1 Ug niana nga adlaw magaingon kamo: O Ginoo, ako magadayeg kanimo; bisan og ikaw nasuko kanako ang imong kasuko nahunong na, ug gihupay mo ako.

2 Tan-awa, ang Dios mao ang akong kaluwasan; ako mosalig, ug dili mahadlok; kay ang Ginoong si Jehova mao ang akong kusog ug akong awit; siya usab nahimo nga akong kaluwasan.

3 Busa, uban sa kalipay ikaw magatimba og tubig gikan sa mga atabay sa kaluwasan.

4 Ug niana nga adlaw moingon ikaw: Dayega ang Ginoo, tawaga ang iyang ngalan, ipahayag ang iyang mga gipanghimo ngadto sa katawhan, ipahibalo nga ang iyang ngalan ginahimaya.

5 Mag-awit ngadto sa Ginoo; kay siya nakahimo og labihan ka maayong mga butang; nahibaloan kini sa tibuok yuta.

6 Ipalanog ug paninggit kamong nanagpuyo sa Zion; kay talagsaon ang Balaan sa Israel nga anaa sa inyong taliwala.