Alma

Maandiko Matakatifu

Kitabu cha Mormoni

Yaliyomo
Utangulizi na Mashahidi
1 Nefi
2 Nefi
Yakobo (KM)
Enoshi
Yaromu
Omni
Maneno ya Mormoni
Mosia
Alma
Helamani
3 Nefi
4 Nefi
Mormoni
Etheri
Moroni

Alma

Mlango wa 1
Nehori anafundisha mafundisho ya uwongo, anaanzisha kanisa, anaanzisha ukuhani wa uongo, na anamuua Gideoni—Nehori anauawa kwa sababu ya hatia zake—Ukuhani wa uongo na mateso yanaenea miongoni mwa watu—Makuhani wanajilisha, watu wanawajalia wale walio masikini, na Kanisa linafanikiwa. Karibia mwaka 91–88 K.K.
Mlango wa 2
Amlisi anataka kuwa mfalme na anakataliwa na kura ya watu—Wafuasi wake wanamtawaza kuwa mfalme—Waamlisi wanapigana na Wanefi na kushindwa—Walamani na Waamlisi wanaungana na kushindwa—Alma anamuua Amlisi. Karibia mwaka 87 K.K.
Mlango wa 3
Waamlisi walikuwa wamejiweka alama kulingana na neno la unabii—Walamani walikuwa wamelaaniwa kwa sababu ya kuasi kwao—Wanadamu hujiletea laana wenyewe—Wanefi wanashinda kikosi kingine cha Walamani. Karibia mwaka 87–86 K.K.
Mlango wa 4
Alma anabatiza maelfu ya waumini—Uovu unaingia kanisani, na maendeleo ya Kanisa yanacheleweshwa—Nefiha anachaguliwa kuwa mwamuzi mkuu—Alma, kama kuhani mkuu, anajitolea kwa huduma. Karibia mwaka 86–83 K.K.
Mlango wa 5
Kupata wokovu, lazima wanadamu watubu na kushika amri, wazaliwe tena, waoshe mavazi yao kwa damu ya Kristo, wawe wanyeyekevu na wajivue kiburi na wivu, na watende vitendo vya haki—Mchungaji Mwema huwaita watu Wake—Wale ambao wanafanya vitendo viovu ni watoto wa ibilisi—Alma anashuhudia kuhusu ukweli wa mafundisho yake na kuwaamuru watu kutubu—Majina ya wale wenye haki yataandikwa katika kitabu cha uzima. Karibia mwaka 83 K.K.
Mlango wa 6
Kanisa katika Zarahemla linatakaswa na kupangwa—Alma anaenda Gideoni ili ahubiri. Karibia mwaka 83 K.K.
Mlango wa 7
Kristo atazaliwa na Mariamu—Atafungua kamba za mauti na kubeba dhambi za watu Wake—Wale ambao wanatubu, wanabatizwa, na kushika amri watakuwa na uzima wa milele—Uchafu hauwezi kurithi ufalme wa Mungu—Unyenyekevu, imani, tumaini, na hisani vinahitajika. Karibia mwaka 83 K.K.
Mlango wa 8
Alma anahubiri na kubatiza katika Meleki—Anakataliwa katika Amoniha na kuondoka—Malaika anamwamuru arudi na kuhubiria watu toba—Anapokelewa na Amuleki, na wao wawili wanahubiri katika Amoniha. Karibia mwaka 82 K.K.
Mlango wa 9
Alma anawaamuru watu wa Amoniha watubu—Bwana atawarehemu Walamani katika siku za mwisho—Wanefi wakiacha nuru, wataangamizwa na Walamani—Mwana wa Mungu atakuja hivi karibuni—Atawakomboa wale ambao watatubu, kubatizwa, na kuwa na imani katika jina Lake. Karibia mwaka 82 K.K.
Mlango wa 10
Lehi ni wa uzao wa Manase—Amuleki anaelezea jinsi malaika alivyomwamuru kwamba amhudumie Alma—Sala za watu wenye haki zinawaokoa watu—Mawakili na Waamuzi wasio wenye haki wanaanza kupanga maangamizo ya watu. Karibia mwaka 82 K.K.
Mlango wa 11
Wanefi wanatekeleza utaratibu wa fedha zao—Amuleki anabishana na Zeezromu—Kristo hataokoa watu katika dhambi zao—Wale tu ambao wanarithi ufalme wa mbinguni ndiyo wanaookolewa—Wanadamu wote watafufuka katika miili isiyokufana mwisho—Hakuna kifo baada ya Ufufuo. Karibia mwaka 82 K.K.
Mlango wa 12
Alma anaongea na Zeezromu—Siri za Mungu zinaweza kutolewa tu kwa wale ambao ni waaminifu—Wanadamu watahukumiwa kulingana na mawazo yao, imani, maneno, na vitendo—Waovu watateseka kwa kifo cha kiroho—Maisha haya katika mwili wenye kufa ni hali ya majaribio—Mpango wa ukombozi huleta Ufufuo na, kwa kupitia imani, ondoleo la dhambi—Wale wanaotubu wana haki ya kupokea msamaha kupitia Mwana wa Pekee. Karibia mwaka 82 K.K.
Mlango wa 13
Wanaume wanaitwa kama makuhani wakuu kwa sababu ya imani yao kuu na matendo mema—Watapaswa kufundisha amri—Kupitia haki wanatakaswa na kuingia katika pumziko la Bwana—Melkizedeki alikuwa mmoja wa hawa—Malaika wanatangaza habari njema kote nchini—Watatangaza ujio halisi wa Kristo. Karibia mwaka 82 K.K.
Mlango wa 14
Alma na Amuleki wanafungwa na kupigwa—Waumini na maandiko yao matakatifu wanachomwa kwa moto—Bwana anawapokea mashahidi hawa kwa utukufu—Kuta za gereza zinapasuka na kuanguka—Alma na Amuleki wanakombolewa, na wadhalimu wao kuuawa. Karibia mwaka 82–81 K.K.
Mlango wa 15
Alma na Amuleki wanaenda Sidomu na kuanzisha kanisa—Alma anamponya Zeezromu, ambaye anajiunga na Kanisa—Wengi wanabatizwa, na Kanisa linafanikiwa—Alma na Amuleki wanaenda Zarahemla. Karibia mwaka 81 K.K.
Mlango wa 16
Walamani wanawaangamiza watu wa Amoniha—Zoramu anawaongoza Wanefi kuwashinda Walamani—Alma na Amuleki na wengine wengi wanahubiri neno—Wanafundisha kwamba baada ya Ufufuko Wake Kristo atawatokea Wanefi. Karibia mwaka 81–77 K.K.
Mlango wa 17
Wana wa Mosia wana roho ya unabii na ufunuo—Wanaenda njia zao mbalimbali na kuwahubiria Walamani neno—Amoni anaenda katika nchi ya Ishmaeli na kuwa mtumishi wa mfalme Lamoni—Amoni anaokoa mifugo ya mfalme na kuwauwa maadui wake katika maji ya Sebo. Aya ya 1 hadi ya 3, karibia mwaka 77 K.K.; aya ya 4, karibia mwaka 91–77 K.K.; na aya ya 5 hadi 39, karibia mwaka 91 K.K.
Mlango wa 18
Mfalme Lamoni anawaza kwamba Amoni ni Roho Mkuu—Amoni anamfundisha mfalme kuhusu Uumbaji, matendo ya Mungu kwa wanadamu, na kuhusu ukombozi unaokuja kwa njia ya Kristo—Lamoni anaamini na kuanguka chini kana kwamba amekufa. Karibia mwaka 90 K.K.
Mlango wa 19
Lamoni anapokea nuru ya uzima usio na mwisho na kumwona Mkombozi—Nyumba yake yote inaota ndoto, na wengi waona malaika—Amoni anahifadhiwa kiajabu—Anabatiza wengi na kuimarisha kanisa miongoni mwao. Karibia mwaka 90 K.K.
Mlango wa 20
Bwana anamtuma Amoni Midoni kuwakomboa kaka zake waliofungwa—Amoni na Lamoni wanakutana na baba ya Lamoni, ambaye ni mfalme katika nchi yote—Amoni anamshurutisha mfalme mzee awaachilie kaka zake. Karibia mwaka 90 K.K.
Mlango wa 21
Haruni anawafundisha Waamaleki juu ya Kristo na Upatanisho Wake—Haruni na ndugu zake wanafungwa Midoni—Baada ya kukombolewa kwa, wanafundisha katika masinagogi na kuwafanya wengi kuwa waongofu—Lamoni anatoa uhuru wa dini kwa watu wa nchi ya Ishmaeli. Karibia mwaka 90–77 K.K.
Mlango wa 22
Haruni anamfundisha baba ya Lamoni kuhusu Uumbaji na Anguko la Adamu, na mpango wa ukombozi kupitia Kristo—Mfalme na nyumba yake yote wanaongolewa—Mgawanyo wa ardhi kati ya Wanefi na Walamani unaelezwa. Karibia mwaka 90–77 K.K.
Mlango wa 23
Uhuru wa dini unatangazwa—Walamani kwenye nchi na miji saba waokoka—Wanajiita wenyewe Waanti-Nefi-Lehi na wanakuwa huru kutokana na laana—Waamaleki na Waamuloni wanakataa ukweli. Karibia mwaka 90–77 K.K.
Mlango wa 24
Walamani wanawashambulia watu wa Mungu—Waanti-Nefi-Lehi wanafurahi ndani ya Kristo na wanatembelewa na malaika—Wanaamua kuuawa kuliko kujikinga wenyewe—Walamani zaidi waokolewa. Karibia mwaka 90–77 K.K.
Mlango wa 25
Ujeuri wa Walamani unasambaa—Uzao wa makuhani wa Nuhu unaangamia vile nabii Abinadi alipobashiri—Walamani wengi wanageuka na kuungana na watu wa Anti-Nefi-Lehi—Wanaamini katika Kristo na kuhifadhi sheria ya Musa. Karibia mwaka 90–77 K.K.
Mlango wa 26
Amoni anashangilia katika Bwana—Waaminifu hupewa nguvu na Bwana na kupewa ufahamu—Kwa imani binadamu wangewaleta watu wengi kutubu—Mungu ana uwezo wote na anafahamu vitu vyote. Karibia mwaka 90–77 K.K.
Mlango wa 27
Bwana anamwamuru Amoni awaongoze watu wa Anti-Nefi-Lehi kwenye usalama—Wakati anakutana na Alma, shangwe ya Amoni inapunguza nguvu zake—Wanefi wanagawia wa Anti-Nefi-Lehi nchi ya Yershoni—Wanaitwa watu wa Amoni. Karibia mwaka 90–77 K.K.
Mlango wa 28
Walamani wanashindwa kwenye vita vya kutisha—Maelfu na maelfu wauawa—Waovu wanahukumiwa wawe katika hali ya masumbuko ya milele; wenye wema wanapokea furaha isiyo na mwisho. Karibia mwaka 77–76 K.K.
Mlango wa 29
Alma anatamani kuhubiri toba na juhudi ya malaika—Bwana anatoa walimu kwa mataifa yote—Alma anafurahia kazi ya Bwana na kwa kufaulu kwa Amoni na ndugu zake. Karibia mwaka 76 K.K.
Mlango wa 30
Korihori, mpinga Kristo, anamfanyia mzaha Kristo, Upatanisho, na roho ya unabii—Anafundisha kwamba hakuna Mungu, hakuna kuanguka kwa binadamu, hakuna adhabu kwa dhambi, na hakuna Kristo—Alma anashuhudia kwamba Kristo atakuja na vitu vyote vinashuhudia kuwa kuna Mungu—Korihori anadai ishara na anaangushwa na kusababishwa kuwa bubu—Ibilisi alikuwa amemtokea Korihori kama malaika na kumfundisha cha kusema—Korihori anakanyagwa chini na kufa. Karibia mwaka 76–74 K.K.
Mlango wa 31
Alma anaongoza ujumbe kurudisha Wazorami waliopotea—Wazoramu wanamkana Kristo, wanaamini kwa wazo la uwongo la uchaguzi, na wanaabudu kwa sala zalizopangwa—Wamisionari wanajazwa na Roho Mtakatifu—Mateso yao yanamezwa kwenye shangwe ya Kristo. Karibia mwaka 74 K.K.
Mlango wa 32
Alma anawafundisha walio masikini ambao mateso yao yamewanyenyekeza—Imani ni tumaini kwa lile ambalo halionekani ambalo ni kweli—Alma anatoa ushuhuda kwamba malaika huwahudumia wanaume, wanawake, na watoto—Alma analinganisha neno na mbegu—Lazima ipandwe na kulishwa—Ndipo inakua kuwa mti ambao kutoka kwake matunda ya uzima wa milele huvunwa. Karibia mwaka 74 K.K.
Mlango wa 33
Zeno alifundisha kwamba watu waombe na kuabudu mahali popote, na kwamba hukumu zimeondolewa kwa sababu ya Mwana—Zenoki alifundisha kwamba rehema inatolewa kwa sababu ya Mwana—Musa aliinua nyikani mfano wa Mwana wa Mungu. Karibia mwaka 74 K.K.
Mlango wa 34
Amuleki anashuhudia kwamba neno liko ndani ya Kristo ili kusababisha wokovu—Isipokuwa upatanisho ufanywe, binadamu wote lazima wapotee—Sheria yote ya Musa inaelekeza kwa dhabihu ya Mwana wa Mungu—Mpango wa milele wa ukombozi unatokana na imani na toba—Omba baraka kwa vitu vya maisha ya kimwili na vya kiroho—Haya maisha ni wakati wa binadamu kujitayarisha kukutana na Mungu—Tia bidii katika wokovu wenu kwa kumwogopa Mungu. Karibia mwaka 74 K.K.
Mlango wa 35
Kuhubiriwa kwa neno kunaangamiza hila za Wazoramu—Wanawafukuza waliobadilika, ambao baadaye wanaungana na watu wa Amoni katika Yershoni—Alma anahuzunika kwa sababu ya uovu wa watu. Karibia mwaka 74 K.K.
Mlango wa 36
Alma anashuhudia kwa Helamani uongofu wake baada ya kuona malaika—Alivumilia maumivu ya roho iliyolaaniwa; akamwomba Yesu, na ndipo akazaliwa katika Mungu—Shangwe tamu iliijaza roho yake—Aliona makundi ya malaika yakimsifu Mungu—Wengi waliobadilika wameonja na kuona vile amevyonja na kuona. Karibia mwaka 74 K.K.
Mlango wa 37
Mabamba ya shaba nyeupe na maandiko mengine yamehifadhiwa ili kuongoza nafsi kwenye wokovu—Wayaredi waliangamizwa kwa sababu ya uovu wao—Viapo vyao vya siri na maagano lazima yaondolewe mbali kutoka kwa watu—Shauriana na Bwana kwa matendo yako yote—Kama Liahona ilivyowaongoza Wanefi, kadhalika neno la Kristo huwaongoza watu kwenye uzima wa milele. Karibia mwaka 74 K.K.
Mlango wa 38
Shibloni aliteswa kwa ajili ya haki—Wokovu uko ndani ya Kristo, ambaye ni uzima na mwangaza wa ulimwengu—Jifunze kuzuia tamaa zenu. Karibia mwaka 74 K.K.
Mlango wa 39
Dhambi ya ngono ni machukizo—Dhambi za Koriantoni ziliwazuia Wazoramu kupokea neno—Ukombozi wa Kristo utaponya waumini ambao waliutangulia. Karibia mwaka 74 K.K.
Mlango wa 40
Kristo anasababisha kuwepo ufufuo wa binadamu wote—Wenye haki wakifa wataenda peponi na waovu nje gizani kungojea wakati wa ufufuo wao—Vitu vyote vitarudishwa kwa umbo lao jema na kamilifu kwenye Ufufuo. Karibia mwaka 74 K.K.
Mlango wa 41
Katika ufufuko wanadamu huamka katika hali ya furaha isiyo na mwisho au huzuni isiyo na mwisho—Uovu haujawahi kuwa furaha—Watu wa tamaa za kimwili hawana Mungu ulimwenguni—Kila mtu hupokea tena kwenye Ufufuko tabia na sifa alizozichuma wakati akiwa duniani. Karibia mwaka 74 K.K.
Mlango wa 42
Maisha ya duniani ni wakati wa majaribio kumwezesha mtu kutubu na kumtumikia Mungu—Anguko limeleta kifo cha kimwili na cha kiroho kwa binadamu wote—Ukombozi huja kupitia toba—Mungu Mwenyewe hulipia dhambi za ulimwengu—Rehema ni kwa wale ambao wanatubu—Wengine wote wako chini ya hukumu ya Mungu—Rehema huja kwa sababu ya Upatanisho—Ni wale tu wenye toba ya kweli wanaokolewa. Karibia mwaka 74 K.K.
Mlango wa 43
Alma na wanawe wanahubiri neno—Wazoramu na Wanefi wengine waasi wanakuwa Walamani—Walamani wanakabiliana na Wanefi katika vita—Moroni anawapa Wanefi silaha za kujilinda—Bwana anamwonyesha Alma mkakati wa Walamani—Wanefi wanalinda miji yao, uhuru, familia, na dini—Majeshi ya Moroni na Lehi yanawazingira Walamani. Karibia mwaka 74 K.K.
Mlango wa 44
Moroni anawaamuru Walamani wafanye agano la amani au waangamizwe—Zerahemna anakataa toleo, na vita vinaanza tena—Majeshi ya Moroni yanawashinda Walamani. Karibia mwaka 74–73 K.K.
Mlango wa 45
Helamani anaamini maneno ya Alma—Alma anatabiri kuangamizwa kwa Wanefi—Anabariki na kulaani nchi—Inaonekana Alma alichukuliwa juu na Roho, kama vile Musa—Mfarakano unatokea kanisani. Karibia mwaka 73 K.K.
Mlango wa 46
Amalikia anakula njama kuwa mfalme—Moroni anainua bendera ya uhuru—Anaunganisha watu kulinda dini yao—Waumini wa kweli wanaitwa Wakristo—Baki la Yusufu litahifadhiwa—Amalikia na wakaidi wanatorokea nchi ya Nefi—Wale ambao hawataunga kusudi la uhuru mkono wanauawa. Karibia mwaka 73–72 K.K.
Mlango wa 47
Amalikia anatumia udanganyifu, mauaji, na hila ili awe mfalme wa Walamani—Wanefi walioasi ni waovu zaidi na wakatili kuliko Walamani. Karibia mwaka 72 K.K.
Mlango wa 48
Amalikia anachochea Walamani dhidi ya Wanefi—Moroni anawatayarisha watu wake kulinda imani ya Wakristo—Anafurahia uungwana na uhuru na ni mtu mkuu wa Mungu. Karibia mwaka 72 K.K.
Mlango wa 49
Walamani walioshambulia wanashindwa kuchukua miji ya Amoniha na Nuhu zilizoimarishwa—Amalikia anamlaani Mungu na kuapa kunywa damu ya Moroni—Helamani na ndugu zake wanaendelea kuimarisha Kanisa. Karibia mwaka 72 K.K.
Mlango wa 50
Moroni anaimarisha nchi za Wanefi—Wanajenga miji mingi mipya—Vita na maangamizo yaliwaangukia Wanefi katika siku za uovu na machukizo—Moriantoni na makaidi wake wanashindwa na Teankumu—Nefiha anafariki, na mwana wake Pahorani anakalia kiti cha hukumu. Karibia mwaka 72–67 K.K.
Mlango wa 51
Watu wa mfalme wanatazamia kugeuza sheria na kumchagua mfalme—Pahorani na watu wa uhuru wanaungwa mkono kwa sauti ya watu—Moroni analazimisha watu wa mfalme kulinda nchi yao au wauawe—Amalikia na Walamani wanatega miji mingi iliyoimarishwa—Teankumu anarudisha nyuma mwingilio wa Walamani na kumuua Amalikia katika hema lake. Karibia mwaka 67–66 K.K.
Mlango wa 52
Amoroni anaingia mahali pa Amalikia kama mfalme wa Walamani—Moroni, Teankumu, na Lehi wanaongoza Wanefi katika vita vya kufaulu dhidi ya Walamani—Mji wa Muleki unachukuliwa, na Yakobo Mzorami anauawa. Karibia mwaka 66–64 K.K.
Mlango wa 53
Wafungwa wa Walamani watumiwa kuimarisha mji wa Neema—Mafarakano miongoni mwa Wanefi yanasaidia kufaulu kwa Walamani—Helamani anaamrisha wana elfu mbili wa watu wa Amoni. Karibia mwaka 64–63 K.K.
Mlango wa 54
Amoroni na Moroni wanashauriana kwa ajili ya kubadilisha wafungwa—Moroni anataka kwamba Walamani waondoke na waache mashambulizi yao ya mauaji—Amoroni anataka kwamba Wanefi waweke chini silaha zao na wawe chini ya Walamani. Karibia mwaka 63 K.K.
Mlango wa 55
Moroni anakataa kubadilisha wafungwa—Walinzi wa Walamani wanashawishiwa kulewa, na Wanefi wafungwa wanakuwa huru—Mji wa Gidi unakamatwa bila kumwaga damu. Karibia mwaka 63–62 K.K.
Mlango wa 56
Helamani anatuma barua kwa Moroni, akieleza yaliyotendeka vitani na Walamani—Antipo na Helamani wanapata ushindi mkuu juu ya Walamani—Vijana askari elfu mbili wa Helamani wanapigana na nguvu ya miujiza, na hakuna mmoja anayeuawa. Aya ya 1, karibia mwaka 62 K.K.; aya ya 2 hadi 19, karibia mwaka 66 K.K.; na aya ya 20 hadi 57, karibia mwaka 65–64 K.K.
Mlango wa 57
Helamani anasimulia kuchukuliwa kwa Antipara na kujisalimisha na baadaye ulinzi kwa Kumeni—Vijana wake wa Kiamoni wanapigana kwa ushujaa; wote wanajeruhiwa, lakini hakuna aliyeuawa—Gidi anasimulia kuuawa na kutoroka kwa Walamani wafungwa. Karibia mwaka 63 K.K.
Mlango wa 58
Helamani, Gidi, na Teomneri wanachukua mji wa Manti kwa hila—Walamani wanajiondoa—Wana wa watu wa Amoni wanahifadhiwa vile wanavyosimama imara kulinda uhuru wao na imani. Karibia mwaka 63–62 K.K.
Mlango wa 59
Moroni anamwuliza Pahorani ahifadhi majeshi ya Helamani—Walamani wanakamata mji wa Nefiha—Moroni anakasirikia serikali. Karibia mwaka 62 K.K.
Mlango wa 60
Moroni anamlalamikia Pahorani kuhusu serikali kutojali majeshi—Bwana anakubali wenye haki kuuawa—Wanefi lazima watumie nguvu zao na uwezo wao wote ili wajiokoe kutoka kwa maadui zao—Moroni anatishia kupigana na serikali majeshi yake yasipopelekewa msaada. Karibia mwaka 62 K.K.
Mlango wa 61
Pahorani anamwambia Moroni kuhusu maasi na uhalifu dhidi ya serikali—Watu wa mfalme wanachukua Zarahemla na wanafanya mapatanano na Walamani—Pahorani anauliza usaidizi wa kijeshi dhidi ya waasi. Karibia mwaka 62 K.K.
Mlango wa 62
Moroni anaenda kumsaidia Pahorani katika nchi ya Gideoni—Watu wa mfalme ambao wanakataa kulinda nchi yao wanauawa—Pahorani na Moroni wanatwaa tena mji wa Nefiha—Walamani wengi wanajiunga na watu wa Amoni—Teankumu anamuua Amoroni na kisha anauawa pia—Walamani wanakimbizwa kutoka nchini, na amani inaanzishwa—Helamani anarudia ukasisi na kulijenga Kanisa. Karibia mwaka 62–57 K.K.
Mlango wa 63
Shibloni na baadaye Helamani wanachukua maandishi matakatifu—Wanefi wengi wanasafiri kwenda katika nchi ya kaskazini—Hagothi anajenga merikebu, ambayo inaenda kwa bahari ya magharibi—Moroniha anashinda Walamani kwenye vita. Karibia mwaka 56–52 K.K.

Chapisha

Jumuisha vya msingi na viliyopigiwa mistari

Ingia ili kutumia

Jumuisha tanbihi