Apendiks

Giya sa Pagpalambo sa Magtutudlo

Kini nga giya sa pagpalambo naghatag og mga sugyot alang sa mga koordinitor ug mga tigdumala sa programa aron matabangan ang mga magtutudlo sa seminary sa pagkompleto sa Pagbansay alang sa Kurikulom sa Seminary ug sa pag-andam sa dugang nga pagpalambo. Gidisenyo kini aron matabangan ang mga magtutudlo nga anam-anam nga makat-on, nga makatabang kanila nga dili mobati nga nabug-atan.

Ikonsiderar ang paghimo og plano aron matabangan ang bag-ong mga magtutudlo sa pagkompleto sa mga pagbansay ug aron matabangan ang ubang mga magtutudlo kon gikinahanglan. Kinahanglan kining ipahigayon diha sa mas dako nga binulan nga mga miting sa pagserbisyo o ipahiangay ngadto sa mga panginahanglan sa matag indibidwal nga magtutudlo. Samtang nagkonsiderar ka sa tukmang panahon niini nga mga sugyot, importante nga ang mga magtutudlo dili mobati nga napugos sa paghimo sa matag lakang sa paspas kaayo nga paagi. Pangita og mga paagi sa pag-establisar og tukmang gipaspason sa pag-ugmad sa kapabilidad sa imong mga magtutudlo.

Sa Dili pa Sila Magsugod sa Pagtudlo

• Dapita ang mga magtutudlo sa pagbasa ug pagsunod sa mga instruksiyon diha sa “Giya alang sa Dali nga Pagsugod.”

• Tabangi sila nga mahibalo kon unsaon paghimo og attendance.

Lakang 1

• Dapita ang mga magtutudlo sa pagsagop sa kurikulom sa seminary pinaagi sa mainampingong pagsunod sa mga leksiyon nga gilatid.

• Pag-eskedyul og panahon sa paghisgot og bisan unsa nila nga mga pangutana mahitungod sa kurikulom ug sa pagsukod kon kumusta na sila.

Lakang 2

• Dapita sila sa pagkompleto sa “Pagbansay alang sa mga Leksiyon sa Pagpangandam sa Kinabuhi.”

• Pag-eskedyul og panahon sa paghisgot og bisan unsa nila nga mga pangutana mahitungod kon unsaon sa pagtudlo sa mga leksiyon sa Pagpangandam sa Kinabuhi.

Lakang 3

• Dapita sila sa pagkompleto sa “Pagbansay alang sa Doktrinal nga Kahanas.”

• Pag-eskedyul og panahon sa paghisgot og bisan unsa nila nga mga pangutana mahitungod kon unsaon sa pagtabang sa mga estudyante nga makalampos sa doktrinal nga kahanas.

Lakang 4

• Dapita sila sa pagkompleto sa “Pagbansay alang sa Pagsukod sa Kahibalo.”

• Pag-eskedyol og panahon sa paghisgot og bisan unsa nila nga mga pangutana mahitungod sa mga leksiyon sa Pagsukod sa Imong Kahibalo o mahitungod kon unsaon pagtabang ang mga estudyante nga makadawat og kredito sa kurso alang sa pagsukod sa kahibalo.

Lakang 5

• Dapita sila sa pagkompleto sa “Pagbansay alang sa Pagsagop ug Pagpahiangay sa Kurikulom sa Seminary.” Karon nga ang mga magtutudlo napailaila na ngadto sa lainlaing mga leksiyon sa kurikulom ug nakasinati na sa pagsagop niini, ang mga magtutudlo mas makahimo na sa tukmang pagpahiangay sa kurikulom.

• Pag-eskedyul og panahon sa paghisgot og bisan unsa nila nga mga pangutana mahitungod kon unsaon ang pagsagop ug dayon ang tukmang pagpahiangay sa kurikulom sa seminary.

Lakang 6

• Pag-andam og plano alang sa dugang nga pagpalambo sa magtutudlo samtang ikaw nagsusi, nagpasabot, nagbansay, ug nagsukod sa ilang mga abilidad.