1 Ndien edikem ete nnyin ima itaŋ ibok kpukpru oruk mme mkpasip eke kpukpru utɔ, iba iba eke mkpasip eke kpukpru utɔ, ndien nko mme mkpasip mfri eke kpukpru utɔ.

2 Ndien edikem ete ke ini ete mi eke odude ke wilderness enye etiŋ ɔnɔ nnyin, ete: Sese, ami medaba ndap; mme, ke usuŋ efen, ami mekut nkukut.

3 Ndien sese, ke ntak ŋkpɔ emi ami nkekutde, ami menyene ntak ndidat esit ke Jehovah ke ntak Nephi ndien nko Sam; koro ami menyene ntak ndikere nte ke mmɔ, ndien nko ediwak ubon mmɔ, eyebɔ erinyaŋa.

4 Edi sese, Laman ye Lemuel, ami mfehe ndik ata eti eti ke ntak mbufo; koro sese, etie mi nte ami mma nkut ke ndap mi, ŋkim ŋkim ye enyene ndik wilderness.

5 Ndien edikem ete ami nkut eren owo, ndien enye eke esine afia ɔfɔŋ; ndien enye edi onyuŋ ada ke iso mi.

6 Ndien edikem ete enye etiŋ ye ami, onyuŋ ɔdɔhɔ mi ete ntiene enye.

7 Ndien edikem ete nte ami ntienede enye ami nkut idem mi nte ami nkedu ke ŋkim ŋkim ye enyene ndik mbiara.

8 Ndien ke ini ami mma nke asaŋa ke ufaŋ ediwak hour ke ekim, ami ntɔŋɔ ndibɔŋ akam nnɔ Jehovah nte yak enye atua mi mbɔm, nte ediwak mmem mmem mbɔm esie edide.

9 Ndien edikem ke ini ami mma nke ɔbɔŋ akam nnɔ Jehovah ami nkut akamba ye aŋwa emi okponde.

10 Ndien edikem ete ami nkut eto, emi mfri esie eke ɔfɔnde ekem ndinam esit enem owo.

11 Ndien edikem ete ami mma nka nyuŋ ndia mfri esie; ndien ami nkut nte ke enye enem ata eti eti, akan kpukpru se ami ŋkebemde iso ntabi. Iŋ, ndien ami ŋkut nte ke mfri esie ekedi afia, akan kpukpru afia afia emi ami akanam ŋkutde.

12 Ndien nte ami ndiade mfri esie enye ɔyɔhɔ ukpɔŋ mi ye ata akamba idara; ke ntre, ami ntɔŋɔ ndi inyene udɔŋ nte yak ikɔt ufɔk mi edia enye nko; koro ami mma mfiɔk nte ke enye ɔfɔn akan kpukpru mme mfri eken.

13 Ndien nte ami mmenere enyin mi nse nkanare, nte me ami nye okut ikɔt ufɔk mi nko, ami nkut akpa mmɔŋ; ndien enye efehe, ndien enye ekpere eto oro emi ami nkediade mfri.

14 Ndien ami nse ndidiɔŋɔ ebiet enye eke otode; ndien ami nkut ntɔŋɔ esie iniɔŋke; ndien ke ntɔŋɔ esie ami nkut eka mbufo Sariah, ye Sam, ye Nephi; ndien mmɔ eda nte mmɔ ifiɔkke ebiet mmɔ ekpekade.

15 Ndien edikem ete ami nkot mmɔ; ndien ami nko ndɔhɔ mmɔ ke ɔkpɔsɔŋ uyo nte yak mmɔ etiene mi, enyuŋ edia mfri oro, emi eke ɔfɔnde akan kpukpru mme mfri eken.

16 Ndien edikem ete mmɔ ema edi etiene mi enyuŋ edia mfri oro nko.

17 Ndien edikem ete ami mma nyene udɔŋ nte Laman ye Lemuel edi enyuŋ edia mfri oro nko; ke ntre, ami mmenere enyin mi nse ibuot akpa oro, nte me ami nyekut mmɔ.

18 Ndien edikem ete ami nkut mmɔ, edi mmɔ imaha nditiene mi nyuŋ ndia mfri oro.

19 Ndien ami nkut esaŋ ukwak, ndien enye ɔniɔŋ etiene mben akpa oro, ndien ada aka eto oro emi ami ŋkedade mkpere.

20 Ndien ami nko nkut nnen nnen ye mfafaha usuŋ, emi eke odude ke mben esaŋ ukwak oro, tutu esim eto oro emi ami ŋkedade mkpere; ndien enye nko ada aka ibuot akpa oro, ada aka akamba ye aŋwa emi okponde, nte enye eke edi ererimbot.

21 Ndien ami nkut anana ibat udim owo, ediwak mmɔ eke esik edi iso iso, man mmɔ enyene usuŋ oro emi akadade aka eto oro emi ami nke adade mkpere.

22 Ndien edikem ete mmɔ edi iso iso, ndien etɔŋɔ ke usuŋ emi eke adade aka eto oro.

23 Ndien edikem ete ke ata obubit ekim edi; iŋ, kpa ata akamba obubit ekim, tutu mmɔ oro emi eketɔŋɔde ke usuŋ ema esop ke usuŋ mmɔ, tutu mmɔ eyo ewɔrɔ ndien esop.

24 Ndien edikem ete ami nkut nte mbon efen esikde edi iso iso, ndien mmɔ edi enyuŋ emum mben esaŋ ukwak oro; ndien mmɔ esik edi iso iso ebe ke ata obubit ekim oro, esuk emum esaŋ ukwak oro, tutu mmɔ edisim enyuŋ edia mfri eto oro.

25 Ndien ke ini mmɔ ema eke edia mfri eto oro mmɔ emenere enyin mmɔ ese ekanare nte mmɔ ekop but.

26 Ndien ami nko mmenere enyin mi nse nkanare, ndien nkut, ke mben akpa mmɔŋ ke nkaŋ oko, akamba ye ufɔk emi okponde; ndien enye ada nte enye odu ke ofum, okoŋ akan isɔŋ.

27 Ndien enye ɔyɔhɔ ye mme owo, mbiba akamba ye ekpri, mbiba ayara ye uman; ndien utɔ ɔfɔŋ mmɔ eye ata eti eti; ndien mmɔ edu ke edu nsahi ndien enyan mbon oro ekedide enyuŋ ediade mfri oro mme nnuenubɔk mmɔ.

28 Ndien ke ini mmɔ ema eke etabi mfri oro but anam mmɔ, ke ntak mbon oro emi eke esakde mmɔ; ndien mmɔ eduɔ ewɔrɔ eduk mme usuŋ emi eke ekpande ndien esop.

29 Ndien idaha emi ami, Nephi, ntiŋke kpukpru mme ikɔ ete mi.

30 Edi, ke ndidi ibio ibio ke ndiwet, sese, enye okut mme otu efen nte esikde edi iso iso; ndien mmɔ edi enyuŋ emum utit esaŋ ukwak; ndien mmɔ ema esik usuŋ mmɔ edi iso iso, eka iso emum esaŋ ukwak ekama ɔsɔŋ, tutu mmɔ edi enyuŋ eduɔ ke isɔŋ enyuŋ edia mfri eto oro.

31 Ndien enye ŋko okut mme otu efen efiɔŋɔde usuŋ mmɔ eka akamba ye ufɔk oro emi okponde.

32 Ndien edikem ete ke ediwak ema esip ke mme usuŋ akpa oro; ndien ediwak esop ke enyin esie, eyo ke mme esen usuŋ.

33 Ndien akamba eke edi otu emi emi eke edukde esen esen ufɔk oro. Ndien ke ini mmɔ ema eke eduk ke ufɔk oro mmɔ enyan mi nnuenubɔk nsahi ye mbon oro emi eke ediade mfri oro nko; edi nnyin ikisehe mmɔ.

34 Emi edi mme ikɔ ete mi: Koro ediwak emi eke esede mmɔ, eduɔ ewɔrɔ.

35 Ndien Laman ye Lemuel ikidiaha mfri oro, ete mi ɔdɔhɔ.

36 Ndien edikem ke ini ete mi ama eke etiŋ kpukpru mme ikɔ ndap esie mme nkukut, emi eke ewakde, enye ɔdɔhɔ nnyin ete, ke ntak mme ŋkpɔ emi emi enye okokutde ke nkukut, enye ama efehe ndik ata eti eti abaŋa Laban ye Lemuel; iŋ, enye efehe ndik mbak edibin mmɔ esio ke iso Jehovah.

37 Ndien enye ama eteme mmɔ idaha oro ye kpukpru udɔŋ eke mmem mmem ete ye eka, man mmɔ ekpaŋ utɔŋ enɔ mme ikɔ esie, ete mme Jehovah eye enyene mbɔm abaŋa mmɔ, ndien ibinke mmɔ isio; iŋ, ete mi ama ɔkwɔrɔ ikɔ ɔnɔ mmɔ.

38 Ndien ke ini enye ama eke ɔkwɔrɔ ikɔ ɔnɔ mmɔ, ndien nko etiŋ nte prophet ɔnɔ mmɔ abaŋa ediwak ŋkpɔ, enye ɔdɔhɔ mmɔ ete yak enim ibet Jehovah; ndien enye ama etre nditiŋ ikɔ nnɔ mmɔ.