Sa Amataina i se Malae Peisipolo

Saunia e Elder Mark A. Bragg

O Le Fitugafulu

Mai se faatalanoaga ma Lucy Stevenson Ewell.

Ina ua 13 ou tausaga, sa ou taalo i se au peisipolo ma ni uo. Sa le’i avea au ma tagata auai O Le Ekalesia a Iesu Keriso o le Au Paia o Aso e Gata Ai, ae toalua tagata o la’u au sa auai i le ekalesia. O se masaga. O la igoa o Rob ma Lane.

I se tasi aso i le toleniga sa la valaaulia ai au ou te sau i le afiafi faaleaiga faatasi ma lo laua aiga. Ou te lei iloa po o le a le afiafi faaleaiga, o lea sa ou fesili ai e uiga i ai. Sa la fai mai ia te au o le a matou aoao e uiga i mea o le ekalesia ma usu pese. Sa ou le fiafia tele i lena mea. Ae sa latou folafola atu o le a i ai ni meaai, o lea sa ou filifili ai loa e alu.

Sa o lo’u aiga i lo latou fale mo le afiafi faaleaiga. Sa ou lagonaina se mea na matuai ese lava. Ou te le’i iloaina pe o le a, ae sa pei o se mea masani. Sa lelei faalogona. Sa lagona foi e lo’u tina.

Ou te lei iloa i lena taimi o lo’u tina o se tagata o le Ekalesia. Sa papatisoina o ia o se tamaitai talavou. Ae sa tau le alu lava o ia i le lotu.

Ina ua mavae lena po, sa amata ona toe alu lo’u tina i le lotu. Sa ma o ma ia e aoao atili. I ni nai masina mulimuli ane, sa papatisoina au e le tama o Rob ma Lane.

Ou te matua faafetai ona sa lava le alofa o Rob ma Lane e uiga ia te au e faasoa mai le talalelei. O le asō ua faamanuiaina au i le i ai o se aiga e faavavau. Ma na amata uma lava i se malae peisipolo!

E pei o Rob ma Lane, e i ai sou aafiaga mamana i isi. E mafai ona e faia se eseesega i lou aiga. E mafai ona e faasoa atu le talalelei i au uo.