Ko e hā ʻoku totonu ke u faí kapau ʻoku talamai ʻe ha taha ʻoku nau fakakaukau fekauʻaki mo e taonakitá?

ʻOua naʻá ke teitei palōmesi ke tauhi fakapulipuli ha ngaahi fakakaukau taonakita ʻa ha taha. Kapau te nau kole atu ke ʻoua naʻá ke tala ki ha taha, fakamatalaʻi ange te ke fakaʻapaʻapaʻi ʻenau fakapulipulí ʻi he lahi taha te ke lavá ka ʻoku lahi ange ʻenau fiemaʻu tokoní ʻi he meʻa te ke lava ʻo fai angé. Poupouʻi kinautolu ke tala ki ha taha te ne lava ʻo fai ha tokoni ʻoku lahi angé. Vahevahe ʻa e fakamatala fetuʻutaki ki he ngaahi maʻuʻanga tokoni ki he fakaʻehiʻehi mei he taonakitá ʻi homou feituʻú.

Kapau he ʻikai ke nau fekumi ki ha tokoni, ʻoku fie maʻu ke ke tala ki ha taha maʻanautolu. Te ke lava ‘o lea ʻaki ha meʻa hangē ko e, “ʻOku ou tokanga atu kiate koe pea ʻoku ou fie maʻu ke ke malu. Te u telefoni ki ha taha te ne lava ʻo ʻoatu ʻa e tokoni ʻokú ke fie maʻú.” Fakaʻapaʻapaʻi ʻenau fakapulipulí ʻaki hono tala ki ha tokotaha pē ʻokú ke fakakaukau ʻe lava ʻo tokoní, hangē ko ha mēmipa ʻo ha fāmili ofi, ko e pīsope ʻa e tokotahá, ko ha tokotaha faleʻi ʻi ha ʻapiako, pe ko ha tokotaha mataotao fakafaitoʻo . Kapau ‘oku ʻikai ke ke fakapapauʻi pe ko hai ʻe tala ki aí, telefoni pe text ki ha laine tokoni ki ha faingataʻa taʻetotongi ʻi homou feituʻú. Manatuʻi, ʻoku ʻikai ʻamanaki mai ʻa e ʻEikí ke ke tokoniʻi ʻa e tokotaha ko iá ʻiate koe pē.

Ngaahi Maʻuʻanga Tokoni ʻa e Siasí mo e Koló

• Mervyn B. Arnold, Ke Tau Fakahaofi: Te Tau Lava ʻo Fai Ia,” Mervyn B. Arnold Liahona, Mē 2016, 53–55.

• Tuku ha Taimi ke Talanoa Ai mo FakafanongoRosemary M. Wixom, Liahona, ʻEpe. 2012, 34–37.