1 Ndien idaha emi ami, Nephi, nka iso ndinɔ mbuk ke mme usan emi ke abaŋa se ami nkenamde, ye ukara ye utom mi; ke ntre, ndika iso ye mbuk mi, ana nte ami ntiŋ ikɔ ke abaŋa mme ŋkpɔ ete mi, ndien nko ye eke nditɔ eka mi iren.

2 Koro sese, edikem ke ini ete mi ama eke etre nditiŋ mme ikɔ ndap esie, ndien nko ye ndinɔ mmɔ item ke ndisin ofuri ifik, enye etiŋ ikɔ ɔnɔ mmɔ kabaŋa mme Jew—

3 Ete ke ini ema esobo mmɔ, kpa akwa obio oro Jerusalem, ndien etaŋ ediwak ewɔrɔ nte mbon nkpɔkɔbi eka ke Babylon, ke etienede ekem ini Jehovah, ana mmɔ efiak enyɔŋ edi, iŋ, tutu eda mmɔ ewɔrɔ ke nkpɔkɔbi; ndien ke ini ema esio mmɔ ke nkpɔkɔbi ana nte mmɔ efiak enyene isɔŋ inyene mmɔ.

4 Iŋ, tutu isua ikie itiokiet tɔŋɔ ke ini ete mi ɔkɔkpɔŋde Jerusalem, prophet ke Jehovah Abasi edi menere ke otu mme Jew—kpa Messiah, mme, ke usuŋ efen, Andinyaŋa ererimbot.

5 Ndien enye nko etiŋ abaŋa mme prophet, nte ediwak ibat eke etiede ntiense ebaŋa mme ŋkpɔ emi, ke abaŋa Messiah emi, emi enye eke etiŋde abaŋa, mme Andifak ererimbot emi.

6 Ke ntre, kpukpru owo ema esop enyuŋ eduɔ, ndien edidi ntre ke nsinsi ibɔhɔke mmɔ eberi edem ke Andifak emi.

7 Ndien enye etiŋ nko abaŋa prophet kiet emi anade nte edi mbemiso Messiah, nditim usuŋ Jehovah—

8 Iŋ, tutu ana enye aka onyuŋ atua ke wilderness ete: mbufo ediɔŋ usuŋ Jehovah, enyuŋ enam mme usuŋ edi nnen nnen; koro do owo kiet ada ye mbufo emi mbufo mifiɔkke; ndien enye okpon akan mi, emi mkpaha ikpaukot esie ami ndotke nditat. Ndien ediwak ke ete mi eke etiŋ ke abaŋa ŋkpɔ emi.

9 Ndien ete mi ɔdɔhɔ ete ke ana enye ana baptism ke Bethabara, ke ema ebe Jordan; ndien enye nko etiŋ ete enye akpana baptism ye mmɔŋ; tutu ke ana enye enim Messiah baptism ye mmɔŋ.

10 Ndien ke enye ama eke enim Messiah baptism ye mmɔŋ, ana enye ɔdiɔŋɔ onyuŋ etie ntiense ete ke enye enim Eyen-erɔŋ Abasi baptism, emi edimende mme idiɔkŋkpɔ ererimbot ifep.

11 Ndien edikem ke ini ete mi ama eke etiŋ mme ikɔ emi enye etiŋ ye nditɔ eka mi iren ke abaŋa gospel emi anade nte ekwɔrɔ enɔ mme Jew, ndien nko ke abaŋa ntaha nsuhɔre mme Jew ke unana mbuɔtidem. Ndien ke ini mmɔ ema eke ewot Messiah, emi anade nte edi, ndien ke ema eke ewot enye enye ana eset ke mkpa, ndien ana enye ayarare idem esie, oto ke Edisana Spirit, ɔnɔ mme Gentile.

12 Iŋ, tutu ete etiŋ ediwak ikɔ ke abaŋa mme Gentile, ndien nko ke abaŋa ufɔk Israel, ete ke ana edomo mmɔ ye eto olive, emi anade nte ebuŋ nkɔk esie esio onyuŋ anade nte esuan ke kpukpru iso isɔŋ.

13 Ke ntre, enye ɔdɔhɔ ke ana eda nnyin ke esit kiet esin ke isɔŋ inyene, man ikɔ Jehovah osu, ete ke ana nte esuan nnyin ke kpukpru iso isɔŋ.

14 Ndien ke ini ema eke esuan ufɔk Israel ana nte efiak etaŋ mmɔ ebok; mme, ke akpatre, ke ini mme Gentile ema eke ebɔ uyɔhɔ ikɔ Abasi, nkɔk eto olive nte obot edide, mme nsuhɔ ufɔk Israel, ana ebahare esin, mme edi edinyene ifiɔk Messiah akpanikɔ, Jehovah mmɔ ye Andifak mmɔ.

15 Ndien eke edi ke utɔ usuŋ usem ntem ke ete mi eke etiŋ nte prophet onyuŋ etiŋ ɔnɔ nditɔ eka mi iren, ndien nko ediwak ŋkpɔ ami ŋwetke ke ŋwed emi; koro ami mewet ediwak emi eke ɔfɔnde ɔnɔ mi ke ŋwet mi eken.

16 Ndien kpukpru mme ŋkpɔ emi, emi ami ntiŋde mbaŋa, eke etibe nte ete mi odude ke tent, ke ebedeŋ Lemuel.

17 Ndien edikem ke ini ami, Nephi, mma nkekop kpukpru mme ikɔ ete mi, kabaŋa mme ŋkpɔ emi enye eke okutde ke nkukut, ndien nko mme ŋkpɔ emi enye eketiŋde ke odudu Edisana Spirit, odudu emi enye ɔkɔbɔde ke mbuɔtidem ke Eyen Abasi—ndien Eyen Abasi eke edi Messiah emi eke anade nte edi—ami Nephi, mma nyene udɔŋ nko nte ami nkut, nyuŋ nkop, nyuŋ mfiɔk mme ŋkpɔ emi, ke odudu Edisana Spirit, emi edide enɔ Abasi ɔnɔ kpukpru mbon emi esinde ifik eyom enye, ukem ukem nte ke mme ini eset ye ke ini emi anade enye ayarede idem esie ɔnɔ nditɔ owo.

18 Koro enye edide ukem ukem mkpɔŋ, mfin, ye ke nsinsi; ndien enim usuŋ enɔ kpukpru owo tɔŋɔ ke eritɔŋɔ ererimbot, edieke edide ete ke mmɔ ekabare esit enyuŋ etiene enye.

19 Koro enye emi esinde ifik oyom eye okut; ndien ndibe eyeyarade ndibe ŋkpɔ Abasi enɔ mmɔ, ke odudu Edisana Spirit, ukem ukem ke mme ini emi nte ke ini mme ini eset; ke ntre, usuŋ Jehovah eyire kiet.

20 Ke ntak oro ti, O owo, ete ke kpukpru mme edinam fo eye eda esin ke ubiere ikpe.

21 Ke ntre, edieke afo oyomde ndinam ibak ke mme usen udomo fo, ndien afo edi ndedehe ke itie-ikpe Abasi; ndien ndedehe ŋkpɔ ndomo kiet ikanke idu ye Abasi; ke ntre, ana ebin fi eduɔk ke nsinsi.

22 Ndien Edisana Spirit ɔnɔ unen ete yak ami ntiŋ mme ŋkpɔ emi, ndien kukaŋ mmɔ.