O le a se mea e tatau ona ou faia pe afai e ta’u mai e se tasi o la ua mafaufau e uiga i le pule i le ola?

Aua lava nei folafola atu o le a tausia faalilolilo ni o latou manatu o le pule i le ola. Afai latou te fai atu ia te oe e aua nei tauina i se tasi, faamalamalama atu i ai o le a e faaaloalo i lo latou tulaga o le le faalauaiteleina i le tulaga e mafai ai peitai latou te manaomia se fesoasoani e sili atu nai lo le mea e mafai ona e tuuina atu. Uunaia i latou e ta’u atu i se tasi e mafai ona tuuina atu nisi lagolago. Faasoa atu i ai faamatalaga o punaoa mo le puipuiga o le pule i le ola i la outou eria.

Afai o le a latou le sailia se fesoasoani, e tatau ona e ta’uina i se tasi mo i latou. Atonu e te manao e fai atu se mea e pei o le, “Ou te alofa ia te oe ma ou te manao ia e saogalemu. O le a ou valaau i se tasi e mafai ona tuuina atu ia te oe le fesoasoani o loo e manaomia. Faaaloalogia lo latou tulaga faalilolilo i le ta’u atu na o se tasi e te manatu e mafai ona fesoasoani, e pei o se tagata vavalalata o le aiga, le epikopo a le tagata, se faufautua o le aoga, po o se tausi soifua faapolofesa.. Afai e te le o mautinoa po o ai e ta’u i ai, telefoni pe tesi se laina fesoasoani vilifua mo faalavelave i lo outou eria. Ia manatua e le o faamoemoe le Alii e te lagolagoina le tagata e oe lava ia.

Punaoa a le Ekalesia ma le Nuu

• “I Le Laveai: E Mafai ona Tatou Faia,” Mervyn B. Arnold, Liahona, Me 2016, 53–55.

• Faaavanoaina o le Taimi e Talanoa ma Faalogo Ai,” Rosemary M. Wixom, Liahona, Ape. 2012, 10–13.

• “O le malamalama i le Pule i le Ola,” New Era, Sept. 2016, 36–37.