Auala e Mafai e le Autalavou Matutua Ona Faasoa Atu ai le Talalelei

3:7

O a outou taumafaiga e alofa, faasoa atu, ma valaaulia o le a fesoasoani i isi e o mai ia Keriso ma maua le “fiafia, faamoemoe, filemu, ma le faamoemoega” (Tala’i La’u Talalelei: O Se Taiala i le Faasoaina Atu o le Talalelei a Iesu Keriso [2023], 2).

Auala e Mafai e le Autalavou Matutua Ona Faasoa Atu le Talalelei

Aua le faamasinoina isi tagata; tau lava o le alofa ia i latou.
Faamagalo se tasi pe faatoese i se tasi na e faatiga i ai.
Ia vave ona auauna atu i isi.
Faamatala atu auala ua faia ai e lou faatuatuaga lou olaga ia lelei sili atu. Fesili i isi e uiga i o latou faatuatuaga.
Faasoa atu se tusiga mai se faitotoa a le Ekalesia i ala o faasalalauga faaagafesootai.
A fesili atu au uo e uiga i lou faaiuga o le vaiaso, talanoa e uiga i le alu i le lotu ma gaoioiga a le Ekalesia.
Fatu se vaega e suesue i tusitusiga paia, ma valaaulia se tasi mai se isi faatuatuaga.
Valaaulia se uo i se gaoioiga a le Ekalesia po o se faatasiga faasamasamanoa.
Valaaulia se uo i se vasega po o se gaoioiga a le inisitituti.
Valaaulia se uo i se konafesi a le autalavou matutua po o le lotu.
Valaaulia se uo i se nofoaga e faatasitasi ai le autalavou matutua.

Punaoa e Mafai e Talavou Matutua Ona Faasoa Atu i Uo

Fautuaga Faa-Perofeta

Tatalo faifaipea mo avanoa e faasoa atu ai le talalelei, ma talitonu o le a fesoasoani le Tama Faalelagi ia e iloa mea ua saunia lou aiga, uo, ma isi e maua.

A o e faasoa atu valaaulia, e mafai ona e fesoasoani i isi ia suia e ala i le Togiola a Iesu Keriso. E mafai ona e fesoasoani ia i latou ia amata ona vaai “e ala i le vaaiga o le fuafuaga a lo tatou Tama Faalelagi ” (Neil L. Andersen, “Avea ma se Tagata o le Feagaiga i se Nuu o le Feagaiga,” Liahona, Fep. 2022, 11) ma maua faamanuiaga uma lea e sau mai le faia ma le osia o feagaiga. E le afaina po o le a le taunuuga, o le a e lagona se fuataga sili atu o le alofa o Keriso i lou olaga, ma o le a Ia faamanuia oe i le lototele ma le manao sili atu e faasoa.

Ua faamalosiau mai Peresitene Nelson: “Ua ia i tatou le tiutetauave paia e faasoa atu le mana ma le filemu o Iesu Keriso i tagata uma o le a faalogo ma ē o le a faamuamua le Atua i o latou olaga. … E taua outou taitoatasi i le Alii” (“Talai Atu o le Talalelei o le Filemu,” Liahona, Me 2022, 6). Faasoa atu le talalelei i lou olaga i aso taitasi. Afai e te lei filifili e auauna atu i se misiona talai po o se misiona o auaunaga, mafaufau e fai nei loa.