Auala e Mafai e le Autalavou ona Faasoa Atu ai le Talalelei

Na aoao mai Mamona, “O le mea ua mai le Atua, e valaau ma faatosina mai ia faia mea lelei e le aunoa” (Moronae 7:13). Afai e i ai sou manatu e fai pe tau atu se mea lelei, faatino loa!

Auala e Mafai e le Autalavou ona Faasoa Atu ai le Talalelei

• Faalogo atu i se tasi pe a o lē lelei lona aso.

• Ia vave ona auauna atu i isi.

• Tu atu mo le mea moni.

• Ole atu i le Tama Faalelagi e fesoasoani ia te oe e faasoa atu le talalelei.

• Faasoa atu se tusiga mai se faitotoa a le Ekalesia i ala o faasalalauga faaagafesootai.

• Faasoa atu musika a le autalavou.

• A fesili atu au uo e uiga i lou faaiuga o le vaiaso, talanoa e uiga i le alu i le lotu po o le auai i gaoioiga a le Ekalesia.

• Valaaulia se uo i se konafesi a le Mo Le Malosi o le Autalavou (MMA).

• Ia faaaofia se tagata fou i lau vaega o uo.

• Valaaulia se uo i leb seminare po o gaoioiga a le autalavou.

Punaoa e Mafai e Talavou Ona Faasoa Atu i Uo

• Alaata YouTube o le Taumafai ia Avea

• Instagram a Taumafai ia Avea

• Instagram a Tamaitai Talavou i le Lalolagi Atoa

• Instagram a Alii Talavou i le Lalolagi Atoa

• Mekasini o leMo Le Malosi o le Autalavou

• Musika a le autalavou

• Seminare

• Polokalama [app] o le Tusi a Mamona

Fautuaga Faa-Perofeta

Tatalo mo le fesoasoani ia vaai atu i tagata i le ala o loo silasila ai le Atua ia i latou ma ia maua le lototele e talanoa atu ia i latou e uiga ia Iesu Keriso ma Lana talalelei. Ia faatuatua o le a fesoasoani o Ia ia te oe ia iloa le auala e fesoasoani ai i au uo ia faalogoina o Ia ma lagona Lona alofa. “E pei ona taialaina e le Agaga, … valaaulia tagata e faia ni tautinoga o le a fesoasoani ia i latou e tuputupu a’e ai faaleagaga ma lagona le faatosinaga a le Agaga Paia i o latou olaga” (Preach My Gospel: A Guide to Sharing the Gospel of Jesus Christ [2023], 202). A o e faia, o le a e iloa ai o le alofa, faasoa atu, ma le valaaulia e aumai ai le olioli i lou olaga ma fesoasoani e te saunia ai e auauna atu i se misiona.

Talitonu o le a taitai ma faamalosia oe e le Tama Faalelagi. O le a mafai ona e fai atu upu a Alema: “O lo’u mitamitaga lenei, atonu ia mafai ona avea a’u o se meafaigaluega i aao o le Atua e aumai ai se agaga i le salamo; ma o lo’u olioli lea” (Alema 29:9; faaopoopo le faamamafa).

E mafai ona e molimau atu “o Lana talalelei ona pau lea o le vaifofo tumau mo le filemu. O Lana talalelei o le talalelei o le filemu.” Ua i ai ni meaalofa ma ni gafatia faapitoa e faasoa atu ai le talalelei—i le taimi nei ma i le lumanai o se faifeautalai. “E taua outou taitoatasi i le Alii. Sa Ia faapolopoloina outou seia oo i le taimi nei e fesoasoani ai e faapotopoto ia Isaraelu. O lau faaiuga e auauna atu i se misiona, pe mo se misiona talai po o se misiona o auaunaga, o le a faamanuiaina ai oe ma le toatele o isi” (Russell M. Nelson, “Tala’i Atu le Talalelei o le Filemu,” Liahona, Me 2022, 6).