ʻUluaki Mata-meʻa-hā-mai ʻa Siosefa Sāmitá

Joseph Smith, Jr. depicted kneeling in the Sacred Grove during the First Vision. A ray of light can be seen coming from the sky down through the trees toward Joseph.

Pea fakatatau mo ʻeku loto fakapapau ke u fehuʻi ki he ʻOtuá, ne u ʻalu ai ki ha potu vao ʻakau ke u ʻahiʻahi. Ko e pongipongi ʻeni ʻo ha ʻaho fakaʻofoʻofa mo ʻafua lelei, ʻi he kamataʻanga ʻo e faʻahitaʻu failau ʻo e tahaafe valungeau mā uofulu ʻo e taʻú. Ko e fuofua taimi ʻeni ʻi heʻeku moʻuí ke u ʻahiʻahi ai, he neongo ʻa ʻeku ngaahi puputuʻú kotoa, ka naʻe teʻeki ke u ʻahiʻahi ke u lotu ʻaki hoku leʻó.

Hili ʻeku ʻalu ki he potu naʻá ku tomuʻa fili ke u ʻalu ki aí, pea hili ʻeku vakavakai holo, ʻo u fakatokangaʻi ʻoku ou tokotaha peé, ne u tūʻulutui leva ʻo kamata ke ʻohake ʻa e fakaʻamu ʻa hoku lotó ki he ʻOtuá. Naʻe ʻikai ke fuʻu fuoloa ʻeku kamata ke fai ʻení, kuo puke au ʻe ha faʻahinga mālohi ʻo ne ʻākilotoa au, pea naʻe pehē fau hono fakaʻohovale ʻo hono mālohi kiate aú naʻá ne taʻofi ai hoku ʻeleló ʻo ʻikai ke u toe lava ke lea. Naʻe kāpui au ʻe ha fakapoʻuli matolu, pea naʻe hangē ai ʻi ha taimi ʻe taha kiate au kuó u tuʻunuku ki ha fakaʻauha fakafokifaá.

Ka, naʻá ku feinga ʻaki hoku tūkuingatá ke ui ki he ʻOtuá ke ne fakahaofi au mei he mālohi ʻo e fili ko ʻeni kuó ne haʻi aú, pea ʻi he mōmēniti pē ko ia ne hangē te u ngalomia ai ʻi he loto foʻí ʻo moʻulaloa ki he fakaʻauhá—ʻo ʻikai ki ha fakaʻauha ʻi he fakakaukaú pē, ka ki he mālohi ʻo ha tokotaha moʻoni mei ha maama ʻoku ʻikai hā mai, ʻa ia ʻokú ne maʻu ha faʻahinga mālohi ʻoku fakaofo fau kuo teʻeki ke u ongoʻi tuʻo taha ʻi ha taha ki muʻa—pea ʻi he mōmēniti puputuʻu lahi ko ʻení, ne u mamata ki ha pou maama, feʻunga tonu hifo mo au, pea naʻe malama ia ʻo lahi ange ʻi he laʻaá, pea naʻe maliu māmālie hifo ia kae ʻoua kuo aʻu hifo kiate au.

Naʻe ʻikai hano taimi ʻene hā maí kuó ʻu ʻiloʻi kuo fakahaofi au mei he fili ne ne haʻi aú. Pea ʻi he nofo ʻa e māmá ʻiate aú, ne u mamata ki ha Ongo Tangata, ʻa ia ko hona ngingilá mo hona nāunaú ʻoku ʻikai lava ke fakamatalaʻi, ʻokú na tuʻu mai ʻi ʻolunga ʻiate au, ʻi he ʻataá. Naʻe folofola mai ha tokotaha ʻiate kinaua kiate au ʻo ne ui au ʻi hoku hingoá mo tuhu ki he tokotahá ʻo pehē—“Ko Hoku ʻAlo ʻOfaʻangá ʻeni. Fanongo Kiate Ia!”

The Prophet Joseph Smith, Jr. in the Sacred Grove (in Manchester, New York) when he received the First Vision. Joseph is depicted kneeling before God the Father and Jesus Christ. Both God the Father and Christ are portrayed wearing white robes. The Father is presenting Christ to Joseph. There are trees in the background. (Joseph Smith - History 1:15-20)

Ko e taumuʻa ʻo ʻeku ʻalu ke fehuʻi ki he ʻEikí, pe ko e fē ʻa e siasi ʻi he ngaahi siasí kotoa pē, ʻoku moʻoní, koeʻuhí ke u ʻilo ʻa e siasi ke u kau ki aí. Naʻe ʻikai fuoloa mei he kamata ke maʻu ʻeku fakakaukaú, ʻo u lava ke u leá, naʻá ku fehuʻi leva ki he ongo Tangata naʻe tuʻu ʻi ʻolunga ʻiate au he māmá, pe ko e fē ʻa e siasi ʻi he ngaahi siasí kotoa ʻoku moʻoní (he ʻi he taimi koʻení ne teʻeki mahino kiate au ʻoku nau hala kotoa)—ke u kau ki ai.

Naʻe tali kiate au ʻo pehē ʻoku ʻikai totonu ke u ului ki ha taha ʻo e ngaahi siasí, he ʻoku nau hala kotoa pē; pea pehē ʻe he Tokotaha ne folofola mai kiate aú, ko ʻenau ngaahi akonakí kotoa ʻoku fakalielia ia ʻi hono ʻaó; pea ʻoku kovi ʻa e faʻahinga kotoa ʻoku tui ki aí; he: “ʻoku nau ʻunuʻunu mai kiate au ʻaki honau loungutú, ka ʻoku mamaʻo honau lotó meiate au: ʻoku nau akoʻi ʻa e ngaahi fekau ʻa e tangatá ko e akonaki, ʻo nau maʻu hono ngeʻesi ʻo e lotú, ka ʻoku nau liʻaki hono mālohí.”

Naʻá ne toe fekauʻi au ke ʻoua naʻá ku ului ki ha taha ʻo kinautolu; pea naʻá Ne folofola ʻaki kiate au mo ha ngaahi meʻa lahi kehe, ʻa ia he ʻikai ke u lava ʻo hiki ia ʻi he taimí ni. ʻI heʻeku toe ake haké, ne u fakatokangaʻi ʻoku ou tokoto foʻohake ʻo hanga ki he langí. Pea ʻi he taimi naʻe mahuʻi atu ai ʻa e māmá, naʻe ʻikai ke ʻi ai haku toe ivi; ka ne vave pē ʻeku ake maí ʻo aʻu ki ha tuʻunga ke u foki ai ki ʻapi.