Ntina ya Koteya na Lolenge ya Mobikisi

Mibeko oyo elimbolami na kati ya mokanda oyo ekoki kosunga motei nyonso ya nsango malamu ateya na lolenge ya Mobikisi. Yango esangisi baboti, bandeko mibali mpe bandeko basi basalisi, batei ya seminele mpe institut, mpe bato nyonso oyo Eklezia epesi bango mabaku ya koteya.

Bokoki koyekola mokanda oyo mpo na bino moko to kosalela yango mpo na kokamba masolo elongo na basusu na ntina ya kokoma motei malamu koleka. Ndakisa, mokanda oyo ekoki kosalisa na makita ya pokwa na libota, makita ya bakambi, makita ya lisanga ya palwasi to likonzi, makita ya seminele mpe insititi, mpe makita ya lisanga ya batei (tala “For Leaders—Helping Teachers Succeed”).

Ndenge Mokanda Oyo Ebongisami

Eteni 1 ebeti nsete na ntina ya kotya makanisi likolo ya Yesu Klisto ntango tozali koteya mibeko ya nsango malamu na Ye. Eteni oyo elimboli nini toteyaka.

Eteni 2 ebeti nsete na mibeko ya mateya na Lolenge ya Klisto. Eteni oyo elimboli lolenge nini toteyaka.

Eteni 3 epesi makanisi ya misala mpo na kosunga batei basalela mibeko ya mateya na Lolenge ya Klisto.