1 En in dié dag sal jy sê: O Here, ek sal U loof; alhoewel U toornig was op my, is u toorn afgewend, en U vertroos my.

2 Kyk, God is my heil; ek sal vertrou, en nie bevrees wees nie; want die Here Jehova is my krag en my lied; Hy het ook my heil geword.

3 Daarom, met vreugde sal julle water skep uit die fonteine van heil.

4 En in daardie dag sal julle sê: Loof die Here, roep sy Naam aan, verklaar sy dade onder die volke, vermeld dat sy Naam verhewe is.

5 Sing tot die Here; want Hy het uitstekende dinge gedoen; dit is bekend op die hele aarde.

6 Juig en jubel, julle inwoners van Sion; want groot is die Heilige Een van Israel in julle midde.