1 Ndien edikem ete Jehovah ɔnɔ mi uyo, ke ntre ami mma nnam mme usan ukwak man ami nkan mmiŋ ke mmɔ ŋwed ikɔt mi. Ndien ke mme usan emi ami nkanamde ami mma mmiŋ ŋwed ete mi, ndien nko mme isaŋ nnyin ke wilderness, ye mme prophecy ete mi ndien nko ediwak mme prophecy mi ke ami mmiŋ ke mmɔ.

2 Ndien ami mfiɔkke ke ini ami nkanamde mmɔ ete ke Jehovah eyenɔ mi uyo ete nnam mme usan emi; ke ntre, ŋwed ete mi, ye mbuk emana mme ete esie, ye ediwak ubak kpukpru edinam nnyin ke wilderness emiŋ ke mme akpa usan emi ami nketiŋde mbaŋa; ke ntre, mme ŋkpɔ emi eketibede mbemiso ami nnam mme usan emi, ke akpanikɔ, etim etiŋ ebaŋa ke mme akpa usan.

3 Ndien ke ini ami mma nkanam mme usan emi nte ekenɔde ibet, ami, Nephi, mma mbɔ mbet nte ke uyom ye mme prophecy, mme ediwak ubak mmɔ emi enwaŋade enyuŋ efɔnde, ete ke ana ewet ke mme usan emi; ndien ete ke mme ŋkpɔ emi ewetde ke ana enim enɔ ndikpep ikɔt mi, emi anade nte enyene isɔŋ, ndien nko enɔ nti ntak efen, mme ntak emi Jehovah ɔfiɔkde.

4 Ke ntre, ami, Nephi, mma ŋwet ŋwed ke mme usan eken, emi ɔnɔde mbuk, mme emi ɔnɔde akamba mbuk mme ekɔŋ ye mme eneni ye mme nsobo ikɔt mi. Ndien emi ke ami nnam, nyuŋ nnɔ ikɔt mi uyo se anade nte mmɔ enam ke ini ami mma nyɔŋ; ndien ete ke ana eyak mme usan emi enɔ oto ke emana kiet esim efen, mme oto ke prophet kiet esim efen, tutu udiana ibet oto Jehovah.

5 Ndien mbuk emi ami nnamde mme usan emi ke edi inɔ ke emi ama ekebe; ndien nko, sese, ami nka iso nte se ami mma nketiŋ; ndien emi ami nnam man enim mme edisana ŋkpɔ emi ewakde enɔ ifiɔk ikɔt mi.

6 Edi, ami nwetke ŋkpɔ ndomo kiet ke mme usan ibɔhɔke enye edi eke ami nkerede ke enye edi edisana. Ndien idahaemi, edieke ami nnamde ndudue, ntem ke mmɔ ekedue ke eset; idihe ete ke ami nsehe ndudue mi ke ntak mme owo efen, edi ke ntak mmem idem emi odude ke ami, ke obukidem, ami ndisehe idem mi.

7 Koro mme ŋkpɔ emi usuk owo esede nte enyene akamba ufɔn, enɔ obuk idem ye ukpɔŋ, mbon efen ese ke ikpikpu enyuŋ edihi ke idak ikpat. Iŋ, kpa Abasi Israel oro ke mme owo ekedihi ke idak ikpat mmɔ; ami ndɔhɔ, edihi ke idak ikpat mmɔ edi ami nyetiŋ ke usuŋ efen—mmɔ ese enye ke ikpikpu, inyuŋ ikpaŋke utɔŋ inɔ uyo item esie.

8 Ndien sese enye ke edi, etiene mme ikɔ angel oro, ke isua ikie itiokiet tɔŋɔ ke ini ete mi ɔkɔkpɔŋde Jerusalem.

9 Ndien ererimbot, ke ntak ukwaŋ-ŋkpɔ mmɔ, eyebiere ikpe enɔ enye nte ŋkpɔ emi esinde; ke ntre mmɔ emia enye ke ikpa, ndien enye ɔyɔ oro; ndien mmɔ emia enye, ndien enye ɔyɔ oro. Iŋ, mmɔ efiari enye etap, ndien enye ɔyɔ oro, ke ntak ima mbɔm esie ye anyan ime esie kabaŋa nditɔ owo.

10 Ndien Abasi mme ete nnyin, emi ekedade ewɔrɔ ke Egypt, ewɔrɔ ke ufin, ndien nko enye etim mmɔ enim ke wilderness, iŋ, Abasi Abraham, ye Isaac, ye Abasi Jacob, ayak idem esie, etiene mme ikɔ angel, nte owo, esin ke mme ubɔk idiɔk owo, man emenere ke enyɔŋ, etiene mme ikɔ Zenock, man ewot ke cross, etiene mme ikɔ Neum, ndien ebuk ke udi, etiene mme ikɔ Zenos, emi enye eketiŋde kabaŋa mme usen ekim ita, emi anade edi idiɔŋɔ emi enɔde ke mkpa esie enɔ mmɔ oro anade nte eduŋ ke mme isuo inyaŋ, akpan akpan enɔ mmɔ oro emi edide eke ufɔk Israel.

11 Koro ntem ke prophet eketiŋ: Jehovah Abasi ke akpanikɔ eye ekese ufɔk Israel ke usen oro, usuk ye uyo esie, ke ntak edinen ido mmɔ, man enyene akamba idaresit ye erinyaŋa, ndien mbon efen ye mme obuma ye mme emireŋ-emireŋ odudu esie, ke akamba oyobio, ke ikaŋ, ye ke nsuŋikaŋ, ye uye ekim, ye ke edikubɔre isɔŋ, ye ke mme obot emi edi imenere ke enyɔŋ.

12 Ndien kpukpru mme ŋkpɔ emi ke akpanikɔ ena etibe, prophet Zenos ɔdɔhɔ. Ndien mme itiat ererimbot ena ewaha; ndien ke ntak mme ntuaŋa ererimbot, Spirit Abasi eyenam ediwak ndidem mme isuo inyaŋ, efiori ete: Abasi obot ɔbɔ ufen.

13 Ndien kabaŋa mbon edude ke Jerusalem, prophet ɔdɔhɔ ete, kpukpru owo eyemia mmɔ ke ikpa, koro mmɔ ewotde Abasi Israel ke cross, ndien ewɔŋɔre mme esit mmɔ esio, esin mme idiɔŋɔ ye mme utibe ŋkpɔ, ye odudu ye ubɔŋ Abasi Israel.

14 Ndien ke ntak emi mmɔ ewɔŋɔre esit mmɔ, prophet ɔdɔhɔ, ndien enyuŋ esin Edisana Abasi Israel, mmɔ eyeyo ke obukidem, enyuŋ etak, ndien ekabare edi esi ye ufiet, enyuŋ esua ke kpukpru idut.

15 Edi, ke ini usen oro edide, prophet ɔdɔhɔ, emi mmɔ miwɔŋɔkere esit mmɔ aba ikpɔŋ Edisana Abasi Israel, ndien ke enye editi mme ediomi emi enye akanamde ɔnɔ mme ete nnyin.

16 Iŋ, ndien ke enye editi mme isuo inyaŋ; iŋ, ye kpukpru mme owo emi edide eke ufɔk Israel, ke ami nditaŋ ndɔŋ, Jehovah ɔdɔhɔ, eteiene mme ikɔ prophet Zenos, oto ke ŋkaŋ isɔŋ mbinaŋ.

17 Iŋ, ndien kpukpru ererimbot eyekut erinyaŋa Jehovah, prophet ɔdɔhɔ, eyediɔŋ kpukpru idut, iman, usem ye mme owo.

18 Ndien ami, Nephi, mewet mme ŋkpɔ emi nnɔ ikɔt mi, nte ekeme ndidi ete ke ami mekeme ndikpek mmɔ ete mmɔ eti Jehovah Andifak mmɔ.

19 Ke ntre, ami ntiŋ ikɔ nnɔ kpukpru ufɔk Israel, edieke anade nte mmɔ ebɔ mme ŋkpɔ emi.

20 Koro sese, ami menyene mme utom ke spirit, emi ememde mi idem tutu ete ke kpukpru mme nnuk mi emem, kabaŋa mbon emi edude ke Jerusalem; koro ekpedi Jehovah inyeneke mbɔm, ndiwut mi kabaŋa mmɔ, kpa nte enye okowutde mme prophet ke eset, ami mkpatak ŋko.

21 Ndien enye ke akpanikɔ ama owut mme prophet ke eset kpukpru ŋkpɔ kabaŋa mmɔ; ndien nko enye ama owut ediwak kabaŋa nnyin; ke ntre, ana nte nnyin ifiɔk kabaŋa mmɔ koro ewet mmɔ ke mme usan brass.

22 Idahaemi edikem ete ami, Nephi, mma mkpep nditɔ eka mi iren mme ŋkpɔ emi; ndien edikem ete ami mma ŋkot ediwak ŋkpɔ nnɔ mmɔ, emi eke emiŋde ke mme usan brass, man mmɔ efiɔk kabaŋa mme edinam Jehovah ke mme idut efen, ke ufɔt mbon eset.

23 Ndien ami mma nkot ediwak ŋkpɔ nnɔ mmɔ emi ekewetde ke mme ŋwed Moses; edi ete man ntim nnam mmɔ enim ke Jehovah Andifak mmɔ ami mma nkot nnɔ mmɔ enye emi prophet Isaiah ekewetde; koro ami mma ndomo kpukpru ŋwed Abasi ye idem nnyin, man enye edi udori ye ukpep ŋkpɔ ɔnɔ nnyin.

24 Ke ntre ami ntiŋ ye mmɔ, nte: Mbufo ekop mme ikɔ prophet, mbufo emi edide nsuhɔ ufɔk Israel, ŋkɔk emi eke ebuŋde esio; mbufo ekop mme ikɔ prophet, emi eke ewetde enɔ kpukpru ufɔk Israel, enyuŋ edomo mmɔ ye idem mbufo, man mbufo ekpenyene idorenyin ukem ukem nte nditɔ eka mbufo emi ekebaharede mbufo ekpɔŋ; koro ke ntem ke prophet ewet.