Auala e Mafai ona Avea ai Oe ma se Faifeautalai

Saunia e Peresitene Russell M. Nelson

Sii mai le “Talaiina Atu o le Talalelei o le Filemu,” Liahona, Me 2022, 6–7; ma le “Ia Fai Oe ma Faaaoao i e ua Faatuatua,” Liahona, Nov. 2010, 47–49.

Ua poloai atu le Alii i Ona soo e, “o atu . . . i le lalolagi uma, ina talai atu ai le talalelei i tagata uma lava” (Mareko 16:15). E manaomia e tagata uma se avanoa e iloa ai le mea e mafai ona latou maua ai le faamoemoe ma le filemu o Iesu Keriso. Ua ia i tatou le tiutetauave paia e faasoa atu le filemu o Iesu Keriso i tagata uma o le a faalogo.

E mafai ona e fesoasoani i isi ia maua le filemu o le talalelei e ala i le:

Avea ai ma se faataitaiga lelei.
Mulimuli ia Iesu Keriso ina ia mafai ona susulu mai Lona malamalama i ou mata.
Faalauteleina o lau li’o o uo.
Valaaulia o se uo e faitau le Tusi a Mamona.
Valaaulia o se uo e alu i se sauniga po o se gaoioiga a le Ekalesia faatasi ma oe.

E mafai foi ona e filifili e auauna atu i se misiona pe a e matua. O le a faamanuiaina ai oe ma le toatele o isi.

O Se Li’o o Uo

I le ata o loo i lalo, tagai pe toafia ni uo i se gaoioiga a le Peraimeri o i ai:

Lauulu uliuli
O se ofutino samasama
Fili
Matatioata
O se atofaafafa lanumeamata
Seevae mumu
O se nofoa faataavalevale
O se polo soka