9, 10, and 13.

Itilize App Preche Levanjil Mwen an pou ede w idantifye aktivite pou jwenn moun ki efektif nan lepase. Paregzanp, ou ka wè kijan yo te jwenn konvèti resan yo.

Chèche enspirasyon epi rete ouvri pou nouvo enpresyon ak nouvo ide. Evite chita nan yon woutin. Misyonè ki konstamman ap jwenn nouvo moun pou yo anseye yo souvan itilize yon varyete fason chak semèn. Yo travay san rete.

2. Ekri ak Pwograme Plan w Yo

Avèk konpayon w, itilize app Preche Levanjil Mwen an pou ekri ak pwograme bi w ak plan ou yo an detay. Ekri ak pwograme plan w yo ap ede w idantifye ki aksyon ou ka pran ak kilè pou pran yo.

Poze tèt ou kesyon tankou sa yo:

Kilè ak kijan n ap kontakte moun yo? Ki pi bon apwòch yo? Ki kote ki pi bon lokasyon yo? Ki pi bon moman nan jounen pou diferan fason pou jwenn moun?
Kijan nou ka fè konvèsasyon siyifikatif avèk moun n ap rankontre yo?
Kijan ak kilè n ap jwenn moun anliy ki itilize medya sosyal ak lòt teknoloji?
Kilè n ap kontakte referans yo?
Ki plan derechanj n ap prepare pou lè lòt plan yo pa mache?

3. Aji Sou Plan W lan

Eseye avèk dilijans pou atenn bi w pou jwenn moun pou anseye yo. Gen yon priyè nan kè w pandan tout jounen an. Pare pou w akeyi ak pale avèk moun w ap anseye yo. Lespri a ap ede w konnen kote pou w ale, kisa pou w fè, ak ki ajisteman ou ka fè.

Pandan jounen an, poze tèt ou kesyon tankou sa yo:

Kijan nou ka travay ak lafwa, pandan n ap fè Senyè a konfyans pou ede nou ak mayifye efò nou pou sèvi pitit Li yo.
Kijan nou ka kreyatif ak kouraje lè n ap aji selon plan nou yo?
Kijan nou ka adapte plan nou selon bezwen ak sikonstans moun yo?
Kijan nou ka ede moun santi enfliyans Sentespri a?

Planifye pa toujou pase jan w espere a. Rete fleksib epi itilize plan bakòp lè sa nesesè.

4. Repase Pwogresyon ak Fè Suivi

Pandan jounen an ak semèn nan, nan lapriyè, repase pwogresyon nan lonje lamen pou jwenn moun pou w anseye. Poze tèt ou kesyon tankou sa yo:

Ki rezilta nou jwenn nan atenn bi ak suiv plan nou yo?
Ki ajisteman nou ta dwe fè pou atenn bi pou nou jwenn moun nan?
Kijan nou ka evite tonbe nan yon woutin ki pa efektif nan jwenn moun pou nou anseye?
Ki bagay nouvo nou ka eseye fè pandan moman sa a nan jounen an?
Ki ide nou ka diskite nan reyinyon kowòdinasyon ebdomadè pawas la pou ede nou jwenn moun pou nou anseye? (Gade nan chapit 13.)

Kòm konpayon, itilize tabli “Efò pou Jwenn Moun” nan chapit 9 la pou evalye efò chak semèn ak chak jou pou w jwenn moun yo. Rekonèt sa w ap fè byen yo, epi konsidere kijan w ka amelyore.

Pandan tout jounen an, fè yon poz kèlke minit pou rekonèt men Bondye nan travay ou a.