Pule i le Ola
E mafai faapefea ona ou lagolagoina se tagata na maliu sē e pele ia te ia i le pule i le ola?

“E mafai faapefea ona ou lagolagoina se tagata na maliu sē e pele ia te ia i le pule i le ola?” O Fesili e Fesiligia Soo (2018).

“E mafai faapefea ona ou lagolagoina se tagata na maliu sē e pele ia te ia?” O Fesili e Fesiligia Soo

E mafai faapefea ona ou lagolagoina se tagata na maliu sē e pele ia te ia i le pule i le ola?

E mafai ona avea uo ma tagata o le Ekalesia o se lagolago sili i aiga ua maliu sē e pele i le pule i le ola. O le pule i le ola e tele ina faafuasei, o se mea matautia e tupu ma e mafai ona matua faateleina le lotomomomo o i latou e aofia ai. Malamalama e umi se taimi o le aluga o le lotomomomo.

O le vaaia lelei sili atu e mafai ona tatou tuuina atu i se isi o le fesoasoani lea i se tasi ia iloa ia faamanuiaga o le alofa o le Tama Faalelagi ma le alofa mutimutivale ma le alofa tunoa o le Faaola. A maliu se tagata po o sē e pele i le aiga i le pule i le ola, ia matau ma le lototatalo o latou manaoga ma taumafai e lagolago i latou. E masani ona amata lo tatou vaaia lelei o se tagata po o se aiga i le faalogologo ma le alofa ma le agalelei. Ia nofouta atonu e sili ona faigata ia aso malolo ma aso faamanatu.

Na fautua mai Peresitene M. Russell Ballard: “Ia faaeteete i mea e te fai atu ai e uiga i le pule i le ola ma faailoa atu tatou te le iloa tulaga atoatoa e faatatau i tulaga uma o le pule i le ola. Ua na o le Alii lava o i ai mea moni uma, ma e na o Ia foi e silafia le faamoemoega o le loto o le tagata. E le tatau ona tatou faamasinoina i latou e pule i o latou lava ola, ma e tatau ona tatou lagolagoina ma faamafanafanaina i latou ua tuua pe a mavae sea ituaiga maliu o sē e pele” (“Tali ma Fesili” [Brigham Young University devotional, Nov. 14, 2017], 3, speeches.byu.edu).

Afai o oe o se vaega o se aufono a le uarota, fautuaina le aufono e talanoaina le auala e mafai ai e tagata o le uarota ona avatu le lagolago talafeagai i le tagata po o le aiga. Fautuaina sui o le aufono e toe lipoti mai i le lagolago sa tuuina atu. O nisi o fesili e talanoaina e aofia ai:

  • O a ni mea na matauina e uso ma tuafafine o le auaunaga, ae o le a foi le auaunaga na latou tuuina atu?

  • O le a se lagolago faifaipea faalelagona pe faaleagaga o le a manaomia e le tagata po o le aiga? O ai e sili ona saunia e avatua lenei lagolago?

  • O a mea faaletino latou te manaomia—feoaiga, meaai, ma isi mea?

  • E mafai faapefea ona lagolagoina e taitai o ausilali a le uarota, e aofia ai ma taitai o le Peraimeri ma le autalavou, ia tamaiti ma le autalavou o loo aafia?

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea ma punaoa faaopoopo e fesoasoani ai a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)