Giya alang sa Dali nga Pagsugod

Pagpangandam sa Pagtudlo

Sa Dili pa Ikaw Magsugod sa Pagtudlo

1. Tun-i ang pasiuna sa Manwal sa Magtutudlo sa Seminary. Ipamilyar sa imong kaugalingon uban sa pipila ka himan nga gilakip diha sa manwal, sama sa Tumong sa Seminaries and Institutes of Religion (S&I).

2. Pangayo og giya sa gipaspason gikan sa imong koordinitor sa S&I o sa tigdumala sa programa alang sa imong lokal nga eskedyul sa seminary.

3. Gamita kini nga giya sa gipaspason aron makahibalo sa sunod nga leksiyon nga imong itudlo.

Kinatibuk-ang Pagpasabot sa Manwal sa Magtutudlo sa Seminary

Kini nga manwal gihan-ay sa duha ka seksiyon:

1. Mga leksiyon sa Kurso sa Kasulatan, nga motukma sa Dali, Sunod Kanako nga materyal sa pagtuon alang sa matag semana.

2. Mga leksiyon sa Pagpangandam sa Kinabuhi, nga gidesinyo aron matabangan ang mga estudyante nga maandam sa mahagiton nga mga sitwasyon nga giatubang nila karon o atubangon sa dili madugay.

Ang matag semana nga Dali, Sunod Kanako ug ang kategoriya sa Pagpangandam sa Kinabuhi adunay pahina sa kinatibuk-ang pagpasabot. Ang mga pahina sa kinatibuk-ang pagpasabot naglakip sa:

1. Mga katuyoan sa leksiyon.

2. Mga ideya sa pagpangandam sa estudyante.

3. Mga materyal gikan sa leksiyon nga mahimong magkinahanglan og pagpahibalo daan aron makaandam, sama sa mga ideya sa leksiyon nga gigamitan og butang, gisugyot nga mga handout, mga imahe, ug mga bidyo.

Sukaranan nga Agenda alang sa Klase sa Seminary

Ang kasagaran nga klase sa seminary mahimong magsunod og agenda nga susama sa mosunod:

1. Moabiabi sa mga estudyante (2–3 ka minutos)

2. Debosyonal (8–10 ka minutos)

   1. Himno

   2. Pangbukas nga pag-ampo

   3. Espirituwal nga pangdasig pinaagi sa estudyante gikan sa mga kasulatan o modernong mga propeta

3. Leksiyon

4. Panapos nga pag-ampo

Dugang nga Pagbansay

Ikaw adunay mga oportunidad sa umaabot alang sa dugang nga pagbansay. Sa pagkakaron, sugdi ang pag-ilaila sa imong mga estudyante ug ipamilyar ang imong kaugalingon sa kurikulom.