Pe o le talanoa e uiga i le pule i le ola o le a mafua ai ona taumafai se tasi e pule i le ola?

O le talanoa e uiga i le pule i le ola o le a le mafua ai ona taumafai se tasi e pule i le ola. O le mea moni, o le tatala o le talanoa e uiga i le pule i le ola o se auala manuia e fesoasoani e puipuia ai le pule i le ola. O le fesili sa’o i se tagata pe o latou mafaufau e uiga i le pule i le ola e maua ai e i latou se avanoa e faaali mai ai o latou mafaufauga ma lagona e aunoa ma le popole faapea o le a faamasinoina i latou. E mafai ona e fesili atu, “O e mafaufau e uiga i le faamutaina o lou ola?” Afai latou te fai mai o loo latou mafaufau e uiga i le pule i le ola, fesili i ai pe ua i ai se latou fuafuaga. E mafai ona e fesili atu, “Ua i ai sau fuafuaga e faatiga ia te oe lava?” Afai ua i ai sa latou fuafuaga, ia vave loa ona telefoni se auaunaga mo faalavelave faafuasei po o se laina fesoasoani i lo outou eria.

Afai e leai sa latou fuafuaga, faaali atu i ai lou gauai atu e ala i le faalogologo i mea o latou fai mai ai. Uunaia le tagata e ta’u atu i se tasi e mafai ona tuuina atu nisi lagolago. (Tagai “Auala e Fesoasoani ai i se Tagata o i ai se Faafitauli” i lenei taiala mo nisi faamatalaga.)

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea ma punaoa faaopoopo e fesoasoani ai a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)

• Moronae 7:45–47.

• “Faaavanoaina o le Taimi e Talanoa ma Faalogo Ai,” Rosemary M. Wixom, Liahona, Ape. 2012, 34–37.

• “Tomai o le Faalogo,” Befrienders Worldwide.

• “O Talatu’u o le Pule i le Ola—Quiz,” Befrienders Worldwide.

• “News Room: Suicide,” World Health Organization.

• “Puipuia Mai le Pule i le Ola,” Carol F. McConkie, vitio suicide.ChurchofJesusChrist.org).