Ang Katuyoan sa Pagtudlo Sumala sa Pamaagi sa Manluluwas

Ang mga baroganan nga gihulagway niini nga kapanguhaan makatabang sa matag magtutudlo sa ebanghelyo sa pagtudlo sumala sa pamaagi sa Manluluwas. Kana naglakip sa mga ginikanan, tigpangalagad nga mga kaigsoonan, seminary ug institute nga mga magtutudlo, ug bisan kinsa kansang calling sa Simbahan naghatag kanila og mga oportunidad sa pagtudlo.

Makatuon ka niini nga kapanguhaan sa imong kaugalingon o gamiton kini sa paggiya og mga panaghisgotan kauban sa uban mahitungod kon unsaon nga mahimong mas maayong magtutudlo. Sama pananglitan, kini nga kapanguhaan mahimong magamit sa mga home evening, mga miting sa kapangulohan, mga miting sa konseho sa ward o sa stake, seminary ug institute in-service nga mga miting, ug mga miting sa konseho sa magtutudlo (tan-awa sa “Alang sa mga Lider—Pagtabang sa mga Magtutudlo nga Molampos”).

Giunsa Paghan-ay Kini nga Kapanguhaan

Bahin 1 naghatag og gibug-aton sa importansiya sa pagtutok diha ni Jesukristo bisan kanus-a kita nagtudlo sa mga baroganan sa Iyang ebanghelyo. Kini nga seksiyon naghulagway kon unsay atong itudlo.

Bahin 2 naghatag og gibug-aton sa mga baroganan sa Kristohanong pagtudlo. Kini nga seksiyon naghulagway kon unsaon nato pagtudlo.

Bahin 3 naghatag og magamit nga mga sugyot sa pagtabang sa mga magtutudlo sa paggamit sa mga baroganan sa Kristohanong pagtudlo.