Վարդապետության սերտում. Ուսուցում

Վարդապետական սերտման ներածություն. Աստվածային պատասխաններ փնտրելու և գտնելու օրինաչափություն

Մորմոնի Գրքում Հակոբը պատմում է մի փորձառության մասին, որը նա ունեցել էր Սերեմ անունով մի մարդու հետ: Սերեմը սովորել էր և շատ շողոքորթություն և խոսքի զորություն էր օգտագործում՝ շատերի սրտերը մոլորեցնելու և «տապալելու Քրիստոսի վարդապետությունը» (տես Հակոբ 7.2–4): Հակոբը բացատրում է, որ Սերեմը «շատ էր հնարավորություն փնտրում, որ կարողանար գալ ինձ մոտ: … Եվ նա հույս ուներ` սասանել ինձ իմ հավատքից» (Հակոբ 7․3, 5)։ Հակոբը գրել է, որ սակայն ինքը «չէր կարող սասանվել» (Հակոբ 7․5)։ Իր ողջ կյանքի ընթացքում Հակոբի գործադրած ջանասեր ջանքերի շնորհիվ ոչ մի հարց կամ հանգամանք երբեք չէր կարող հեռացնել Հակոբին Հիսուս Քրիստոսի և Նրա ավետարանի վրա ամուր հաստատված հիմքից:

Մեր օրերում Եկեղեցու երիտասարդները բախվում են բազմաթիվ դժվարին հարցերի և հանգամանքների, որոնք կարող են սասանել նրանց հավատքը: Վարդապետության սերտումն այն եղանակներից մեկն է, որով ուսանողները կարող են պատրաստվել այս մարտահրավերներին: Երբ ուսանողները զարգացնեն վարդապետության սերտումը, նրանք ավելի լավ պատրաստ կլինեն երբեք չսասանվել Հիսուս Քրիստոսի հանդեպ իրենց հավատքից: Տասներկու Առաքյալների Քվորումից նախագահ Մ․ Ռասսել Բալլարդը վարդապետությունների սերտման վերաբերյալ կիսվել է հետևյալով սեմինարիաների և ինստիտուտների ուսուցիչների հետ․

[Վարդապետության սերտումը] ․․․ կկենտրոնանա Հիսուս Քրիստոսի հանդեպ մեր ուսանողների հավատքի կառուցման և զորացման վրա, ինչպես նաև կամրապնդի իրենց կյանքում ավետարանով ապրելու և այն կիրառելու նրանց աճող ունակությունը։

Այս նախաձեռնությունը ոգեշնչված է և ժամանակին: Այն հրաշալի ազդեցություն կունենա մեր երիտասարդների վրա: Այնուամենայնիվ, վարդապետության սերտման և ԵԿՀ-ում ուսուցանվող մնացած բոլոր ծրագրերի հաջողությունը մեծապես կախված կլինի ձեզանից: (Մ. Ռասսել Բալլարդ, «ԵԿՀ ուսուցիչների հնարավորությունները և պարտականությունները 21-րդ դարում» [երեկո բարձրագույն իշխանավորի հետ, փետրվարի 26, 2016], broadcasts.ChurchofJesusChrist.org)

Վարդապետության սերտումը ուսումնական ծրագրում

Ուսուցչի ձեռնարկում վարդապետության սերտման ուսուցման փորձառությունները ներառվել են պարբերաբար, որպեսզի օգնեն ուսանողներին իրականացնել վարդապետության սերտման արդյունքները: Հետևյալ գծապատկերը ցույց է տալիս վարդապետության սերտման արդյունքները: Լրացուցիչ տեղեկությունների համար տե՛ս Վարդապետության սերտման հիմնական փաստաթուղթը (2023):

Սեմինարիայի ուսումնական ծրագիրն օգնում է ուսանողներին իրագործել վարդապետության սերտման արդյունքները հետևյալ երեք եղանակներով.

1. Վարդապետության սերտման ներածական դասեր և հոգևոր գիտելիք ձեռք բերելու սկզբունքներ

2. Սուրբ գրությունների վարդապետության սերտման հատվածներ, որոնք ուսուցանվում են համատեքստում՝ Եկ, հետևիր ինձ դասերի հետ միասին

3. Վարդապետության սերտման գործնական դասեր

Ինչպես որ ժայռը մագլցողին անհրաժեշտ են սարքավորումներ՝ զառիթափ կիրճի պատը ապահով կերպով ցած իջնելու համար, այս ուսուցման փորձառությունները ուսանողներին զինում են հմտություններով, որպեսզի նրանք նավարկեն դժվարին հարցերն ու հանգամանքները Հիսուս Քրիստոսի հանդեպ հավատքով:

Վարդապետության սերտման և հոգևոր գիտելիք ձեռք բերելու դասերի ներածություն

Կան վարդապետության սերտման հինգ դասեր, որոնք նախատեսված են օգնելու ուսանողներին հասկանալ վարդապետության սերտման նպատակը և սովորել հոգևոր գիտելիք ձեռք բերելու սկզբունքները:

• Ամրապնդել ձեր հոգևոր հիմքը. Վարդապետության սերտման ներածություն: Ուսանողներին տալիս է ընդհանուր տեսլական, թե ինչ է վարդապետության սերտումը և ինչպիսի ուսուցման փորձառություններ նրանք կարող են ակնկալել, որոնք կօգնեն իրենց զարգացնել վարդապետության սերտումը: Լավագույնս ուսուցանվում է ուսումնական տարվա սկզբում, եթե շատ ուսանողներ նոր են սեմինարիայում կամ օգտագործվում է որպես կիսամյակի ստուգարք:

• Փնտրել անձնական հայտնություն իմ հարցերի համար. Ձեռք բերել հոգևոր գիտելիք, Մաս 1: Օգնում է ուսանողներին հասկանալ, թե ինչպես իրենք կարող են Սուրբ Հոգու միջոցով առաջնորդություն և հայտնություն ստանալ Աստծուց: Լավագույնս ուսուցանվում է ուսումնական տարվա սկզբում:

• Գործել հավատքով՝ պատասխաններ գտնելու համար. Ձեռք բերել հոգևոր գիտելիք, Մաս 2: Օգնում է ուսանողներին հասկանալ, թե ինչպես գործել հավատքով առ Հիսուս Քրիստոս՝ իրենց հարցերի պատասխանները փնտրելիս: Լավագույնս ուսուցանվում է ուսումնական տարվա սկզբում:

• Քննել ավետարանի թեմաները և հարցերը հավերժական տեսանկյունից․ Ձեռք բերել հոգևոր գիտելիք, Մաս 3։ Օգնում է ուսանողներին հասկացություններն ու հարցերն ավելի շատ տեսնել Հիսուս Քրիստոսի նման, երբ ուսանողները դրանք քննեն հավերժական տեսանկյունից: Լավագույնս ուսուցանվում է ուսումնական տարվա սկզբում:

• Դիմել աստվածային աղբյուրներին՝ պատասխաններ գտնելու համար․ Ձեռք բերել հոգևոր գիտելիք, Մաս 4։ Օգնում է ուսանողներին հասկանալ, թե որքան կարևոր է փնտրել ճշմարտությունը Երկնային Հոր և Հիսուս Քրիստոսի կողմից սիրով տրամադրված աղբյուրներից: Լավագույնս ուսուցանվում է ուսումնական տարվա սկզբում:

Վարդապետության սերտման հատվածներ, որոնք ուսուցանվում են համատեքստում

Երբ սուրբ գրությունների հատվածներից ուսուցանում եք դաս, որը ներառում է վարդապետության սերտման որևէ հատված, ուղիներ փնտրեք հատվածն ընդգծելու համար: Ուսուցանեք հատվածը համատեքստում և կենտրոնացեք այն ուսուցանող վարդապետության վրա: Դուք կնկատեք այս պատկերակը, երբ վարդապետության սերտման հատվածի հանդիպեք: Դուք կարող եք խրախուսել ուսանողներին նշել յուրաքանչյուր հատված, որպեսզի ուսանողները կարողանան գտնել դրանք ավելի ուշ:

Վարդապետության սերտման հիմնական փաստաթուղթը (2023) պարունակում է յուրաքանչյուր դասընթացի համար վարդապետության սերտման 24 հատվածների ցանկ: Ձեր ժամանակացույցի ուղեցույցը, հավանաբար, չի ներառի բոլոր դասերը, որոնք վերաբերում են վարդապետության սերտման հատվածներին համատեքստում, մինչ սեմինարիան դեռ ընթացքի մեջ է, այնպես որ հնարավորություններ փնտրեք՝ օգնելու ուսանողներին վերանայել բոլոր 24 հատվածները:

Երբ վարդապետության սերտման հատվածներն ուսումնասիրվում են դասարանում, աշխատեք բավականաչափ ժամանակ հատկացնել վարդապետության սերտման հատվածում ուսուցանվող վարդապետությանը, որպեսզի ուսանողներն իմանան և հասկանան այն: Վարդապետության սերտման հատված պարունակող յուրաքանչյուր դաս ներառում է առաջարկություն՝ օգնելու ուսանողներին անգիր սովորել սուրբ գրությունների հղումը և սուրբ գրություների հիմնական արտահայտությունը որպես դասի մաս և կրկին կիրառել հետագա դասերի ժամանակ: Ուսանողները կանոնավոր վարժվելու կարիք կունենան՝ հղումները և սուրբ գրությունների հիմնական արտահայտությունները անգիր անելու համար: «Վարդապետության սերտման կրկնության գաղափարներ»-ը ներառում է առաջարկներ, թե ինչպես կարող եք օգնել ուսանողներին անգիր սովորել հղումը և սուրբ գրությունների հիմնական արտահայտությունը: Սա կարելի է գտնել սեմինարիայի ուսուցիչների ձեռնարկի հավելվածում:

Վարդապետության սերտման գործնական դասեր

Վարդապետության սերտման գործնական դասերը պլանավորվում են պարբերաբար, մոտավորապես չորսից վեց շաբաթը մեկ: Նրանք ուսանողներին հնարավորություն են տալիս աշխատելու վարդապետության սերտման արդյունքների հասնելու ուղղությամբ: Վարդապետության սերտման յուրաքանչյուր գործնական դաս պարունակում է երկու բաժին.

1. Վարդապետությունների սերտման կրկնություն

2. Սովորել և կիրառել հոգևոր գիտելիքներ ձեռք բերելու սկզբունքները

Վարդապետությունների սերտման կրկնություն

Վարդապետության սերտման կրկնության բաժնում ուսանողները կսովորեն հասկանալ և բացատրել վարդապետությունը՝ օգտագործելով վարդապետության սերտման հատվածները, գտնելով վարդապետության սերտման սուրբ գրությունների հատվածները և անգիր անելով սուրբ գրությունների հիմնական արտահայտությունները և կիրառելով այս հատվածներում ուսուցանվող վարդապետությունը: Թեև այս կրկնությունները կարևոր են և պետք է լինեն ուսանողների ուսուցման փորձառությունների կանոնավոր մասը, արդյունավետ կառավարեք դասաժամը, որպեսզի ժամանակի մեծ մասը տրվի «Սովորել և կիրառել հոգևոր գիտելիքներ ձեռք բերելու սկզբունքները» բաժնին:

Սովորել և կիրառել հոգևոր գիտելիքներ ձեռք բերելու սկզբունքները

«Սովորել և կիրառել հոգևոր գիտելիքներ ձեռք բերելու սկզբունքները» բաժինը պետք է զբաղեցնի վարդապետության սերտման գործնական դասերի ժամանակի մեծ մասը: Այս բաժինը ուսանողներին հնարավորություն է տալիս կիրառելու Հիսուս Քրիստոսի ավետարանի վարդապետությունը և իրական կյանքի իրավիճակներում հոգևոր գիտելիք ձեռք բերելու սկզբունքները:

Գործնական յուրաքանչյուր կիրառում սկսվում է հոգևոր գիտելիքներ ձեռք բերելու սկզբունքները կրկնելու հնարավորությամբ: Հիշեք, որ թեև մեկ կամ երկու ուսանող լավ գիտեն սկզբունքները, մյուսներից կարող է դեռ ավելի շատ ժամանակ և կիրառություն պահանջվել: Ամեն ինչ արեք, որպեսզի օգնեք բոլոր ուսանողներին վստահորեն օգտագործել հոգևոր գիտելիքներ ձեռք բերելու սկզբունքները: «Հոգևոր գիտելիքներ ձեռք բերելու սկզբունքները կրկնելու գաղափարները» ներառում է առաջարկություններ, թե ինչպես կրկնել այս սկզբունքները: Սա գտնվում է սեմինարիայի ուսուցիչների ձեռնարկի հավելվածում:

Ուսանողներին այնուհետև կներկայացվի մի սցենար, որը լուսաբանում է մի հարց կամ իրավիճակ, որտեղ ճշմարիտ վարդապետության ճիշտ ըմբռնումը կարող է օգնել: Հարցին կամ իրավիճակին արձագանքելու համար ուսանողները կարող են կիրառել հոգևոր գիտելիքներ ձեռք բերելու սկզբունքները և վարդապետությունը, որն ուսուցանվում է վարդապետության սերտման հատվածներում, այլ սուրբ գրություններում կամ Եկեղեցու ղեկավարների ուսմունքներում, որոնք ուսանողները վերջերս ուսումնասիրել են:

Ուսանողներին գործնական կիրառման շատ հնարավորություններ տրամադրելը անհրաժեշտ է վարդապետության սերտման հարցում նրանց հաջողության համար: Մտածեք, թե պաշտպանական մարտարվեստում ինչպես կարող է որևէ մեկին անհրաժեշտ լինել շատ վարժվել՝ մկանային հիշողություն զարգացնելու համար: Դա նրանց պատրաստում է արձագանքելու տարբեր հարձակումներին: Նմանապես, ուսանողներին անհրաժեշտ է շատ վարժվել՝ վարդապետության սերտման համար: Երբ ուսանողները կանոնավոր վարժվեն, մարտահրավերները դիմակայելու անկեղծ պատասխանները կդառնան բնական և բնազդային:

Գործնական կիրառման օրինակ տեսնելու համար դիտեք հետևյալ տեսանյութը, որը գտնվում է ChurchofJesusChrist.org կայքում: Դիտելիս ուշադրություն դարձրեք, թե ինչպես է ուսուցիչը օգնում ուսանողներին կիրառել հոգևոր գիտելիքներ ձեռք բերելու բոլոր երեք սկզբունքները:

«Վարդապետության սերտման գործնական կիրառում․ օրինակ 3»

Վարդապետության սերտման վարժության կիրառում․ օրինակ 3

Ըստ անհրաժեշտության, կարող եք հարմարեցնել սցենարները և առաջարկվող հարցերը կամ ուսումնական այլ վարժությունները, որպեսզի ավելի լավ հարմարեցնեք ուսանողներին: Դուք կարող եք նաև փոփոխել այն հերթականությունը, որով ուսանողները կիրառում են հոգևոր գիտելիքներ ձեռք բերելու սկզբունքները: Համոզված եղեք, որ ցանկացած հարմարեցում դեռևս հնարավորություն է տալիս ուսանողներին կիրառել վարդապետությունը և հոգևոր գիտելիքներ ձեռք բերելու սկզբունքները իրատեսական իրավիճակում: Իրավիճակների հարմարեցման դեպքում փորձեք պահպանել տվյալ իրավիճակի հիմնական հարցը կամ մտահոգությունը: Յուրաքանչյուր իրավիճակի հիմքում ընկած հարցերը կամ մտահոգությունները խնամքով պլանավորվել են սեմինարիայի բոլոր չորս տարիների համար:

Վարդապետության սերտումն արդյունավետորեն ուսուցանելու հմտություններ

Հետևյալ ուսուցումների շարքը սովորեցնում է հմտություններ, որոնք կարող են օգնել ուսանողներին զարգացնել վարդապետության սերտումը: Գուցե արդյունավետ լինի, որ այդ հմտությունները ժամանակի ընթացքում քիչ-քիչ կիրառեք։

Հմտություն․ Բացատրեք վարդապետության սերտման վարժության կատարման պատճառը

Սահմանել

Վարդապետության սերտման վարժությունը կատարելու պատճառներով կիսվելը կամ օգնելով ուսանողին կիսվել դրանցով, կարող է նպաստել, որ ուսանողները ներգրավվեն այդ վարժության մեջ: Այն կարող է նաև թույլ տալ, որ Սուրբ Հոգին ուսուցանի նրանց վարժության կարևորության մասին: Երբ դուք կիսվեք, թե ինչ է անելու դասարանը, կիսվեք մեկ կամ երկու պատճառներով, թե ինչու եք կատարում այդ վարժությունը կամ խնդրեք ուսանողներին կիսվել, թե ինչու են նրանք կարծում, որ վարժությունը կարող է օգտակար լինել:

Օրինակ

«Դասարան, հաջորդ մի քանի րոպեների ընթացքում մենք պատրաստվում ենք բացատրել այն վարդապետությունը, որը սովորում ենք Ղուկաս 2.10–12 հատվածներից, որ Հիսուս Քրիստոսն աշխարհի Փրկիչն է: Պատճառներից մեկը, որ մենք դա անում ենք, այն է, որ այն օգնում է մեզ վստահ պատասխանել, եթե մեզ ծանոթ մեկը հարցնի, թե ինչու է Հիսուս Քրիստոսը մեզ համար կարևոր»:

Որպեսզի տեսնեք, թե ինչպես դա կարելի է անել, դիտեք հետևյալ տեսանյութերից մեկը կամ մի քանիսը, որոնք գտնվում են ChurchofJesusChrist.org կայքում:

«Կիսվել վարդապետության սերտման վարժության կատարման պատճառի մասին»

Կիսվել վարդապետության սերտման վարժության կատարման որևէ պատճառով

«Օգնել ուսանողներին բացահայտել վարդապետության սերտման վարժության պատճառը»

Օգնել ուսանողներին բացահայտել վարդապետության սերտման վարժության կատարման որևէ պատճառ

«Օգնել ուսանողներին կիսվել վարդապետության սերտման վարժության պատճառների մասին»

Օգնել ուսանողներին կիսվել վարդապետության սերտման վարժության կատարման պատճառներով

Գործնական կիրառում

Ընտրեք հետևյալ հուշումներից մեկը և ավարտեք նախադասությունը։

• «Եկեք կատարենք մի վարժություն, որը կօգնի մեզ անգիր անել վարդապետության սերտման հղումը՝ հիմնական արտահայտության հետ: Պատճառներից մեկը, որ մենք աշխատում ենք սա անգիր անել …»

• «Առաջիկա մի քանի րոպեների ընթացքում մենք պատրաստվում ենք վերանայել հոգևոր գիտելիքներ ձեռք բերելու սկզբունքները: Այս սկզբունքների իմացությունը կարող է օգնել մեզ…»

• «Պատրաստվում ենք գործնական աշխատանք անել՝ հոգևոր գիտելիքների ձեռքբերման երեք սկզբունքներով։ Այդ սկզբունքների կիրառումը կարող է…»

Վերլուծել

• Ի՞նչ եք սովորում, երբ բացատրում եք վարդապետության սերտման վարժություն կատարելու պատճառները:

Իրականացնել

Երբ պատրաստվում եք նրան, որ ուսանողները գործնականում կիրառեն վարդապետության սերտման յուրաքանչյուր վարժությունը, գրեք առնվազն մեկ պատճառ, թե ինչու դա արժեքավոր կլինի ուսանողների համար:

Հմտություն․ Ուսանողներին հանձնարարեք կրկնել հոգևոր գիտելիքներ ձեռք բերելու սկզբունքները

Սահմանել

Երբ դուք կանոնավոր կերպով վերանայում եք հոգևոր գիտելիքներ ձեռք բերելու սկզբունքները ձեր դասարանի հետ, Սուրբ Հոգին կօգնի ուսանողներին հիշել և օգտագործել սկզբունքները կարիքի ժամանակ: Դուք կարող եք հրավիրել ուսանողներին վերանայել այս սկզբունքները՝ նախքան սցենարով կիսվելը կամ մինչ ուսանողները աշխատում են սցենարի վրա: Այս հրավերները ներառում են՝ հնարավորություն ուսանողների համար վերանայելու առնվազն մեկ սկզբունք և հրահանգներ, թե որքան ժամանակ նրանք պետք է վերանայեն սկզբունքը և հնարավորություն տալ, որ նրանք կիսվեն իրենց սովորածով: Դրանով ուսանողները ավելի լավ կկարողանան օգտագործել սկզբունքները՝ որպես գործնական կիրառման մաս: Դա անելու վերաբերյալ գաղափարների համար տես «Հոգևոր գիտելիքներ ձեռք բերելու սկզբունքները կրկնելու գաղափարները» սեմինարիայի ուսուցչի ձեռնարկի հավելվածում:)

Օրինակ

Այսօր մենք Վարդապետության սերտման հիմնական փաստաթղթում կկրկնենք հոգևոր գիտելիքներ ձեռք բերելու սկզբունքները: Մենք կբաժանվենք երեք խմբի: Խմբի յուրաքանչյուր ուսանող կկրկնի տարբեր սկզբունք:

«Երեք-չորս րոպե տրամադրեք կարդալու համար և պատրաստվեք կիսվել ձեր խմբի հետ, թե ձեր սկզբունքն ինչպես կարող է օգնել մեկին, որը բախվում է որևէ բարդ հարցի կամ հանգամանքի:

Որպեսզի օգնեք ուսանողներին կրկնել հոգևոր գիտելիքներ ձեռք բերելու սկզբունքները, դիտեք «Ուսանողներին հնարավորություն տվեք կրկնելու հոգևոր գիտելիքներ ձեռք բերելու բոլոր երեք սկզբունքները», որոնք գտնվում են ChurchofJesusChrist.org կայքում:

Հնարավորություն տվեք ուսանողներին կրկնել բոլոր երեք սկզբունքները

Գործնական կիրառում

Գրեք ևս մեկ եղանակ, որով կարող եք հրավիրել ուսանողներին վերանայել հոգևոր գիտելիքներ ձեռք բերելու սկզբունքները:

Վերլուծել

• Ի՞նչ եք սովորում ուսանողներին հոգևոր գիտելիքներ ձեռք բերելու սկզբունքները կրկնելու հրավերներ հղելու մասին:

Իրականացնել

Երբ պատրաստեք Վարդապետության սերտման գործնական կիրառման ձեր հաջորդ դասը, պլանավորեք, թե ինչպես կհրավիրեք ուսանողներին կրկնել հոգևոր գիտելիքներ ձեռք բերելու սկզբունքները:

Հմտություն. Տվեք հարցեր, որոնք օգնում են ուսանողներին բանավոր արտահայտել, թե ինչպես կարող են հոգևոր գիտելիքներ ձեռք բերելու սկզբունքները օգնել իրական կյանքի իրավիճակներում:

Սահմանել

Այն բանից հետո, երբ ուսանողները կրկնեն հոգևոր գիտելիքներ ձեռք բերելու սկզբունքները, կիսվեք նրանց հետ այդ իրավիճակով և հրավիրեք նրանց խմբերով, իսկ ավելի ուշ դասարանով բանավոր արտահայտել, թե որ սկզբունքներն, ըստ նրանց, կարող են օգնել այդ իրավիճակի դեպքում: Այդպես վարվելը կօգնի ուսանողներին ձևավորել իրենց վստահությունը այս սկզբունքներն իրենց կյանքում օգտագործելու հարցում:

Օրինակ

Հոգևոր գիտելիքներ ձեռք բերելու սկզբունքները կրկնելուց և իրավիճակը ներկայացնելուց հետո կարող եք տալ հետևյալ հարցերը.

• «Հոգևոր գիտելիքներ ձեռք բերելու ո՞ր սկզբունքները կօգնեն ձեզ այս իրավիճակում և ինչո՞ւ»։

• «Ինչպե՞ս կարող են այս սկզբունքներն օգնել ձեզ, երբ բախվում եք այնպիսի հարցի, ինչպիսին այս իրավիճակում է»:

Օրինակ՝ դիտեք ChurchofJesusChrist.org կայքում տեղադրված հետևյալ տեսանյութը:

«Վարդապետության սերտման գործնական կիրառում․ օրինակ 2»

Վարդապետության սերտման վարժության կիրառում․ օրինակ 2

Նկատեք, որ «Վարդապետության սերտման գործնական կիրառում․ օրինակ 2»-ում, ուսուցիչը ցուցադրում է այս հմտությունը 2։25-ին։

Գործնական կիրառում

Գրի առեք մի քաի հարց, որպեսզի օգնեք ուսանողներին բանավոր արտահայտել, թե հոգևոր գիտելիքներ ձեռք բերելու երեք սկզբունքները ինչպես կարող են օգնել իրենց պատասխանել իրենց ընկերոջը հետևյալ իրավիճակի օրինակով:

Ձեր ընկերներից մեկը, որը հավատացյալ չէ, վերջերս տեսել է միսիոներական մի զույգի՝ մարդկանց հետ այգում զրուցելիս: Ձեր ընկերը հարցնում է ձեզ. «Ինչո՞ւ են ձեր եկեղեցու միսիոներները Հիսուսի մասին քարոզում եկեղեցուց դուրս: Դուք կարծես փորձում եք ձեր համոզմունքները պարտադրել ուրիշներին: Ինչո՞ւ մարդկանց չեք թողնում ուղղակի ապրել այնպես, ինչպես ապրում են»:

Վերլուծել

• Ձեր կարծիքով, ինչո՞ւ է կարևոր ուսանողների համար բանավոր արտահայտել այն, թե ինչպես կարող են օգտագործել հոգևոր գիտելիքներ ձեռք բերելու սկզբունքները:

• Ձեր կարծիքով, հոգևոր գիտելիքներ ձեռք բերելու սկզբունքների օգտագործումն ինչպե՞ս կարող է ազդել ուսանողների կյանքի վրա:

Իրականացնել

• Ի՞նչ կարող եք անել, որպեսզի օգնեք ուսանողներին բանավոր արտահայտել, թե ինչպես կարող են հոգևոր գիտելիքներ ձեռք բերելու սկզբունքները օգնել իրենց և մյուսներին, երբ բախվում են դժվար հարցի կամ հանգամանքների:

Եզրափակում

Պատկերացրեք, թե ձեր ուսանողները ինչպես կկարողանան անդրադառնալ հարցերին կամ մտահոգություններին սեմինարիայում՝ վարդապետության սերտման արդյունքների ուղղությամբ հետևողական աշխատելուց հետո: Սկզբում ուսանողները ավելի շատ օգնության և աջակցության կարիք կունենան ձեզանից՝ որպես ուսուցիչ, որպեսզի կիրառեն հոգևոր գիտելիքներ ձեռք բերելու սկզբունքները և վարդապետությունը՝ իրական կյանքի իրավիճակներում: Ուսանողներից ժամանակ է պահանջվում վարդապետությունը սերտելու և վստահություն ձեռք բերելու համար՝ օգտագործելով հոգևոր գիտելիքներ ձեռք բերելու սկզբունքները: Սակայն, երբ շարունակեք ուսանողներին կանոնավոր վարժվելու հնարավորություններ տալ, այն կդառնա մի բան, որը նրանք բնականից կանեն։ Սա եղանակներից մեկն է, որով կարող եք օգնել ձեր ուսանողներին ամուր կառուցել իրենց հիմքը Հիսուս Քրիստոսի վեմի վրա և խորացնել իրենց դարձը դեպի Նա և Նրա վարդապետությունը: