E mafai faapefea ona ou lagolagoina se tagata na sao mai i se taumafaiga e pule i le ola?

E mafai e ē pele ma tagata o le uarota ona faatino se matafaioi taua i le toe malosi mai o se tagata na sao mai i se taumafaiga e pule i le ola. O le lagonaina e alofagia ma o loo aofia ai, e mafai ona tuu atu ai i e na sao mai le faamoemoe mo le lumanai ma e mafai foi ona fesoasoani ia i latou e taumamao ai mai se isi taumafaiga e pule i le ola. A o e ofoina atu le fesoasoani, ia e lotoalofa ma lototatalo (tagai 1 Peteru 3:8). E silafia e le Tama Faalelagi mea latou te manaomia ma e mafai ona taialaina au taumafaiga. Afai o oe o se vaega o se aufono a le uarota, mafaufau pe mafai faapefea e tagata o le uarota ma le siteki ona fesoasoani. O nisi nei o mea e teu i le mafaufau a o e ofoina atu le lagolago.

• O le latou tala. Tuu atu i tagata na sao mai na taumafai e faailoa atu o latou luitau i lo latou lava taimi ma i tagata latou te filifilia. Aua e te ita pe afai latou te teena lau valaaulia e faasoa mai.

• Ia tumau lou tagata masani. Talanoa ma tagata na sao mai na taumafai i le ala lava e tasi na e faia ai a o lei tupu. Ofo atu e faalogologo pe afai e mananao e talanoa mai. Aua e te faaitiitia lo latou tiga pe faatusatusa o latou aafiaga i se isi, e aofia ai ma oe.

• Talitonu e mafai ona toe malosi mai. E ui atonu e faigata le toe malosi mai se taumafaiga, ae e mafai. Ia onosai ma ia malamalama a o galue le tagata i soo se tiga faaletino, faalelagona, ma faaleagaga. Ia aua lava nei galo o i latou, e faapei foi o soo se isi lava, e mafai ona sili atu ona maloloina ma malosi i le fesoasoani mai o le Faaola.

• Faataitai ni vaega lelei o le tausia o oe lava. Faaavanoa se taimi e tausia ai lou lava soifua maloloina faaleagaga, faaletino, faalemafaufau, ma faaleagafesootai (tagai Mosaea 4:27). Ia faateleina lou faatuatua e ala i le suesue o tusitusiga paia ma auai atu i le malumalu. ’Ai meaai maloloina, faamalositino, ma ia lava le moe ina ia e maua ai le malosi faaletino ma le faalelagona. Asiasi i le mentalhealth.ChurchofJesusChrist.org mo nisi manatu.

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea ma punaoa faaopoopo e fesoasoani ai a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)

• “O le Onaina o o Tatou Tofi Paia o le Ulumatua,” Bonnie D. Parkin, Liahona, Nov. 2004, 106–8.

• “Taula’i i le Mea e Tasi,” Jean B. Bingham (video, suicide.ChurchofJesusChrist.org.

• “Avea le Agaga Paia ma Ou Taiala,” Larry Y. Wilson, Liahona, Me 2018, 75–77.

• “Faagaganaina le le Tautala o i Latou na Faasaoina mai le Taumafai e Pule i le Ola,” JD Schramm, TED.

• “I le Uo na Ese Lona Faiga o A’u ina ua ia Iloaina e Uiga i Lo’u Taumafai e Pule i le Ola,” Christa Marie, TheMighty.

• “O le tala a Purinisese: Ina ua Mae’a Le Taumafai e Pule i le Ola” (vitio i le suicide.lds.org).