1 Ja’o jech ta tsacal ti c’alal li xanocutic batel ta xocol banamil ti te bu’oy jtotcutique. Ja’o jech, te xcuxet no’ox yo’nton xchi’uc jme’, Saríah, jech xcuxet no’ox yo’nton tajmec, yu’un la jyat yo’nton ta jtojolalcutic.

2 Yu’un la snop me te li chamcutic ta xocol banamil, yu’un jech te ep la sc’an parteal ta stojolal jtot, ti yu’un chopol ti c’usi ta xile, jech ta xalbe: vo’ot la loq’uesuncutic ti ta jpuculal osiltique, ti col jnich’ontique mu xa cuxulicuc, ti vu’tique li’oyutic ta xocol banamil.

3 Ja’ jech ta xc’opoj ti jme’ ta sc’anbe parteal ti jtote.

4 Ja’o jech ti jtote la sc’opan, jech la jyalbe: vu’une jna’oj ti vu’un vinicun oy c’usi ta xquile, ti yu’nuc muyucuc quiloj yu’un Riox ti c’usitic oy yu’une, jech mu jna’ c’u x-elan slequil yo’nton xchi’uc te oyun ta Jerusalen jech te li cham jchi’uc quermanotac ti jechuque.

5 Jech tana, jtaoj xa jun banamil ti bu albil o no’oxe xchi’uc xcuxet no’ox co’nton yu’un ti c’usitic oyique, jech, jna’oj ti Cajvaltic ta spoj ta sc’ob Labán ti jnich’nab ti c’uxi ac’o suticuc tal ta jtojolaltic li’ ta xocol banamile.

6 Ti c’alal jech la jyal, ti jtot Lehie, te sta xcuxetel yo’nton ti jme’ Saríah, ta jventa vu’uncutic, ti ja’o jech chi xanocutic batel ta xocol banamil ti chi batcutic ta Jerusalen chbat quich’cutic tal ti spoco’ lo’ilic Judioetique.

7 Ti c’alal li sutcutic batel ta sna ti bu spasoj ta poc’ ti jtote, jech te nojic ta xcuxetel yo’ntonic, jech ti jme’e sta xcuxetel yo’nton.

8 Jech la jyal ti stuque: Tana li’e jna’oj xa ta bats’imelel ti Cajvaltic la spas ta mantal ti jmalal ti jech jatovuc batel ta xocol banamile; jech, xchi’uc jech jna’oj ta bats’imelel ti Cajvaltic la sq’uelbun ti jqueremutique, ti jech la spoj ta sc’ob Labán xchi’uc ti la yich’ic ac’bel stsatsalic ti c’uxi c’otuc ta pasel yu’nic ti c’usi yich’ic pasel ta mantal yu’un ti Cajvaltique. Ja’ jech c’opoj ti jme’e.

9 Ja’ jech, xcuxet no’ox yo’ntonic tajmec, te la xchiq’uic chonbolometic ta sventa smoton Cajvaltic. Yu’un la stojbeic ta vocol ti Riox yu’nic Israeletique.

10 Ta ts’acal ti c’alal la stojbeic ta vocol ti Riox ta Israele, ti jtot Lehie, la stsac ti poco’ lo’iletic ti te ts’ibabil ta sba c’anal c’unil taq’uin vunetique. La sq’uelbe lec smelolal c’alalto ta sliquebal.

11 Te la jyil ti te oy scotol yobal slibro Moisese, ti ja’ te tsacal ti c’uxi yich’ pasel banamile, xchi’uc Adán, xchi’uc Eva ti ja’ ba’yuc jtotic jme’tique.

12 Xchi’uc no’oxtoc ti c’usi ba’yuc spasojic ti Judioetique, jech te oy ta sliquebal, xchi’uc ta sliquebal ti c’alal och ta ajvalilal Sedequíase, ti ajvalil te ta Judae.

13 Xchi’uc c’u x-elan la xcholic c’op ch’ul lequil viniquetic ta sliquebal, ti c’alal och ta ajvalilal ti Sedequíase, xchi’uc no’oxtoc ti c’usitic yaloj ta ye stuc Jeremiase.

14 Ja’o jech ti jtot, Lehie, te la sta ta c’unil c’anal taq’uin vunetic ti c’u x-elan liquemtal ti stote, ja’ te la sna’oj ti ja’ te liquemtal ta Josee, jech ti Jacobe ja’ stot ti José ti boch’o chonbil bat ta Egipto ti Cajvaltic la sq’uel batel ta sc’ob ti c’uxi la spoj ta vi’nal stot Jacob xchi’uc ta scotol snailale.

15 Xchi’uc ti jech colic batel ta chuquel ti c’alal jech loq’uic batel ta Egipto ti Riox la jyich’ic o q’uelele.

16 Ja’ jech x-elan ti jtot Lehi ti la sta ta otquinel ti snitilil stsacalil ta vo’neje. Jech ti Labán eq’ue ja’ snitilil ti Josee, ja’ yo ja’ snac’ojic xchi’uc stot ti poco’ lo’iletique.

17 C’alal la jyil jtot scotol ti c’usitic va’aye, te noj ta Ch’ul Espíritu xchi’uc sjapo ta cholel ta sventa ti c’uxi talem ti stot sme’e.

18 Ti li’ c’anal c’unil taq’uin vunetique ta xich’ puquel batel ta scotol banamil, jnaclejetic, c’opetic, xchi’uc jteclumetic ti yu’nuc ja’uc yi’belicuque.

19 Ja’ jech, la jyal ti li’ taq’uin vunetique muyuc slajeb, xchi’uc muyuc bu ta xich’ pixel ta baq’uin. Xchi’uc jech te ep la xchol ta sventa yalab snich’nab.

20 Ja’o jech ti jtot jchi’uc vu’un ti c’uyepal jpasojcutic ti mantaletic ti Cajvaltic la spasuncutic ta mantale.

21 Ti jech la jquich’ ta jc’obcutic ti poco’ lo’iletic ti Cajvaltic la spasuncutic ta mantale, te la jq’uelcutic lec xchi’uc te la jtac’cutic xchi’uc te la jna’cutic ti yu’un ja’ batsi leque jech; xchi’uc ti yu’un ja’ tsots sc’oplal ta jtojolaltic, ti c’uxi xu’ ta jna’tic ti smantaltac Cajvaltic ta sventa jnich’nabtique.

22 Ja’ jech, ti la sc’an ti Cajvaltic ti ac’o xquich’cutic batel ti c’alal jech chi xanocutic batel ta xocol banamil ti c’alal to ta t’ujbilal banamile.