Ang Akong Kapikas Nabilanggo. Unsay Akong Buhaton Karon?

Ang matag sitwasyon talagsaon, ug walay sayon nga tubag niini nga pangutana. Ang mga desisyon mahitungod sa imong kaugmaon mao ang mga desisyon nga itabang sa Dios nga imong himoon. Pagmainampoon, ug pakigsulti sa kasaligan nga mga higala ug mga tigtambag samtang mohimo ka og mga desisyon. Ang mosunod nga mga ideya makatabang.

Kon ang magtiayon makasinati og panaglagyo, kinahanglang mangita sila og bag-ong mga paagi sa pagkonektar ug pagsuporta sa usag usa. Ang pag-atiman sa mga panginahanglan sa matag usa kinahanglang buhaton sa lahi nga paagi ug tingali nagkinahanglan og mas dakong paningkamot. Ang mga magtiayon mahimong mosulay sa mosunod aron magpabiling lig-on ang ilang relasyon:

• Mangita og mga paagi nga molambo ang kaugalingon. Mogamit niini nga panahon sa panaglagyo sa imong kapikas sa pag-atiman sa imong kaugalingon sa pisikal, sa emosyonal, ug sa espirituwal. Magtuon sa mga kasulatan ug magkat-on pa og dugang mahitungod sa katuyoan sa Ginoo alang sa imong kinabuhi (tan-awa sa Mga Taga-Filipos 4:13). Motambong sa mga miting sa simbahan ug mopaduol ngadto sa kasaligan nga mga pamilya, mga higala, ug mga lider alang sa tabang.

• Mohigugma sa imong kapikas. Mopahibalo sa imong kapikas nga ikaw nagpangga o gimingaw niya. Mag-ampo alang niya matag adlaw. Mosulat, motawag sa telepono, ug mobisita sa imong kapikas kon makahimo ka. Ang pagsulat makatabang nimo sa pagpakigsulti sa paagi nga mas makapasuod ninyo ug makaawhag og pagkaayo. Mopahibalo kanunay sa inyong mga anak bahin sa mga kausaban o kalamboan sa inyong relasyon.

• Mohatag og pagdasig. Ang imong kapikas tingali mawad-an og kadasig samtang nabilanggo. Pagpakita og kaluoy ug pahinumdomi siya sa inyong gugma. Dasiga ang imong kapikas sa pagpahimulos sa bisan unsa nga klase nga anaa ug sa paggahin og panahon sa pagpalambo sa iyang kinabuhi.

• Mohatag og espirituhanong suporta. Ang mga pamilya mahimong molambo sa espirituhanong paagi bisan kon naglagyo sila. Mopakigbahin sa imong mga pagbati ug pagpamatuod mahitungod sa ebanghelyo. Magtuon sa mga kasulatan, sa mga pakigpulong sa mga lider, sa mga leksiyon sa Dali, Sunod Kanako, ug sa mga artikulo sa magasin sa Simbahan. Motabang sa imong kapikas nga mokonektar sa lokal nga mga lider ug molambo pinaagi proseso sa paghinulsol. Kon ang pagtawag sa telepono pwede ra, ilakip ang pag-ampo o pamilya nga pag-ampo isip kabahin sa mga tawag sa telepono.

• Mangandam alang sa umaabot. Motabang sa imong kapikas nga mangandam alang sa kinabuhi human sa pagkabilanggo. Magtambagay ug magtakda og makahuloganon nga mga tumong. Maghimo og plano nga maglakip sa nagpadayon nga espirituhanong paglambo, pagbalik ngadto sa Simbahan, pagpanarbaho, ug pagpadayon sa pagkaayo ug kausaban.

Mga Kapanguhaan sa Simbahan ug sa Komunidad

• “With Love—from the Prodigal’s Sister,” Ensign, June 1991

• “Guide for Incarcerated Parents Who Have Children in the Child Welfare System,” youth.gov

• John K. Carmack, “When Our Children Go Astray,” Liahona, March 1999

• Marvin J. Ashton, “You Can Get There from Here,” general conference, Oct. 1971

• “Tip Sheet for Incarcerated Parents: Planning for a Visit from Your Child/Children,” youth.gov

• Steve F. Gilliland, “Me and You—Finding Balance in Marriage,” Liahona, Feb. 1988