lalaki nga nagtrabaho diha sa computer

Apendiks

Pagbansay alang sa Paghimo og Giya sa Gipaspason

Pasiuna

Diha sa seminary, ang mga estudyante nagtuon sa ebanghelyo ni Jesukristo pinaagi sa mga leksiyon sa Kurso sa Kasulatan ug sa mga leksiyon sa Pagpangandam sa Kinabuhi. Ang mosunod nga tsart naglista sa lainlaing mga kategoriya nga nag-uban niini nga mga matang sa mga leksiyon.

Mga kategoriya sa leksiyon sa Kurso sa Kasulatan

Mga kategoriya sa leksiyon sa Pagpangandam sa Kinabuhi

Mga kategoriya sa leksiyon sa Kurso sa Kasulatan Mga leksiyon nga nag-uban sa sinemana nga eskedyul sa Dali, Sunod Kanako Pagsukod sa Imong Nakat-onan Pagpraktis sa Doktrinal nga Kahanas

Mga kategoriya sa leksiyon sa Pagpangandam sa Kinabuhi Doktrinal nga Kahanas: Pagpangita og mga Tubag sa Akong mga Pangutana Mga Kahanas sa Pagtuon sa Kasulatan Alang sa Kalig-on sa mga Kabatan-onan: Paghimo og mga Pagpili Pag-ugmad og Pagbarog pinaagi sa Kinaugalingong Paningkamot Pisikal ug Emosyonal nga Kahimsog Pagpangandam alang sa Umaabot nga Edukasyon ug Panarbaho Pagmalamposon sa Eskwela Misyonaryo nga Pagpangandam Pagpangandam alang sa Templo Mga Pagtulon-an sa mga Lider sa Simbahan

Kon maghimo og giya sa gipaspason, lisod ang pagkahibalo kon kanus-a ug unsa ka sagad ang pag-eskedyul niining lainlaing mga matang sa mga leksiyon sa tibuok tuig. Kini nga pagbansay gituyo aron sa paghatag og giya ngadto sa mga tigdumala sa programa, mga koordinitor, ug mga magtutudlo sa paghimo og giya sa gipaspason nga moseguro nga kini nga mga kategoriya sa leksiyon itudlo uban sa tukma nga pagbalanse.

Mga Baroganan nga Sundon Kon Maghimo og Giya sa Gipaspason

Ang mosunod nga upat ka baroganan makatabang nga sabton ug sundon kon maghimo og giya sa gipaspason.

Baroganan 1: Sunda ang sinemana nga eskedyul sa Dali, Sunod Kanako kon mag-eskedyul og mga leksiyon sa Kurso sa Kasulatan

Ang sulod sa mga leksiyon sa Kurso sa Kasulatan gituyo aron motukma ngadto sa unsay indibidwal nga gitun-an sa mga estudyante ug ngadto sa ilang mga pamilya sa panimalay. Busa, ang mga magtutudlo sa kasagaran motudlo sa mga leksiyon sa Kurso sa Kasulatan nga mogawas sa samang semana nga kini nakaeskedyul diha sa manwal sa Dali, Sunod Kanako. Usahay, ang mga leksiyon sa Kurso sa Kasulatan mahimong itudlo diha sa seminary kon wala kini motukma sa gipaspason sa Dali, Sunod Kanako, apan kini nga mga eksepsiyon panagsa ra, ug kinahanglang likayan sa mga magtutudlo ang pagtudlo sa mga leksiyon nga ulahi ra kaayo o nag-una ra kaayo sa Dali, Sunod Kanako.

Baroganan 2: Pag-eskedyul sa mga leksiyon sa Kurso sa Kasulatan ug sa Pagpangandam sa Kinabuhi sa tukmang paagi matag semana.

Ang mga leksiyon sa Kurso sa Kasulatan (naglakip sa mga leksiyon sa Pagpraktis sa Doktrinal nga Kahanas ug sa Pagsukod sa Imong Kahanas) ug ang mga leksiyon sa Pagpangandam sa Kinabuhi importante sa kasinatian sa seminary. Paningkamot nga makahatag og balanse nga pamaagi ngadto sa paagi sa imong pag-eskedyul niini nga mga leksiyon matag semana. Pananglitan, sa kasagaran nga mga programa nga magkita og lima ka higayon matag semana, tulo ka leksiyon sa Kurso sa Kasulatan ug duha ka leksiyon sa Pagpangandam sa Kinabuhi ang sagad nga itudlo.

Tsart sa Kinatibuk-ang Gisugyot nga Pagbalanse

Tingali adunay pipila ka semana nga tukma ang pagpahiangay niining gisugyot nga pagbalanse. Pananglitan, atol sa kurso sa Basahon ni Mormon, ang mga magtutudlo makagahin sa mas dako nilang oras ngadto sa mga leksiyon sa Kurso sa Kasulatan atol sa semana nga sila nagtudlo mahitungod sa pagpakita sa Manluluwas nga nahisulat diha sa 3 Nephi. Tingali adunay ubang mga semana diin ang mga magtutudlo makagahin og mas dakong oras diha sa mga leksiyon sa Pagpangandam sa Kinabuhi. Aron matabangan ang mga magtutudlo ug ang mga tigdumala sa programa sa paghimo niini nga mga desisyon, ang kurikulom usahay adunay duha o upat ka leksiyon sa Kurso sa Kasulatan sa usa ka semana imbes tulo. Ang mga semana nga sama niini makatabang nimo nga mahibalo kon kanus-a mobutang og mas dakong gibug-aton diha sa mga leksiyon sa Kurso sa Kasulatan o sa Pagpangandam sa mga leksiyon. Kon mas menos pa sa unom ka leksiyon sa Kurso sa Kasulatan ang anaa, mahimo ka nga maglakip og mas daghan nga leksiyon sa Pagpangandam sa Kinabuhi nianang semanaha. Kon mas daghan pa sa tulo ka leksiyon sa Kurso sa Kasulatan ang anaa, mahimo ka nga mogahin og mas gamayng oras nianang semanaha sa mga leksiyon sa Pagpangandam sa Kinabuhi.

Hinuon, buhata kutob sa imong mahimo nga matudlo ang matag usa sa mga leksiyon sa Pagpangandam sa Kinabuhi niana nga tuig nga tingklase. Ang mga leksiyon sa Pagpangandam sa Kinabuhi makita human sa mga leksiyon sa Kurso sa Kasulatan diha sa manwal.

Ang mosunod nga mga lagda makatabang nimo sa paghimo og mga desisyon mahitungod kon kanus-a mag-eskedyul sa lainlaing mga kategoriya sa mga leksiyon sa Pagpangandam sa Kinabuhi.

• Pag-eskedyul og pareha nga gidaghanon nga mga leksiyon sa Pagpangandam sa Kinabuhi alang sa matag katunga sa kurso. Makatabang kini sa mga magtutudlo aron mabalanse ang mga leksiyon sa Kurso sa Kasulatan ug sa Pagpangandam sa Kinabuhi sa tibuok tuig.

• Seguroa nga ang mga magtutudlo nga imong gidumala nagtudlo sa sama nga mga leksiyon sa Pagpangandam sa Kinabuhi diha sa sama nga katunga sa kurso. Malikayan niini ang panagdoble sa mga leksiyon sa Pagpangandam sa Kinabuhi nga madawat sa mga estudyante sa higayon nga magbaylo sila og mga magtutudlo human makompleto ang usa sa katunga nga kurso.

• Sunda ang mga instruksiyon nga gihatag sa lokal nga mga dapit, mga rehiyon, o mga programa. Ang lokal nga mga dapit, mga rehiyon, o mga programa mohatag og giya mahitungod kon kanus-a itudlo ang pipila o ang tanang leksiyon sa Pagpangandam sa Kinabuhi.

• Tan-awa ang mga sugyot sa gipaspason diha sa mga seksiyon sa Kinatibuk-ang Pagpasabot alang sa matag usa sa mga kategoriya sa Pagpangandam sa Kinabuhi. Ang matag kategoriya sa mga leksiyon sa Pagpangandam sa Kinabuhi naglakip sa mga sugyot sa gipaspason diha sa seksiyon niini sa “Kinatibuk-ang Pagpasabot”. Kini nga mga sugyot makatabang nimo sa paghimo og mga desisyon mahitungod kon kanus-a ang pipila sa mga leksiyon sa Pagpangandam sa Kinabuhi labing maayo nga itudlo. Pananglitan, diha sa kinatibuk-ang pagpasabot sa “Pagpangandam alang sa Edukasyon ug Panarbaho”, ang sugyot gihimo nga itudlo ang leksiyon nga giulohan og “Ang Kaimportante sa Edukasyon” diha sa sinugdanan sa tuig nga tingklase. Ang mga seksiyon sa “Kinatibuk-ang Pagpasabot” makahatag usab og giya mahitungod sa piho nga mga leksiyon sa Pagpangandam sa Kinabuhi nga mas epektibo kon itudlo nga magsunod-sunod o mas duol sa usag usa.

• Pag-ila og mga panahon sa tuig nga ang mga estudyante labing makabenepisyo gikan sa mga leksiyon sa Pagpangandam sa Kinabuhi. Tingali adunay mga panahon sa tuig nga labing maayo nga itudlo ang piho nga mga leksiyon sa Pagpangandam sa Kinabuhi. Pananglitan, tingali labing maayo nga itudlo ang mga leksiyon sa Pagpangandam sa Misyonaryo sa kataposan sa tuig sa tingklase kon adunay mga estudyante sa klase sa seminary ang magmisyon sa dili madugay. O ang pipila sa mga leksiyon sa Pisikal ug Emosyonal nga Kahimsog mahimong itudlo atol sa usa ka panahon sa tuig kon ang mga estudyante mobati og mas taas nga lebel sa kaugtas.

• Pag-ila og mga leksiyon sa Kurso sa Kasulatan nga may kalabotan sa usa sa mga kategoriya sa mga leksiyon sa Pagpangandam sa Kinabuhi. Ang mga leksiyon sa Kurso sa Kasulatan sa kasagaran adunay sulod nga makapalig-on sa mga leksiyon sa Pagpangandam sa Kinabuhi. Pananglitan, mahimo nimong ieskedyul ang mga leksiyon sa Pagpangandam alang sa Templo duol sa mga hugpong a kasulatan nga nagtutok sa templo, sama sa Doktrina ug mga Pakigsaad 95; 109–10; 124; 127–28; Exodo 35–40; o 1 Mga Hari 6–9.

Baroganan 3: Ang mga estudyante kinahanglan nga adunay kanunay nga oportunidad sa pagpamalandong, pagpakigbahin, ug pagpakita sa unsay ilang nakat-onan.

Ang manwal adunay mga leksiyon sa Pagsukod sa Imong Nakat-onan ug Pagbansay sa Doktrinal nga Kahanas nga mogawas sa matag karon ug unya sa tibuok leksiyon sa Kurso sa Kasulatan. Importantnte kini nga mga butang sa kasinatian sa mga estudyante sa seminary. Ang mga leksiyon sa Pagsukod sa Imong Nakat-onan maghatag sa mga estudyante og mga oportunidad sa pagpasabot sa mahinungdanon nga doktrina ug sa pagpamalandong kon kumusta ang ilang paglambo sa espirituwalidad. Ang pag-apil niini nga mga leksiyon gikinahanglan usab aron ang mga estudyante makadawat og kredito sa seminary. Ang mga leksiyon sa Pagpraktis sa Doktrinal nga Kahanas maghatag og oportunidad alang sa mga estudyante sa pagtrabaho aron makab-ot ang mga resulta sa doktrinal ngakKahanas.

Samtang maghimo ka sa imong giya sa gipaspason, ayaw laktawi ang mga leksiyon sa Pagsukod sa Imong Nakat-onan o Pagpraktis sa Doktrinal nga Kahanas nga mogawas sa higayon nga ang seminary nagklase. Hinuon, dili nimo kinahanglang ibalhin ang mga leksiyon sa Pagsukod sa Imong Nakat-onan o sa Pagpraktis sa Doktrinal nga Kahanas nga mahitabo kon ang mga estudyante wala na mag-eskwela, sama sa walay klase kay ting-init o tingtugnaw.

Baroganan 4: Pag-eskedyul sa mga leksiyon sa Kurso sa Kasulatan nga imong gamiton unya sa pagsukod sa kahibalo.

Sa ubang mga semana, tingali adunay mas daghang leksiyon sa Kurso sa Kasulatan ang mahimong itudlo kaysa mga panahon nga anaa aron itudlo kini. Busa, ang mga desisyon kinahanglang himoon kanunay kon hain sa mga leksiyon sa Kurso sa Kasulatan ang ieskedyul. Kon maghimo niini nga mga desisyon, iprayoridad ang mga leksiyon sa Kurso sa Kasulatan nga (1) may kalabotan sa unsay hisgotan diha sa mga leksiyon sa Pagsukod sa Imong Nakat-onan ug (2) adunay mga tudling sa doktrinal nga kahanas. Ang paghimo sa ingon lagmit makapahimo niini nga ang labing mapuslanon ug mahinungdanon nga doktrina sa mga leksiyon sa Kurso sa Kasulatan maeskedyul.

Ang mosunod makatabang nimo nga mahibalo kon unsaon pag-ila sa mga leksiyon sa Kurso sa Kasulatan nga may kalabotan sa mga leksiyon sa Pagsukod sa Imong Nakat-onan ug sa Pagpraktis sa Doktrinal nga Kahanas:

• Pag-ila sa mga leksiyon sa Kurso sa Kasulatan nga may kalabotan sa mga leksiyon sa Pagsukod sa Imong Nakat-onan. Ang mga kalihokan sa lainlaing mga leksiyon sa Kurso sa Kasulatan kasagaran mopakisayod sa mga leksiyon sa Pagsukod sa Imong Nakat-onan. Ang pagbasa og maayo sa mga leksiyon sa Pagsukod sa Imong Nakat-onan nga imong gieskedyul makatabang nimo nga mahibalo sa mga leksiyon sa Kurso sa Kasulatan nga imong iprayoridad sa imong giya sa gispaspason.

• Pag-ila sa mga leksiyon sa Kurso sa Kasulatan nga adunay mga tudling sa doktrinal nga kahanas. Matag tuig sa kurikulom sa seminary adunay 24 ka tudling sa doktrinal nga kahanas. Ang lista niini nga mga tudling makita diha sa Mahinungdanon nga Dokumento sa Doktrinal nga Kahanas (2023). Kon ang eskwelahan nagklase na sa dihang ang mga leksiyon sa Kurso sa Kasulatan nga adunay tudling sa doktrinal nga kahanas mogawas, kadto nga mga leksiyon kinahanglang itudlo. Hinuon, dili kinahanglan nga itudlo ang mga leksiyon sa Kurso sa Kasulatan nga adunay mga tudling sa doktrinal nga kahanas kon kadto nga mga leksiyon mogawas samtang ang mga estudyante wala sa eskwelahan, sama sa walay klase kay ting-init o tingtugnaw.

Ehemplo sa Tagsa-tagsa ka Lakang sa Paghimo og Giya sa Gipaspason

Adunay lainlaing mga paagi nga makahimo ka og giya sa gipaspason gamit ang mga baroganan nga gilista sa ibabaw. Pananglitan, mahimo nimong kompletohon ang imong giya sa gipaspason niini nga pagkasunod-sunod:

1. Pag-eskedyul sa mga leksiyon sa Kurso sa Kasulatan, naglakip sa:

   • Mga leksiyon sa Pagsukod sa Imong Nakat-onan.

   • Mga leksiyon sa Pagpraktis sa Doktrinal nga Kahanas.

   • Mga leksiyon sa Kurso sa Kasulatan nga moandam sa mga estudyante sa bisan unsa nga mga leksiyon nga gilista sa ibabaw.

2. Pag-eskedyul sa mga leksiyon sa Pagpangandam sa Kinabuhi.

3. Paghimo og mga pagpahiangay kon gikinahanglan.

Sitwasyon nga pagatun-an

Si Sister Mendoza usa ka magtutudlo sa sayo sa buntag nga seminary. Siya ug ang iyang koordinitor, si Brother Amasio, naghimo og giya sa gipaspason alang sa kurso sa Doktrina ug mga Pakigsaad nga magsugod sa Enero. Ang mosunod mao ang usa ka paghulagway kon giunsa ni Sister Mendoza ug ni Brother Amasio sa paggamit sa tulo ka lakang nga gilista sa ibabaw sa paghimo sa ilang giya sa gipaspason.

Lakang 1: Pag-eskedyul sa mga leksiyon sa Kurso sa Kasulatan

Si Sister Mendoza ug si Brother Amasio misugod sa paghimo sa ilang giya sa gipaspason pinaagi sa pag-eskedyul sa tanang leksiyon sa kurso sa kasulatan atol sa mga semana sa higayon nga nagklase sa seminary. Giseguro nila nga ilang gi-eskedyul ang mga leksiyon aron motukma ngadto sa sulod nga gitun-an diha sa Dali, Sunod Kanako.

Gitan-aw nila og maayo ang mga leksiyon sa Kurso sa Kasulatan ug giila ang tanang leksiyon sa Pagsukod sa Imong Nakat-onan ug sa Pagpraktis sa Doktrinal nga Kahanas diha sa matag katunga sa kurso. Ilang nabantayan nga ang lima ka leksiyon sa Pagsukod sa Imong Nakat-onan mogawas sa higayon nga ang estudyante anaa sa eskwelahan: ang duha diha sa unang katunga sa tuig nga tingklase ug ang tulo diha sa ikaduhang katunga.

Sunod, si Sister Mendoza ug si Brother Amasio nakabantay nga ang lima ka leksiyon sa Pagpraktis sa Doktrinal nga Kahanas mogawas sa higayon nga ang seminary nagklase: ang tulo diha sa unang katunga sa tuig nga tingklase ug ang duha diha sa ikaduhang katunga.

Dayon gitan-aw og maayo ni Sister Mendoza ug ni Brother Amasio ang matag usa sa mga leksiyon sa Pagsukod sa Imong Nakat-onan nga ilang gibutang diha sa ilang giya sa gipaspason. Gisulat nila kon hain sa mga leksiyon sa Kurso sa Kasulatan nakatutok ang matag kalihokan sa pagsukod sa kahibalo. Naghimo sila og mubo nga sulat (*) tupad sa matag usa niini nga mga leksiyon diha sa giya sa gipaspason aron si Sister Mendoza makahatag og gibug-aton niini sa tukmang paagi ug makapahibalo sa mga estudyante kon hain sa mga kalihokan ang ilang i-follow up unya.

Sunod, si Sister Mendoza ug si Brother Amasio miila sa 24 ka tudling sa doktrinal nga kahanas alang sa kurso. Ilang nakita nga ang 11 sa mga tudling sa doktrinal nga kahanas nalakip diha sa mga leksiyon nga itudlo sa higayon nga ang seminary nagklase alang sa unang katunga sa tuig nga tingklase ug 7 lang ang matudlo sa ikaduhang katunga. Sila nakahukom nga isulat sa pinabaga ang ulohan sa matag usa niini nga mga leksiyon sa ilang giya sa gipaspason aron si Sister Mendoza mahibalo kon kanus-a nga seguradong mohatag og gibug-aton sa mga tudling sa doktrinal nga kahanas isip kabahin sa leksiyon.

Lakang 2: Pag-eskedyul sa mga Lekisyon sa Pagpangandam sa Kinabuhi

Human sa pag-eskedyul sa tanang leksiyon sa Kurso sa Kaulatan, si Sister Mendoza ug Brother Amasio misugod sa pag-eskedyul sa mga leksiyon sa Pagpangandam sa Kinabuhi diha sa ilang giya sa gipaspason.

Si Brother Amasio mihatag na kaniadto og giya sa tanang magtutudlo nga iyang gidumala mahitungod kon hain sa mga leksiyon sa Pagpangandam sa Kinabuhi ang kinahanglang itudlo atol sa matag katunga sa kurso. Siya mihatag niini nga giya aron sa pagseguro nga dili magdoble ang mga leksiyon sa Pagpangandam sa Kinabuhi nga itudlo sa mga estudyante atol sa matag katunga sa kurso. Gibati niya nga importante kaayo kini ingkaso og adunay laing magtutudlo nga tawagon nga motudlo sa ikaduhang katunga sa kurso.

Ang mga instruksiyon ni Brother Amasio gilista sama sa mosunod.

Mga leksiyon sa Pagpangandam sa Kinabuhi nga iyang gitino nga ilakip sa unang katunga sa kurso:

• Doktrinal nga Kahanas: Pangpangita sa mga Tubag sa Akong mga Pangutana (tanang lima ka leksiyon)

• Mga Kahanas sa Pagtuon sa Kasulatan (tanang lima ka leksiyon)

• Pagmalamposon sa Eskwela (tanang upat ka leksiyon)

• Pisikal ug Emosyonal nga Kahimsog (tanang pito ka leksiyon)

• “Pagpangandam alang sa Kinatibuk-ang Komperensiya” (itudlo sa dili pa ang Abril nga kinatibuk-ang komperensiya)

• “Pagtuon sa mga Mensahe sa mga Sulugoon sa Ginoo” (itudlo sa sinugdanan sa kurso)

• Walo ka mensahe gikan sa mga lider sa Simbahan gamit ang “Template: Mga Pagtulon-an sa mga Lider sa Simbahan” (patas nga ibahin-bahin sa tibuok unang katunga sa kurso)

Mga leksiyon sa Pagpangandam sa Kinabuhi nga iyang gitino nga ilakip sa ikaduhang katunga sa kurso:

• Pag-ugmad og Pagbarog pinaagi sa Kinaugalingong Paningkamot (tanang upat ka leksiyon)

• Alang sa Kalig-on sa mga Kabatan-onan: Paghimo og mga Pagpili (tanang unom ka leksiyon)

• Pagpangandam alang sa Umaabot nga Edukasyon ug Panarbaho (tanang upat ka leksiyon)

• Pagpangandam sa Misyonaryo (tanang lima ka leksiyon)

• Pagpangandam alang sa Templo (tanang upat ka leksiyon)

• “Pagpangandam alang sa Kinatibuk-ang Komperensiya” (itudlo sa dili pa ang Oktubre nga kinatibuk-ang komperensiya)

Si Sister Mendoza ug si Brother Amasio mieskedyul sa tanang leksiyon sa Pagpangandam sa Kinabuhi ngadto sa ilang giya sa gipaspason. Ang pipila sa mga leksiyon sa Pagpangandam sa Kinabuhi gibutang sa piho nga mga semana nga motukma sa mga seksiyon diha sa Doktrina ug mga Pakigsaad nga gitun-an diha sa Dali, Sunod Kanako tungod sa mga sugyot nga gihimo diha sa mga seksiyon sa “Kinatibuk-ang Pagpasabot” alang sa lainlaing mga kategoriya sa leksiyon. Gieskedyul nila ang uban base sa ilang pamati nga ang mga estudyante makabenepisyo og maayo gikan sa mga hilisgotan.

Human sa pag-eskedyul sa mga leksiyon sa Pagpangandam sa Kinabuhi ngadto sa ilang giya sa gipaspason, sila adunay upat pa gihapon ka klase sa unang katunga sa kurso ug upat sa ikaduhang katunga sa kurso nga walay naeskedyul nga leksiyon. Ilang gitino nga ang itudlo niini nga mga klase mao ang mga leksiyon bahin sa mga pakigpulong gikan sa mga lider sa Simbahan gikan sa labing bag-o nga kinatibuk-ang komperensiya. Si Sister Mendoza mogamit sa “Template: Mga Pagtulon-an sa mga Lider sa Simbahan” sa pagtudlo niini nga mga leksiyon.

Lakang 3: Paghimo og mga pagpahiangay kon gikinahanglan

Gitan-aw ni Sister Mendoza ug ni Brother Amasio ang giya sa gipaspason nga gihimo nilang duha aron makita kon aduna bay kinahanglanon nga mga pagpahiangay. Ilang naamgohan nga aduna silay wala mabantayi nga usa ka semana nga walay klase sa seminary tungod sa pahulay sa mga estudyante nga anaa sa ilang eskedyul sa eskwelahan. Atol niini nga semana, ang mga estudyante magtuon usab og tudling sa doktrinal nga kahanas. Si Brother Amasio ug si Sister Mendoza parehong mibati nga kini nga leksiyon kinahanglang ieskedyul sa semana sa wala pa o sa semana human niana. Nakadesisyon sila nga ibalhin kini sa miaging semana. Aron mahimo kini, kinahanglan nilang ilisan ang usa sa laing mga leksiyon nga gieskedyul. Nakadesisyon sila nga ibutang kini puli sa usa sa mga leksiyon sa Mga Pagtulon-an sa mga Lider sa Simbahan. Kini lang ang pagpahiangay nga kinahanglan nilang himoon diha sa ilang giya sa gipaspason.

Nindot ang gibati ni Sister Mendoza ug ni Brother Amasio mahitungod sa mga desisyon nga ilang gihimo. Si Sister Mendoza mibati nga masaligon nga ang iyang mga estudyante makabaton og positibo nga kasinatian sa seminary nga modala nila paduol ngadto sa Langitnong Amahan ug ni Jesukristo. Mapasalamaton siya nga kini nga mga desisyon gihimo sa wala pa siya magsugod sa pagtudlo aron atol sa tuig sa tingklase makatutok siya sa pagpangandam sa leksiyon nga iyang itudlo sa sunod. Gibati niya nga ang dakong palas-anon natangtang nga dili na maghunahuna kon hain sa mga leksiyon ang itudlo atol sa semana agi og dugang sa pagpangandam niini.