Դաս 5․ Ուսուցչի ձեռնարկ

Ադամի ու Եվայի անկումը և ազատ կամքի պարգևը

Մարգարե Լեքին ուսուցանեց, որ Ադամի ու Եվայի Անկումը իրականացրեց Աստծո հավերժական նպատակներն Իր զավակների համար (տես 2 Նեփի 2.15–25): Այս դասում ուսանողները հնարավորություն կունենան բացատրել, թե Ադամի և Եվայի անկումը, ազատ կամքը և Հիսուս Քրիստոսի Քավությունը որքանով են էական Երկնային Հոր փրկագնման ծրագրի համար: Ուսանողները նաև կքննարկեն, թե ինչ կարող են անել, որպեսզի ավելի լավ օգտագործեն իրենց ազատ կամքը՝ Երկնային Հորը և Հիսուս Քրիստոսին նմանվելու համար։

Ուսուցման առաջարկներ

Լեքին իր որդուն՝ Հակոբին, ուսուցանում է Անկման հետևանքների մասին

Նշեք, որ դասարանը սկսում է նոր բաժին Երկնային Հոր փրկագնման ծրագրի մասին: Գուցե օգտակար կլինի բացատրել, որ Երկնային Հոր ծրագրին տրված բազմաթիվ անուններից Մորմոնի Գրքում օգտագործվող ամենատարածված անուններից մեկը «փրկագնման ծրագիրն» է (տես օրինակ՝ Հակոբ 6.8, Ալմա 12.30, 32–33, 34.31):

Ցուցադրեք հետևյալ հայտարարությունը և ուսանողներին հրավիրեք գնահատել այն՝ հիմնվելով Մորմոնի Գրքի ուսմունքների վրա. Ադամի և Եվայի անկումը ողբերգական սխալ էր կամ պատահականություն, որը հակասում էր Աստծո ծրագրին:

Երբ ուսանողները կիսվեն իրենց գաղափարներով, ցուցադրեք հետևյալ ճշմարտությունը. Ադամի և Եվայի անկումը Իր զավակների համար Երկնային Հոր ծրագրի հիմնական մասն է:

Ուսանողների կողմից այս ճշմարտության ըմբռնումը խորացնելու համար գրատախտակին գրեք հետևյալ անավարտ հայտարարությունները (նախադասությունների միջև շատ տեղ թողեք):

Եթե Ադամն ու Եվան չուտեին պտուղը, …

Քանի որ նրանք կերան պտուղը, …

Հրավիրեք ուսանողներին վերանայել 2 Նեփի 2.19–25-ը և բացահայտել անկման հետևանքներն ու արդյունքները, որոնք նրանք կարող են օգտագործել յուրաքանչյուր հայտարարությունը ավարտելու համար: Հանձնարարեք ուսանողներին հաղորդել իրենց գտածը: Յուրաքանչյուր արտահայտության տակ նշեք նրանց պատասխանները:

Ցուցադրեք և կարդացեք Տասներկու Առաքյալների Քվորումից երեց Օրսոն Ֆ. Ուիթնիի հետևյալ խոսքերը․

Ադամի անկումը քայլ էր դեպի ներքև, բայց նաև քայլ էր դեպի առաջ՝ մի քայլ մարդկային առաջընթացի հավերժական երթի մեջ: (In Conference Report, Apr. 1908, 90)

• Ինչպե՞ս է Անկումը «քայլ դեպի ներքև» և «քայլ դեպի առաջ» մեր հոգևոր առաջընթացի մեջ: (Որպես ձեր քննարկման մաս, կարող եք ուսանողներին հրավիրել վերանայել երեց Բրյուս Ք․ Հեյֆենի և երեց Ջեֆրի Ռ․ Հոլլանդի հայտարարությունները նախապատրաստական նյութի բաժին 1-ում և կիսվել այն ամենով, ինչն առանձնանում է իրենց համար):

• Հասկանալով Անկումը, ինչպե՞ս եք հասկանում, որ նույնիսկ մահկանացու մարտահրավերները Երկնային Հոր ծրագրի մասն են:

• Անկման արդյունքում առաջացած պայմաններն ինչպե՞ս են մեզ հնարավորություն տալիս առաջ գնալ հոգևորապես և ուրախություն ունենալ: (Տես 2 Նեփի 2.25)

Քննարկման շրջանակներում ցուցադրեք նախագահ Ռասսել Մ. Նելսոնի հետևյալ հայտարարությունը և մի ուսանողի հրավիրեք բարձրաձայն կարդալ այն.

Լեքին հստակ գիտեր` ինչ է ընդդիմությունը, անհանգստությունը, սրտի ցավը, դառնությունը, հիասթափությունը և վիշտը: Սակայն նա համարձակ ու անվարան հայտարարեց մի սկզբունք, ինչպես հայտնությամբ տվել էր Տերը. «Մարդիկ կան, որպեսզի ունենան ուրախություն» [2 Նեփի 2.25]: Պատկերացրե՛ք: Մեր մահկանացու կյանքի բնույթն ու նպատակը նկարագրող բոլոր բառերից նա ընտրեց ուրախությո՜ւնը:

Կյանքը լի է շրջադարձներով ու փակուղիներով, փորձություններով և ամեն տեսակի դժվարություններով: Մեզանից յուրաքանչյուրը հավանաբար ունեցել է ժամանակներ, երբ վիշտը, տառապանքը և հուսահատությունը համարյա ջլատել են մեզ: Սակայն մի՞թե մենք այստեղ չենք ուրախանալու համար:

Այո՜: Պատասխանը հնչեղ այո՛ է»։ («Ուրախություն և հոգևոր գոյատևում», Լիահոնա, նոյեմբեր 2016, 82):

Հրավիրեք ուսանողներին մտքում բացահայտել իրենց առջև ծառացած որևէ հատուկ մարտահրավեր: Ցուցադրեք հետևյալ հարցը և խնդրեք ուսանողներին խորհել այս հարցի իրենց պատասխանի շուրջ, ապա գրանցել իրենց մտքերը: (Անհրաժեշտության դեպքում հրավիրեք մեկ կամ երկու ուսանողի կիսվել իրենց գրածով: Հիշեցրեք ուսանողներին, որ նրանք չպիտի կիսվեն այն փորձառություններով, որոնք խիստ անձնական են կամ գաղտնի:)

• Անկման նպատակները հասկանալով, ինչպե՞ս կարող եմ դիտարկել այս փորձառությունը որպես հոգևոր առաջընթացի և ուրախության հնարավորություն:

Լեքին ուսուցանում է, որ մենք ազատ ենք Հիսուս Քրիստոսի միջոցով ազատություն և հավերժական կյանք ընտրելու հարցում։

Ցուցադրեք նախագահ Ռասսել Մ. Նելսոնի հետևյալ խոսքերը. «[Անկումը] ակտիվացրեց երկու սերտորեն զուգակցված լրացուցիչ պարգևներ Աստծուց, գրեթե նույնքան թանկ, որքան բուն կյանքը՝ ազատ կամքը և պատասխանատվությունը» (“Constancy amid Change,” Ensign, Nov. 1993, 34):

• Որո՞նք են Լեքիի նշած որոշ պայմանները, որոնք հնարավոր են դարձնում ազատ կամքն ու հաշվետվողականությունը: (Անհրաժեշտության դեպքում ուսանողներին խորհուրդ տվեք վերանայել նախապատրաստական նյութի բաժին 2-ը: Կարող եք ուսանողներին խնդրել հակիրճ բացատրել, թե այս պայմաններից յուրաքանչյուրն ինչո՞ւ են անհրաժեշտ ազատ կամքի գոյության համար:)

Միասին կարդացեք 2 Նեփի 2.26–29-ը՝ փնտրելով լրացուցիչ եղանակներ, որոնցով մեր ազատ կամքը ենթարկվում է Փրկիչի Քավության և Նրա կողմից անկման հետևանքներից մեզ փրկագնելու ազդեցությանը: Սկզբունքները, որոնք ուսանողները կարող են գտնել այս հատվածից, հետևյալն են. Փրկիչի քավիչ զոհաբերությունը մեզ թույլ է տալիս ազատորեն ընտրել հավերժական կյանքը: Երկնային Հոր ծրագիրը ապահովում է մեզ համար անհրաժեշտ պայմաններ՝ Հիսուս Քրիստոսի միջոցով ազատություն և հավերժական կյանք ընտրելու, կամ սատանայի միջոցով գերություն և մահ ընտրելու համար:

Բարելավել մեր ուսուցումն ու ուսումնասիրությունը

Խրախուսեք ուսանողներին արդար գործեր կատարել: Տասներկու Առաքյալների Քվորումից Երեց Դեյվիդ Ա. Բեդնարը ուսուցանել է. «Ճշմարիտ հավատը կենտրոնացած է Տեր Հիսուս Քրիստոսի մեջ և նրա վրա, և միշտ հանգեցնում է արդար գործողության» («Խնդրեք հավատքով», Լիահոնա, Մայիս 2008, 95): Երբ ուսուցանում եք, ուսանողներին իմաստալի հնարավորություններ տվեք խորհելու, թե ինչպես կարող են հավատքով գործել և կիրառել իրենց սովորածը: Երբ դուք անընդհատ խրախուսում եք ուսանողներին խորհել և կիրառել այն, ինչ սովորում են, կարող եք օգնել նրանց մեծացնել արդար գործեր կատարելու իրենց կարողությունը:

Մտածեք, թե հետևյալ հարցերից որ մեկը կարող է օգնել ձեր ուսանողներին լավագույնս հասկանալ ազատ կամքը և ինքնուրույն որոշել, թե ինչ արդար գործեր պետք է ձեռնարկեն իրենց կյանքում: (Կարող եք ընտրել հետևյալ հարցերից մեկը և խրախուսել ուսանողներին գրանցել իրենց մտքերն ու տպավորությունները:)

• Ձեր կարծիքով, ի՞նչ է նշանակում, որ մենք դառնում ենք «ազատ հավիտյան՝ … գործելու ինքնուրույն և չներգործվելու, բացի դա լինի օրենքի պատժով այն մեծ և վերջին օրը» (2 Նեփի 2.26)։ Ի՞նչ եք ոգեշնչված անել, որպեսզի այսօր կարողանաք արդար քայլեր ձեռնարկել:

• Որո՞նք են ամեն օր ձեր կատարած փոքր ընտրությունների մի քանի օրինակները, որոնք կարող են երկարաժամկետ ազդեցություն ունենալ: Ձեր ամենօրյա ինչպիսի՞ ընտրությունները կօգնեն ձեզ մոտենալ Հիսուս Քրիստոսին և հավերժական կյանքին: Որո՞նք են ձեր ներկայիս որոշ ընտրությունները, որոնք կարող են խանգարել կամ նվազեցնել ձեր հոգևոր աճը կամ հնարավորությունները:

• Հիսուս Քրիստոսի Քավությունն ինչպե՞ս է ձեզ թույլ տվել դասեր քաղել ձեր սխալներից: (Անհրաժեշտության դեպքում վերանայեք երեց Բրյուս Ք․ Հեյֆենի հայտարարությունը նախապատրաստական նյութի բաժին 3-ը:) Ի՞նչ կարող եք սովորել ձեր գործած մեղքի կամ ձեր կատարած սխալի արդյունքում:

Բավարար ժամանակ տրամադրելուց հետո հրավիրեք մի քանի ուսանողների կիսվել իրենց մտքերով և վկայությամբ։ Բացատրեք ուսանողներին, որ նրանք չպետք է կիսվեն այն փորձառություններով, որոնք խիստ անձնական են կամ խոսեն իրենց գործած որևէ հատուկ մեղքի մասին: Խրախուսեք ուսանողներին գործել ըստ նրա, ինչ գրել են կամ ինչի շուրջ խորհել են այսօր: Վկայեք դասի սկզբունքների և Տիրոջ ցանկության մասին՝ օգնելով ուսանողներին կողմնորոշվել իրենց կյանքի ընտրություններում:

Հաջորդ անգամ

Նշեք, որ հաջորդ դասի ընթացքում մենք քննարկելու ենք Հիսուս Քրիստոսի Քավությունը: Խրախուսեք ուսանողներին ուշադիր ուսումնասիրել նախապատրաստական նյութը և մտածել, թե Մորմոնի Գիրքը ինչո՞ւ է նկարագրում Հիսուս Քրիստոսի Քավությունը՝ որպես անսահման և հավերժական (տես 2 Նեփի 9.7, Ալմա 34.10):