1 Nephi

Pāpa’ira’a mo’a

Buka a Moromona

Mau mea i roto
Te ’ōmuara’a ’e te mau ’ite
1 Nephi
2 Nephi
Iakoba
Enosa
Iaroma
Omoni
Mau Parau a Moromona
Mosia
Alama
Helamana
3 Nephi
4 Nephi
Moromona
Etera
Moroni

1 Nephi

Pene 1
’Ua ha’amata Nephi i te pāpa’a parau o tōna mau ta’ata—’Ua ’ite ’o Lehi i roto i te hō’ē ’ōrama i te hō’ē pou auahi ’e ’ua tai’o ’oia mai roto mai i te hō’ē buka nō te tohu—’Ua ’ārue ’oia i te Atua, ’ua fa’a’ite ātea ’oia i te taera’a mai o te Mesia, ’e ’ua tohu ’oia nō ni’a i te ha’amoura’a o Ierusalema—’Ua hāmani-’ino-hia ’oia e te mau ’āti Iuda. Fātata 600 H.M.
Pene 2
’Ua ’āfa’i atu Lehi i tōna ’utuāfare i roto i te mēdēbara, tāpiri i te miti ’Ute’ute—’Ua vaiiho rātou i tā rātou faufa’a—’Ua pūpū Lehi i te hō’ē tusia i te Fatu ’e ’ua ha’api’i i tāna mau tamari’i tamāroa ’ia ha’apa’o i te mau fa’auera’a—’Ua amuamu Lamana ’e Lemuela i tō rāua metua tāne—’Ua ha’apa’o maita’i Nephi ’e ’ua pure ’oia ma te fa’aro’o ; ’ua paraparau mai te Fatu iāna, ’e ’ua mā’itihia ’oia nō te fa’atere i tōna mau tua’ana. Fātata 600 H.M.
Pene 3
’Ua ho’i atu te mau tamari’i tamāroa a Lehi i Ierusalema nō te rave mai i te mau ’api veo—’Aita Labana i hina’aro ’ia hōro’a mai i te mau pāpa’a parau—’Ua a’o atu ’e ’ua fa’aitoito atu Nephi i tōna mau tua’ana—’Ua haru Labana i tā rātou faufa’a ’e ’ua tāmata ’ia taparahi ia rātou—’Ua tūpa’i Lamana rāua Lemuela ia Nephi ’e Samu ’e ’ua a’ohia rāua e te hō’ē melahi. Fātata 600–592 H.M.
Pene 4
’Ua taparahi Nephi ia Labana nā roto i te fa’auera’a a te Fatu, ’e ’ua rave mai ’oia i te mau ’api veo nā roto i te rāmā—’Ua mā’iti Zorama ’ia pe’e atu i te ’utuāfare o Lehi i roto i te mēdēbara. Fātata 600–592 H.M.
Pene 5
’Ua amuamu Saria ia Lehi—’Ua ’oa’oa rāua i te ho’ira’a mai tā rāua mau tamari’i tamāroa—’Ua pūpū atu rāua i te mau tusia—Tei roto i te mau ’api veo te mau pāpa’ira’a a Mose ’e tā te mau peropheta—Tē fa’a’ite ra teie mau ’api e hua’ai ’o Lehi nō Iosepha—’Ua tohu Lehi nō ni’a i tōna hua’ai ’e te fa’ahereherera’ahia o te mau ’api. Fātata 600–592 H.M.
Pene 6
’Ua pāpa’i Nephi i te mau mea nō ’ō mai i te Atua—Te ’ōpuara’a a Nephi nō te tītau i te mau ta’ata ’ia haere mai i te Atua o Aberahama ’e ’ia fa’aorahia rātou. Fātata 600–592 H.M.
Pene 7
’Ua ho’i atu te mau tamari’i tamāroa a Lehi i Ierusalema ’e ’ua ani atu ia Isema’ela ’e tōna ’utuāfare ’ia pe’e mai ia rātou i roto i tō rātou tere—’Ua mārō noa ’o Lamana ’e te tahi atu mau ta’ata—’Ua a’o atu Nephi i tōna mau tua’ana ’ia ti’aturi noa i te Fatu—’Ua ru’uru’u rāua iāna i te taura ’e ’ua ’ōpua ’ia ha’amou roa iāna—’Ua fa’aorahia ’oia nā roto i te mana o te fa’aro’o—’Ua ani mai tōna nā tua’ana iāna ’ia fa’a’ore i tā rāua hara—’Ua pūpū atu Lehi ’e tōna pupu ta’ata i te tusia ’e te mau tusia tāauahi. Fātata 600–592 H.M.
Pene 8
’Ua ’ite atu Lehi i te hō’ē ’ōrama nō ni’a i te tumu rā’au nō te ora—’Ua ’amu ’oia i te hotu nō te reira ’e ’ua hina’aro ho’i ’oia i tōna ’utuāfare ’ia nā reira ato’a—’Ua ’ite atu ’oia i te hō’ē ’āuri tāpe’ara’a, i te hō’ē ’ē’a apiapi ’e te piriha’o, ’e te māhu pōiri ’o tei tāpo’i i te ta’ata—’Ua ’amu Saria, Nephi, ’e Samu i te hotu, ’āre’a rā ’ua pāto’i Lamana rāua Lemuela. Fātata 600–592 H.M.
Pene 9
’Ua hāmani ’o Nephi e piti pāpa’a parau—’Ua parauhia te reira te mau ’api a Nephi—Tei roto i te mau ’api rahi te ’ā’amu nō ni’a i te orara’a pae tino ; ’e tei roto i te mau ’api iti te mau mea mo’a. Fātata 600–592 H.M.
Pene 10
’Ua tohu Lehi e ’āfa’i-tītī-hia te mau ’āti Iuda e tō Babulonia—’Ua fa’a’ite ’oia nō te haerera’a mai o te Mesia, te Fa’aora, ’e te Tāra’ehara, i rotopū i te mau ’āti Iuda—’Ua fa’a’ite ato’a Lehi nō te haerera’a mai o te hō’ē ta’ata nō te bāpetizo i te ’Ārenio a te Atua—’Ua fa’a’ite Lehi nō ni’a i te pohera’a ’e te ti’afa’ahoura’a o te Mesia—’Ua fa’aau ’oia i te ha’apurarara’a ’e te ha’aputuputura’a o ’Īserā’ela i te hō’ē tumu ’ōlive—’Ua parau Nephi nō ni’a i te Tamaiti a te Atua, i te hōro’a nō te Vārua Maita’i, ’e i te tītaura’a nō te parauti’a. Fātata 600–592 H.M.
Pene 11
’Ua ’ite Nephi i te Vārua o te Fatu ’e ’ua fa’a’itehia ’oia i roto i te hō’ē ’ōrama i te tumu rā’au nō te ora—’Ua ’ite ’oia i te metua vahine o te Tamaiti a te Atua ’e ’ua ha’api’i ’oia i te aroha rahi o te Atua—’Ua ’ite ’oia i te bāpetizora’a, te tāvinira’a, ’e te fa’asātaurora’a o te ’Ārenio a te Atua—’Ua ’ite ato’a ’oia i te pi’ira’a ’e te ’ohipa mo’a a te Tino ’’Ahuru Ma Piti ’āpōsetolo a te ’Ārenio. Fātata 600–592 H.M.
Pene 12
’Ua ’ite Nephi nā roto i te hō’ē ’ōrama i te fenua i fafauhia ra ; te parauti’a, te mau ’ohipa ’ī’ino, ’e te ha’amoura’a o tōna ra mau ta’ata ; te haerera’a mai o te ’Ārenio a te Atua i rotopū ia rātou ; nāhea te Tino ’Ahuru ’e Ma Piti pipi ’e te Tino ’Ahuru ’e Ma Piti ’āpōsetolo ’ia ha’avā ia ’Īserā’ela ; ’e te huru hā’iri’iri ’e te vi’ivi’i o te feiā i paruparu te fa’aro’o. Fātata 600–592 H.M.
Pene 13
’Ua ’ite Nephi nā roto i te hō’ē ’ōrama i te ’ēkālesia a te diabolo i fa’ati’ahia i rotopū i te mau ’Ētene, te ’itera’ahia ’e te fa’aeara’ahia te fenua Amerika, te mo’era’a te mau tufa’a pāpū ’e te faufa’a rahi nō te Bibilia, te hope’a nō te tāivara’a o te mau ’Ētene, te fa’aho’ira’ahia mai te ’evanelia, te taera’a mai te pāpa’ira’a mo’a nō te ’anotau hope’a nei, ’e te fa’ati’ara’ahia ’o Ziona. Fātata 600–592 H.M.
Pene 14
’Ua fa’a’ite te hō’ē melahi ia Nephi i te mau ha’amaita’ira’a ’e te mau ’anatemara’a e tae mai i ni’a iho i te mau ’Ētene—Tē vai nei e piti ana’e iho ’ēkālesia : te ’Ēkālesia a te ’Ārenio a te Atua ’e te ’ēkālesia a te diabolo—E hāmani-’ino-hia te feiā mo’a o te Atua i roto i te mau nūna’a ato’a e te ’ēkālesia rahi ’e te vi’ivi’i ra—E pāpa’i te ’āpōsetolo Ioane nō ni’a i te hope’a o te ao nei. Fātata 600–592 H.M.
Pene 15
E fāri’i te hua’ai o Lehi i te ’evanelia i te mau mahana hope’a nā roto mai i te mau ’Ētene—’Ua fa’aauhia te ha’aputuputura’a o ’Īserā’ela i te hō’ē tumu rā’au ’ōlive ’o tei poihia tōna mau ’āma’a mau—’Ua tātara Nephi i te aura’a nō te ’ōrama nō te tumu rā’au nō te ora ’e ’ua paraparau ’oia nō ni’a i te parauti’a a te Atua i te fa’ata’a-’ē-ra’a i te feiā parauti’a ’ore ’e te feiā parauti’a. Fātata 600–592 H.M.
Pene 16
’Ua fa’ariro te feiā parauti’a ’ore i te parau mau ’ei mea fifi—’Ua fa’aipoipo te mau tamari’i tamāroa a Lehi i te mau tamari’i tamāhine a Isema’ela—’Ua arata’i te Liahona i tō rātou tere nā roto i te mēdēbara—’Ua pāpa’ihia te mau parau poro’i a te Fatu i ni’a iho i te Liahona i terā taime ’e terā taime—’Ua pohe Isema’ela ; ’ua amuamu tōna ’utuāfare nō te mau ’ati tā rātou i fāri’i. Fātata 600–592 H.M.
Pene 17
’Ua fa’auehia ’o Nephi ’ia hāmani i te hō’ē pahī—’Ua pāto’i atu tōna nā tua’ana iāna—’Ua a’o atu ’oia ia rāua nā roto i te fa’a’itera’a atu i te ’ā’amu nō te ’ohipa tā te Atua i rave i tō ’Īserā’ela—’ua ’ī Nephi i te mana o te Atua—’Ua ’ōpanihia tōna nā tua’ana ’ia tūpa’i noa atu iāna, ’o te ’ōriorio rāua mai te ’ā’eho e ’ōriorio. Fātata 592–591 H.M.
Pene 18
’Ua oti te pahī—’Ua fa’a’itehia te fānaura’a o Iakoba ’e Iosepha—’Ua tere teie pupu ta’ata i te fenua i fafauhia ra—’Ua ’āmui tāhō’ē te mau tamari’i tamāroa a Isema’ela ’e tā rātou mau vahine nō te fa’atupu i te ’ārearea ’e te ’ōrurehau—’Ua ru’uru’uhia ’o Nephi, ’e ’ua tūra’i-noa-hia te pahī i muri nā roto i te hō’ē vero rahi—’Ua tātarahia te taura i ni’a i tō Nephi rima, ’e nā roto i tāna pure ’ua fa’a’orehia te vero ri’ari’a—’Ua tāpae te mau ta’ata i te fenua i fafauhia ra. Fātata 591–589 H.M.
Pene 19
’Ua hāmani Nephi i te mau ’api i te ’ōfa’i metalo ’e ’ua pāpa’i i te ’ā’amu o tōna mau ta’ata—E tae mai te Atua nō ’Īserā’ela e ono hānere matahiti i muri mai i te taime Lehi i fa’aru’e ai i Ierusalema—Tē fa’a’ite ra Nephi nō ni’a i tōna mamae rahi ’e te fa’asātaurora’a—E vahavahahia te mau ’āti Iuda ’e e ha’apurarahia rātou ē tae noa atu i te mau mahana hope’a, ’ia ho’i mai rātou i te Fatu. Fātata 588–570 H.M.
Pene 20
’Ua heheu mai te Fatu i tāna mau ’ōpuara’a i tō ’Īserā’ela—’Ua tāmāhia ’Īserā’ela i roto i te umu nō te ’ati ’e ’ua tītauhia rātou ’ia haere ’ē atu mai roto mai i Babulonia—’A fa’aau i te Isaia 48. Fātata 588–570 H.M.
Pene 21
’O te Mesia te māramarama nō te mau ’Ētene ’e e fa’aora ’oia i te feiā mau ’āuri—E ha’aputuputuhia tō ’Īserā’ela ma te mana i te mau mahana hope’a—E riro te mau ari’i ’ei mau metua tāne fa’a’amu nō rātou—’A fa’aau i te Isaia 49. Fātata 588–570 H.M.
Pene 22
E ha’apurarahia ’Īserā’ela nā roto i te ao ato’a nei—E utuutu ’e e fa’a’amu te mau ’Ētene i tō ’Īserā’ela i te ’evanelia i te mau mahana hope’a—E ha’aputuputuhia ’e e fa’aorahia ’Īserā’ela, ’e e ’ama te feiā parauti’a ’ore mai te ’aihere—e ha’amouhia te bāsileia o te diabolo, ’e e ru’uru’uhia Sātane. Fātata 588–570 H.M.