E faapefea ona ou amataina se talanoaga ma se tasi ua ou popole i ai?

Saili se taimi ma se nofoaga e mafai e oulua uma ona talanoa saogalemu ai. Ta’u i lau uo e te manatu alofa faamaoni ia i latou. Faamalamalama atu mea sa e matauina talu ai nei, e pei o le, “E foliga mai ua matua e le fiafia lava i lenei taimi.” Tuu atu se taimi ia i latou e faamatala mai ai o latou lagona. Faaalia lou gauai atu e ala i le faalogologo i mea o latou fai mai ai. Ia faaaloalo i o latou lagona i le fai atu o se tala e pei o le, “Faamalie atu ua e matua tiga tele” po o le “Ou te le’i iloa le faigata o feagai ma oe.”

Pe a foliga mai ua sa’o le taimi, fesili sa’o i ai pe ua mafaufau e uiga i le pule i le ola. E mafai ona e fai atu se mea e pei o le, “O e mafaufau e uiga i le faamutaina o lou ola?” Afai latou te fai mai o loo latou mafaufau e uiga i le pule i le ola, fesili i ai pe ua i ai se latou fuafuaga. E mafai ona e fesili atu, “Ua i ai sau fuafuaga e faatiga ia te oe lava?” Afai ua i ai sa latou fuafuaga, ia vave loa ona telefoni se auaunaga mo faalavelave faafuasei po o se laina fesoasoani i lo outou eria.

Afai e leai sa latou fuafuaga, faaali atu i ai lou faapelepele ia te ia e ala i le faalogologo i mea o latou fai mai ai. Ona uunaia lea o i latou e ta’u atu i se tasi e mafai ona tuuina atu ai lagolago sili atu. Tagai “Auala e Fesoasoani ai i se Tagata o i ai se Faafitauli” i lenei uepisaite mo ni manatu faaopoopo.

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea ma punaoa faaopoopo e fesoasoani ai a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)

• “E Silafia Oe e le Atua,” Dieter F. Uchtdorf, Vitio a le Autalavou, ChurchofJesusChrist.org.

• “E Ala i le Mamanu Paia,” Ronald A. Rasband, Liahona, Nov. 2017, 55–57.

• “ O Mea e 7 e Mo’omo’o Tagata na Faasaoina Mai le Taumafai e Pule i le Ola na iloa e o Latou aiga ma uo,” Laina Faaola mo i latou na Faasaoina mai le taumafai e Pule i le Ola.

• “Fesoasoani i Uo po’o Tagata o Aiga o loo i Tulaga Fia Pule i le Ola,” Befrienders Worldwide

• “Fesoasoani i se Isi Tagata,” National Suicide Prevention Lifeline.

• “Puipuia o le Pule i le Ola,” Carol F. McConkie (vitio, suicide.ChurchofJesusChrist.org)