Tokangaʻi ʻo e Loki Akó

Taukei: Kole ki he kalasí pe ko ha taha ʻi he kalasí ke feinga ke ʻiloʻi ha himi ke hivaʻi ʻi ha fakataha lotu ʻi ha founga tokanga mo ha founga fakavaʻivaʻinga.

Talateu

“Ko e tokolahi taha ʻo kitautolú ʻe lava ke kau ʻi he fakataha lotú ʻa e hivá, lotú, mo ha poupou fakalaumālie—ʻoku faʻa hoko ʻi he hokohoko ko iá” (Henry B. Eyring, “ʻThe Lord Will Multiply the Harvestʻ An Evening with Elder Henry B. Eyring,” Feb. 6, 1998).

Ko e hā ʻeku ʻuluaki mahinó pe meʻa te u malavá? (Sivi)

Ko e hā ʻokú ke faʻa lea ʻaki ʻi he taimi ʻokú ke fakaafeʻi ai ha tokotaha ako ke ne fili ha himi ke hivaʻi ʻi he fakataha lotú?

Ko e hā nai ia, pea ko e hā ʻa e ʻuhinga ʻoku mahuʻinga aí? (Fakamatalaʻi):

Ko e kole ki he kalasí pe ko ha taha ʻi he kalasí ke ne feinga ke ʻiloʻi ha himi ke hivaʻí, ko ha fakaafe ia ki ha tokotaha ako ke ngāue ʻi he tuí. Naʻe pehē ʻe Palesiteni Henelī B. ʻAealingi, “ʻOku fakaafeʻi mai ʻe he ngaahi himi ʻo Saioné ʻa e Laumālie Māʻoniʻoní ki he lokí. ʻOku ʻi ai ha founga fakavaʻivaʻinga ke fakahoko ʻaki ia mo ha founga tokanga. Ko e founga tokangá ke fakakaukau kimuʻa ki he lēsoni ʻi ha ʻaho pau, ke ʻilo ʻa e tefitoʻi fakakaukau ʻoku tau fakaʻamu ke ʻiloʻi ʻe he kau akó ʻoku moʻoní, pea kole leva ki ha tokotaha ako ke ne fili ha himi ʻe tokoni ke ne fakahoko ia. Kapau te tau fakahoko ia ʻi he tokanga feʻunga, ʻe lava ke tataki kinautolu ʻe heʻetau fakaafé ke nau fekumi ki ha tokoni.”

Ko hai pe ko e hā ʻokú ne ʻomi ha fakatātā lelei ʻo e meʻá ni? (Fakatātaaʻi ki he Himí):

“Sōfia, te tau aleaʻi ʻapongipongi hono tānaki ʻo ʻIsilelí mo e founga ʻoku fiemaʻu ai ʻe he Fakamoʻuí ke tau tokoni kiate Ia ʻi hono fakavaveʻi ʻEne ngāué. ʻI he fakataha lotú, te ke lava nai ʻo fakakaukau ke ʻiloʻi ha himi ʻe lava ʻo tokoni ke mahino kiate kitautolu ʻa e pōpoakí ni ʻi heʻetau kamata ʻa e kalasí ʻapongipongí?”

Te u akoako fakaʻaongaʻi fēfē ʻa e taukei ko ʻení pe fakaʻaongaʻi ʻa e tefitoʻi moʻoni ko ʻení? (Akoako):

• ʻI hono fakaʻaongaʻi ʻa e tefito ʻo e kau palōfitá, hiki ha fakaafe te ke lava ʻo ʻoange ki ha tokotaha ako ʻi he kalasí ke ne talamai ʻa e himi maʻá e kalasí ʻi he ʻaho ko iá.

• ʻI he tefitoʻi moʻoni ʻo e ngāue fakafaifekaú, hiki ha fakaafe te ke lava ʻo ʻoange ki he kalasí kotoa ke nau kumi ha himi te nau lava ʻo hivaʻi ʻi he kalasí ʻi he ʻaho ko iá.

Fakalaulauloto pe aleaʻi:

• ʻOkú ke pehē ko e hā hano ʻaonga ki he tokotaha ako ʻokú ne fili ʻa e himí ke kole kiate ia ʻi ha founga tokangá?

• ʻOkú ke pehē ko e hā ha liliu ʻe lava ke hoko heni ki he kalasí?

Ko e hā ʻa e founga mo e taimi te u fakakau ai ʻení?

Fakaʻaongaʻi ʻa e meʻa kuó ke akó ʻi he taimi hoko te ke fakaafeʻi ai ha tokotaha ako ke ne fili ha himí.

Fakapapauʻi ʻa e founga te ke hokohoko atu ai ke fakakau ʻa e taukei ko ʻení ʻi hoʻo kole ki he kau akó ke nau fili ʻa e ngaahi himi ki he fakataha lotú.

Fie Ako Lahi Ange?

Henry B. Eyring, “ʻThe Lord Will Multiply the Harvest’ An Evening with Elder Henry B. Eyring,” 6 February 1998.

Ako Nounou ki hono Tokangaʻi ʻo e Loki Akó: Ko hono kole ki he kalasí pe ko ha taha ʻi he kalasí ke vahevahe ha poupou fakalaumālie ʻi ha fakataha lotu ʻi ha founga tokanga mo ha founga fakavaʻivaʻingá.

Ako Nounou ki hono Tokangaʻi ʻo e Loki Akó: Ko hono kole ki ha taha ʻi he kalasí ke ne fai ʻa e fua lotú ʻi ha fakataha lotu ʻi ha founga tokanga mo ha founga fakavaʻivaʻingá.