Alang sa mga Bata: Unsay Akong Mabuhat Kon ang usa ka Tawo nga Akong Gimahal Nabilanggo?

Mahimong lisod kaayo kon ang usa ka tawo nga imong gimahal nabilanggo. Tingali dili nimo masabtan ang tanang rason kon nganong nahitabo kini, apan kahibalo ka nga gimingaw ka niya, ug tingali maguol ka kay atua siya sa layo. Ang imong mga pagbati importante. Tingali mobati ka og kahadlok, kasuko, o kalibog. Kon imong ipakigbahin ang imong pagbati ngadto sa uban, makatabang kini kanimo nga moarang-arang ang imong pagbati.

Ang mga tawo usahay mohimo og dili maayo nga mga pagpili, apan kadtong sayop nga mga pagpili dili awtomatik nga makahimo nila nga daotan nga mga tawo. Ang Dios nahigugma sa tanan Niyang mga anak, lakip ang tanang nabilanggo. Siya motabang nila ug nimo matag adlaw. Si Jesus mitudlo, “Duol kamo kanako, … ug papahulayon ko kamo” (Mateo 11:28). Kini nagpasabot nga kon mosunod kita sa mga pagtulun-an ni Jesukristo, Siya motabang nato sa atong mga problema. Pag-ampo ngadto sa Langitnong Amahan ug pangayo Kaniya og tabang. Siya motabang nimo nga mobati sa Iyang gugma ug kalinaw.

Kahibalo ka ba nga ang ubang mga bata adunay usa ka minahal nga nabilanggo usab? Ania ang pipila sa mga butang nga ilang nasinati:

• Usa ka batang lalaki (edad 14) naghunahuna nga ang daotan nga mga tawo lamang ang maadto sa bilanggoan apan iyang nakat-onan nga ang buotan nga mga tawo makahimo usab og sayop nga mga pagpili.

• Laing batang lalaki (edad 12) nahadlok tungod sa iyang nabilanggo nga amahan—dili segurado kon OK ra ba ang iyang papa o kon makabisita ba siya.

• Usa ka batang babaye (edad 10) kansang mama atua sa bilanggoan gimingaw niya matag adlaw. Ang pagbisita sa iyang mama usahay makapaguol na usab niya. Apan nahibalo siya nga ang iyang mama nahigugma niya ug magkauban ra sila sa dili madugay.

• Laing batang lalaki (edad 16) kansang papa anaa sa bilanggoan nag-ampo alang niya matag gabii. Nahibalo siya nga ang iyang papa nag-ampo usab alang niya ug ang Langitnong Amahan nagtabang sa ilang pamilya nga magpuyo nga luwas.

Mga Kapanguhaan sa Simbahan ug sa Komunidad

• “Coping with Incarceration,” Sesame Street in Communities, sesamestreetincommunities.org

• Tabang alang sa Kanhi Nabilanggo nga mga Indibidwal

• Giniyahan nga Pagtuon alang sa mga Hamtong nga Binilanggo