Faasoaina Atu o le Talalelei
Auala e Mafai ai e Aiga Ona Faasoa Atu le Talalelei
Ata
aiga o loo savalivali i luga o le matafaga

Auala e Mafai ai e Aiga Ona Faasoa Atu le Talalelei

“Na faatuina e Iesu Keriso Lana Ekalesia ina ia mafai ai e tagata taitoatasi ona faia Lana galuega o le faaolataga ma le faaeaga” (Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 1.3, Gospel Library). O le faasoaina atu o le talalelei o se vaega taua o lena galuega tele. “O le toatele o nei tagata o loo sailia le faamoemoega o le olaga. O loo atugalu i latou mo lo latou lumanai ma o latou aiga”(Tala’i La’u Talalelei: O Se Taiala i le Galuega Faafaifeautalai [2023], 1).

O Auala e Mafai e Aiga Ona Faasoa Atu ai le Talalelei

  • Valaaulia se aiga tou te fai afiafi faaleaiga, fai se taumafataga o le afiafi, po o se po o taaloga.

  • Valaaulia se aiga tou te o atu i le lotu.

  • Faataitai ona faasoa atu le talalelei o se aiga i se tulaga o tala faatino.

  • Suesue faatasi o se aiga i le Talai Lau Talalelei ma faatino ona aoaoga.

  • Auauna atu i se aiga o loo manaomia le fesoasoani, pe valaaulia se aiga tou te auai faatasi i se galuega faatino na faatulagaina.

  • Fesoasoani i se aiga ia fesootai ma o latou augatuaa.

  • Valaaulia se aiga tou te auai i se gaoioiga a le Ekalesia po o se pati.

  • Valaaulia se aiga e auai se faletatala a le maumalu, ma faamatala atu auala e tuufaatasi ai e malumalu aiga e faavavau e ala ia Iesu Keriso.

  • Valaaulia tagata o le aiga e auai i se vasega o le faalagolago o le tagata ia te ia lava ma se vasega o le EnglishConnect.

Punaoa e Mafai e Aiga Ona Faasoa Atu i Uo

Fautuaga Faa-Perofeta

Tatalo o se aiga mo le Tama Faalelagi e fesoasoani ia te oe e faasoa atu le talalelei i tagata o siomia oe. Faasoa atu ou lagona faagaeetia mamanatu i le tasi ma le isi e uiga i auala e mafai ona e faasoa atu ai le talalelei o se aiga e ala i le faatino o mataupu faavae o le “alofa, faasoa atu, ma le valaaulia.” E pei o fanau a le Atua i le Alema 6:6, e mafai ona tou “aufaatasi i le anapogi ma le tatalo malosi mo le manuia o agaga o i latou o e sa latou lē iloaina le Atua.”

Mulimuli i uunaiga a le Agaga Paia ma lagolago e le tasi le isi i a outou taumafaiga. A o faasoa atu e lou aiga le talalelei, o le a tou maua faamanuiaga a le Tama Faalelagi ma lagona se faateleina o le olioli. “A oo ina tatou maofa moni ia Iesu Keriso ma Lana talalelei, e sili atu lo tatou fiafia, e tele atu lo tatou naunautaiga mo le galuega a le Atua” (Ulisses Soares, “E Maofa ia Keriso ma Lana Talalelei,” Liahona, Me 2022, 115).

Lolomi