Feagaiga Fou

O Gaoioiga o leSau, Mulimuli Mai ia te A’u mo Tamaiti Laiti

Faamatalaga o ata

Mo le Galuega 1–5

Fesoasoani i lau fanau laiti ia fai mai, “E mafai ona ou mulimuli i le perofeta.” Faaali atu ia i latou se ata o Peresitene Nelson ma usu le tali o le “Mulimuli i le Perofeta” (Tusipese a Tamaiti, 58). Talanoa i se taimi na e mulimuli ai i le perofeta.

Mo le Galuega 6–9

Faapotopoto mai a outou fanau laiti ma tape moli i totonu o se potu. Faaaoga se moliuila e taiala ai i latou faataamilo i le potu. Faamalamalama atu o le Agaga Paia e pei o se moliuila aua e mafai ona Ia taialaina i tatou ma faaali mai ia i tatou le ala.

Mo le Galuega 10–15

Faatasi ai ma au tamaiti laiti, vaai i ata o tamaiti e eseese lanu o pa’u, ituaiga o tino, ma tomai faaletino. Faamalamalama atu e alofa lo tatou Tama Faalelagi i Lana fanau uma. Fesoasoani i lau fanau laiti e fai se fatu i o latou lima ma uu i autafa o ata.

Mo le Galuega 16–21

Fesoasoani i lau fanau laiti e fai ni pine faifeautalai ma o latou igoa ma le igoa atoa o le Ekalesia. Faamalamalama atu e aoao atu e faifeautalai ia tagata e uiga ia Iesu. Faapipii i luga pine ma fesoasoani i lau fanau laiti e tau mai pe aisea latou te alolofa ai ia Iesu.