Դաս 5․ Դասարանի նախապատրաստական նյութ

Ադամի ու Եվայի անկումը և ազատ կամքի պարգևը

Այս բաժնում դուք հնարավորություն կունենաք դիտարկել, թե ինչպես է Երկնային Հոր փրկագնման ծրագիրը հնարավոր դարձնում, որ Նրա զավակները փրկվեն մեղքից և մահից: Այս դասը ուսումնասիրելիս քննարկեք, թե Ադամի և Եվայի Անկումը, ազատ կամքի պարգևը և Հիսուս Քրիստոսի Քավությունը որքանով են էական ձեր փրկագնման Երկնային հոր ծրագրի համար և որքանով են կարևոր, որ օգնեն ձեզ ավելի նմանվել Նրան: Նախագահ Էզրա Թաֆտ Բենսոնը ուսուցանել է, որ «աշխարհում ոչ մի գիրք չի բացատրում այս [Անկման և Քրիստոսի հանդեպ մեր կարիքի] կենսական վարդապետությունը, ինչպես նաև Մորմոնի Գիրքը» (“The Book of Mormon and the Doctrine and Covenants” Ensign, May 1987, 85):

Բաժին 1

Ինչո՞ւ է Ադամի և Եվայի անկումը կարևոր իմ առաջընթացի համար։

«Անկում» արտահայտությունը վերաբերում է մահկանացու կյանքի պայմաններին և հետևանքներին, որոնց ենթարկվեցին Ադամն ու Եվան և նրանց սերունդները, քանի որ Ադամն ու Եվան ճաշակեցին Եդեմի պարտեզի արգելված պտուղը: Մահից առաջ Լեքին իր որդուն՝ Հակոբին սովորեցրեց Անկման մասին և այն մասին, թե ինչպես է այն ազդել մարդկության վրա: (Տես 2 Նեփի 2։)

Ուսումնասիրեք դասին նախապատրաստվելիս

Կարդացեք 2 Նեփի 2.19–25-ը և նշեք այն ճշմարտությունները, որոնք մեզ սովորեցնում են, թե ինչո՞ւ է Ադամի և Եվայի անկումը Երկնային Հոր ծրագրի անհրաժեշտ մասը: Կարող եք նաև դիտել Մորմոնի Գրքի մասին տեսանյութը՝ «Lehi Teaches How We Might Have Joy (2 Նեփի 2.16–28)» (3:08):

2 Նեփի 2.22-ում նկատեք, որ եթե Ադամն ու Եվան չընտրեին հանցանք գործելը, նրանք հավերժ «մնացած կլինեին նույն վիճակում, որում եղել էին արարվելուց հետո»: Նրանք չէին առաջադիմի և չէին ունենա հիվանդություն կամ մահ: Սա տապալելու էր Երկնային Հոր ծրագիրը Իր զավակների համար: Յոթանասունի անդամ ծառայելիս Երեց Բրյուս Ս. Հեյֆենն ուսուցանել է․

Անկումը աղետ չէր։ Դա սխալ կամ դժբախտ պատահար չէր։ Այն փրկության ծրագրի կանխամտածված մասն էր: Մենք Աստծո հոգևոր «ազգիցն ենք» [տես Գործք 17.28], Ադամի մեղքից «անմեղ»՝ ուղարկված երկիր [տես Վարդապետություն և Ուխտեր 93․38]: Այնուամենայնիվ, մեր Հոր ծրագիրը մեզ գայթակղության և թշվառության է մատնում այս ընկած աշխարհում՝ որպես իսկական ուրախություն ընկալելու գինը: Առանց դառնություն ճաշակելու մենք իրականում չենք կարող իմանալ քաղցրությունը [տես Վարդապետություն և Ուխտեր 29.39]: Մեր Հորը նմանվելու համար մեզ անհրաժեշտ է մահկանացության կարգապահությունն ու զտումը՝ որպես «մեր զարգացման հաջորդ քայլ»: (“The Atonement: All for All,” Liahona, May 2004, 97)

Տասներկու Առաքյալների Քվորումից Երեց Ջեֆրի Ռ․ Հոլլանդը բացատրել է Անկման հետևանքներից մի քանիսը.

Ֆիզիկական մահը բերեց հոգու անջատումը մարմնից, իսկ հոգևոր մահը՝ ինչպես հոգու, այնպես էլ մարմնի հեռացումը Աստծուց: Անկման արդյունքում մահացության մեջ ծնված բոլոր մարդիկ կտառապեին այս երկու տեսակի մահերից: Բայց մենք պետք է հիշենք, որ Անկումը Երկնային Հոր աստվածային ծրագրի կարևոր մասն էր: Առանց դրա Ադամն ու Եվան չէին ունենա մահկանացու զավակներ, չէր լինի մարդկային ընտանիք, որը կտեսներ ընդդիմություն և աճ, բարոյական ազատ կամք և հարություն, փրկություն և հավերժական կյանքի ուրախությունը» [տես 2 Նեփի 2.22–27, Մովսես 5.11]: (Ջեֆրի Ռ. Հոլլանդ, Քրիստոսը և նոր ուխտը. Մորմոնի գրքի մեսիական ուղերձը (1997), 207)

Խորհեք դասին նախապատրաստվելիս

Մտածեք, թե Անկման հետևանքները ինչպես են Իր զավակների համար Աստծո ծրագրի կարևոր մասը հանդիսանում: Ինչպե՞ս է Անկումը ձեզ հնարավորություն ընձեռում առաջադիմել հոգևորապես և ուրախություն զգալ:

Բաժին 2

Ինչպե՞ս կարող է ազատ կամքի պատշաճ օգտագործումը օրհնել իմ կյանքը։

Անկման վերաբերյալ իր ուսմունքների հետ կապված՝ Լեքին քննարկեց, թե ընտրության ազատությունը որքանով է կարևոր քավության ծրագրում մեր առաջընթացի համար: Նա պարզեց, որ հետևյալ պայմաններն անհրաժեշտ են ազատ կամքը հնարավոր դարձնելու համար: (Ուսումնասիրեք ուղեկցող սուրբ գրությունների հատվածները և նշեք այն բառերն ու արտահայտությունները, որոնք ուսուցանում են կամքի ազատության այս պայմանների մասին):

• Չարի և բարու մասին բավարար գիտելիքներ (տես 2 Նեփի 2․5)

• Մարդկությանը տրված օրենքներ (տես 2 Նեփի 2.5, 10)

• Հակադրվող գայթակղություններն ու ընտրությունները (տես 2 Նեփի 2.11–16)

• Ընտրության զորություն և ազատություն (տես 2 Նեփի 2.16, 26)

Մտածեք, թե դա ինչպես կազդեր ընտրելու և առաջընթացի ձեր ունակության վրա, եթե այդ պայմաններից որևէ մեկը բացակայեր Երկնային Հոր ծրագրում:

Նախագահ Թոմաս Ս. Մոնսոնը խոսեց այս կյանքում կատարվող տարբեր տեսակի ընտրությունների մասին.

Օրվա մեջ հիմնականում ամեն ժամի մենք տարբեր տեսակի ընտրություններ ենք կատարում: Դրանց մի մասը սովորական առօրյա ընտրություններ են, մի մասն էլ՝ ավելի հեռուն գնացող: Դրանց մի մասը հավերժության տեսանկյունից ոչինչ չեն փոխում, մյուսները շատ մեծ տարբերություն են ստեղծում: («Ընտրության երեք դասերը», Լիահոնա, նոյեմբեր 2010, 67)

Հիշեք, որ Երկնային Հայրը առաջնորդություն է տալիս, որպեսզի օգնի մեզ կատարել մեր ընտրությունները, հատկապես ամենակարևորները: Մտածեք այն մասին, թե ինչպես եք այդ առաջնորդությունը ստացել անցյալում:

Խորհեք դասին նախապատրաստվելիս

Մտածեք վերջերս կատարած ձեր ընտրությունների մասին: Ինչպե՞ս են այդ ընտրություններն ազդում ձեր առաջընթացի վրա:

Բաժին 3

Ինչպե՞ս կարող է Հիսուս Քրիստոսի Քավությունը ինձ իսկական ազատություն բերել։

Փրկագնման ծրագրում Անկման և ազատ կամքի անհրաժեշտության մասին ուսուցանելուց հետո Լեքին իր զավակներին սովորեցրեց, որ Հիսուս Քրիստոսի Քավությունը ազատություն է տալիս Աստծո զավակներին հավերժական նշանակություն ունեցող ընտրություններ կատարելու համար:

Ուսումնասիրեք դասին նախապատրաստվելիս

Կարդացեք 2 Նեփի 2.26–28-ը և քննարկեք այն ընտրությունը, որը մատչելի է Փրկիչի քավիչ զոհաբերության շնորհիվ:

Մեկնաբանելով Անկման, ազատ կամքի և Հիսուս Քրիստոսի Քավության փոխհարաբերությունները՝ Երեց Հեյֆենը ուսուցանել է.

Ադամն ու Եվան անընդհատ սովորում էին իրենց հաճախ դժվարին փորձություններից: … Սակայն [Հիսուս Քրիստոսի Քավության] շնորհիվ նրանք կարող էին դասեր քաղել իրենց փորձություններից՝ առանց դրանով դատապարտվելու: Քրիստոսի զոհաբերությունը պարզապես չի ջնջել նրանց ընտրությունները և վերադարձրել նրանց անմեղության Եդեմ: Դա կլիներ պատմություն՝ առանց սյուժեի և բնավորության աճի: Նրա ծրագիրը զարգացման է՝ խրատ խրատի վրա, քայլ առ քայլ, շնորհ շնորհի վրա:

Այնպես որ, եթե կյանքում հանդիպում եք խնդիրների, մի մտածեք, թե ձեզ հետ ինչ-որ բան կարգին չէ: Այդ խնդիրների դեմ պայքարը ընկած է կյանքի նպատակների ամենահիմքում: Երբ մենք մոտենում ենք Աստծուն, Նա ցույց է տալիս մեզ մեր թուլությունները և դրանց միջոցով մեզ դարձնում ավելի խելացի, ավելի ուժեղ [տես Եթեր 12.27] (“The Atonement: All for All,” Liahona, May 2004, 97)

Գրի առեք ձեր մտքերը

Տասներկու Առաքյալների Քվորումից Նախագահ Բոյդ Ք. Փաքերը ուսուցանում էր. «Եթե ազատ կամքը մարդուն գար առանց [Հիսուս Քրիստոսի] Քավության, դա ճակատագրական նվեր կլիներ (“Atonement, Agency, Accountability,” Ensign, May 1988, 71): Հիսուս Քրիստոսի Քավությունը ձեզ ինչպե՞ս է թույլ տվել դասեր քաղել ձեր ընտրություններից: Ի՞նչ կարող եք սովորել ձեր գործած մեղքի կամ ձեր գործած սխալի արդյունքում:

Ցանկանո՞ւմ եք ավելին։ (Ոչ պարտադիր)

Որտե՞ղ կարող եմ ավելին իմանալ այն մասին, թե ինչ է սովորեցնում Մորմոնի Գիրքը Ադամի և Եվայի անկման մասին:

Ալմա 12.20–37 և Ալմա 42.1–15-ում Ալման ուսուցանեց, թե ինչպես է Անկումը մեզ փորձաշրջան ապահովում, որպեսզի կարողանանք պատրաստվել հանդիպել Աստծուն:

Ինչո՞ւ Աստված Ադամին և Եվային տվեց Եդեմի պարտեզում իրար հակասող պատվիրաններ:

Հետևյալ հոդվածը՝ «Ավետարանի լրիվությունը. Ադամի և Եվայի անկումը» (Ensign, June 2006, 48–49), բացատրում է անկման մասին կարևոր ճշմարտությունները, ներառյալ այն, թե ինչո՞ւ Ադամին և Եվային ասվեց, որ չուտեն արգելված պտուղը, և միևնույն ժամանակ պատվիրվեց բազմանալ և լցնել երկիրը. մի պատվիրան, որը նրանք չէին կարող պահել, եթե չճաշակեին այդ պտղից:

Պտուղը ճաշակելու Եվայի ընտրությունը ինչպե՞ս օրհնեց մարդկությանը:

Իր ելույթում՝ «Երջանկության մեծ ծրագիրը» (Ensign, Nov. 1993, 72–75), Դալլին Հ. Օուքսը բացատրել է, թե ինչո՞ւ պետք է տոնել և չդատապարտել արգելված պտղից ճաշակելու Եվայի ընտրությունը (տես պարբերություն 14-18):

Փրկիչի օրինակից ի՞նչ կարող եմ սովորել ազատ ընտրության պատշաճ օգտագործման մասին:

Իր ելույթում՝ «Բարոյական ազատ կամք», երեց Դ. Թոդ Քրստոֆերսոնը քննարկել է, թե մենք ինչ կարող ենք սովորել Հիսուս Քրիստոսի՝ ազատ կամքի պատշաճ օգտագործման օրինակից (տես հետևյալ բաժինը՝ “The Savior’s Exemplary Use of Moral Agency” in Ensign, June 2009, 46–53):