Auala e Mafai ai e Tamaiti Ona Faasoa Atu le Talalelei

Sa alofa ma auauna atu Iesu Keriso i isi. Sa Ia faasoaina atu le talalelei ia i latou ma valaaulia i latou e mulimuli atu ia te Ia. E mafai ona e fesoasoani i au uo e aoao e uiga ia Iesu ma lagona foi Lona alofa. E mafai ona e faaali atu ia i latou le alofa, faasoa atu mea e te talitonu i ai, ma valaaulia i latou e aoao atili ia Iesu Keriso ma Lana Ekalesia.

O Auala e Mafai ai e Tamaiti Ona Faasoa Atu le Talalelei

Tatalo i le Tama Faalelagi mo le fesoasoani.
Faamanatu i se tagata e alofa le Atua ia i latou—ma e faapena foi oe!
Fai se uo fou.
Fai atu i ou matua e fesosoani ia te oe e auauna atu i se tuaoi.
Faasoa atu se tala e uiga i se auala na tali mai ai le Atua i au tatalo.
Ia avea ma se faatatitaiga lelei mo isi.
Valaaulia se uo e te lua o mai i le lotu po o se gaoioiga a le Peraimeri.

O Punaoa e Mafai e Tamaiti Ona Faasoa Atu i Uo

Fautuaga Faa-Perofeta

Ua ta’u mai e Peresitene Russell M. Nelson ia i tatou, ua i ai i tagata uma se “tuiutetauave paia e faasoa atu le filemu o Iesu Keriso ia i latou uma o e o le a faalogo”—e oo lava i tamaiti. E mafai ona e faasoa atu le talalelei i le taimi nei ma saunia e avea o se faifeautalai e ala i le “avea o se faataitaiga lelei” ma le “mulimuli ia Iesu Keriso ina ia mafai ona susulu lona malamalama i ou mata” (“How You Can Be a Missionary,” Friend, Iulai 2023, 2).

Tatalo ma ole atu i le Tama Faalelagi e fesoasoani ia e mafaufau i ni auala e faasoa atu ai le talalelei. E mafai ona fesoasoani o Ia ia e iloa po o ai ua saunia e aoao atili e uiga ia Iesu Keriso. E mafai ona fesoasoani o Ia, ia e lototele ma iloa le tala e fai atu. E mafai ona fesoasoani o Ia ia e faasoa atu le alofa o Iesu Keriso i isi. Ma e mafai ona fesoasoani o Ia ia e lagona le fiafia, ma le toafilemu a’o e faia!