E faapefea ona ou faia se talanoaga e uiga i le pule i le ola i la’u uarota po o le aiga?

O le talanoa e uiga i le pule i le ola o le a le afua ai ona taumafai se tasi e pule i le ola. O le mea moni, o le tatala o le talanoa e uiga i le pule i le ola o se auala manuia e fesoasoani e puipuia ai le pule i le ola. O le faamoemoega o soo se talanoaga e uiga i le pule i le ola e tatau ona fesoasoani ai i taitai ma tagata o le au paia ia atili lelei lo latou auauna atu i e ua aafia i le pule i le ola.

Atonu e mananao taitai ma matua e faia ni talanoaga e uiga i le puipuia o le pule i le ola, feagai ma se maliu i le pule i le ola, ma auauna atu ia i latou o loo tauivi. O nei talanoaga e tatau ona maaleale, ma gauai atu, ia talafeagai ma le matutua, ma ia ogatusa ma aoaoga a le Ekalesia. Ia faaeteete pe a faia se talanoaga ia taumamao mai le gagana e mafai ona afua ai ona toefaaolaola se tiga ogaoga o se tasi.

I le taimi o talanoaga pe a mavae se maliu i le pule i le ola, aua e te talanoa e uiga i le auala na pule ai se tagata i lo latou ola. Atonu e ono uunaia faafuasei ai se tasi i le vaega e faataitai le amio o loo faamatalaina. Afai e amata ona faasoa atu e se tasi nei faamatalaga i se nofoaga faalevaega, toe seu ese le talanoaga i se auala agalelei.

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea ma punaoa faaopoopo e fesoasoani ai a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)

• “Faalogo ina ia Aoao,” Russell M. Nelson, Liahona, Iulai 1991, 22–25.

• Faaavanoaina o le Taimi e Talanoa ma Faalogo Ai,” Rosemary M. Wixom, Liahona, Ape. 2012, 10–13

• “Matua ma Fanau: Faalogo, A’oa’o, ma le Alofa,” M. Russell Ballard, New Era, Feb. 2011, 2–7.

• “Taitaia ni Talanoaga Musuia,” Aoao Atu i le Ala a le Faaola (2015), 33.

• “E Faapefea ona Talanoa i le Tamaitiiti e 9–13-Tausaga-le Matua e uiga i le Taumafai e Pule i le Ola i Totonu o Lou Aiga,” U.S. Matagaluega o Mataupu i Tagata Matutua.

• “Puipuia o le Pule i le Ola: E Faapefea ona Amataina se Faalapotoptoga o e na Faasaoina,” faalapotopotoga o le Soifua Maloloina i le Lalolagi.