Kabilugan nga Ideya sang Pagtudlo Pareho kay Cristo

Ang masunod nga mga tsart nagahatag sang kabilugan nga ideya sang mga prinsipyo nga ginatudlo sa sining manwal.

Magtutok kay Jesucristo

Magtudlo parte kay Jesucristo sa Bisan Ano nga Imo Ginatudlo

• Ipatalupangod ang ehemplo ni Jesucristo

• Magtudlo parte sa mga titulo, papel, kag mga kinaiya ni Jesucristo.

• Magpangita sang mga simbolo nga nagapamatuod kay Jesucristo.

Buligi ang mga Nagatuon nga Maglapit kay Jesucristo

• Buligi ang mga nagatuon nga makilala ang pagpalangga, gahum, kag kaluoy sang Ginuo sa ila mga kabuhi.

• Buligi ang mga nagatuon nga pabakuron ang ila mga kaangtanan sa Amay nga Langitnon kag kay Jesucristo.

• Buligi ang mga nagatuon nga hungdon sa pagtinguha nga mangin mas pareho kay Jesucristo.

Mga Prinsipyo sang Pagtudlo Pareho kay Cristo

Palanggaa ang Imo Ginatudloan

• Kabiga ang mga nagatuon sa paagi sang pagkabig sang Dios sa ila.

• Tinguhai nga kilalahon sila—intiendiha ang ila mga sirkumstansya, mga panginahanglan, kag mga kusog.

• Magpangamuyo para sa ila nga ginasambit ang ila ngalan.

• Maghimo sang hilway nga kapalibotan kon sa diin ang tanan ginarespeto kag nakahibalo nga ang ila mga kontribusyon ginahatagan sang bili.

• Magpangita sang nagakabagay nga pamaagi sa pagpahayag sang imo pagpalangga.

Magtudlo paagi sa Espiritu

• Ihanda ang imo kaugalingon sa espirituhanon.

• Mangin handa pirme sa pag-akto sa espirituhanon nga mga pagpabatyag parte sa mga panginahanglan sang mga nagatuon.

• Maghimo sang kapalibotan kag mga oportunidad para sa mga nagatuon nga matudloan sang Balaan nga Espiritu.

• Buligi ang mga nagatuon nga maghandum, makakilala, kag mag-akto sa personal nga rebelasyon.

• Masami nga magpaambit sang testimonya, kag agdaha ang mga nagatuon nga iistorya ang ila mga nabatyagan, mga eksperiyensya, kag mga testimonya.

Itudlo ang Doktrina

• Tun-i ang doktrina ni Jesucristo para sa imo mismo kaugalingon.

• Magtudlo halin sa balaan nga mga kasulatan kag sa mga pulong sang mga propeta sa ulihing mga adlaw.

• Buligi ang mga nagatuon nga maghandum, makakilala, kag maintiendihan ang mga kamatuoran sa balaan nga mga kasulatan.

• Tutoki ang mga kamatuoran nga nagadala sang pagbag-o kag nagapatubo sang pagtuo kay Jesucristo.

• Buligi ang mga nagatuon nga makita ang personal nga kapuslanan sang doktrina ni Jesucristo.

Ipatigayon ang Matutom nga Pagtuon

• Buligi ang mga nagatuon nga mangin responsable para sa ila pagtuon.

• Paisoga ang mga nagatuon nga kilalahon ang Manluluwas paagi sa pagtuon sang ebanghelyo adlaw-adlaw.

• Hagara ang mga nagatuon nga maghanda sa pagtuon.

• Paisoga ang mga nagatuon nga ipaambit ang mga kamatuoran nga ila ginatun-an.

• Agdaha ang mga nagatuon nga ipangabuhi ang ila ginatun-an.